Asociacioni i Gazetarëve të Kosovës - AGK

19/06/2026

Federata Evropiane e Gazetarëve e ka miratuar në mënyrë unanime në Kongresin Vjetor në Ankara mocionin në mbështetje të mediave në Kosovë, që kanë qenë subjekt i gjobave joproporcionale nga Komisioni i Pavarur i Mediave.

EFJ në tekstin e mocionit ka thënë se këto dënime janë përpjekje për të kufizuar lirinë e shprehjes dhe debatit në Kosovë, dhe kanë ndodhur pas kërkesave dhe ankesave të anëtarëve të partisë në pushtet, Vetëvendosje.

Kongresi Vjetor e ka autorizuar Bordin Drejtues të EFJ-së, që t’i bëjë thirrje Vetëvendosjes t’i ndalë sulmet ndaj gazetarëve dhe mediave, dhe t’i shkruajë zyrtarisht KPM-së për t’i kërkuar që të mos tejkalojë kompetencat.

Presidentja e EFJ-së, Maja Sever ka thënë se mediat dhe gazetarët në Kosovë e kanë përkrahjen e plotë evropiane për të vazhduar punën e tyre të rëndësishme në interes të publikut.

Teksti i plotë:

Asociacioni i Gazetarëve të Kosovës - AGK

17/06/2026

‼️ Rrjeti SafeJournalists dënon fuqishëm shënjestrimin e Getoarbë Mulliqit dhe Dinko Gruhonjiqit pas publikimit të analizës së tyre mbi raportimin mediatik për ballafaqimin me të kaluarën në Ballkanin Perëndimor. ‼️

SafeJournalists Network strongly condemns the targeting of researcher and Executive Director of the Association of Journalists of Kosovo (AJK), Getoarbe Mulliqi, and journalist, university professor and Program Director of the Independent Journalists’ Association of Vojvodina (NDNV), Dinko Gruhonj...

17/06/2026

[eng below, srb ispod]

Thirrje për Aplikime: Programi i Mentorimit për Gratë e Reja Gazetare 2026

A jeni një grua e re gazetare ose studente e gazetarisë që dëshiron të forcojë aftësitë profesionale, të zgjerojë rrjetin tuaj profesional dhe të përfitojë udhëzim nga profesionistë me përvojë të medias?

Ju ftojmë të aplikoni për Programin e Mentorimit për Gratë e Reja Gazetare 2026, një mundësi unike e krijuar për të mbështetur gratë në gazetari përmes zhvillimit profesional, forcimit të qëndrueshmërisë profesionale dhe mentorimit.

Kush mund të aplikojë?

• Gratë që aktualisht studiojnë gazetari;
• Gratë e reja gazetare në fillim të karrierës së tyre;
• Gratë e interesuara për të forcuar aftësitë e tyre gazetareske dhe rrjetet profesionale.

Komponentët e Programit

Pjesëmarrëset do të përfitojnë nga:
• Sesione trajnimi profesional të fokusuara në aftësitë gazetareske, qëndrueshmërinë profesionale dhe zhvillimin e karrierës;
• Një program i strukturuar mentorimi që lidh menteet me gazetare dhe profesioniste me përvojë në media;
• Takime individuale mentor–mentee dhe mundësi për të mësuar nga njëra-tjetra;
• Qasje në një rrjet mbështetës të gazetareve dhe ekspertëve të medias.

Struktura e Programit

• 25 gazetare do të marrin pjesë në programin e trajnimit;
• 10 gazetare të reja dhe 10 studente të gazetarisë do të përzgjidhen si mentee në programin e mentorimit;
• Secila mentee do të caktohet me një mentore me përvojë;
• Pjesëmarrëset do të marrin pjesë në pesë sesione mentor–mentee dhe një ngjarje përmbyllëse të përbashkët për rrjetëzim me ekspertë të medias.

Përfitimet

• Udhëzim i personalizuar nga gazetare me përvojë;
• Përmirësim i aftësive profesionale dhe praktike në gazetari;
• Rritje e qëndrueshmërisë profesionale dhe vetëbesimit në punën mediale;
• Mundësi rrjetëzimi me gazetare dhe profesionistë të medias;
• Certifikatë pjesëmarrjeje pas përfundimit me sukses të programit.

Afati i aplikimit: 30 qershor 2026, ora 23:59

Periudha e programit: Korrik–Gusht 2026

Linku: https://forms.gle/h3isjw9F8JpAxge4A

Inkurajojmë fuqishëm gratë nga prejardhje dhe komunitete të ndryshme të aplikojnë.

--
Call for Applications: Women Journalists Mentorship Programme 2026

Are you a young woman journalist or a journalism student looking to strengthen your professional skills, expand your network, and receive guidance from experienced media professionals?

We invite applications for the Women Journalists Mentorship Programme 2026, a unique opportunity designed to support women in journalism through professional development, resilience-building, and mentoring.

Who can apply?
• Women currently studying journalism;
• Young women journalists at the beginning of their careers;
• Women interested in strengthening their journalistic skills and professional networks.

Programme Components
Participants will benefit from:
• Professional training sessions focused on journalism skills, resilience, and career development;
• A structured mentorship programme connecting mentees with experienced women journalists and media professionals;
• Individual mentor-mentee meetings and peer-learning opportunities;
• Access to a supportive network of women journalists and media experts.

Programme Structure
• 25 women journalists will participate in the training programme;
• 10 young women journalists and 10 women journalism students will be selected as mentees for the mentorship programme;
• Each mentee will be paired with an experienced mentor;
• Participants will attend five mentor-mentee sessions and one joint closing networking event with media experts.

Benefits
• Personalized guidance from experienced journalists;
• Enhanced professional and practical journalism skills;
• Increased resilience and confidence in media work;
• Networking opportunities with journalists and media professionals;
• Participation certificate upon successful completion.

Application Deadline: 30 June, 2026, 23:59
Programme Period: July–August 2026

Link: https://forms.gle/h3isjw9F8JpAxge4A

We strongly encourage women from diverse backgrounds and communities to apply.

--
Poziv za prijave: Program mentorstva za mlade novinarke 2026

Da li ste mlada novinarka ili studentkinja novinarstva koja želi da unapredi svoje profesionalne veštine, proširi svoju mrežu kontakata i dobije podršku i smernice od iskusnih medijskih profesionalaca?

Pozivamo vas da se prijavite za Program mentorstva za mlade novinarke 2026, jedinstvenu priliku osmišljenu da podrži žene u novinarstvu kroz profesionalni razvoj, jačanje otpornosti i mentorsku podršku.

Ko može da se prijavi?

• Žene koje trenutno studiraju novinarstvo;
• Mlade novinarke na početku svoje karijere;
• Žene zainteresovane za unapređenje svojih novinarskih veština i profesionalnih mreža.

Komponente programa

Učesnice će imati koristi od:
• Profesionalnih treninga fokusiranih na novinarske veštine, profesionalnu otpornost i razvoj karijere;
• Strukturiranog programa mentorstva koji povezuje učesnice sa iskusnim novinarkama i medijskim profesionalcima;
• Individualnih sastanaka mentorki i učesnica, kao i prilika za međusobno učenje;
• Pristupa podržavajućoj mreži novinarki i medijskih stručnjaka.

Struktura programa

• 25 novinarki učestvovaće u programu obuke;
• 10 mladih novinarki i 10 studentkinja novinarstva biće izabrane za program mentorstva;
• Svaka učesnica biće povezana sa iskusnom mentorkom;
• Učesnice će prisustvovati na pet mentorskih sesija i jednom zajedničkom završnom događaju za umrežavanje sa medijskim stručnjacima.

Benefiti

• Personalizovano usmeravanje od strane iskusnih novinarki;
• Unapređene profesionalne i praktične novinarske veštine;
• Veća profesionalna otpornost i samopouzdanje u radu u medijima;
• Mogućnosti za umrežavanje sa novinarima i medijskim profesionalcima;
• Sertifikat o učešću po uspešnom završetku programa.

Rok za prijavu: 30. jun 2026. godine u 23:59 časova
Period realizacije programa: jul–avgust 2026.

Link: https://forms.gle/h3isjw9F8JpAxge4A

Snažno ohrabrujemo žene iz različitih sredina i zajednica da se prijave.

16/06/2026

AGK-ja e dënon targetimin nga tabloidet serbe të drejtores së AGK-së, Getoarbë Mulliqi, dhe gazetarit nga Vojvodina, Dinko Gruhonjiq

Asociacioni i Gazetarëve të Kosovës (AGK) është thellësisht i shqetësuar dhe dënon fuqishëm shkrimin në tabloidin “Informer”, që ka targetuar drejtoren e Asociacionit të Gazetarëve të Kosovës, Getoarbë Mulliqi, dhe gazetarin e profesorin universitar, Dinko Gruhonjiq.

Në shkrimin e titulluar: “Dinko dhe gazetarja ‘shiptare’ përkrahin bllokuesit dhe sulmojnë Serbinë: Mirë që thonë që Serbia është fajtore për luftërat në Jugosllavi”, ky tabloid sulmon autorët e analizës që trajton raportimin për të kaluarën në katër shtete të Ballkanit Perëndimor - Kosovë, Serbi, Bosnjë e Hercegovinë dhe Maqedoni e Veriut. Analiza “Raportimi mediatik mbi ballafaqimin me të kaluarën në Ballkanin Perëndimor” është realizuar si pjesë e një projekti të zyrës rajonale të organizatës joqeveritare gjermane ProPeace (ish-ForumZFD).

Shkrimi i targeton Gruhonjiqin dhe Mulliqin dhe i referohet me term denigrues etnik drejtores së AGK-së, gjë që nxit urrejtje ndëretnike në rajon.

AGK-ja e konsideron këtë artikull skandaloz dhe nxitës kundër punës profesionale të hulumtuesve të raportit, duke vënë në rrezik sigurinë e tyre personale.

Për më tepër, një komunikatë duke e targetuar edhe Mulliqin e ka lëshuar edhe Ministria e Informacionit e Serbisë.

AGK-ja e vlerëson këtë retorikë si të papërgjegjshme dhe të papranueshme, si edhe i fton mediat dhe akterët politikë në Serbi të mos sulmojnë në baza personale dhe etnike profesionistët e fushës.

AGK-ja gjithashtu kërkon nga akterët ndërkombëtarë në të dyja shtetet që ta dënojnë këtë fushatë.

AGK-ja qëndron në solidaritet të plotë me Mulliqin dhe Gruhonjiqin.

15/06/2026

Sot u publikuan tri raporte për gjendjen e mediave në Kosovë

Sot janë publikuar tri raporte të reja që trajtojnë lirinë e medias, sigurinë e gazetarëve dhe gjuhën e urrejtjes në hapësirën mediatike të Kosovës. Këto raporte ofrojnë një pasqyrë të detajuar të zhvillimeve gjatë viteve të fundit dhe sfidave aktuale që po përballon gazetaria në vend.

Fjalët hapëse u bën nga Xhemajl Rexha, kryetar i bordit të AGK-së, i cili tha se “këto raporte tregojnë me statistika dhe zhvillime reale situatat me të cilat ballafaqohen gazetarët në Kosovë, me sulme të vazhdueshme online, që vijnë shumë shpesh nga politika, por edhe me sulme të vërteta fizike, që vijnë si pasojë e një klime të rëndëuar të të bërit gazetari. Raportet në rekomandime bëjnë thirrje për akterët që pengojnë punën e gazetarëve që t’i ndalin këto praktika, dhe që organet e drejtësisë që t’i trajtojnë me prioritet sulmet”.

Jerome Bouyjou, Shefi i të Drejtave të Njeriut në UNMIK dhe Përfaqësues i Komisionerit të Lartë të OKB-së për të Drejtat e Njeriut në Kosovë, theksoi rëndësinë e këtyre raporteve për të kuptuar trendet për lirinë e shprehjes dhe medias në Kosovë. Ai bëri thirrje për hetime të shpejta të sulmeve ndaj gazetarëve, dhe angazhim më të madh për të mbrojtur lirinë e medias, sigurinë e gazetarëve dhe të drejtat e njeriut.

1. Treguesit e nivelit të lirisë së mediave dhe Indeksi i Sigurisë së Gazetarëve 2025

Raporti, i prezantuar nga Getoarbë Mulliqi dhe Yll Zekaj, thekson një kontrast të qartë mes kornizës ligjore dhe realitetit praktik në Kosovë.

Kosova ka një bazë ligjore relativisht të avancuar që garanton lirinë e shprehjes dhe mbrojtjen e gazetarëve, përfshirë dekriminalizimin e shpifjes dhe rregullimin e qasjes në dokumente publike. Megjithatë, problemi kryesor mbetet zbatimi i dobët i ligjeve dhe mungesa e efikasitetit institucional.

Ndër sfidat kryesore përfshihen:

- vonesat në qasjen në informata publike
- ndikimi politik në institucione rregullatore
- dobësia e mekanizmave të llogaridhënies
- mungesa e mbrojtjes kundër padive abuzive (SLAPP)
- presionet politike dhe ekonomike ndaj mediave

Raporti vë në pah edhe se gazetarët punojnë në kushte të pasigurta, me kontrata të paqëndrueshme dhe presione të vazhdueshme nga aktorë politikë dhe të tjerë.

Në aspektin e sigurisë, viti 2025 ka shënuar 69 raste sulmesh ndaj gazetarëve, me rritje të gjuhës së urrejtjes dhe retorikës delegjitimuese nga figura publike dhe politike.

Linku i raportit në trija gjuhët: https://agk-ks.org/publikime/treguesit-e-nivelit-te-lirise-se-mediave-dhe-indeksi-i-sigurise-se-gazetareve-2025/

2. Raporti i Monitorimit të Medias dhe Gjuhës së Urrejtjes (mars–maj 2026)

Ky raport, i prezantuar nga profesori Jeton Mehmeti, analizon 138 raste të gjuhës së urrejtjes dhe diskursit të dëmshëm në media dhe rrjete sociale.

Gjetjet kryesore tregojnë se:

- 71.7% e rasteve janë diskurs politik armiqësor dhe polarizues. Kundërshtarët politikë shpesh portretizohen si “tradhtarë”, “armiq” apo “kërcënime kombëtare”

- 77.5% e rasteve vijnë nga mediat në gjuhën shqipe, ndërsa 22.5% nga ato në gjuhën serbe

Një pjesë e madhe e përmbajtjes nuk është nxitje direkte e urrejtjes, por forma të stigmatizimit, delegjitimimit dhe demonizimit, të cilat më pas amplifikohen nga rrjetet sociale.

Raporti thekson gjithashtu:

- rritjen e retorikës kundër gazetarëve

- përdorimin e narrativave konspirative

- ndikimin e fortë të platformave digjitale në polarizim

Linku i raportit në trija gjuhët: https://agk-ks.org/publikime/raporti-i-monitorimit-te-medias-dhe-gjuhes-se-urrejtjes-2026/

3. Siguria e Gazetarëve dhe Liria e Medias në Kosovë (2021–2026)

Ky raport, i prezantuar nga Burbuqe Kastrati - Lëvizja FOL, analizon trendet afatgjata të sigurisë së gazetarëve dhe tregon një situatë të vazhdueshme shqetësuese.

Gjetjet kryesore:

2021: 18 raste
2022: 20 raste
2023: 33 raste
2024: 26 raste
2025: 9 raste
Janar–maj 2026: 9 raste

Raporti evidenton se sulmet ndaj gazetarëve vazhdojnë në mënyrë të qëndrueshme dhe përfshijnë:

- sulme fizike

- kërcënime direkte

- pengim të punës gazetareske

- fushata online dhe gjuhë urrejtjeje

- sulme me bazë gjinore ndaj gazetareve

Gjithashtu përmenden disa raste serioze të presionit dhe kërcënimeve ndaj gazetarëve hulumtues dhe ekipeve mediatike në terren.

Një tjetër problem i theksuar është mungesa e ndjekjes efektive ligjore, ku vetëm një pjesë e vogël e rasteve përfundojnë me aktakuza.

Siguria e gazetarëve mbetet problem sistemik që ndikon drejtpërdrejt në lirinë e medias dhe të drejtën e qytetarëve për informim.

Linku i raportit në trija gjuhët: https://agk-ks.org/publikime/siguria-e-gazetareve-dhe-liria-e-medias-ne-kosove-janar-maj-2026/

UNMIK - United Nations Mission in Kosovo
SafeJournalists

14/06/2026

📢 FTESË PËR MEDIA

Asociacioni i Gazetarëve të Kosovës - AGK, ju fton të merrni pjesë në Prezantimin e gjetjeve kryesore mbi Lirinë e Medias, Sigurinë e Gazetarëve dhe Gjuhën e Urrejtjes në Kosovë.

🗓 15 qershor 2026
🕛 12:00 – 14:30
📍 Infinit – Food & Drinks, Ulpianë, Prishtinë

Gjatë aktivitetit do të prezantohen gjetjet më të fundit mbi gjendjen e lirisë së medias, sigurinë e gazetarëve dhe trendet e gjuhës së urrejtjes në Kosovë. Ngjarja do të shërbejë gjithashtu si platformë diskutimi mes përfaqësuesve të mediave, organizatave të shoqërisë civile, institucioneve dhe partnerëve ndërkombëtarë.

📌 Në kuadër të aktivitetit do të prezantohen:

- Raporti mbi gjuhën e urrejtjes në media;
- Raporti mbi sigurinë e gazetarëve;
- Zhvillimet ligjore që ndikojnë në lirinë e medias;
- Gjetjet kryesore të Indeksit të Lirisë së Medias për vitin 2025.

Ftojmë kolegët të na bashkohen në këtë aktivitet!

Mirë se vini!

12/06/2026

📢‼️Rrjeti SafeJournalists shpreh shqetësim të thellë lidhur me deklaratat e bëra në mbledhjen e fundit të Komisionit të Pavarur të Mediave, ku u përmend mundësia e mbylljes së emisionit “Debat Plus”, që transmetohet në TV Dukagjini.

The SafeJournalists Network expresses serious concern following statements made during latest meeting of Kosovo’s Independent Media Commission (IMC), where Deputy Chair Drita Morina stated that if current affairs programme Debat Plus, broadcast by TV Dukagjini, continues to “violate” the rules...

11/06/2026

Dje u përmbyll projekti “Akademia për Ballafaqimin me të Kaluarën dhe Gazetarinë e Sensibilizuar për Konflikt”.

Ngjarja nisi me fjalët hapëse nga Naile Dema Selmani, nënkryetare e AGK-së, e cila theksoi se ky projekt ka krijuar hapësira të rëndësishme për reflektim profesional dhe diskutim mbi rolin e medias në ndërtimin e një shoqërie më të përgjegjshme. Ajo vlerësoi gjithashtu partneritetin afatgjatë me ProPeace dhe mbështetjen e vazhdueshme nga Ambasada Gjermane.

Fjalën hyrëse e vazhdoi Catalina Heine, udhëheqëse për Kulturë, Shtyp dhe Komunikim në Ambasadën Gjermane në Kosovë, e cila tha se gazetaria e ndjeshme ndaj konflikteve nuk do të thotë t’u shmangesh temave të vështira, por t’i trajtosh ato me saktësi. Ajo theksoi: “Storjet që tregojmë për të kaluarën formësojnë mundësitë e së ardhmes'.

Vjollca Islami Hajrullahu, menaxhere e projekteve në ProPeace – Programi në Kosovë, theksoi se raportimi i ndjeshëm ndaj konfliktit është një përgjegjësi etike. Media mund të jetë forcë për ndërtimin e mirëkuptimit, por edhe katalizator konflikti nëse raportimi nuk është i ndjeshëm ndaj kontekstit.

📊 Gjatë ngjarjes u prezantua edhe dokumenti pozicionues (Position Paper) me titull “Raportimi mediatik mbi ballafaqimin me të kaluarën në Ballkanin Perëndimor”, nga autorët Getoarbë Mulliqi dhe Dinko Gruhonjić, nën moderimin e Alexander Vojvoda.

🎤 Diskutimet vazhduan me dy panele të moderuara nga Naile Dema Selmani, ku gazetarët pjesëmarrës, Fatmir Menekshe, Jehona Hulaj, Besian Beha, Adelina Ahmeti, Fisnik Minci, Besnik Gashi, Blerta Dalloshi-Berisha, Lendrit Qeli dhe Ardita Zeqiri, prezantuan temat dhe artikujt e tyre të realizuar gjatë projektit.

📖 Të gjithë artikujt e tyre mund t’i lexoni të përmbledhur në këtë booklet në linkun këtu: https://rb.gy/ja1hff

Në fund, ngjarja u përmbyll me ceremoninë e certifikimit, duke shënuar zyrtarisht gjeneratën e parë të trajnerëve të certifikuar në këtë fushë. 👏

Pro Peace - Kosovo

10/06/2026

AGK-ja, e alarmuar nga paralajmërimi i KPM-së për mbylljen e emisionit Debat Plus

Asociacioni i Gazetarëve të Kosovës është thellësisht i shqetësuar nga diskutimi i sotëm në Komisionin e Pavarur të Mediave, ku nga nënkryetarja Drita Morina është propozuar që në mbledhjen e radhës të diskutohet mbyllja e emisionit Debat Plus në TV Dukagjini.

AGK-ja e vlerëson këtë deklaratë si të papranueshme, të papërgjegjshme dhe si sulm frontal ndaj lirisë së medias dhe shprehjes në Kosovë. Diskutimi i sotëm është vazhdimësi e vendimeve të pabaza ndëshkuese kundër mediave në ditët e fundit.

AGK-ja rithekson se nuk është në kompetencën e KPM-së të dënojë mediat dhe gazetarët për shkak të debatit dhe deklaratave të të ftuarve.

Vendimet e paprecedentë me gjoba nga përbërja e re e KPM-së vërtetojnë alarmin e ngritur nga AGK-ja dhe shoqëria civile se KPM-ja është vënë tërësisht në funksion të politikave të Vetëvendosjes dhe Qeverisë, të cilat synojnë intimidimin e mediave dhe gazetarëve.

Liria e medias dhe e shprehjes është e drejtë e garantuar në Kosovë, ndërsa pluralizmi mediatik është vlerë që asnjë vendim i KPM-së nuk mund ta zhbëjë.

AGK-ja i bën thirrje KPM-së që të heqë dorë menjëherë nga praktika e ndëshkimit të mediave dhe ta kryejë punën e saj brenda kompetencave që ka.

09/06/2026

AGK-ja qëndron në solidaritet të plotë me gazetarët, kameramanët, montazhierët dhe të gjithë punonjësit e Transmetuesit Publik, RTK në kërkesën e tyre për pagesën e plotë të rrogës së muajit të kaluar.

AGK-ja i bën thirrje Bordit dhe Menaxhmentit të RTK-së që urgjentisht të adresojnë krizën financiare, në mënyrë që punonjësit e saj të mos dëmtohen.

AGK e përsërit thirrjen për Kuvendin dhe Qeverinë e Kosovës që të adresojë problemet financiare të RTK-së dhe të ndalojë menjëherë presionin e vazhdueshëm politik dhe partiak ndaj linjës editoriale të RTK-së.