Federación Don Bosco Galicia

Inicio
España
Santiago de Compostela, Galicia
Federación Don Bosco Galicia

Cómo llegar Página web

Entidade prestadora de servizos á mocidade, dende 1993. Somos 500 voluntari@s e chegamos a 4.500 destinatari@s directos en 5 asociacións xuvenís galegas

31/10/2026

Bo Samaín! Que a luz das cabazas vos atope sempre xuntos e xuntas 🧡

30/10/2026

Seriades quen de pasar un aro sen soltar as mans? ⭕ Un xogo de cooperación da Caixa de Ferramentas: «Pasar o aro».

🎯 Obxectivo: cooperar como grupo e descubrir que só se chega ao final se ninguén se solta.
👥 Participantes: desde 6 anos, grupos de 6 a 12 persoas.
⏱️ Duración: uns 10 minutos.
🎒 Material: un aro (se non tedes, vale unha corda atada en círculo).

Como se xoga:
1️⃣ Poñémonos en fila, collidos e collidas das mans. A primeira persoa ten o aro.
2️⃣ O aro ten que pasar polo corpo de cada quen (cabeza, brazos, pernas) e seguir á persoa do lado.
3️⃣ Prohibido soltarse! Vale retorcerse, agacharse, dar pistas… e rir.
4️⃣ O xogo remata cando o aro chega ao final da fila.
5️⃣ Para pechar, en círculo: que vos axudou a pasalo? Quen precisou máis axuda e como lla destes?

💡 Variantes:
• En círculo: o aro dá a volta enteira ata volver a quen empezou.
• Contra o reloxo: cronometrade a primeira volta e intentade mellorar o tempo.
• Con dous aros que saen dos dous extremos e teñen que cruzarse polo medio.

Chegamos cando chegamos todos e todas 💛 Contádenos como vos foi no grupo 👇

29/10/2026

Cabazas, castañas e a Santa Compaña: o Samaín tamén se vive no grupo 🎃🌰

Neste especial da Caixa de Ferramentas tedes unha sesión completa de 90 minutos para o Samaín e o magosto, en cinco momentos: o conto do Samaín, o xogo da Santa Compaña, un obradoiro de calacas, o magosto e unha roda para falar dos medos do grupo.

Adaptádea ás idades e ao voso espazo, e coidade a seguridade: coitelos só para persoas adultas, velas de LED e preguntar sempre por alerxias 👀

Garda a publicación 🔖 e contádenos como celebrades o Samaín no voso grupo 👇

27/10/2026

O reto non o supera a persoa máis rápida nin a máis forte: o reto supérao o grupo ou non o supera ninguén 🤝

Nesta Caixa de Ferramentas tedes cinco xogos de cooperación para o voso grupo: pasar o aro, a alfombra máxica, o nó humano, globos ao aire e cadeiras cooperativas. Cada un coa idade, o tempo, o material, como se xoga e para que serve.

Ao rematar, deixade un momento para falar: quen precisou axuda e como lla demos? Aí é onde o xogo se converte en aprendizaxe 💛

Garda a publicación para a próxima sesión 🔖 e contádenos cal probaredes primeiro 👇

27/10/2026

Abertal xa ten o curso en marcha ⚓

O Centro Xuvenil Abertal () arrancou o curso en Vigo con xogos, bailes e moitas ganas de volver estar xuntos e xuntas.

En ADS, un equipo de obras con casco e chaleco reflectante apareceu polo centro para poñer a proba o grupo con retos dentro e fóra, no patio. E en Saltimbanquis e Andaina, os máis pequenos e as máis pequenas embarcaron cun pirata nunha aventura con cofre do tesouro e velas para decorar entre todos e todas.

Rapaces e rapazas que volven, caras novas e un equipo de animadores e animadoras que xa está a construír o curso con eles.

Seguimos percorrendo o inicio de curso nos centros xuvenís da Federación 💚

24/10/2026

Unha ludoteca nova, montada entre todos e todas 🧩

No Centro Don Bosco de Santiago () comezamos o curso escolar de novo co programa Tardes no Bosco. E este ano arrancamos participando: as rapazas e os rapaces achegaron as súas ideas para a nova ludoteca e despois montámola en equipo, andel a andel.

Seguimos co noso horto 🌱 e coas actividades de sempre, pero tamén chegan temas novos, como a ciencia divertida 🔬

Seguimos percorrendo o inicio de curso nos centros xuvenís da Federación 💚

23/10/2026

Que pasa cando tes que camiñar sen ver e fiarte de quen te guía? 🙈 Un xogo de confianza da Caixa de Ferramentas: «Guía cego».

🎯 Obxectivo: construír confianza nas parellas e aprender a coidar de quen depende de nós.
👥 Participantes: desde 8 anos, por parellas.
⏱️ Duración: uns 15 minutos.
🎒 Material: panos para tapar os ollos e uns conos (valen mochilas ou cadeiras).

Como se xoga:
1️⃣ Repartimos os conos polo espazo para facer un percorrido con obstáculos.
2️⃣ Facemos parellas: unha persoa tapa os ollos cun pano e a outra fai de guía.
3️⃣ A guía leva a súa parella coa voz («á esquerda», «agora recto», «para!») ou cun toque suave no ombreiro.
4️⃣ Quen guía, coida: vai a modo, avisa de cada obstáculo e, se alguén toca un cono, volven intentalo.
5️⃣ Ao chegar ao final, cambiamos os papeis.
6️⃣ Para pechar, xuntámonos en círculo: como te sentiches guiando? E camiñando sen ver?

💡 Variantes:
• Coa xente máis pequena, a guía pode levar a parella da man.
• Para máis reto, guiar só coa voz, sen tocar, ou só con palmadas.
• Varias parellas á vez no mesmo percorrido: hai que distinguir a voz propia entre todas.

Un cono no chan non é un fracaso: equivocarse tamén forma parte do xogo 💛 Contádenos como vos foi no grupo 👇

23/10/2026

💚Coñecendo Ateibo💜

Comeza a sección na que vos ensinaremos todo sobre Ateibo.

Hoxe coñeceredes como foron as nosas portas abertas.

22/10/2026

Un sofá no medio do patio e toda a familia de Amencer arredor 🛋️

A Asociación Xuvenil Amencer () abriu o curso en Ourense co Día da Familia: Saltimbanquis, Andaina, ADS e Ados xuntáronse coas familias para empezar xuntos.

Nestes dous fins de semana, os tres movementos arrancaron xa coas súas actividades dos sábados. E o grupo de animadores e animadoras dos venres comezou como mellor se fai: cunha reunión de programación… e unhas pizzas 🍕

Rapaces e rapazas que volven, familias que se achegan e caras novas que xa forman parte do grupo. Así empeza un curso no que ninguén sobra.

Seguimos percorrendo o inicio de curso nos centros xuvenís da Federación 💚

21/10/2026

Benvidos a Abeiro 🧡

O Centro Xuvenil Abeiro () xa abriu as portas do curso na Coruña. Unha casa de cartón chea de mans pintadas para recibir a todo o mundo, personaxes que presentaron o xogo, retos no patio e moitas caixas para construír entre todos e todas.

O primeiro día dun centro xuvenil ten algo especial: rapaces e rapazas que volven, outros que chegan por primeira vez e un equipo de animadores e animadoras con ganas de que cada un se sinta na casa.

Comeza un novo curso nos centros xuvenís da Federación. Seguiremos contando como arrancou en cada un 💚

Dirección

Rúa De Belvís, 2
Santiago De Compostela
15703

Página web

http://www.fedboscogal.org/

Notificaciones

Sea el primero en enterarse: le enviaremos un correo electrónico cuando Federación Don Bosco Galicia publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.