26/01/2026
Que hai detrás dos coidados que sosteñen a nosa vida? 🤔💜
A semana pasada estivemos no CPI de San Vicente, na Baña, para reflexionar co alumnado de 3º da ESO sobre a importancia de situar a vida e os coidados no centro do taboleiro social. 📍✨
A través do panel educativo Aldea dos Coidados, exploramos conceptos clave como a interdependencia e a ecodependencia, e afondamos na idea de que todas as persoas precisamos coidados ao longo de toda a vida. Foi un espazo para:
👉 Visibilizar o traballo doméstico e de coidados, tradicionalmente feminizado e moitas veces invisibilizado.
👉 Analizar a crise global dos coidados, comprendendo o papel fundamental que desempeñan as mulleres migrantes neste sistema.
👉 Repensar a nosa corresponsabilidade na organización do fogar e no coidado do territorio que habitamos. 🌿🤝
Queremos agradecer á rapazada da Baña a súa escoita activa, a implicación durante a sesión e a capacidade de recoñecer —con tanto cariño— o esforzo que realizan as súas familias para soster o día a día. Construír futuro é asumir que nos necesitamos mutuamente. 🌍💪
📢 O panel permanecerá exposto no centro ata o 27 de xaneiro.
