Artivista

Home
Albania
Tirana
Artivista

Artivista is a young non-for-profit organisation founded by a group of professionals from the field of art, education, and development.

10/06/2026

Ura e Golikut, siç nuk e keni parë më parë!

Gjatë muajve të fundit, Qendra Artivista për Art dhe Kulturë ka realizuar dokumentimin fotogrametrik të Urës së Golikut, në kuadër të projektit CULTUR-AL, duke krijuar një model tredimensional (3D) të këtij monumenti të rëndësishëm të trashëgimisë kulturore shqiptare.

Fotogrametria na mundëson të krijojmë kopje digjitale me saktësi të lartë të monumenteve historike, duke i ruajtur ato jo vetëm në gur e kujtesë, por edhe në të dhëna që mund të studiohen, monitorohen dhe përdoren për brezat e ardhshëm.
E vendosur mbi lumin Shkumbin, përgjatë gjurmëve të lashta të Via Egnatia-s, Ura e Golikut mbart shekuj histori. Sot, falë teknologjisë, ajo është dokumentuar në mënyrë digjitale për të mbështetur kërkimin shkencor, konservimin, restaurimin, edukimin dhe promovimin e trashëgimisë kulturore.

Dokumentacioni teknik i prodhuar është dorëzuar pranë Ministrisë së Turizmit, Kulturës dhe Sportit, duke krijuar një bazë të rëndësishme për ruajtjen afatgjatë dhe përdorimin institucional të këtij monumenti.

Ky është dokumentimi i parë fotogrametrik i realizuar në kuadër të projektit CULTUR-AL. Ndalesa e radhës: Manastiri i Drianos në Gjirokastër.

Trashëgimia kulturore nuk ka nevojë vetëm të ruhet. Ajo ka nevojë edhe të dokumentohet, të kuptohet the të transmetohet.

Projekti CULTUR-AL financohet nga Bashkimi Evropian - Bashkia Prrenjas-Faqja Zyrtare dhe zbatohet nga Qendra Kombëtare për Shërbime Komunitare - National Center for Community Services në partneritet me Qendrën Artivista. Përmbajtja e këtij publikimi është përgjegjësi e vetme e autorëve dhe në asnjë mënyrë nuk mund të konsiderohet se pasqyron qëndrimet e Bashkimit Evropian.

Ministria e Turizmit, Kulturës dhe Sportit
Instituti Kombëtar i Trashëgimisë Kulturore

27/05/2026

Nga kaligrafia elegante te modelet gjeometrike, nga ornamentika e pafundme te arkitektura monumentale, arti islamik mbetet një prej trashëgimive artistike më të sofistikuara dhe më me ndikim në historinë e qytetërimeve.
Gjatë periudhës së artë islame, nga shekulli VIII deri në shekullin XIV, qytete si Bagdadi, Kordoba dhe Kajroja u shndërruan në qendra të jashtëzakonshme të dijes, artit dhe shkencës. Në “Bayt al-Hikma” – Shtëpinë e Urtësisë në Bagdad – përktheheshin, ruheshin dhe zhvilloheshin vepra mbi matematikën, astronominë, filozofinë dhe artin, duke ndikuar më pas edhe zhvillimin e mendimit europian.

Në zemër të artit islamik qëndron ideja e harmonisë. Gjeometria, kaligrafia dhe ornamentika nuk janë thjesht dekor. Ato ndërtojnë një gjuhë vizuale të bazuar mbi ritmin, ekuilibrin dhe pafundësinë. Shumë prej parimeve të simetrisë dhe strukturave gjeometrike që përdoren sot në arkitekturë, dizajn dhe art bashkëkohor kanë rrënjë në këto tradita artistike shekullore.

Nga Alhambra në Spanjë te xhamitë osmane, nga miniaturat p***e te qilimat orientalë, arti islamik mbetet një prej trashëgimive më të pasura dhe më me ndikim në historinë e kulturës botërore.

Në një kohë kur bota ka nevojë për më shumë dialog kulturor dhe mirëkuptim, njohja dhe vlerësimi i trashëgimive të ndryshme artistike mbetet një akt respekti dhe qytetërimi.
Në këtë ditë feste dhe reflektimi, urojmë paqe, mirësi dhe gëzim për të gjithë ata që festojnë Bajramin!

26/05/2026

Festivali Folklorik "Rrajca e Valles"

Dje, më 25 Maj, 2026 u çel edicioni i parë i festivalit folklorik “Rrajca e Valles”, një nismë shumë e bukur që solli bashkë muzikën, vallen, traditën dhe komunitetin në një nga zonat më të veçanta të Shqipërisë.

Në një kohë kur shumë fshatra po humbasin gradualisht popullsinë, kujtesën dhe vazhdimësinë kulturore, iniciativa të tilla kanë shumë rëndësi. Tradita nuk mbijeton vetë. Ajo mbijeton kur njerëzit zgjedhin ta mbajnë gjallë, ta praktikojnë, ta mbrojnë dhe t’ua transmetojnë brezave të rinj.

Ajo që e bëri këtë festival edhe më domethënës ishte përfshirja e të rinjve, energjia dhe dëshira e tyre për të investuar në diçka që lidhet me identitetin, përkatësinë dhe kulturën e vendit të tyre. Folklori nuk i përket vetëm së kaluarës. Ai është edhe pjesë e së ardhmes, e mënyrës se si ruajmë kujtesën kolektive dhe lidhjen me vendin tonë.

Rrajca ka një pasuri të jashtëzakonshme natyrore dhe kulturore. Është shumë e rëndësishme të shohësh përpjekje që e rikthejnë vëmendjen tek këto vlera dhe që e mbajnë fshatin si një hapësirë të gjallë kulture dhe komuniteti.

Urime të gjithë atyre që kontribuan në organizimin e edicionit të parë të “Rrajca e Valleve”. Urojmë që kjo të kthehet në një traditë të përvitshme.

Bashkia Prrenjas-Faqja Zyrtare
Ministria e Turizmit, Kulturës dhe Sportit
European Union in Albania
Bora Muzhaqi
Qendra Kulturore Prrenjas-Faqja Zyrtare
Valter Hana

25/05/2026

Festivali Folklorik i çelur sot në Rrajcë Sutaj, në Bashkinë Prrenjas, mirëpriti disa ansamble nga Shqipëria dhe Maqedonia e Veriut.

Energjia e krijuar nga valltarët, këngëtarët, muzikantët dhe natyra si skenografi, e bënë këtë festival të parë një përvojë të paharrueshme!

I urojmë Festivalit jetë të gjatë!

09/05/2026

Gëzuar Ditëlindjen Evropë!

15/04/2026

Sot, në Dita Botërore e Artit, kujtojmë se arti nuk është luks, por një mënyrë thelbësore për të kuptuar botën dhe veten.
Arti flet aty ku fjalët mungojnë, ruan kujtesën, sfidon realitetin dhe hap horizonte të reja. Në çdo formë të tij, arti mbetet një dëshmi e kohës dhe një hapësirë ku ndjeshmëria merr kuptim.
Një ditë për të ndalur pak, për të parë më me kujdes, dhe për të reflektuar çfarë mund të bëhet më shumë për të inkurajuar fuqizimin cilësor të artit dhe kulturës në Shqipëri.

27/03/2026

Sot, në kuadër të rrjetit Cultur-AL, u zhvillua trajnimi “Monitorimi dhe avokimi pjesëmarrës përmes medias dhe komunitetit”, i drejtuar nga gazetari dhe themeluesi i Medias Amfora - Amfora.al , Geri Emiri .

Trajnimi solli një qasje shumë konkrete mbi mënyrën se si çështjet që lindin në komunitet mund të transformohen në procese reale avokimi, duke lidhur terrenin, median dhe institucionet në një zinxhir të qartë ndikimi.

Në fokus të veçantë ishin rastet studimore nga praktika e Medias Amfora, të cilat ilustruan në mënyrë të drejtpërdrejtë këtë proces. Rasti i “Mureve të Portës” në Porto Romano, Durrës, tregoi se si një shqetësim i identifikuar nga komuniteti, i dokumentuar me evidencë dhe i strukturuar nga media dhe aktorët e shoqërisë civile, mund të kthehet në një çështje publike me ndikim të gjerë.

Një tjetër shembull i rëndësishëm ishte trajtimi i çështjes së projektit TID në Durrës, ku ndërthurja e raportimit mediatik me organizimin e forumeve publike krijoi hapësirë për mbledhjen e reagimeve, strukturimin e tyre në rekomandime konkrete dhe adresimin institucional të kërkesave për transparencë dhe llogaridhënie.
Trajnimi theksoi se avokimi efektiv nuk është një akt i vetëm, por një proces i strukturuar që nis nga përvoja reale e komunitetit, kalon përmes mbledhjes dhe përpunimit të argumenteve, ndërtohet në mesazh publik përmes medias dhe kulmon me ndërveprimin e vazhdueshëm me institucionet.

Në këtë kuadër, pjesëmarrësit u njohën me mjete praktike si përdorimi i kërkesave për informacion, ndjekja sistematike e përgjigjeve institucionale dhe rëndësia e transparencës si mekanizëm presioni për ndryshim real.

Ju mund të njiheni me më shumë raste studimore duke vizutar Amfora.alAmfora.al .

Ky cikël trajnimesh realizohet në kuadër të projektit CulturAL, i financuar nga European Union in Albania - Bashkimi Evropian në Shqipëri dhe i zbatuar nga Qendra Kombëtare për Shërbime Komunitare- National Center for Community Services dhe Qendra Artivista.

Address

Tirana

Telephone

+355692991315

Website

https://arti-vista.org/

Alerts

Be the first to know and let us send you an email when Artivista posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Tirana?