Albanian Media Institute / Instituti Shqiptar i Medias

16/07/2026

Si mund të ndikohet opinioni publik për integrimin në BE në epokën e dezinformimit?

Çështja e integrimit europian të Shqipërisë është prej kohësh në qendër të vëmendjes, por a preket kjo temë nga dezinformimi?

Në një trajnim me gazetarë, diskutuam rreth sfidave në këtë drejtim, mënyrën se si përhapen narrativat e rreme dhe konkretisht cilat janë këto narrativa.

Trajnerët u përqendruan te disa tema kryesore:

🔍 Identifikimi i problemit: Si funksionojnë mekanizmat e dezinformimit në Shqipëri dhe ndikimi i Inteligjencës Artificiale.

📢 Narrativat anti-BE: Nga “standardet e dyfishta” tek mohimi i vetë procesit, si përhapen këto mesazhe përmes rrjeteve sociale dhe portaleve.

🛡️ Qasja institucionale: Cilat janë strategjitë e BE-së për të luftuar manipulimin e informacionit dhe pse është jetike media cilësore dhe e pavarur.

Pavarësisht mbështetjes së lartë të qytetarëve shqiptarë për anëtarësimin në BE, përballja me dezinformimin mbetet një sfidë që kërkon gazetari të specializuar, transparencë dhe edukim mediatik.

Ky kurs është pjesë e projektit “Të informuar për Evropën: Aftësimi i të rinjve shqiptarë kundër dezinformimit për BE-në”, i zbatuar me mbështetjen financiare të Agjencisë për Mbështetjen e Shoqërisë Civile (AMShC)

14/07/2026

Çfarë ndodh me gazetarinë kur puna e saj përdoret për të trajnuar sistemet e IA-së, pa leje dhe pa kompensim? Dhe çfarë ndodh me gjuhët e vogla si shqipja, kur modelet mësojnë kryesisht nga të dhëna në anglisht?

Ky dokument informues i UNESCO-s, hartuar nga Dr. Anya Schiffrin (Columbia University), i trajton këto pyetje me qartësi: nga rreziqet e deepfake-ve dhe dezinformimit, te e drejta e autorit, marrëveshjet e licencimit dhe rregulloret e reja në BE e më gjerë.

Një lexim i vlefshëm për këdo që i intereson e ardhmja e informacionit të besueshëm!

Instituti Shqiptar i Medias sjell në gjuhën shqipe dokumentin informues të UNESCO-s “IA dhe e ardhmja e gazetarisë”, hartuar nga Dr. Anya Schiffrin (Columbia University). Ndryshe nga kodet etike që përqendrohen te redaksia, ky dokument shqyrton tablonë e madhe: çfarë ndodh me modelin e...

06/07/2026

Si mund ta përdorin mediat inteligjencën artificiale pa cenuar të drejtën e publikut për informim të besueshëm? Karta e Parisit i përgjigjet pikërisht kësaj pyetjeje me 10 parime të qarta etike.
E hartuar nga Reporterët pa Kufij dhe e kryesuar nga nobelistja Maria Ressa, ajo vendos në qendër vlerat e gazetarisë: transparencën, mbikëqyrjen njerëzore dhe dallimin mes përmbajtjes autentike e asaj të krijuar nga IA.
Instituti Shqiptar i Medias sjell Kartën e Parisit për IA-në dhe Gazetarinë në shqip për komunitetin tonë mediatik!

Instituti Shqiptar i Medias sjell në gjuhën shqipe Kartën e Parisit për IA-në dhe Gazetarinë — një dokument themelor që përcakton parimet etike për përdorimin e inteligjencës artificiale në gazetari.E hartuar me nismën e organizatës Reporterët pa Kufij (RSF) dhe e shpallur në Pari...

01/07/2026

Inteligjenca Artificiale po ndryshon thellësisht mënyrën si marrim informacion, komunikojmë me njëri-tjetrin dhe e perceptojmë realitetin që na rrethon.

Nga diagnostikimi në mjekësi te prodhimi i përmbajtjes informative, nga algoritmet që përcaktojnë çfarë shfaqet në ekranet tona te kërcënimi gjithnjë e më i madh i dezinformimit - AI sjell njëkohësisht mundësi të mëdha dhe sfida serioze.

Në trajnimin me gazetarë të zhvilluar në Elbasan më 30 qershor dhe 1 korrik u ndalëm te:

🔹 Mekanizmat e funksionimit të AI dhe përdorimi i saj në gazetari
🔹 Ndikimi i algoritmeve mbi narrativat mediatike dhe opinionin publik
🔹 Rreziqet që sjellin deepfake-t dhe manipulimi digjital
🔹 Rëndësia thelbësore e transparencës dhe standardeve etike
🔹 Roli i edukimit mediatik dhe kultivimi i mendimit kritik

Në një kohë kur algoritmet u japin përparësi emocioneve mbi faktet, sot më shumë se kurrë na duhet të dimë:

✔️ si të verifikojmë saktësinë e informacionit
✔️ si të njohim dhe vlerësojmë burimet
✔️ si të mbrohemi nga manipulimi

Trajnimi u zhvillua në kuadrin e projektit “Inteligjenca Artificiale në funksion të konsolidimit demokratik” me mbështetjen e Embassy of the Netherlands in Albania.

26/06/2026

Sot zhvilluam tryezën e rrumbullakët përmbyllëse të projektit: “Krijimi i besimit në media në Europën Juglindore: Mbështetje për gazetarinë si e një e mirë publike”, ku u prezantuan gjetjet kryesore të raportit mbi integrimin e edukimit për median dhe informacionin në arsimin parauniversitar.

Takimi mblodhi përfaqësues të ASCAP-it, mësues, drejtues shkollash, gazetarë dhe ekspertë të arsimit për të reflektuar mbi progresin e arritur, si edhe për të diskutuar prioritetet e ardhshme.

Një nga mësimet kryesore të deritanishme është se EMI po jep rezultate konkrete në zhvillimin e aftësive të larta të të menduarit, aftësive për verifikimin e informacionit dhe rritjen e ndërgjegjësimit ndaj dezinformimit. Raporti konfirmon se integrimi i EMI-t në procesin mësimor ka krijuar baza të rëndësishme për ndërtimin e kompetencave që kërkon shoqëria e sotme.

Në të njëjtën kohë, diskutimet nxorën në pah se sfidat po evoluojnë me shpejtësi. Inteligjenca Artificiale po transformon mënyrën si prodhohet, shpërndahet dhe konsumohet informacioni. Kjo shoqërohet me mundësi, por edhe me rreziqe që lidhen me dezinformimin, plagjiaturën, mësimin sipërfaqësor, si edhe përdorimin etik të teknologjisë.

Hapat e mëtejshëm kërkojnë një qasje më të strukturuar dhe afatgjatë. U theksua nevoja për forcimin e mëtejshëm të edukimit për median dhe informacionin në sistemin arsimor, si edhe reflektimin e edukimit për Inteligjencën Artificiale në strategjitë dhe politikat arsimore kombëtare.

Në këtë kuadër, ASCAP rikonfirmoi përkushtimin institucional për të mbështetur përditësimin e standardeve, zhvillimin e kurrikulës dhe fuqizimin e mësuesve, në mënyrë që sistemi arsimor t’u përgjigjet në mënyrë efektive sfidave të reja të epokës digjitale.


Takimi u zhvillua në kuadër të projektit “Krijimi i besimit në media në Evropën Juglindore: Mbështetja e gazetarisë si një e mirë publike”, financuar nga UNESCO Office Venice dhe Bashkimi Evropian, dhe zbatuar nga Instituti Shqiptar i Medias në bashkëpunim me Agjencia e Sigurimit të Cilësisë së Arsimit Parauniversitar

22/06/2026

IA, Media dhe Demokracia: A është Shqipëria e përgatitur?

Inteligjenca artificiale po ndryshon gazetarinë në të gjithë botën - por ku qëndron Shqipëria?

Shqipëria ka edhe detyrime ligjore: si vend kandidat i BE-së, duhet të harmonizohet me Aktin Europian të IA-së. Ndërkohë, rreziqet janë reale dhe konkrete, si favorizimi i dezinformimit dhe jo u gazetarisë së verifikuar nga algoritmet, vështirësinë e zbulimit të manipulimit audioviziv, manipulimi politik, etj.

📋 Në lidhje me këtë temë Instituti Shqiptar i Medias ka përgatitur një policy brief me rekomandimet përkatëse, të cilin mund ta lexoni në këtë link 👉 [ https://institutemedia.org/inteligjenca-artificiale-media-dhe-demokracia-sfida-dhe-rekomandime-per-shqiperine/ ]

Ky policy brief është realizuar në kuadër të projektit "Inteligjenca Artificiale në funksion të konsolidimit demokratik", me mbështetjen e Embassy of the Netherlands in Albania, në partneritet me De Balie.

Inteligjenca artificiale (IA) po ndryshon mënyrën si prodhojmë, ndajmë dhe konsumojmë lajmet — dhe Shqipëria nuk bën përjashtim. Por a jemi të përgatitur? Peizazhi mediatik shqiptar tashmë vuan nga polarizimi politik i thellë, nga probleme serioze me dezinformimin dhe nga besim i ulët...

12/06/2026

Instituti Shqiptar i Medias zhvilloi një trajnim dhe diskutim në lidhje me pritshmëritë dhe sfidat e integrimit të edukimit për median dhe informacionin në kurrikulën e arsimit parauniversitar. Pjesëmarrës ishin trajnerë të edukimit për median dhe informacionin, specialistë të kurrikulës, si dhe përfaqësues të organizatave të përfshira në nismat për edukimin mediatik.

Disa nga temat e trajtuara ishin:

✅ E ardhmja e edukimit në kuadrin global të evoluimit të peizazhit informativ
✅ Roli i shkollës si institucion në dhënien e skemave analitike
✅ Mënyrat për të kultivuar mendimin kritik dhe mendimin krijues
✅ Pedagogjia për të pajisur brezin e ri me filtrat e nevojshëm për të analizuar informacionin
✅ Nevoja për ndërgjegjësimin dhe trajnimin e vazhdueshëm të mesuesve dhe për përditësimin e kurrikulës

Ky aktivitet është pjesë e projektit disavjeçar të ISHM dhe Agjencia e Sigurimit të Cilësisë së Arsimit Parauniversitar , me mbështetjen e UNESCO dhe financimin e Bashkimit Europian.

09/06/2026

04/06/2026

Që prej vitit 2020, në bashkëpunim me Agjencia e Sigurimit të Cilësisë së Arsimit Parauniversitar dhe me mbështjetjen e UNESCO Office in Venice dhe Bashkimit Europian, kemi punuar për integrimin e Edukimit për Median dhe Informimin (EMI) në kurrikulën arsimore.

Pas 5 vitesh, 48 sesionesh trajnimi dhe 720 drejtuesish rrjetesh profesionale të trajnuar, të dhënat e mbledhura janë inkurajuese.

Anketa e realizuar me 623 mësues tregon se EMI ka shkuar përtej fazës së pilotimit. Shumica e mësuesve e integrojnë tashmë EMI-n në planin mësimor javor, në të gjitha lëndët, që nga matematika e biologjia, deri tek historia e shkencat sociale.

Nxënësit janë më të angazhuar, më kritikë ndaj informacionit dhe dallojnë dezinformimin më lehtësisht.

Por sfida mbeten ende infrastruktura e pamjaftueshme në shkolla, ngarkesa kurrikulare dhe zhvillimet e fundit të Inteligjencës Artificiale.

96% e mësuesve e konsiderojnë kompetencën e IA-së prioritet urgjent, por shumica ndihen të papërgatitur.
Ky raport dokumenton ku jemi, çfarë funksionon dhe çfarë duhet të ndryshojë.

Lexoje raportin e plotë këtu:

Since 2020, Albanian Media Institute has worked systematically alongside schools across Albania to integrate Media and Information Literacy (MIL) into formal education. After five years of sustained teacher training, 48 training sessions, and 720 national trainers reached, the results are in. A surv...

01/06/2026

Më 22 dhe 23 maj Instituti Shqiptar i Medias në bashkepunim me Agjencia e Sigurimit të Cilësisë së Arsimit Parauniversitar (ASCAP) zhvilloi një seri trajnimesh me specialistët e kurrikulës me tema: “Integrimi i edukimit për median dhe informimin në procesin e të mësuarit” dhe “Përdorimi i IA në edukim, në këndvështrimin e të drejtave të njeriut, të demokracisë dhe të shtetit të së drejtës”. Të dy sesionet ishin rifreskim i ideve kryesore të trajnimit të organizuar më heret me drejtuesit kombëtarë të rrjeteve profesionale të mësuesve në arsimin bazë dhe të mesëm, në kuadrin e projektit disavjeçar të ISHM dhe ASCAP, me mbështetjen e UNESCOS dhe financimin e Bashkimit Europian.

Vlerë e shtuar e këtij trajnimi në fushën e inteligjencës artificiale ishte rëndësia e pajisjes së nxënësve dhe mësuesve me aftësitë dhe mekanizmat për të zbërthyer mënyrën si vepron inteligjenca artificiale dhe e krijimit tek ata të algoritmeve personalë të vendimmarrjes së mirinformuar, të trajtimit të çështjeve kundërshtuese, të zgjidhjes së konflikteve e të problemeve në përgjithësi etj. Në këtë mënyrë, procesi të mësuarit i shërben realisht pajisjes me kompetencat për jetën.