AWEN-Albanian Women Empowerment Network

10/06/2026

Gjatë muajve të fundit, AWEN ka konstatuar një rritje të konsiderueshme të telefonatave dhe kërkesave për ndihmë nga shtetase të huaja që jetojnë në Shqipëri dhe që janë viktima të dhunës me bazë gjinore dhe dhunës në familje.
Gjatë menaxhimit dhe referimit të këtyre rasteve janë identifikuar një sërë sfidash dhe boshllëqesh që ndikojnë drejtpërdrejt në aksesin e tyre në mbrojtje dhe shërbime sikurse mungesa e dokumentacionit dhe statusit të rregullt të qëndrimit, frika për të denoncuar dhunën, vështirësitë emocionale dhe psikologjike dhe mungesa e përkthyesve ligjorë emergjentë.
Për këtë, i jemi drejtuar institucioneve me një kërkesë për ndërhyrje të menjëhershme institucionale për garantimin e aksesit në mbrojtje, shërbime dhe përkthim ligjor për shtetasit e huaj viktima të dhunës me bazë gjinore dhe dhunës në familje

Kërkesa drejtuar institucioneve:
• Këshillit të Lartë Gjyqësor (KLGJ)
• Ministrisë së Drejtësisë (MD)
• Ministrisë së Brendshme (MB)
• Drejtorisë së Përgjithshme të Policisë së Shtetit
• Ministrisë së Shëndetësisë dhe Mbrojtjes Sociale (MSHMS)
• Bashkisë Tiranë

05/06/2026

Marjane Satrapi, autorja, ilustratorja dhe regjisorja franko-iraniane e njohur për veprën e saj të famshme “Persepolis”, ka ndërruar jetë në Paris në moshën 56-vjeçare.
E lindur në vitin 1969 në Rasht të Iranit, Satrapi fitoi famë ndërkombëtare me romanin grafik autobiografik “Persepolis”. Përmes veprës së saj, Satrapi solli në vëmendjen e botës përvojat e vajzave dhe grave që jetojnë nën kufizime, diskriminim dhe shtypje, duke e kthyer historinë personale në një thirrje universale për liri, barazi dhe dinjitet.
Ajo sfidoi stereotipet mbi gratë e Lindjes së Mesme dhe u bë një zë i fuqishëm kundër patriarkatit, censurës dhe çdo forme të mohimit të të drejtave themelore.
Trashëgimia e saj do të vazhdojë të frymëzojë breza të tërë vajzash dhe grash që kërkojnë të jetojnë të lira, të barabarta dhe të dëgjuara.

05/06/2026

03/06/2026

03/06/2026

Krenare që puna e AWEN është pasqyruar në Tirana Times si pjesë e ndikimit të Canada Fund for Local Initiatives (CFLI) në Shqipëri.

Përmes projektit tonë, gra, të rinj dhe prindër në Kukës, Tropojë dhe Burrel fituan njohuri dhe mjete praktike për të lundruar në mënyrë të sigurt në hapësirat online dhe për t'iu përgjigjur bullizmit kibernetik dhe abuzimit online.

📖 Lexoni artikullin e plotë në linkun më poshtë:
https://www.tiranatimes.com/canadas-local-partnerships-drive-change-across-albania/

Falenderojmë Canada Fund for Local Initiatives (CFLI) dhe Ambasadën e Kanadasë në Shqipëri për besimin, mbështetjen dhe bashkëpunimin e vyer.

01/06/2026

Reagim publik:
AWEN shpreh shqetësimin për ngjarjen e denoncuar nga një qytetare në zonën e “Don Boskos” në Tiranë, ku sipas dëshmisë dhe pamjeve të publikuara, një vajzë është përballur me dhunë fizike dhe kërcënime nga një i ri në mes të rrugës gjatë orëve të natës.

Sipas denoncimit, në videon e regjistruar shihet një konflikt mes një të riu dhe një vajze, ku në një moment ai ushtron dhunë fizike ndaj saj.
Edhe pse rrethanat e plota të ngjarjes dhe raporti mes personave të përfshirë mbeten ende të paqarta, pamjet e publikuara ngrejnë shqetësime serioze për sigurinë e vajzës dhe kërkojmë reagim të menjëhershëm nga institucionet përgjegjëse.

Ky rast nuk duhet të trajtohet si një incident i izoluar. Gjatë muajve të fundit kemi vërejtur me shqetësim shtimin e rasteve të ngacmimeve, kërcënimeve dhe formave të ndryshme të dhunës ndaj vajzave dhe grave në hapësirat publike.

I bëjmë thirrje Policisë së Shtetit që të verifikojë pa vonesë rastin e raportuar, të identifikojë personat e përfshirë dhe të ndërmarrë të gjitha veprimet e nevojshme për të garantuar sigurinë e vajzës dhe për të zbardhur plotësisht ngjarjen. Çdo pretendim për dhunë, kërcënim apo detyrim duhet të hetohet me seriozitet maksimal.

Njëkohësisht, kërkojmë forcimin e masave parandaluese dhe rritjen e angazhimit institucional për të garantuar që vajzat dhe gratë të jenë të sigurta në çdo hapësirë publike. Agresorët duhet të ndalohen menjëherë dhe të përballen me pasojat ligjore të veprimeve të tyre.

AWEN mbetet në solidaritet me çdo vajzë dhe grua që përjeton dhunë dhe rithekson se toleranca ndaj çdo forme të dhunës me bazë gjinore duhet të jetë zero. Siguria dhe dinjiteti i grave dhe vajzave nuk mund të jenë të negociueshme. Vetëm përmes reagimit të shpejtë institucional dhe ndëshkimit të autorëve mund të parandalohet përsëritja e rasteve të tilla.

28/05/2026

Sot zhvilluam një fokus grup me pjesëmarrjen e 10 profesionistëve që ofrojnë shërbime të drejtpërdrejta për viktimat e dhunës me bazë gjinore.

Përmes këtij diskutimi, u identifikuan sfidat dhe boshllëqet në trajtimin e rasteve të dhunës ndaj grave të lehtësuar nga teknologjia, si dhe nevoja për forcimin e mekanizmave të mbrojtjes dhe aksesit në drejtësi për gratë dhe vajzat. Perspektiva dhe përvoja e profesionistëve mbetet thelbësore për ndërtimin e një përgjigjeje më efektive dhe të koordinuar ndaj kësaj forme në rritje të dhunës. Së bashku për një hapësirë digjitale më të sigurt për gratë dhe vajzat.

Ky aktivitet organizohet nga AWEN në kuadër të projektit “BE për Barazinë Gjinore: Fuqizimi ekonomik i grave dhe eliminimi i dhunës ndaj grave”, i financuar nga Bashkimi Europian dhe i zbatuar në bashkëpunim nga UN Women dhe UNDP.

28/05/2026

Në kuadër të forcimit të kapaciteteve për integrimin e praktikave të qëndrueshme mjedisore në punën tonë, Rrjeti AWEN mori pjesë dje në një trajnim online, ku organizatat rritën njohuritë mbi identifikimin, matjen dhe reduktimin e ndikimit mjedisor të aktiviteteve të projekteve.

Konkretisht, mësuam se si të përllogarisim gjurmën e karbonit nga aktivitetet vjetore të organizatës dhe si të reduktojmë emetimet.

Në fund të trajnimit, organizatat e rrjetit ndanë praktika pozitive nga puna e tyre e përditshme.

Së bashku mund të ndërtojmë organizata më të gjelbra dhe një të ardhme më të qëndrueshme për të gjithë.
Çdo veprim i vogël sot sjell një ndikim të madh për të ardhmen. 🌱

04/05/2026