Associação Empresarial das Mulheres de Timor-Leste AEMTL

16/06/2026

16/06/2026

16/06/2026

LP

📢 BNCTL no IFC Fahe Informasaun Kona-ba Produtu Kreditu Morten ba Associação Emprezarial das Mulheres Timor-Leste husi Membro Nasional no Munisipiu sira iha Timor-Leste.

Hodi apoiu dezenvolvimentu negósiu mikro no ki’ik sira iha Timor-Leste, BNCTL kontinua oferese Kreditu Morten, hanesan fasilidade finansiamentu ne’ebé destina ba empreza mikro, ki’ik no média sira atu bele aumenta sira-nia kapital, hadi’a operasaun negósiu no promove kresimentu ekonomia lokal.

Kreditu Morten disponibiliza montante empréstimu husi USD 5,000 to’o USD 200,000, tuir tamañu no nesesidade negósiu nian. Programa ida ne’e iha objetivu atu fasilita asesu ba finansiamentu formál ba empreendedór sira ne’ebé iha atividade negósiu iha área manufatura, servisu no komérsiu.

Benefísiu principal husi kreditu ida ne’e mak prosesu aplikasaun simples, taxa juros kompetitivu no oportunidade atu hasa’e kapasidade negósiu atu sai sustentável no produtivu liu tan. Ba montante ki’ik to’o USD 5,000, aplikante sira bele hetan apoiu ho rekizitu ne’ebé simples liu, enquanto ba montante boot sira presiza dokumentasaun finanseira no garantia tuir regulamentu banku nian.

BNCTL konvida empreendedór sira ne’ebé hakarak dezenvolve no espande sira-nia negósiu atu aproveita oportunidade ida ne’e. Atu hetan informasaun detalhadu kona-ba rekizitu, termu no kondisaun aplikasaun, bele kontaktu ofisiál BNCTL liuhusi númeru WhatsApp 73668943 ka 78267598.

03/06/2026

📍 Dili Convention Centre, 2 Juñu 2026

Associação Empresarial das Mulheres Timor-Leste (AEMTL) marka prezensa ativa iha National Consultation Workshop kona-ba Enhanced Integrated Framework (EIF) Country Programme Document (CPD) Timor-Leste 2026–2031, ne’ebé organiza husi Ministériu Koordenadór ba Asuntu Ekonómiku ho apoiu husi parseiru dezenvolvimentu sira.

Partisipasaun AEMTL representa husi Presidente AEMTL, Sra. Hergui Luina Fernandes Alves, no Presidente Interina, Sra. Aquelina da Costa Ribeiro, hanesan parte husi kompromisu organizasaun atu garante katak lian no interese emprezária feto sira inklui iha prosesu planeamentu no dezenvolvimentu ekonomiku nasional.

Durante konsultasaun ne’e, Presidente AEMTL, Sra. Hergui Luina Fernandes Alves, halo aprezentasaun kona-ba projetu prioridade sira husi AEMTL ne’ebé fó fokus ba empoderamentu ekonomiku feto, dezenvolvimentu kapasidade negósiu, asesu ba merkadu, inovasaun, kriasaun oportunidade empregu no fortalese partisipasaun feto sira iha setor privadu.

Aprezentasaun ne’e mos destaca kontribuisaun importante emprezária feto sira iha kresimentu ekonomia nasional no nesesidade atu aumenta apoiu ba iniciativa sira ne’ebé bele promove inkluzaun ekonomika, sustentabilidade negósiu no dezenvolvimentu komunidade sira iha territóriu tomak.

AEMTL kontinua komprometidu atu serve hanesan ponte entre emprezária feto sira, governu no parseiru dezenvolvimentu hodi promove ambiente negósiu ne’ebé inkluzivu, kompetitivu no sustentável ba futuru Timor-Leste.

29/05/2026

OPORTUNIDADE DIAK ‼️

Ita mak feto ne'ebe halao negosiu, lidera setor privadu ka lidera instituisaun finansas iha Dili ou munisipius sira?
Ka ita hatene ema ruma ne'ebe halo diferensa iha area sira ne'e?

Nomeia agora, ne'e mak tempu no oportunidade diak atu fo rekoñesimentu ba FETO MALUK sira.
🏆🏆🏆

Link ba formulariu iha lian Ingles, Portugues no Tetum: http://wrld.bg/HQFC50Z49ic

Bele visita office AEMTL iha Rua Akait CCI-TL segunda andar, iha horas servisu hodi bele hetan informasaun klaru‼️✨️

IFC - International Finance Corporation Presidência da República Democrática de Timor-Leste

26/05/2026

LP

Díli, 25 Maiu 2026

AEMTL Nasional hamutuk ho AEMTL Baucau, AEMTL Viqueque no AEMTL Lautém hala’o encontro no asina akordu servisu hamutuk ho CDC-Baucau durante tinan ida atu dezenvolve no produz produtus husi Nu’u.

CDC-Baucau, hanesan sentru formasaun ne’ebé iha koñesimentu no esperiénsia ba produsaun husi nu’u, sei servisu hamutuk ho AEMTL Baucau, AEMTL Viqueque no AEMTL Lautém hodi prepara no dezenvolve produtus oioin husi kulit nu’u, kakun nu’u no nu’u isin.

Produtus hirak ne’e sei sai parte husi projetu BRAND TIMOR, ne’ebé hetan apoiu fundus husi União Europeia (EU) 🇪🇺 no implementa husi International Labour Organization (ILO) ho parseria ho AEMTL.

19/05/2026

🌴✨ AEMTL konvida ita hotu atu haree rezultadu inspiradór ida ne’e!

Husi treinamentu prototipu no produsaun nuu nian, feto sira konsege transforma fibra/kulit nuu ba pasta, xapeu, asesóriu no produtu kriativu seluk ne’ebé amigavel ba ambiente no iha valor merkadu. 🌱💼

Inisiativa ida ne’e la’ós de’it promove kriatividade no empreendedorizmu, maibé mós fó oportunidade ekonomia ba feto timoroan sira.

📌 Programa ne’e implementa husi ILO liuhosi Programa Abilidade Agrofloresta no apoiu husi União Europeia, no organiza husi Associação Empresarial das Mulheres Timor-Leste (AEMTL).

11/05/2026

🌟 Timor-Leste Women in Business Awards 2026 🌟
Are you a woman in business, entrepreneur, or CEO in Timor-Leste?
Or are you working in leading financial institutions in Timor-Leste, international organizations, or the private sector? 💼
This opportunity is for YOU. 💛
We are now OPEN for applications & nominations to recognize women and institutions driving leadership, innovation, and impact.
📅 4 May – 8 July 2026
🏆 Celebrate women shaping Timor-Leste’s future
✨ Apply for yourself or nominate someone you know with strong potential and impact
📄 Forms available in Tetum, English & Portuguese
👉 Apply here:
https://aemtl.org/women-in-business-awards-2026/
💛 Share it. Nominate someone. Let her story be seen.

For more information contact Efa (77427543) or Ana (77234390).

06/05/2026

🏆Aplika Agora – Prémio Feto iha Negósiu Timor-Leste 2026 🌟
Ita feto ne’ebé hola parte iha mundu negósio iha Timor-Leste? Labele lakon oportunidade ne'e atu rekonhese kontribuisaun ita bo'ot nian!

Aplikasaun ba Prémiu Emprendedora Feto Timor-Leste 2026 , loke iha loron 04 fulan Maiu no taka iha loron 08 fulan Jullu. Ida ne’e oportunidade atu selebra lideransa, inovasaun no espiritu empreendedór.
Se ita mak líder komunidade ka emprezária ne’ebé pertense iha area profisional oin-oin, ami hakarak rona istória husi ita.

📄 Formulariu aplikasaun disponível iha Tetum, Inglês no Português.
👉 Favor klik link iha kraik atu hetan informasaun kompletu no submete ita nia aplikasaun iha website aemtl.org nomos bele scanner iha QR code...

• Inglés : https://aemtl.org/women-in-business-awards-2026/
• Tetum: https://aemtl.org/tetun/premiu-empreendedor-feto-timo-leste-2026/
• Portugues : https://aemtl.org/pt/women-in-business-awards/

📢 Partilla oportunidade ne’e ba família, kolega no ema hotu tantu husi setór públiku no privadu, inklui kompania husi mikro pequena empreza to’o medium, organizasaun/instituisaun publiku no privadu ne’ebé existe iha Timor-Leste, atu bele kandidata ita nia an (Individu), nomeia ema seluk ka organizasaun/instituisaun ne’ebé lidera husi feto..!✨️✨️🇹-🇱🏆🏆
Ami konvida ita hotu atu aproveita oportunidade ida ne’e. Submete ita nia aplikasaun antes detallu no sai parte husi mudansa pozitivu ba feto emprezária sira iha Timor-Leste.

05/05/2026

LP

Konferénsia Imprensa – Lansamentu Premiu Emprendedór Feto Timor-Leste 2026
Segunda-feira, loron 04 fulan Maio 2026 | Palásiu Prezidensiál, Aitarak Laran, Díli

Lansamentu ofisiál ba Premiu Emprendedór Feto Timor-Leste 2026 realiza ho onra boot husi Sua Excelénsia, Prezidente RDTL, Dr. José Ramos-Horta.

International Finance Corporation (IFC) no Associação Empresarial das Mulheres de Timor-Leste (AEMTL), iha parcería ho Governu Austrália no Nova Zelândia, orgulhu atu organiza eventu prestijiadu ida ne’e, ho patrosíniu husi Prezidente Repúblika Demokrátika Timor-Leste.

Premiu ida ne’e nia objetivu mak atu rekoñese no valoriza kontribuisaun feto sira ne’ebé hatudu exelénsia iha sira nia kareira, negósiu no iniciativa empreendedora, hanesan modelu inspiradór ba komunidade.

Aleinde ne’e, premiasaun ida ne’e mos promove no enkoraja esforsu husi líder setor públiku, privadu no sosiedade sivíl sira ne’ebé ativamente kontribui ba igualdade jéneru, diversidade, governasaun di’ak no inkluzaun finanseira.

Inisiativa ida ne’e mos rekoñese prátika inovativu, polítika no projetu institusionál no individuál sira ne’ebé fortaleze partisipasaun feto iha ekonomia nasional.

Ba informasaun kompleta kona-ba kategoria no prosesu nominasaun, bele asesu liu husi: www.aemtl.org
________________________________________
IFC | AEMTL | Presidência da República Democrática de Timor-Leste
Australian Embassy, Timor-Leste | New Zealand Embassy in Timor-Leste