Coordinadora Galega de Ongd

11/10/2026

Este é un encontro con mulleres que traballan ou traballaron no mar e na terra. Labregas, gandeiras, mariscadoras, redeiras, viticulturas, sindicalistas, cooperativistas... pero tamén para mulleres doutros ámbitos, como a innovación social, a creatividade e a arte, o ensino ou o terceiro sector. Aquí tes o programa completo:
👉 https://galiciasolidaria.org/somos-ponte-celebra-un-encontro-entre-traballadoras-do-sector-primario-de-pontevedra-e-o-sur-global/

🌎 Mulleres galegas e mulleres do Sur Global como Antonia e Dilma (Honduras), Élida e Hadee (Guatemala) ou Haydée (Nicaragua): mulleres do mar e da terra e mulleres defensoras de dereitos que paga a pena coñecer e coas que aprender e inspirarse:

🗓️ 19 de outubro
⌚ 10:00-18:00, con posibilidade de asistencia parcial
📍 Salón de Plenos do Pazo Provincial (Pontevedra)
👉 De balde, con inscrición previa en https://forms.gle/zJ6wu7jtXMxgEWwdA

Ademais, nesta xornada de encontro organizada ao abeiro do programa Somos Ponte poderás:

👉Participar pola mañá na regueifa colectiva facilitada por Raquel Doallo aopaso
👉E, xa pola tarde, experimentar como dende a danza é posible elaborar un discurso crítico, en "Á beira, ou como (re)situar o corpo na orilla", baixo a dirección artística de Eva Comesaña e Alejandra Balboa

Podes vir a toda a xornada ou a parte dela, pero sempre con inscrición previa. Agardámoste! 😉

▫️ Antonia, Dilma, Haydée, Élida e Hadee participan en Somos Ponte grazas á colaboración de Mulleres Bravas, de Enxeñería sen Fronteiras e Amigas da Terra, e das compañeiras de Solidariedade Internacional de Galicia 💜
▫️ SomosPonte é un proxecto que desenvolvemos en colaboración coa Deputación Pontevedra

23/09/2026

"Os discursos que alimentan o enfrontamento social e o racismo estrutural son éticamente reprobables, profesionalmente irresponsables e socialmente perigosos".

Compartimos e facemos noso este comunicado das compañeiras de La Coordinadora de Organizaciones para el Desarrollo

Comunicado I El ataque a ONG humanitarias pone en peligro los valores democráticos

https://coordinadoraongd.org/2026/09/el-ataque-a-ong-humanitarias-pone-en-peligro-los-valores-democraticos/

13/09/2026

📢 A cuarta edición de Somos Ponte bota a andar na xornada "O mundo que queremos"!

👉 Un día de actividades para toda a familia arredor da cooperación, a solidariedade e os dereitos humanos organizado pola Rede Social Galicia Sur coa participación de diversas organizacións e proxectos, como Somos Ponte.

Haberá xogos, obradoiros, concertos e actividades en horario de mañá e tarde. Somos Ponte, por exemplo, convídate a un café... pero non só a un café, nin a un café calquera:

📅 Sábado 19 de setembro
⌚ 18:00
📍 Centro Comercial Vialia Estación de Vigo
👉 Convidámoste a un café de comercio xusto, a un xogo para coñecernos mellor e un sorteo ao remate do encontro... Só tes que vir, buscar o stand de Somos Ponte e quedar un anaquiño connosco! 😉

ℹ️ Somos Ponte é un programa de sensibilización que pon en valor a cooperación e os vínculos entre a provincia de Pontevedra e o Sur Global e que a Coordinadora Galega de ONGD desenvolve en colaboración coa Deputación de Pontevedra.

🤝 Deputación Pontevedra

11/09/2026

O vindeiro xoves 17 de setembro recibimos no Centro Sociocultural do Castiñeiriño á xornalista e escritora Teresa Aranguren 💜

👉 Que faremos neste encontro? Pois conversar e saber máis sobre a situación en Palestina cun pouco de perspectiva, grazas ao coñecemento que Teresa ten e que parte do tempo no que foi xornalista na zona. Desa experiencia xurdiron tamén varios libros. O máis recente, "Palestina, la existencia negada", do que tamén falaremos e que atoparás no propio encontro da man da Libraría de Mulleres Lila de Lilith 📚

Se queres vir, toma nota!
📅 Xoves 17 de setembro
⌚ 19:30
📍 CSC do Castiñeiriño "Agustín Bueno", na sala da exposición "Mulleres de Gaza"
ℹ️ Entrada libre ata completar a capacidade da sala

Este encontro con Teresa Aranguren forma parte da programación de Compostela máis Solidaria e, concretamente, das actividades que organizamos arredor da exposición Mulleres de Gaza, que podes visitar ata o día 24 no horario habitual do centro sociocultural.


🤝 Pazo de Raxoi UAMI Compostela

21/08/2026

✈️ O profesorador gañador da cuarta edición do Premio Galego de Educación para o Desenvolvemento e Cidadanía Global está en Guatemala, coñecendo de primeira man colectivos, comunidades e experiencias de cooperación ao desenvolvemento.

Xa tiveron ocasión de visitar Casa Kan e coñecer a filosofía e metodoloxías de Mujeres Mayas Kaqla e o labor da Asociación Mejorha en Jocotán. Grazas a todas pola fermosa acollida destes días! 💜

Aquí imos contando a súa experiencia, que irá medrando día a día...



Solidariedade Internacional de Galicia

O profesorado gañador da cuarta edición do Premio Galego de Educación para o Desenvolvemento e Cidadanía Global visita o país centroamericano para coñecer de primeira man colectivos, comunidades e experiencias de cooperación ao desenvolvemento apoiadas por ONGD galegas.

21/08/2026

Compostela máis Solidaria pecha a súa décima edición poñendo os seus ollos en Palestina coa exposición Mulleres de Gaza, de Nour e Anwar Abu Rayan: vinte acuarelas arredor das cales, ao longo do mes de setembro, desenvolveranse varias actividades.

👉 O mércores 2 de setembro pola tarde celebraremos un acto de benvida, organizado conxuntamente coa Asociación de Mulleres Recandea, a asociación cultural Amigos do Castiñeiriño e a asociación de veciños do Castiñeiriño.

👉 Ata o 24 de setembro podes achegarte no horario do centro a visitar esta exposición. Convidámoste a facelo e a asomarte ao día a día de Gaza, polas fiestras que Nour e Anwar pintaron para que ninguén esqueza.

Mulleres de Gaza chega a Santiago -e por primeira vez a Galicia- grazas á colaboración da ONGD Asamblea de Cooperación Por la Paz (ACPP) e á organización palestina The Psychosocial Counseling Center for Women-PSCCW, pero tamén grazas ao tecido asociativo do barrio do Castiñeiriño e o seu centro sociocultural CSC do Castiñeiriño "Agustín Bueno" 💜


🤝 Pazo de Raxoi UAMI Compostela
Centros Socioculturais Santiago de Compostela

19/08/2026

O 19 de agosto conmemórase o Día Internacional da Asistencia Humanitaria.

👉 Achegámonos da man de Asemblea de Cooperación pola Paz, Farmacéuticos Mundi (FARMAMUNDI) e Entreculturas a un labor máis necesario que nunca a través da súa experiencia en Venezuela, Gaza e Sudán do Sur: https://galiciasolidaria.org/sabes-de-que-falamos-cando-falamos-de-asistencia-humanitaria/

E percorremos nuns poucos datos a situación global:

▫️ No 2025 máis de 37.000 civís morreron en 20 conflitos armados documentados, que non son todos os que hai activos no mundo. Por tanto, a cifra de vítimas é maior.
▫️ Alomenos 6.266 nenos e nenas morreron en conflitos (un 34% máis que no 2024)
▫️ Entre 2023 e 2025, máis de 1000 persoas do ámbito humanitario foron asasinadas no desempeño do seu labor.
▫️ Neste 2026 só se recibiu o 24% do financiamento necesario para axuda humanitaria en todo o mundo
▫️ 252 millóns de persoas precisan asistencia humanitaria para sobrevivir. Só a están recibindo 143 millóns

Queres saber máis?
👉 https://galiciasolidaria.org/as-dificultades-que-afronta-unha-asistencia-humanitaria-mais-necesaria-que-nunca/

17/08/2026

✈️ Por fin chegou o día! Ben cedo, os/as docentes responsables dos proxectos gañadores da IV edición do Premio Galego de Educación para o Desenvolvemento e Cidadanía Global iniciaron a súa viaxe a Guatemala 😊

👉 Por diante teñen unha semana de intenso percorrido para coñecer de preto proxectos de cooperación, comunidades e propostas educativas e socioculturais do país.

👉 A expedición está formada por Verónica, profesora do CEIP Canosa-Rus de Coristanco, que, xunto ao colexio público Xesús San Luis Romero de Carballo desenvolveu o proxecto "Non sempre se nace onde se pace"; Dolores e Alberto, docentes do IES Plurilingüe de Valga e responsables do proxecto "Cultivando conciencias, colleitando futuros" e Irene e Javier, do equipo de Talentos Inclusivos do CITIC Centro de Investigación TIC - Universidade da Coruña.

Un grupo que completa como guía desta experiencia Laura, compañeira da ONGD Solidariedade Internacional de Galicia 💜

Ao longo destes días iremos compartindo o seu diario de viaxe! 😉

12/08/2026

Colombia rexistrou un forte tremor cuxas consecuencias fan que sexa prioritaria a atención a persoas e comunidades.

👉 En situación coma esta é importante lembrar que a resposta humanitaria debe ir acompañada dun compromiso de apoio a medio e longo prazo e que, nese proceso, a coordinación e a cooperación son esenciais:

https://galiciasolidaria.org/terremoto-en-colombia-a-resposta-inmediata-e-o-apoio-a-longo-prazo-seran-esenciais/

A nosa solidariedade hoxe está co pobo de Colombia e, de xeito especial, coa comunidade colombiana en Galicia.

27/07/2026

👉 A emerxencia continúa un mes despois dos terremotos en , que afronta un longo proceso de reconstrución.

Así nolo contan nas páxinas de El Correo Gallego algunhas das organizacións socias da Coordinadora Galega de ONGD que traballan no país: Entreculturas , Médicos do Mundo Galicia, Farmacéuticos Mundi (FARMAMUNDI) e Educo

ℹ️ Podes saber máis en https://galiciasolidaria.org/terremotos-en-venezuela-a-axuda-inmediata-e-o-apoio-a-longo-prazo-son-esenciais/

Las ONG gallegas también llegaron a Venezuela a ayudar