Instituti GAP

05/08/2026

📊 Fletushka informuese për draft-buxhetet e komunave për vitin 2027

Instituti GAP ka përgatitur fletushka informuese për Kornizën Afatmesme të Buxhetit (KAB) 2027–2029 dhe i ka shpërndarë ato në 23 komuna të Kosovës.

Fletushkat paraqesin në mënyrë të thjeshtësuar, përmes tabelave dhe grafikëve, të dhënat kryesore nga KAB 2027–2029, me qëllim që të informojnë qytetarët dhe të nxisin pjesëmarrje më aktive në dëgjimet publike për buxhetin e vitit 2027.

📌 Në fletushka mund të gjeni:
✅ Sa do të jetë buxheti i komunës për vitin 2027;
✅ Si planifikohet të shpenzohen mjetet sipas kategorive buxhetore;
✅ Sa mjete ndahen për subvencione dhe në cilët sektorë;
✅ Sa të hyra vetanake planifikon të mbledhë komuna gjatë viteve 2027–2029;
✅ Cilat investime kapitale planifikohen për vitin 2027 – nga rrugët, kanalizimet dhe ujësjellësi, deri te objektet arsimore, shëndetësore dhe infrastruktura sportive;
✅ Cilat projekte janë të reja dhe cilat barten nga viti 2026 në vitin 2027.

🗣️ Merrni pjesë në dëgjimet publike dhe përdorni këto materiale për t'u informuar më mirë dhe për të kontribuar në vendimmarrjen për buxhetin e komunës suaj.

📄 Fletushkën për komunën tuaj mund ta gjeni këtu:
https://komunat.institutigap.org/reports

Instituti GAP përkrahet nga programi i Fondacionit Kosovar për Shoqëri Civile (KCSF) "EJA Kosovë", bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

04/08/2026

📣Instituti GAP ka publikuar raportin vjetor "Indeksi i Transparencës Buxhetore të Komunave 2025", i cili vlerëson nivelin e transparencës buxhetore në 38 komunat e Kosovës. Rezultatet e Indeksit tregojnë një përmirësim të nivelit të transparencës buxhetore në nivel lokal krahasuar me vitin paraprak.

📊 Gjetjet kryesore:
• Mesatarja e indeksit është rritur nga 61 pikë në vitin 2024 në 64.5 pikë në vitin 2025.
• 10 komuna kanë arritur rezultatin maksimal prej 100 pikësh.
• Gjysma e komunave kanë arritur së paku 89.5 pikë.
• Gjatë vitit 2025 janë publikuar 240 dokumente buxhetore, ndërsa janë mbajtur 119 dëgjime buxhetore me qytetarët.
• 76% e dokumenteve janë publikuar në formate lehtësisht të përdorshme.

Ndonëse trendi i përgjithshëm është pozitiv, ekziston ende hapësirë e konsiderueshme për përmirësim të performancës në shumicën e komunave, veçanërisht sa i përket transparencës në kontratat publike, dhe publikimit të dokumenteve të Buxhetimit të Përgjegjshëm Gjinor. Në këtë drejtim, është e nevojshme që komunat të ndërmarrin hapa konkretë për të garantuar një transparencë më të lartë dhe më të qëndrueshme.

📄 Raportin dhe komunikatën e plotë mund t’i gjeni këtu: https://www.institutigap.org/lajme/3652
📈 Të dhënat vizuale dhe rezultatet për secilën komunë i gjeni në platformën Indeksi i Transparencës Buxhetore të Komunave:
https://institutigap.org/transparenca-buxhetore/

Instituti GAP përkrahet nga programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

GAP - Instituti për Studime të Avancuara

28/07/2026

01/07/2026

OpED: Nga strategjia te zbatimi: Sfidat e tranzicionit energjetik në Kosovë

Kosova ka vendosur objektiva ambicioze për ta orientuar sektorin energjetik drejt burimeve më të pastra të prodhimit të energjisë elektrike apo burimeve të ripë

29/06/2026

📢 Sot, Instituti GAP ka publikuar analizën: "Numri i mësimdhënësve në komuna: tepricë apo nevojë? (Ndikimi i ndryshimeve në grantin për arsim në komuna)"

Nga viti 2026, Ministria e Financave ka nisur zbatimin e plotë të formulës së grantit të arsimit, duke e bazuar financimin e mësimdhënësve në numrin aktual të nxënësve dhe raportin nxënës–mësimdhënës. Si rezultat i këtij ndryshimi, lista e mësimdhënësve të paraqitur nga komunat nuk merret më automatikisht si bazë për buxhetim, ndërsa nëse komunat raportojnë më shumë mësimdhënës, Ministria nuk i pranon këto pozita si të financueshme.

🔎Gjetjet kryesore të analizës tregojnë se:
▪ Në vitin 2026, 3,101 mësimdhënës janë larguar nga granti i arsimit në nivel vendi. Ndërkaq, për vitin 2027 planifikohet që ky numër të ulet edhe më tej.

▪ Nëse komunat vendosin t'i mbajnë në punë mësimdhënësit që nuk financohen më nga granti, ato do të duhet t'i mbulojnë pagat nga burimet vetanake ose nga granti i përgjithshëm, duke zvogëluar mjetet për investime në sektorin e arsimit dhe zhvillimin komunal. Vetëm në vitin 2026, kjo krijon një barrë shtesë prej mbi 24 milionë euro për buxhetet komunale.

▪ Në vlerë absolute, presioni më i madh për mbulimin e pagave të mësimdhënësve "tepricë" apo "mbi normë" bie mbi Gjilanin me mbi 2.5 milionë euro, Gjakovën me mbi 2.3 milionë euro, pasuar nga Peja, Malisheva, Podujeva, Rahoveci, Suhareka, Skenderaj dhe Mitrovica e Jugut.👩‍🏫👨‍🏫

📉 Analiza tregon se kjo situatë lidhet me një trend afatgjatë: numri i nxënësve në Kosovë ka rënë vazhdimisht ndër vite, ndërsa numri i mësimdhënësve dhe i shkollave nuk është përshtatur me të njëjtin ritëm.

Prandaj, Instituti GAP vlerëson se komunat duhet të nisin një proces të mirëplanifikuar të riorganizimit të rrjetit shkollor dhe menaxhimit të stafit në arsim, të bazuar në të dhëna të sakta për numrin e nxënësve, paralelet, nevojat për kuadro, shpërndarjen gjeografike të shkollave dhe kostot reale të funksionimit. Ky proces duhet të jetë pjesë e një reforme të qëndrueshme për përshtatjen e sistemit arsimor me ndryshimet demografike dhe financiare.

📌 Për më shumë detaje, lexoni analizën dhe komunikatën në linkun më poshtë👇ose këtu👉:https://www.institutigap.org/lajme/3643

Instituti GAP përkrahet nga programi i Fondacionit Kosovar për Shoqëri Civile (KCSF) "EJA Kosovë", bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

GAP - Instituti për Studime të Avancuara

24/06/2026

📊 Numri i të punësuarve me kontrata për shërbime të veçanta në komunat e Kosovës u rrit rreth 40% brenda një viti (2024-2025).

Në vitin 2024 numri total i kontratave për shërbime të veçanta ishte 381, ndërsa në 2025 arriti në 534.

🔺 Prishtina: nga 73 në 207 (+134) të angazhuar
🔺 Zveçani: nga 0 në 22 (+22)
🔺 Obiliq: nga 16 në 31 (+15)
🔺 Peja: nga 7 në 20 (+13)

🔻 Gjilani: nga 97 në 65 (−32)
🔻 Malisheva: nga 22 në 10 (−12)
🔻 Viti: nga 20 në 9 (−11)

Instituti GAP përkrahet nga programi i Fondacionit Kosovar për Shoqëri Civile (KCSF )‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

23/06/2026

Gjatë periudhës 2018–2025, kapaciteti i përgjithshëm operativ për prodhim të energjisë elektrike në Kosovë kishte një rritje të ngadalsuar, nga rreth 1,076 MW në vitin 2018 në 1,261 MW në vitin 2025.

Rritja u ndikua nga:
🌬️ Rritja e kapaciteteve të energjisë së erës nga 33.8 MW në vitin 2018 në 137.2 MW në vitin 2025, kryesisht falë vënies në funksion të një parku të ri me erë (projekti Sowi në vitin 2021).

💧 Rritja e kapaciteteve hidroenergjetike nga 75.5 MW në vitin 2018 në 128.5 MW në vitin 2025, si rezultat i investimeve deri në vitin 2021 në hidrocentrale.

☀️ Rritja e kapaciteteve të energjisë diellore nga 6.6 MW në vitin 2018 në 35.5 MW në vitin 2025, pas ndërtimit të gjashtë impianteve të reja fotovoltaike me kapacitet të kombinuar prej 21.5 MW.

🏭 Kapaciteti i termocentraleve me linjit mbeti i pandryshuar në 960 MW gjatë gjithë periudhës 2018–2025.

➡Analizën e plotë mund ta gjeni duke klikuar këtu: https://www.institutigap.org/lajme/3634

19/06/2026

Instituti GAP, në kuadër të projektit “Politikat Industriale të Gjelbra (GIP)” i përkrahur nga Open Society Foundations Western Balkans, organizoi tryezën e diskutimit ku prezantoi raportin “Politikat Industriale të Gjelbra: Analizë e Kontekstit të Kosovës.”

📊Gjetjet e raportit tregojnë se Kosova vazhdon të përballet me sfida të konsiderueshme në tranzicionin e gjelbër, përfshirë varësinë e lartë nga qymyri, ritmin e ngadaltë të zhvillimit të energjisë së ripërtëritshme, ndikimin e Mekanizmit të Rregullimit të Kufirit për Karbon (CBAM) në industrinë vendore dhe nevojën për investime të konsiderueshme në sektorin energjetik.

📌Raporti rekomandon hartimin e një Politike Industriale të Gjelbër gjithëpërfshirëse, përshpejtimin e tranzicionit energjetik përmes zhvillimit të energjisë së ripërtëritshme, efiçiencës së energjisë dhe investimeve në rrjet, rritjen e gatishmërisë për CBAM, mbështetjen e një tranzicioni të drejtë për punëtorët dhe komunitetet e prekura, si dhe harmonizimin e mëtejshëm me politikat klimatike dhe energjetike të Bashkimit Evropian.

🌱Politikat Industriale të Gjelbra gjithëpërfshirëse mund të ndihmojnë në lidhjen e tranzicionit energjetik me zhvillimin ekonomik, rritjen e konkurrueshmërisë së industrisë vendore dhe krijimin e vendeve të reja të punës.

🤝 Në diskutim kontribuuan z. Dritan Nelaj, drejtues i Programit për Tranzicion të Drejtë të Energjisë në Fondacionet për Shoqëri të Hapur – Ballkani Perëndimor, ministrja në detyrë e Ekonomisë, znj. Artane Rizvanolli, ministrja në detyrë e Industrisë, Ndërmarrësisë, Tregtisë dhe Inovacionit, znj. Mimoza Kusari-Lila, z. Sergiy Maslichenko nga BERZH, z. Trim Tërnava nga KOSTT dhe znj. Njomza Hoxha nga Fondi i Kosovës për Efiçiencë të Energjisë. Ata diskutuan mbi sfidat dhe mundësitë e tranzicionit të gjelbër në Kosovë, duke theksuar rëndësinë e investimeve në energji të ripërtëritshme, efiçiencë të energjisë, zhvillimin e infrastrukturës energjetike, mbështetjen e sektorit privat dhe përgatitjen e ekonomisë për përmbushjen e objektivave klimatike dhe energjetike të Bashkimit Evropian.

➡Analizën dhe komunikatën e plotë mund t'i gjeni duke klikuar këtu. https://www.institutigap.org/lajme/3634

17/06/2026

🔴LIVE - Instituti GAP prezanton raportin “Politikat Industriale të Gjelbra: Analizë e Kontekstit të Kosovës”

12/06/2026

🌿 Si mund ta shfrytëzojë Kosova tranzicionin e gjelbër për të ndërtuar një industri më konkurruese dhe të qëndrueshme?

Më 17 qershor 2026, me përkrahjen e Open Society Foundations Western Balkans, Instituti GAP organizon tryezën e diskutimit ku do të prezantohet raporti "Politikat e Gjelbra Industriale: Analizë e Kontekstit të Kosovës"

Raporti trajton disa nga sfidat dhe mundësitë kryesore të tranzicionit të gjelbër në Kosovë.
𝘈 𝘮𝘫𝘢𝘧𝘵𝘰𝘯 𝘦𝘯𝘦𝘳𝘨𝘫𝘪𝘢 𝘦 𝘳𝘪𝘱ë𝘳𝘵ë𝘳𝘪𝘵𝘴𝘩𝘮𝘦 𝘱ë𝘳 𝘵ë 𝘱ë𝘳𝘮𝘣𝘶𝘴𝘩𝘶𝘳 𝘰𝘣𝘫𝘦𝘬𝘵𝘪𝘷𝘢𝘵 𝘦 𝘥𝘦𝘬𝘢𝘳𝘣𝘰𝘯𝘪𝘻𝘪𝘮𝘪𝘵? 𝘚𝘪 𝘥𝘰 𝘵ë 𝘯𝘥𝘪𝘬𝘰𝘫ë 𝘊𝘉𝘈𝘔 𝘵𝘦𝘬 𝘦𝘬𝘴𝘱𝘰𝘳𝘵𝘶𝘦𝘴𝘪𝘵 𝘷𝘦𝘯𝘥𝘰𝘳ë? 𝘈 ë𝘴𝘩𝘵ë 𝘒𝘰𝘴𝘰𝘷𝘢 𝘦 𝘱ë𝘳𝘨𝘢𝘵𝘪𝘵𝘶𝘳 𝘱ë𝘳 𝘯𝘫ë 𝘵𝘳𝘢𝘯𝘻𝘪𝘤𝘪𝘰𝘯 𝘵ë 𝘥𝘳𝘦𝘫𝘵ë 𝘲ë 𝘮𝘣ë𝘴𝘩𝘵𝘦𝘵 𝘱𝘶𝘯ë𝘵𝘰𝘳ë𝘵 𝘥𝘩𝘦 𝘨𝘳𝘶𝘱𝘦𝘵 𝘦 𝘤𝘦𝘯𝘶𝘦𝘴𝘩𝘮𝘦? 𝘈 𝘫𝘢𝘯ë 𝘮𝘦𝘬𝘢𝘯𝘪𝘻𝘮𝘢𝘵 𝘢𝘬𝘵𝘶𝘢𝘭ë 𝘵ë 𝘧𝘪𝘯𝘢𝘯𝘤𝘪𝘮𝘪𝘵 𝘵ë 𝘮𝘫𝘢𝘧𝘵𝘶𝘦𝘴𝘩ë𝘮 𝘱ë𝘳 𝘵ë 𝘮𝘣ë𝘴𝘩𝘵𝘦𝘵𝘶𝘳 𝘬ë𝘵ë 𝘱𝘳𝘰𝘤𝘦𝘴?⚡

Njihuni me panelistët që do të kontribuojnë në këtë diskutim⤵️.

📅 17 qershor 2026
🕣 08:45
📍 Courtyard by Marriott Prishtina