¿Cuál es el horario de apertura?

Lunes 09:00 - 19:00 Martes 09:00 - 19:00 Miércoles 09:00 - 19:00 Jueves 09:00 - 19:00 Viernes 09:00 - 19:00

Asemblea de Cooperación pola Paz

Inicio
España
Santiago de Compostela, Galicia
Asemblea de Cooperación pola Paz

Cómo llegar Página web Contactar con la organización

Somos unha ONGD sen ánimo de lucro, laica, independente e defensora dos valores democráticos desde unha opción de xustiza social e económica.

Este espazo reflicte os anhelos de transformación que nos moven en ACPP Galicia Asemblea de Cooperación Pola Paz é unha ONGD sen ánimo de lucro, laica, independente e defensora dos valores democráticos desde unha opción de xustiza social e económica. Desde o seu nacemento en 1991, aposta firmemente polo pacifismo, a tolerancia e o diálogo. Apoiamos á sociedade civil, democrática e progresista dos países en vías de desenvolvemento xerando organización local, fomentando a participación cidadá e a procura de alternativas para conseguir sociedades máis xustas e máis democráticas, onde os beneficios do desenvolvemento redistribúanse máis equitativamente, dando o protagonismo aos axentes locais. Na liña educativa, ACPP afronta a realización de traballos e estudos orientados ao apoio e desenvolvemento das actividades de educación pola paz e sensibilización. Fomentar a tolerancia, solidariedade e interculturalidad á vez que se combate o racismo e a xenofobia, son os nosos obxectivos para que a nosa sociedade tome unha posición activa na defensa dos Dereitos Humanos

03/11/2026

ⒷⓄⒶⓈ ⓃⓄⓋⒶⓈ! 💜

Vimos de coñecer a resolución favorable da convocatoria de proxectos de educación para o desenvolvemento e a cidadanía global da Xunta de Galicia para o programa Escolas sen Racismo, Escolas para a Paz e o Desenvolvemento (ESR-EpD). ACTÚA!

Con esta nova fase, damos continuidade ao itinerario "coñece, pensa, actúa", avanzando cara á participación e á acción transformadora. Queremos fortalecer a conciencia crítica e o compromiso social das comunidades educativas, universitarias e da sociedade civil galega, promovendo a cultura de paz e a loita contra o racismo e as discriminacións.

📚 A través de ACTÚA! impulsaremos o traballo coa Equipa ESR e as comunidades educativas, a formación e o acompañamento no ámbito universitario, os procesos de participación e acción colectiva pola paz, e a creación e difusión de recursos e ferramentas pedagóxicas.

🌱 Porque pasar da reflexión á acción tamén significa implicarnos, compartir aprendizaxes e construír colectivamente outras formas de relacionarnos e convivir.

E este camiño faise en rede, contando con persoas e organizacións que achegan os seus saberes, experiencias e formas de facer. Nesta etapa acompañaranos .atalaias , Ángela Fraga, , , entre outras aliadas e comunidades participantes.

✨ Comezamos unha nova etapa. Seguide atentas, que iremos compartindo as actividades e novidades do proxecto!

24/10/2026

A arte tamén constrúe paz. 🎭💜

A arte é moito máis ca unha forma de expresión: pode axudarnos a contar o que vivimos, preservar a memoria, achegarnos ás experiencias doutras persoas e crear espazos de encontro. Tamén nos permite imaxinar outras formas de convivir e transformar os espazos que habitamos.

O clown, a través do xogo, a expresión corporal e a creatividade, pode abrir novas vías para comunicarnos, explorar as emocións, cuestionar as nosas formas de relacionarnos e afrontar os conflitos desde a empatía e a noviolencia.

📸 Esta imaxe pertence a o curso de clown "corpo, territorio e paz" da man de realizado en 2024, no marco de edicións anteriores do Elas Deciden. Recuperámola porque conecta cunha idea que segue moi presente: os procesos de paz se constrúen creando, compartindo e atopándonos coas outras persoas.

🎭 Desde Elas Deciden: corpo, territorio e paz, seguimos explorando o potencial da arte e da cultura como ferramentas de transformación social.

✨ F**a atenta ás próximas actividades que iremos anunciando!

08/10/2026

📩 Xa está aquí o boletín de outubro de ACPP!

🇨🇴 Abrimos esta edición cunha noticia moi especial: o Congreso da República de Colombia recoñeceu a traxectoria de ACPP no país coa concesión de dous recoñecementos pola nosa labor na defensa dos dereitos humanos, a construción de paz e o acompañamento a comunidades afectadas pola violencia.
🏅 Orde do Congreso de Colombia, no grao de Comendador, concedida polo Senado.
🏅 Orde da Democracia Simón Bolívar, no grao de Cruz Comendador, concedida pola Cámara de Representantes.

🇵🇸 Achegámonos tamén ao novo informe de B’Tselem sobre o desmantelamento sistemático da vida colectiva palestina.

🇹🇳 Desde Tunisia, coñecemos unha nova entrega do proxecto TAGHYIR, arredor do espazo creado en Aïn Draham para impulsar a economía social e solidaria no noroeste do país.

🌍 Desde Guinea-Bissau e Senegal, achegamos dous artigos sobre o noso traballo coas mulleres, e desde Cantabria falamos de coidados, igualdade e participación das mulleres rurais en Campoo-Los Valles.

🚨 Incluímos tamén información sobre a campaña Emerxencia Colombia, coa que estamos apoiando a resposta xunto ás nosas organizacións socias tras o terremoto do pasado 10 de agosto. E pechamos cunha actualización sobre o fin da campaña Emerxencia Gaza, tras estes meses de apoio á resposta ante a situación no territorio.

📸 Na imaxe (de esquerda a dereita): Gerardo Vega, de Forjando Futuros (FFF); Gloria Cuadras, exalcaldesa de Apartadó; Miguel González Gullón, director da AECID en Colombia; Trini Blanch, representante de ACPP; Nora Saldarriaga, directora de Forjando Futuros (FFF); e o senador Ariel Ávila.

👉 Le o boletín completo e descubre todas as historias e proxectos desta edición!

06/10/2026

🌊 O pasado 26 de setembro estivemos en Canido na Feira 2026, un encontro arredor da economía social, o mar e as iniciativas que traballan por un futuro máis sostible e xusto.

Desde ACPP achegamos parte do traballo que desenvolvemos arredor do mar e das comunidades que viven del, especialmente a través do programa , que desenvolvemos en El Salvador xunto coa nosa organización socia CORDES. 🌊💙

E tamén presentamos Elas Deciden: mulleres do mar de El Salvador e Galicia tecendo redes, unha iniciativa que nace precisamente para conectar as experiencias das mulleres do mar de ambos os territorios, compartir aprendizaxes e poñer en valor os seus saberes, traballos e formas de organización. 🪢

Foi unha xornada para coñecer iniciativas, compartir aprendizaxes e seguir facendo alianzas.

Grazas a por organizar este espazo con tanto agarimo e por todos os coidados postos para facer posible o encontro. E grazas a todas as persoas e iniciativas que vos achegastes, conversastes con nós e contribuístes a facer rede.

🪢 De El Salvador a Galicia.
🌊 Das redes de pesca ás redes de mulleres.
🤝 E das redes ás alianzas que nos permiten seguir construíndo xuntas.

Esta actividade forma parte do proxecto "Elas Deciden" financiado pola

02/10/2026

𝟤 𝓭𝓮 𝓸𝓾𝓽𝓾𝓫𝓻𝓸 · 𝓓í𝓪 𝓘𝓷𝓽𝓮𝓻𝓷𝓪𝓬𝓲𝓸𝓷𝓪𝓵 𝓭𝓪 𝓝𝓸𝓷 𝓥𝓲𝓸𝓵𝓮𝓷𝓬𝓲𝓪

Hai días nos que a xente sae á rúa.

Para reclamar.
Para defender dereitos.
Para dicir que algo ten que cambiar.

📢 A non violencia tamén é iso: organizarse, participar, ocupar o espazo público e facer visible aquilo que non queremos normalizar.

🌍 Para a Ruta Pacífica de las Mujeres, movemento feminista e pacifista colombiano, a mobilización social é tamén unha forma de expresar o rexeitamento á guerra e construír paz: unha paz entendida como transformación moral, ética e cultural.

🤝🏽 Porque a cultura de paz non significa permanecer en silencio ante as inxustizas. Significa afrontar os conflitos sen reproducir a violencia, defender os dereitos e buscar formas colectivas de transformar a realidade.

📚 Desde a Educación para a Cidadanía Global, traballamos para que as persoas poidan coñecer, pensar e actuar sobre o mundo que habitan.

A paz non é quedar quietas.
A paz tamén se constrúe movéndonos.

30/09/2026

🏡 Polo dereito a unha vivenda digna. É necesario actuar xa!

Cada día que pasa, prodúcense desafiuzamentos, aumentan os prezos da vivenda e máis familias vense abocadas a situacións de exclusión residencial.

Desde ACPP reclamamos aos gobernos que adopten as medidas necesarias para garantir e protexer de xeito efectivo o dereito a unha vivenda digna, asegurando que todas as persoas poidan acceder a unha vivenda adecuada, segura e alcanzable.

Garantir o dereito á vivenda require respostas urxentes e políticas públicas que sitúen ás persoas e os seus dereitos no centro.

| A ilustración forma parte das accións contra os desaloxos da organización dominicana

25/09/2026

🌱🇨🇺 Unha nova folla de ruta para a sostibilidade na Habana

O Xardín Botánico da Habana “Quinta de Los Molinos” presentou o seu Plan Integral de Sostibilidade, unha folla de ruta que busca consolidar este espazo histórico como un referente en sustentabilidade, inclusión e economía circular.

♻️ O Plan recolle e articula diferentes iniciativas que xa se están desenvolvendo na Quinta, relacionadas coa accesibilidade, a inclusión sociolaboral, a educación ambiental, a economía circular e o coidado do patrimonio.

🌱 Como sinalou Alejandro Palmarola Bejerano durante a presentación, “a sustentabilidade non é un luxo, senón unha necesidade”. Unha idea que resume o propósito deste Plan: facer da Quinta de Los Molinos un espazo onde a sostibilidade, inclusión e patrimonio se encontran para construír futuro.

🤝🏽 Este Plan é tamén un dos resultados do proxecto de cooperación internacional “Consolidación dun modelo integral de xestión en materia de inclusión, emprendemento sostible e economía circular no Xardín Botánico Quinta de Los Molinos, A Habana”, que desenvolvemos xunto á nosa socia Oficina do Historiador da Cidade da Habana (OHCH), co financiamento do Fondo Galego de Cooperación e Solidariedade.

🌍 Desde ACPP seguimos apostando por alianzas que conectan persoas, territorios e capacidades para construír futuros máis xustos e sostibles.

📸 Na imaxe: Alejandro Palmarola Bejerano, presidente do Consello da Administración de La Quinta S.U.R.L., durante a presentación do Plan Integral de Sostibilidade, xunto ao público asistente ao acto.

23/09/2026

El Jardín Botánico de La Habana Quinta de los Molinos presentó este...

21/09/2026

𝟤𝟣 𝓭𝓮 𝓼𝓮𝓽𝓮𝓶𝓫𝓻𝓸 · 𝓓í𝓪 𝓘𝓷𝓽𝓮𝓻𝓷𝓪𝓬𝓲𝓸𝓷𝓪𝓵 𝓭𝓪 𝓟𝓪𝔃

🌍 O MUNDO EN DATOS

Pode haber paz sen igualdade?

📊 Segundo o Informe dos Obxectivos de Desenvolvemento Sostible 2026 de Nacións Unidas, entre 2019 e 2025 aprobáronse 99 reformas legais para eliminar leis discriminatorias e establecer marcos de igualdade de xénero.

🌱 A paz tamén se constrúe transformando as desigualdades, defendendo os dereitos das mulleres e garantindo a súa participación na toma de decisións.

🤝🏽 Desde o programa Elas Deciden: corpo, territorio e paz, promovemos o diálogo entre feminismos do Norte e do Sur Global, visibilizando as loitas das mulleres na construcción de paz e fortalecendo redes para a defensa dos dereitos.

Porque os corpos, os territorios e as comunidades tamén son espazos de resistencia e construción de paz.

💜Non hai paz sen xustiza, nin xustiza sen igualdade. A paz constrúese en común.

📚 Fonte: The Sustainable Development Goals Report 2026 · Nacións Unidas

18/09/2026

🧳 O xogo segue viaxando!

Esta vez, “A viaxe, cando escapar non é un xogo” chegou ata Casaio, da man de , para compartir unha xornada de reflexión arredor da migración, o refuxio e os Dereitos Humanos.

🧩 A través do xogo, achegámonos ás historias de persoas que emprenden diferentes percorridos migratorios e ás circunstancias que condicionan as súas viaxes. Unha proposta para coñecer outras realidades, cuestionar prexuízos e reflexionar sobre o dereito á mobilidade humana.

🤝🏽 Grazas a Pedro e Elba de Eco dos Teixos por facernos un oco neste Campo de Voluntariado e, sobre todo, ao grupo de participantes por implicarse, xogar, preguntar e compartir con nós. Foi un pracer acompañarvos nesta viaxe!

🌍 “A viaxe, cando escapar non é un xogo” é un recurso pedagóxico de ACPP que forma parte do proxecto Abeirar, co apoio de Cooperación Galega.

E nós seguimos viaxando...🧳

Dirección

Rúa Das Galeras, 13
Santiago De Compostela
15705

Horario de apertura

Lunes	09:00 - 19:00
Martes	09:00 - 19:00
Miércoles	09:00 - 19:00
Jueves	09:00 - 19:00
Viernes	09:00 - 19:00

Página web

http://www.acppasamblea.org/

Notificaciones

Sea el primero en enterarse: le enviaremos un correo electrónico cuando Asemblea de Cooperación pola Paz publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.