04/09/2026
"Workshop Istória Segunda Guerra Mundiál Kona-ba Jugun lanfu "Eskravidaun Seksuál"
Durante OkupasaunTropas Japonés iha Timor-Leste 1942-1945"
Konsekuensia husi okupasaun tropas Japonés mai Timór durante tinan tolu resin iha tempu Segunda
Guerra Mundiál (1942-45) husik hela sofrimentu bo'ot ba povu Timorense. Objetivu husi invazaun
tropás Japonés mai Timor-Leste, tuir istória katak, atu duni sai forsa aliadu sira (Australia no Olandés)
husi Timor-Leste. Durante invazaun militár Japonés iha Timor-Leste, obriga komunidade sira hodi
hala'o servisu atu apoiu militár Japonés sira atu halo funu hasoru nia adversáriu sira. Konsekuensia
husi funu ne'e, mais ou menus ema rihun atus neen (600.000 ) resin mak sai vitima ba hahalok militár
Japonés sira nian iha tempu ne'ebá. Iha sorin seluk tropas Japonés sira mós, halo rekrutamentu ba
feto sira ne'ebé sei klosan hodi servi nu'udar kuziñeru no Atan seksuál.
Atu dokumenta istória moruk sira ne'ebé akontese iha Timor-Leste, iha tinan 2005, Asosiasaun HAK
hamutuk ho Koligasaun Japaun ba Timor-Leste, halo tiha ona peskija ida, hodi identifika vítima feto
lanfu sira iha Timor-Leste. Husi serbisu ne'e, organizasaun rua ne'e konsege identifika vitima abó sira
hamutuk nain 20, mak forsadamente (dipaksa) sai atan seksual (Jugun lanfu) ba Militår Japaun
durante tinan tolu ho balun. Husi vítima sira ne'e, nain 1 mak sei moris no na'in 19 seluk husik ona
mundu.
Maubisse, 4 Setembru 2026
