06/11/2026
Hoxe presentamos o mural colaborativo impulsado dende o noso proxecto . Unha preciosa obra de Fernando Yáñez no Pavillón do Restollal, na que participan persoas con esclerose múltiple e párkinson de ACEM, que é posible grazas á colaboración da Fundación “la Caixa” e ao apoio do Concello de Santiago
O mural denominado CORAXES é unha merecida homenaxe a tres campións do mundo composteláns de distintas xeracións e disciplinas. Parabéns a Alejandra Neira, Borja Iglesias e a Esther Pedrosa polos seus logros deste ano e por ser grandes referentes.
A obra recolle ademais a man da diversidade: Inspirada no xesto de Borja Iglesias de pintarse as uñas como mostra do seu compromiso
contra o racismo, a homofobia e a discriminación, unha gran man con cinco uñas pintadas. Cada unha leva un símbolo e un valor: igualdade, liberdade, compañeirismo, esforzo e respecto.
As persoas con esclerose múltiple e párkinson de
ACEM participan na creación do mural, converténdoo nun espazo de encontro, expresión e participación colectiva. Porque todas as persoas teñen algo que achegar na construción dunha sociedade máis inclusiva, diversa e respectuosa.
Grazas a María Rozas, tenente de alcaldesa e a Pilar Lueiro, concelleira de deportes polo apoio.
A Alejandra Neira, Esther Pedrosa e Borja Iglesias pola gran acollida. A Fernando Yáñez por facelo artisticamente posible. Grazas tamén aos medios por facerse eco da iniciativa.
