19/09/2024
Energjia e nesërme fillon sot me Lansimin e Shoqatës YEPA 💚
Me 18 shtator 2024 u lansua Shoqata Young Electrical Professionals Association (YEPA), një organizatë e re e krijuar për të fuqizuar brezin e ri të profesionistëve në sektorin e energjisë në Kosovë. YEPA synon të promovojë përfshirjen e të rinjve, me fokus të veçantë te gratë dhe vajzat, duke ofruar mundësi për zhvillim profesional, rrjetëzim dhe mbështetje përmes bashkëpunimeve strategjike me institucionet kryesore publike dhe private të këtij sektori jetik.
Me rastin e lansimit të YEPA z. Valdrin Januzi, Kryetar i organizatës theksoi rëndësinë e krijimit të kësaj platforme për të rinjtë në sektorin e energjisë, duke vënë në pah se organizata synon të promovojë zhvillimin profesional dhe të nxisë përfshirjen aktive të grave dhe vajzave në këtë industri.
z. Evetar Zeqiri, Kryeshefi Ekzekutiv i KOSTT, i cili ka qenë mbështetës që nga fillimi, ne fjalën e tij theksoi rëndësinë e kësaj nisme për fuqizimin e të rinjve në sektorin e energjisë. Ai vlerësoi përkushtimin e Shoqatës për zhvillimin profesional të brezit të ri dhe shprehu mbështetjen e tij të vazhdueshme, duke nënvizuar se YEPA do të luajë një rol kyç në krijimin e mundësive të reja dhe në forcimin e bashkëpunimit me institucionet kryesore të industrisë energjetike.
Në lansim ishin të pranishëm edhe Prodekani i Fakultetit të Inxhinierisë Elektrike dhe Kompjuterike, z. Qamil Kabashi, dhe Nënkryetari i Komitetit të Energjisë CIGRE-Kosovë, z. Gazmend Kabashi si dhe anëtar të KOSTT, KEK, KEDS e organizata tjera të sektorit të energjisë. Në fjalët e tyre të rastit, ata uruan për këtë iniciativë të rëndësishme dhe theksuan rëndësinë e bashkëpunimit për të fuqizuar të rinjtë në sektorin e energjisë, duke premtuar mbështetje dhe përfshirje aktive në përparimin e këtij sektori.
Qëndroni me ne për tu informuar rreth njoftimeve dhe aktiviteteve të ardhshme të Shoqatës YEPA. Përmes iniciativave dhe eventeve të vazhdueshme bashkë do të krijojmë mundësi të reja për zhvillimin e të rinjve në sektorin e energjisë dhe të ndërtojmë një komunitet të fortë profesionistësh që do të kontribuojnë në të ardhmen e këtij sektori strategjik për vendin tonë.
