Shoqata Organika

12/06/2026

Gjatë ditëve të fundit, ORGANIKA ishte pjesë e misionit B2B të organizuar nga CNVP Kosovo, duke kontribuar në krijimin e lidhjeve të reja me kompanitë nordike dhe në promovimin e potencialit të sektorit të bimëve mjekësore, aromatike dhe produkteve pyjore jo-drusore të Kosovës.

09/06/2026

Bujqësia organike në Kosovë ka potencial të madh për zhvillim, por përballet edhe me sfida të ndryshme në rrugën e saj drejt rritjes dhe konkurrueshmërisë.

📖 Ju ftojmë të lexoni artikullin “Bujqësia organike në Kosovë: mes potencialit dhe sfidave për certifikim”, të përgatitur nga gazetarja Arjeta Shabani, publikuar nga Reporteri, i cili trajton zhvillimet aktuale dhe sfidat e sektorit organik në vend.

Raftet e marketeve në vend janë të mbushura me produkte që etiketohen si “bio” e “organike”. Por, vetëm etiketa nuk e dëshmon se janë vërtet të tilla. Kompanitë duhet t’i nënshtrohen certifikimit nga trupa të akredituara nga Komisioni Evropian, për t’i deklaruar produktet si...

08/06/2026

Me sukses u realizua vizita studimore në Hungari e organizuar nga Shoqata ORGANIKA në bashkëpunim me FiBL, me pjesëmarrjen e grave ndërmarrëse nga sektori i Bimëve Mjekësore dhe Aromatike (BMA) dhe Produkteve Pyjore Jo Drusore (PPJD), si dhe ekspertëve të fushës.

Gjatë vizitës, pjesëmarrëset patën mundësinë të njihen me modele të suksesshme të prodhimit organik, përpunimit dhe marketingut të bimëve mjekësore dhe aromatike, si dhe të shkëmbejnë përvoja me prodhues dhe organizata të specializuara në Hungari. Vizitat përfshinë Institutin Kërkimor për Bujqësi Organike-ÖMKi, prodhues të bimëve mjekësore, ferma agroekologjike dhe biznese që kanë zhvilluar produkte me vlerë të shtuar dhe qasje inovative në treg.

Kjo vizitë kishte për qëllim forcimin e kapaciteteve të grave ndërmarrëse, krijimin e kontakteve të reja profesionale dhe identifikimin e mundësive për bashkëpunim dhe zgjerim të tregut në të ardhmen.

Ky aktivitet u mbështet nga projekti EREA i cili implementohet nga Caritas Switzerland in Kosovo dhe financohet nga Austrian Development Agency .

29/05/2026

Gjatë kësaj jave është mbajtur punëtoria për vlerësimin e zbatimit të Planit të Veprimit për Bujqësi Organike (PVBO) 2023-2026 dhe planifikimin e aktiviteteve për hartimin e Planit të ri të Veprimit për Bujqësi Organike 2027-2030.

Duke qenë se gjatë këtij viti do të fillojë procesi i hartimit të PVBO 2027-2030, i udhëhequr nga Ministria e Bujqësisë, Pylltarisë dhe Zhvillimit Rural (MBPZHR), me Z. Isuf Cikaqi në cilësinë e kryesuesit të grupit punues, punëtoria shërbeu si një hap i rëndësishëm në identifikimin e prioriteteve dhe veprimeve që do të përfshihen në planin e ri.

Punëtoria mblodhi grupin punues të PVBO-së, përfaqësues të institucioneve publike, sektorit privat, organizatave donatore dhe akterëve të tjerë relevantë, me qëllim vlerësimin e progresit të arritur në zbatimin e PVBO 2023-2026, identifikimin e sfidave dhe përcaktimin e prioriteteve për zhvillimin e mëtejmë të sektorit organik në Kosovë.

Gjatë takimit, pjesëmarrësit realizuan analiza SWOT për katër shtyllat e PVBO 2023-2026, duke identifikuar pikat e forta, dobësitë, mundësitë dhe sfidat e sektorit. Bazuar në këto analiza, u hartua edhe një listë rekomandimesh dhe prioritetesh që do të shërbejnë si bazë për përgatitjen e PVBO 2027-2030.

Në punëtori mori pjesë edhe eksperti i njohur i bujqësisë organike nga FiBL, Z. Markus Arbenz, i cili kontribuoi në diskutimet dhe ushtrimet interaktive për përcaktimin e drejtimeve strategjike dhe veprimeve prioritare për zhvillimin e sektorit organik në vitet e ardhshme.

Ky aktivitet u mbështet nga projekti EREA i cili implementohet nga Caritas Switzerland in Kosovo dhe financohet nga Austrian Development Agency.

29/05/2026

Toka jonë-Shija juaj! 🍓

Së shpejti edhe këtë vit në Prishtina Mall..

22/05/2026

Sot u zhvillua trajnimi me temën “Përdorimi i Bimëve Mbuluese dhe Kompostit në Bujqësinë Organike”, i organizuar nga Shoqata ORGANIKA në bashkëpunim me IADK. 🌱

Trajnimi mblodhi fermerë, studentë dhe agronomë për të diskutuar mbi rëndësinë e bimëve mbuluese dhe kompostit në përmirësimin e pjellorisë dhe shëndetit të tokës në bujqësinë organike.

Përmes prezantimeve teorike dhe shembujve praktikë nga parcela demonstruese, pjesëmarrësit patën mundësinë të njihen me rezultatet konkrete të përdorimit të këtyre praktikave agroekologjike.

Trajnimi ishte interaktiv dhe përfshiu edhe ushtrime praktike në grupe mbi qarkullimin bimor dhe bimët mbuluese duke krijuar hapësirë për shkëmbim përvojash dhe diskutime ndërmjet pjesëmarrësve.

Ky trajnim është mbështetur nga projekti EREA, i cili financohet nga Bashkëpunimi Austriak për Zhvillim(ADA) dhe implementohet nga Caritas-i Zviceran në Kosovë.

21/05/2026

Angazhimi i agronomëve të rinj në sektorin e bujqësisë organike 🌱

Krenohemi me angazhimin e agronomëve të rinj në sektorin e bujqësisë organike dhe zhvillimin e praktikave të qëndrueshme në Kosovë. Përmes punës së tyre në terren, këta të rinj po kontribuojnë në ndërtimin e një sektori bujqësor më të qëndrueshëm dhe më rezistent ndaj ndryshimeve klimatike.

Lexoni më shumë në artikullin e publikuar nga International Land Coalition:

Extreme weather events are increasingly affecting agricultural production in Kosovo, challenging farmers and their investments. In the Municipality of Istog, recent strong winds damaged demonstration plots using agrotextile – a protective agricultural fabric used to cover crops and improve growing...

19/05/2026

01/05/2026

Gëzuar 1 Maji-Dita e Punëtorëve!

Sot është një ditë për të vlerësuar punën e secilit prej jush që çdo ditë, me përkushtim dhe dashuri për natyrën, mbani gjallë sektorin e bimëve mjekësore dhe aromatike, produkteve pyjore jo drusore dhe bujqësisë organike.

Pas çdo produkti ka duar që punojnë fort, ka përvojë, sakrificë dhe një lidhje të veçantë me tokën. Pikërisht kjo e bën punën tuaj kaq të vlefshme.

Faleminderit që jeni pjesë e këtij rrugëtimi-duke ruajtur natyrën dhe duke krijuar një të ardhme më të shëndetshme për të gjithë.