Qual é o horário de funcionamento?

Segunda-feira 08:30 - 17:30 Terça-feira 08:30 - 17:30 Quarta-feira 08:30 - 17:30 Quinta-feira 08:30 - 17:30 Sexta-feira 08:30 - 17:30

CEPAD-Centro Estudos para a Paz e o Dezenvolvimento

Página Inicial
Timor-leste
Dili
CEPAD-Centro Estudos para a Paz e o Dezenvolvimento

Hola parte iha familia boot CEPAD, liu husi like/gosta pajina ida ne'e!

19/07/2024

CEPAD hala’o enkontru ho S.E Sra. Dulce de Jesus, Ministra Edukasaun nudar enkontru kontinuasaun ba enkontru uluk nian, atu atualiza kona-ba serbisu hamutuk Ministeriu Edukasaun no CEPAD, no hare dalan ba oin atu integra ‘materia anti-korrupsaun iha kurikulum nasional ensinu sekundario nian.

Iha enkontru ne’e, S.E Sra. Ministra dehan katak, kolaborasaun ida ne’e importante tebes, nudar inisiativa ida atu nafatin kontinua haki’ak no haburas valores anti-korupsaun, ho atividades kampaña valores anti-korupsaun ba alin estudantes no manorin na’in sira husi eskola ensinu sekundario iha Timor-laran tomak.
Tamba foinsa'e liu-liu estudantes sira agora presija duni atu bele hadi’ak liu sira nia koñesimentu kona ba valores pozítivu, hodi bele prepara sira a’an di’ak liu ba futuru mai.

Dili, 18 Julhu 2024

23/04/2024

CEPAD ho PDHJ lansa ‘’survey ba boa governasaun’’, iha liña Ministeriu, Instituto Públiku, Empreza Públiku, inklui Instituisaun Autonoma RAEOA, hodi sukat nivel koñesimentu aparelu estadu nian kona ba prinsipiu governasaun di’ak no ninia implementasaun iha funsionalismu públiku.
Iha lansamentu ne’e, Sr. Virgilio da Silva Guterres, Provedor PDHJ hateten katak’ liu husi kolaborasaun ida ne’e PDHJ-CEPAD, sei hametin di’ak liu amizade serbisu hamutuk, nudar parseiru implementador iha programa peskiza ne’e, hodi buka hatene aparelu estadu nia nivel koñesimentu kona ba prinsipiu boa governasaun iha serbisu loron-loron, ho rejultadu ida análitiku, hodi halo advokasia ba públiku iha futuru.
Halo parte iha lansamentu ne’e mak, Sr. João Boavida, Diretór Ezekutivu CEPAD ho ninia ekipa, no Adjunto PDHJ, Diretór/a inklui Xefe Unidade Peskiza ho ninia ekipa.
Dili, 22 Abril 2024.
#
#
#
#

05/04/2024

Enkontru CEPAD ho Ministeriu Edukasaun no Dexis Aim

Nudar kontinuasaun ba diskusaun kona ba kolaborasaun entre Ministeriu Edukasaun (MdE) no CEPAD iha area Boa Governasaun, atu integra valores anti korrupsaun iha kurrikulum formal edukasaun nian iha nivel eskola sekundariu, mak ohin CEPAD hamutuk ho ninia Parseiru no Kolaborador (Dexis Aim), hala’o sorumutu ho S.E Sra. Dra Dulce de Jesus Soares, Ministra Edukasaun no ninia ekipa, hodi afirma prontidaun husi partes rua mak MdE no CEPAD atu túr hamutuk hodi buka dalam diak ida atu oinsá integra valores anti-korrupsaun iha kurrikulum nasional, bainhira hahú hala’o revizaun ba kurrikulum ne’e rasik iha tempu badak laran.

Iha sorumutu ne’e, S.E Sra. Ministra afirma ninia prontidaun no apresia tebes ba CEPAD no DEXIS nudar Parseiru no Kolaborador CEPAD nian, hodi dehan katak “…liu husi kolaborasaun ne’e ita hamutuk bele harikun no haburas liu tan prosesu aprendijajen ba joven estudante sira hodi hametin valores diak iha futuru mai hanesan integridade, pontualidade no transparansia ho atetudi pozitivu iha sira nia moris loron-loron”.

Dili 05 Abril 2024

12/12/2023

Late Post!!!
CEPAD Hamutuk ho Komisaun Anti Korrupsaun (KAK), no Lalenok ba ema hotu (LABEH), komemora loron mundial anti-korrupsaun ho tema ‘’Mundu hamutuk kontra korrupsaun’’ hodi nafatin fanu bo’ok Timor-oan hotu nian atensaun ba luta hakribit korrupsaun, hodi asegura interese no prosperidade nasaun rai doben Timor-Leste nian.
Komemorasaun ne’e hetan abertura husi, Vise Ministru Asuntu Parlamentar no Komunikasaun Sosial (MAPKOMS), no orador ba reflesaun mak, marka prezensa husi Me. Guilhermina Marçal, FdCC, diretór Prevensaun KAK, diretór CEPAD, diretór LABEH, inklui mos reprezentante Embaixada Australia iha Timor-Leste.
Iha seremonia ne’e, hetan mensajen nudar reflesaun hato’o husi Me. Guilhermina Marçal, FdCC, katak, konsensia lori ita atu tau ita nia prinsipiu valores morais hanesan janela ida, atu hateke ba fatin hotu-hotu, hodi rona ita nia hanoin sira no obriga ita atu dehan lae ba hahalok ne’ebé koruptu, nune’e, presija tau iha fuan katak buat ne’ebé los mak ita bele halo. Mais karik hahalok ne’e rasik mak lalo’os maibe ita hakarak halo, ita rasik laiha konsensia responsabilidade no onestu husi ita nia aan, ida ne’e halakon ita nia dignidade no hamihis ita nia kontribuisaun ba dezenvolvilmentu nasional, liu-liu atu lori ema idak-idak atu moris saudavel iha pas no estabilidade nia laran. Tamba ne’e, bainhira ita hakarak atu hakilar ba ema seluk atu prevene aktus korruptu, presija tebes prevene hahu uluk husi ita nia aan rasik.
Partispa iha eventu ne’e mak Entidades anti korrupsaun, reprezentante sosiedade sivil, estudantes universitariu sira, inklui mos komunidades enjeral.
Atividades ne’e hala’o iha Jardim Largo Lecidere,
Dili; 09 Dezembru 2023

29/11/2023

Enkontru Membrus Grupu Konsultivu Nasional-Boa Governasaun (GKN-BG ) ne’ebé hala’o ohin, atu hafahe ho na’i ulun membrus sira, programa serbisu CEPAD, mak la’o durante ne’e, hetan apresiasaun no kolaborasaun koletivu hanesan ekipa konjunta ida ne’ebé mak nafatin reforsa di’ak iha mekanismu no estratejia hodi promove movimentu uniku nudar meius atu hamutuk partilha formasaun kona-ba valores anti korrupsaun hodi hakbiit publiku ka sidadaun (foinsa’e) sira nia koñesimentu hodi kontribui ba prevene korrupsaun.
Ho apoiu husi Membru GKN-BG, nudar ekipa koletivu mak, hamutuk explora kolaborasaun ho Ministeriu Edukasaun kompremetidu no konsidera inisiativa integra material anti korrupsaun iha kurikukilum ensino secundario liu husi revizaun kurikular iha ano letivu foun mai.
Enkontru ne’e deskuti mos kona-ba oinsa mak nafatin junta forsa hamutuk nudar kolaborasaun koletivu ho programa no atividades hodi komemora Loron Mundial Anti-Korrupsaun ne’ebé sei monu iha 9 Dezembru 2023, ho titulu ‘’Mundu Hamutuk Kombate Korrupsaun” hodi fanu book nafatin konsensia públiku ka sidadaun hotu, ba iha prevene no kombate korrupsaun.
Halo parte iha enkontru ne’e mak, reprezentante KAK, PDHJ, KFP, GOPAC-TL, Ministeriu Edukasaun no Alfandega.
Dili, 29 Novembru 2023, ho suporta MISEREOR

16/11/2023

“…Labele uza poder públiku hanesan oportunidade atu hariku aan, ka fo benefisiu ba grupu balu de'it, maibe, poder públiku ne’e nudar responsabilidade ne'ebé tenki hala’o ho lolo’os hodi bele atinji interese komum nasaun ne'e nian no ema hotu bele sente benefisiu husi dezenvolvimentu ne'ebé mak iha...” Haforsa hanoin iha leten ba, komunidade ida mos hateten katak “…konfiansa komunidade nian ba poder públiku tamba hakarak tau atensaun aas ba seitor hotu ne'ebé mak komunidade sira presija. Nune’e knar ne'ebé komunidade sira atu halo mak, toma observasaun atu bele hadi’a buat ruma ne'ebé la’o ladi’ak liga ho prosesu dezenvolvimentu ne'ebé iha.’’ Intervensaun ne'e hato'o husi komunidade sira iha munisípiu Ainaro no Covalima bainhira partisipa iha Diskusaun Fokus Grupu (DFG) ne'ebé CEPAD hala’o iha Munisípiu rua ne’e,, hodi hakbiit koñesimentu komunidade sira nian, kona-ba prevensaun korrupsaun ho mekanismu ka dalan (asaun) hato'o informasaun liga ho aktus korruptu. Atividades DFG ne’e, nudar atividades ikus hodi taka DFG mak CEPAD hala’o iha Munisípiu 13. Partisipantes husi Munisípiu rua ne’e hamutuk ema na’in 53 (Feto: 32, Mane: 21) kompostu husi lider lokal, Juventudi feto no mane, Feto Potensial grupu feto, Ema ho Defisiensia, inklui komunidade bain-bain. Ho finansiamentu husi MISEREOR.
Ainaro & Covalima, 15-16 Novembru 2023.

11/11/2023

CEPAD kontinua oferese Diskusaun Fokus Grupu (FGD) ba Komunidades iha Munisípiu Viqueque no Lautem atu hakbiit koñesimentu komunidades sira nian kona-ba prevensaun korrupsaun.
Iha sesaun ne'e Loke husi Administradór Postu Administrativu Lospalos Vila hateten…korrupsaun hanesan virus aat ida ne'ebé hamate orgaun hotu-hotu no hamate ema seluk atu asesu ba moris di’ak. Nune’e komunidades nudar komponente integradu atu halo kontrolu no hato'o pontu de vista hodi buka hatene (deteta), ba prosesu dezenvolvimentu rai ida ne'e, atu ita komunidade sira labele sai nafatin vitima iha ita nia rain. Ho esforsu koletivu ne'ebé ita iha, nudar meius ida hodi kontribui ba prevene no redus ba aktus korruptu ne'ebé iha.
Iha sesaun ne'e, reprezentante komunidade (ida) husi suku Caraubalo Munisípiu Viqueque, akresenta atu labele hakiak virus korrupsun ne'e, mak, ema idak-idak presija kuda prinsipiu moral, no konsensia iha ita idak-idak nian aan katak bainhira servi povo, tenki servi ho fuan laos servi ho interese…’’
FDG iha Munisípiu 2 ne’e, la’o ho ativu no interativu tebes, maioria partisipantes interesante tebes no espresa sira nian hanoin liga ho asuntu ne’e.. Atividades ne'e partisipa husi komunidades hamutuk ema na’in 44 (Feto: 23 Mane: 21) kompostu husi Lider lokal, (Xefe Suku, Xefe Aldeia, Delagado/a no PAAS), reprezentante grupu feto, feto pontensial, ema ho defisiensia, joven feto no mane inklui komunidade bain-bain. Atividades ne’e hala’o iha sede Suku Caraubalo Munisípiu Viqueque no Salaun Administrativu Postu Lospalos Vila Munisípiu Lautem.
Viqueque & Lautem, 08-10 Novembru 2023
Ho finansiamentu husi MISEREOR

26/10/2023

CEPAD, oferese treinamentu ba pontu fokal KKN husi programa boa-governasaun nian atu haburas hikas koῆesimentu kona-ba mekanizmu prevensaun korrupsaun ba komunidade iha nivel Munisípiu.

Treinamentu ne’e loke husi Diretór Ezekutivu CEPAD, Sr. João Boavida, hateten katak “….Pontu Fokal Munisípiu sai nudar fontes forte ida, hodi liga serbisu CEPAD nian ho ita nia komunidade sira, hodi serbisu besik ho sira iha nivel Munisípiu, suporta di’ak liu no ajuda sira oinsa hola knar ka responsbilidade importante iha prosesu denunsia liu husi mekanizmu ne’ebé iha, , nune’e bele kontribui ba prevene korrupsaun…”

Sesaun diskusaun ne’ela’o ho interativu tebes, iha ne’ebé hamosu idea no rekomendasaun konstrutivu oin-oin liga ho prosesu mekanizmu ka dalan denunsia (Kazu) korrupsaun. Pontu Fokal ida asentua katak ……..“hakbiit no haforsa uluk ita nia koñesimentu, hanoin no atateudi, nudarfontes informasaun ida ne’ebé ekilibriu, responsivel,, transparante no ho vontade di’ak, nune’e bele transforma ita nia komunidade sira nia hanoin pozitivu, iha prosesu denunsia hodi kontribui ba prevene korrupsaun iha ita nia Munisípiu……..”

Pontu fokal ne’ebé partisipa, mai husi Munisípiu 7 hanesan; Aileu, Baucau, Bobonaro, Ermera, Liquiça, Manatuto no Manufahi, ho total partisipantes na’in 14 (feto: 8 &Mane: 6).

Dili, 25 Outubru 2023, ho Finansiamentu Misereor

16/10/2023

Late Post.

CEPAD Kontinua hala’o workshop “Prevensaun ba korrupsaun” ba Foinsa’e sira iha Parokia Nossa Senhora da Graça Metinaru. Husi workshop ne’e foka liu ba valores anti-korrupsaun, hodi haforsa abilidade foinsa’e sira nian, ho papel importante nudar jovem transformador bele kontibui ba prevene korrupsaun ho asaun husi valores integridades iha ita ida-ida nia aan.

Workshop ne’e hetan prezensa husi Amo Pároco, Pe. Adrianus Ola Duli hatete; “Bainhira Jovem (ida dehan) maduru no intelektual, presija hatudu mos ninia asaun pozitivu (valores di’ak) hodi bele motiva nia aan o atinji nia prinsipiu moris ne’ebé nia prefere atu halo’, nune’e ho perspektiva pozitivu husi sosiedade sira bele haforsa di’ak liu tan ita nia misaun no hatudu rejultadu di’ak ba iha ita nia aan no ema seluk mos...”

Iha sesaun ne’e, Jovem (Mane) ida, hato’o ninia perspektiva katak; Ita hotu mai ho misaun moris idak-idak nian, karik ha’u iha mehi (futuru), konserteza preija fiar iha ha’u nia aan, no motiva aan ne’e, hodi esforsu ba knar ka saida mak ha’u halo hodi bele atinji ha’u nia objetivu. Nune’e’, nudar jovem saida mak ita hakarak atinji presija esforsu rasik husi ita nia aan’’

Workshop ne’e la’o ho interativu no dinamiku tebes, nune’e enkoraja foinsa’esira hato’o sira nia observasaun no hanoin liga ho ‘asaun valores fundamentu’ nudar atetudi pozitivu ne’ebé aplika iha ita nia moris loron-loron nian. Partisipantes hirak ne’e, halo parte iha parokia Nossa Senhora da Graça Metinaru husi grupu FOSCA, Eskuteirus, Jovem ba Kristu, no grupu THS-THM ho total partisipantes na’in 31 (F: 16, M:15). Metinaru; 14 Outubru 2023, ho finansiamentu husi Misereor.

# Prevenekorrupsaun

11/10/2023

Late Post!
CEPAD kontinua hala’o workshop kona-ba prevensaun ba korrupsaun, liu husi materia valores anti korrupsaun, ba foinsa’e sira iha Parokia Imaculada Conceição Balide, hodi haforsa no aumenta koñesimentu foinsa’e sira nian oinsa aplika valores di’ak hanesan; Responsabilidade, onestidade, disiplina, konsensia moral, no integridade husi ita idak-idak nia ann, nune’e bele kontribui ba prevene aktu korruptu iha ita nia moris loron-loron.

Durante diskusaun foinsa’e ida hato’o nia komentariu……“Hatudu atetudi pozitivu ka negativu ne’e hahú husi ita nia hanoin, tetu iha fuan ka konsiensia no tau iha asaun…nune’e, atu prátika aktu korrupsaun (ou lae)……., ida ne’e depende ba ema idak-idak nia konsensia no atetudi fundamentu ne’ebé mak kuda nanis ona, karik ita kuda hahalok pozitivu mak ita sei aplika tuir buat ne’ebé mak iha, nune’e bele kontribui ba prevene korrupsaun husi ita nia aan no ema seluk’

Atividades ne’e loke husi Reprezentante Parokia Imaculada Conceição Balide, Frater Marcio Morato, hodi enkoraja partisipasaun foinsa’e sira atu bele tau iha pratika no asaun ho valores prinsipal ne’ebé iha no ita hamutuk bele kontribui ba prevene korrupsaun iha ita nia aan. Partisipantes hirak ne’e kompostu husi grupu kategoriais mak hanesan eskuteirus, FOSCA, grupu Shelter of Mercy, Joven ba Kristu no grupu Acolitus ho total partisipantes na’in 37 (F: 22, M: 15). Sesaun ne’e la’o ativu, dinamiku no interativu tebes.

Dili, 10 Outubru 2023.

10/10/2023

Previlejiu ida mai CEPAD hamutuk ho membrus Grupu Konsultivu Nasional ba Boa-Governasaun, hodi hala’o enkontru ho S.E Sra. Dulce de Jesus Soares, Ministra Edukasaun no nia ekipa, hodi explora kolaborasaun entre Ministériu Edukasaun no CEPAD iha konteixtu atu integra materia no valores anti-korrupsaun iha kurikulum ensino secundario iha ano letivu tuir mai.
Iha enkontru ne’e, S.E Sra. Ministra hateten, apresia tebes ba boa vontade CEPAD nian ba insiativa ida ne'e, hodi apoia programa Ministériu Edukasaun nian, iha area Boa-Governasaun. Nune’e, iha prosesu revizaun ba kurikulum ensino secundario ne'e, sei envolve mos CEPAD hodi bele kontribui ideia no apoiu liga ho materia anti- korrupsaun ne'ebé mak CEPAD iha.

Dili, 10 Outubru 2023.

26/09/2023

Diskusaun Fokus Grupu ho komunidade iha postu Administrativu Dom-Aleixo, ne'ebé hala’o iha suku Bairu-Pite, ho partisipasaun komunidades husi suku tolu mak hanesan, Bairo-Pite, Kampu Alor no Fatuhada, ho total ema hamutuk 21 (F:13 & M: 8), kompostu husi, komunidade babain, Chefe suku, chefe aldeia, ema ho defisiensia inklui Juventude feto no Mane.

DFG ne'e rasik loke husi Administrador Postu Dom Aleixu, Sr. José de Jesus hamutuk ho Chefe suku Bairo-Pite, Sr. Joăo Pabtista Belo. Sesaun ida la’o ho dinamiku no interativu tebes entre fasilitador ho partisipantes sira. Iha lian mak loke, Administador Postu ne'e hateten katak “…𝘚𝘪𝘥𝘢𝘥𝘢𝘶𝘯 𝘩𝘰𝘵𝘶-𝘩𝘰𝘵𝘶 [𝘵𝘦𝘯𝘬𝘪] 𝘩𝘢𝘭𝘢’𝘰 𝘯𝘪𝘢𝘯 𝘬𝘯𝘢𝘳 𝘭𝘪𝘶-𝘭𝘪𝘶 𝘪𝘩𝘢 𝘬𝘰𝘯𝘵𝘳𝘰𝘭𝘶 𝘴𝘰𝘴𝘪𝘢𝘭 𝘢𝘵𝘶 𝘵𝘢𝘶 𝘮𝘢𝘵𝘢𝘯 𝘮𝘰𝘴 𝘣𝘢 𝘥𝘦𝘻𝘦𝘯𝘷𝘰𝘭𝘷𝘪𝘦𝘯𝘵𝘶 𝘯𝘢𝘴𝘪𝘰𝘯𝘢𝘭...𝘭𝘢𝘣𝘦𝘭𝘦 𝘩𝘶𝘴𝘪𝘬 𝘭𝘰𝘴 𝘥𝘦’𝘪𝘵 𝘣𝘢 𝘐𝘯𝘴𝘵𝘪𝘵𝘶𝘪𝘴𝘢𝘶𝘯 𝘪𝘥𝘢…, 𝘮𝘢𝘪𝘣é 𝘪𝘵𝘢 𝘩𝘰𝘵𝘶 𝘯𝘪𝘢 𝘴𝘦𝘳𝘷𝘪𝘴𝘶 𝘩𝘰𝘥𝘪 𝘣𝘦𝘭𝘦 𝘮𝘪𝘯𝘪𝘮𝘪𝘻𝘢 𝘢𝘬𝘵𝘶 𝘬𝘰𝘳𝘳𝘶𝘱𝘴𝘢𝘶𝘯 𝘯𝘦’𝘦𝘣𝘦 𝘭𝘢𝘰…𝘪𝘩𝘢 𝘪𝘵𝘢 𝘯𝘪𝘢 𝘳𝘢𝘪”. Nu'udar autoridade lokal, enkoraja mos partisipantes sira atu tuir DFG ne'e tó remata tanba importante no pertinente ba konteixtu ohin loron.
Dili, 26 Setembru 2023, ho finansiamentu husi Misereor.

Endereço

Rua Ailele-Hun, Bidau Akadiruhun
Dili
88

Horário de Funcionamento

Segunda-feira	08:30 - 17:30
Terça-feira	08:30 - 17:30
Quarta-feira	08:30 - 17:30
Quinta-feira	08:30 - 17:30
Sexta-feira	08:30 - 17:30

Telefone

+67077474218

Website

http://www.tl-cepad.org/

Notificações

Seja o primeiro a receber as novidades e deixe-nos enviar-lhe um email quando CEPAD-Centro Estudos para a Paz e o Dezenvolvimento publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.