Qual é o horário de funcionamento?

Segunda-feira 09:00 - 17:00 Terça-feira 09:00 - 17:00 Quarta-feira 09:00 - 17:00 Quinta-feira 09:00 - 17:00 Sexta-feira 09:00 - 17:00 Sábado 09:00 - 15:00

https://www.facebook.com/279583408811223/

Timor-Leste Youth for Peace

Página Inicial
Timor-Leste
Dili
Timor-Leste Youth for Peace

Ligar Como chegar Contactar a organização

Leadership, service, kindness, respect, unity, stewardship, responsibility and action these are the main purpose of this movement.

Cultivating Timorese youth’s innate ability to foster peace, education, and environmental sustainability since 2009
-
IFP 2026 Conference:
https://forms.gle/WtRyB5cy54G7FvLs9 TLYfP is a youth movement where young people dedicate themselves to strengthen Peace by conserving their surrounding Environment and uplifting our world through love and action.” TLYFP mission is to cultivate every Youth's innate ability to foster peace through cross-cultural experiences and hands-on arts, service and environmental projects.

24/09/2026

[TT]

Iha Loron 3, ami kontinua Eskola ba Dame ho estudante sira no foka ba asuntu ne’ebé sai parte importante liu tan iha joven sira-nia moris loron-loron: Seguransa Dijitál no Komportamentu Responsável Online.

Teknolojia no mídia sosiál fó oportunidade barak ba joven sira atu aprende, ko’alia, fahe informasaun no halo ligasaun. Maibé, asesu dijitál ne’ebé lalais no dala barak la iha regulasaun mós bele aumenta risku sira hanesan cyberbullying, asédiu, fraude online, informasaun falsu, koersaun, umillasaun no fahe informasaun pesoál ka konteúdu privadu sem konsentimentu.

Liuhusi senáriu husi moris real, jogu papél, diskusaun grupu no atividade reflesaun, estudante sira aprende atu rekoñese risku iha ambiente online no reflete kona-ba oinsá sira bele uza teknolojia ho responsabilidade.

Konversa sira mós fó énfaze ba importánsia atu proteje sira-nia privasidade, hanoin molok fahe buat ruma, rekoñese komportamentu ne’ebé la seguru no komprende katak asaun online bele iha impaktu real ba ema seluk nia dignidade, seguransa no moris-di’ak.

Ami mós diskute kona-ba oinsá espasu online bele sai fatin ne’ebé violénsia bazeia ba jéneru, estigma, koersaun no umillasaun bele aumenta.

Iha remata, estudante sira servisu hamutuk atu kria sira-nia Promesa ba Seguransa Dijitál — kompromisu atu proteje privasidade, hanoin molok fahe, hasoru bullying online no uza teknolojia atu promove aprendizajen, dame no ligasaun pozitivu.

Loron 3 fó hanoin mai ita katak dame la para bainhira hola parte iha uza internet. Respeitu, konsentimentu, dignidade no responsabilidade tenke kontinua iha ita-nia relasaun online no offline.

Obrigadu ba estudante sira hotu tanba sira-nia partisipasaun no vontade atu aprende oinsá sai sidadaun dijitál ne’ebé responsável no konstrutor dame. 📱💙

********

[ENG]

On Day 3, we continued Eskola ba Dame with students and focused on an increasingly important part of young people's everyday lives: Digital Safety and Responsible Online Behaviour.

Technology and social media provide many opportunities for young people to learn, communicate, share information and connect with others. However, rapid and often unregulated digital access can also increase risks such as cyberbullying, harassment, online scams, misinformation, coercion, humiliation and the sharing of personal or private content without consent.

Through real-life scenarios, role-plays, group discussions and reflection activities, students explored how to recognize risks in online spaces and reflected on how they can use technology responsibly.

The conversations also highlighted the importance of protecting personal privacy, thinking before sharing, recognizing unsafe behaviour and understanding that actions online can have real consequences for another person's dignity, safety and well-being.

We also discussed how online spaces can amplify gender-based violence, stigma, coercion and humiliation.

At the end of the session, students worked together to create their own Digital Safety Pledge — a commitment to protect privacy, think before sharing, stand against online bullying and use technology to promote learning, peace and positive connections.

Day 3 reminded us that peace does not stop when we go online. Respect, consent, dignity and responsibility should remain part of our relationships, both online and offline.

Thank you to all the students for their participation and willingness to learn how to become responsible digital citizens and peacebuilders. 📱💙

24/09/2026

[TT]

Iha Loron 2, Eskola ba Dame kontinua ho estudante sira iha Gleno, ho foku ba asuntu sira ne’ebé importante tebes ba sira-nia saúde, seguransa no futuru: Saúde no Direitu Seksuál no Reprodutivu, no Saúde Mentál no Moris-Di’ak.

Iha idade adolesente, joven sira bele hasoru dezafiu oioin, inklui presaun husi kolega sira, risku isin-rua iha idade adolescente, moras seksuál ne’ebé bele transmite, no asesu limitadu ba informasaun ne’ebé fiável no servisu apoiu.

Liuhusi konversa, pergunta no atividade partisipativu, estudante sira hetan oportunidade atu aprende kona-ba sira-nia saúde, sira-nia direitu no importánsia atu halo desizaun ne’ebé informadu no responsavel kona-ba sira-nia moris no futuru.

Ami kontente tebes atu simu oradora konvidadu sira, Sra. Margarida no Sra. Maria Zinha husi Servisu Saúde Munisipál Ermera, Saúde Materna no Labarik no Apoiu ba Adolescente.

Sira fahe sira-nia koñesimentu no esperiénsia kona-ba saúde seksuál no reprodutiva, apoiu ba adolescente no oinsá joven sira bele asesu informasaun no servisu ne’ebé seguru no konfiável.

Iha parte lokraik, foku muda ba saúde mentál no moris-di’ak. Estudante sira reflete kona-ba stress, emosaun, ansiedade no presaun husi eskola, família, amizade no moris loron-loron.

Liuhusi atividade reflesaun, partilla esperiénsia, ezersísiu respirasaun no apoiu grupu, estudante sira aprende katak kuidadu saúde mentál importante no husu ajuda bainhira presiza la’ós sinal fraqueza.

Loron 2 fó hanoin mai ita katak joven sira presiza la’ós de’it koñesimentu, maibé mós presiza espasu seguru, ema adultu ne’ebé bele fiar no servisu apoiu ne’ebé bele rona no ajuda sira.

Obrigadu ba oradór sira no estudante hotu tanba sira-nia abertura, korajen no partisipasaun ativu iha konversa importante ida ne’e. 💙

*******

[ENG]

On Day 2, Eskola ba Dame continued with students in Gleno, focusing on topics that are deeply connected to their health, safety and future: Sexual and Reproductive Health and Rights, and Mental Health and Well-Being.

During adolescence, young people may face different challenges, including peer pressure, teenage pregnancy, sexually transmitted infections, and limited access to reliable information and supportive services.

Through conversations, questions and participatory activities, students had the opportunity to learn about their health, their rights and the importance of making informed and responsible decisions about their lives and futures.

We were grateful to welcome our guest speakers, Sra. Margarida and Sra. Maria Zinha from the Municipal Health Service of Ermera, working in Maternal and Child Health and Adolescent Support.

They shared their knowledge and experience on sexual and reproductive health, adolescent support, and how young people can access safe and trusted information and services.

In the afternoon, the focus shifted to mental health and well-being. Students reflected on stress, emotions, anxiety and the different pressures they may experience from school, family, friendships and everyday life.

Through reflection activities, sharing, breathing exercises and group support, students were reminded that caring for mental health matters and that asking for help when needed is not a weakness.

Day 2 reminded us that young people need more than knowledge. They also need safe spaces, trusted adults and supportive services where they can be heard and helped.

Thank you to our guest speakers and to all the students for their openness, courage and active participation in these important conversations. 💙

22/09/2026

Loron daruak selebrasaun Internasionál dame nian.🕊✌️

The second day of the International celebration of peace.✌️🕊

[TT]

Hafoin atividade semináriu iha loron dahuluk, iha loron daruak, 18 Jullu 2026, TLYFP ho CYA susesu realiza workshop ho tópiku "Prepara Ita-nia Aan ba Karreira Futuru".📌

Iha workshop ne'e, partisipante sira aprende oinsá hakerek CV ne'ebé organizadu, estruturadu no profisionál, no mós oinsá atu prepara-an di'ak ba entrevista serbisu.📝

TLYFP hakarak hato'o agradese wa'in ba apoiu tomak, liu-liu ba oradór na'in-rua ne'ebé fahe ona sira-nia matenek no esperiénsia hodi ajuda foin-sa'e sira prepara-an di'ak liu ba karreira futuru.

La'ós workshop de'it, TLYFP no CYA realiza mós Feira Karreira ne'ebé partisipa husi instituisaun oin-oin. Partisipante sira partisipa ho másimu hodi halo pergunta no konsulta direta ho instituisaun sira.✨️

Agradese boot espesiál ba ami-nia parseiru sira: G7+, Gabinete Primeiru-Ministru, no Timor-Leste Commerce & Event Group ne'ebé sai ai-rin forte hodi realiza eventu ida-ne'e.

Obrigadu mós ba partisipante hotu ne'ebé partisipa ho enerjia no entuziazmu. Ita-boot sira-nia prezensa signifikante tebes!

*****

[ENG]

Following the seminar on the first day, on the second day, July 18, 2026, TLYFP and CYA successfully held a workshop on the topic "Preparing Ourselves for Future Careers".📌

During the workshop, participants learned how to write an organized, structured, and professional CV, as well as how to best prepare for job interviews.📝

TLYFP would like to extend our sincere gratitude for all the support, especially to our two speakers who shared their knowledge and experience to help youth better prepare for their future careers.

Not only a workshop, TLYFP and CYA also held a Career Fair featuring various institutions, where participants actively engaged by asking questions and holding direct consultations.✨️

Our special thanks go to our partners: G7+, the Office of the Prime Minister, and Timor-Leste Commerce & Event Group for being the strong pillar behind this event.

Thank you also to all participants who joined with great energy and enthusiasm. Your participation meant a lot!

21/09/2026

Ksolok Loron Internasionál ba Dame🕊️✌🏾
21 de Setembru.

Happy International Day of Peace🕊✌🏾
21st of September.

[TT]

Timor-Leste Youth for Peace haksolok tebes hodi selebra Loron Internasionál ba Dame, ne'ebé marka mós hanesan aniversáriu ba dala-17 Juventude Timor-Leste ba Dame nian🌟

Selebrasaun Loron Internasionál ba Dame tinan ida-ne'e reflete duni katak ema ida-idak iha responsabilidade atu kria dame iha nia moris rasik no iha sosiedade ne'ebé nia moris ba, tuir tema jerál ba selebrasaun tinan ida-ne'e nian "Investe Dame ba Ema Hotu, iha Fatin Hotu-Hotu, Loron-Loron".🌱

Iha okaziaun Aniversáriu ba dala-17 ne'e, TLYFP organiza eventu durante loron rua no estabelese kolaborasaun memorável ho Centro Nacional Chega - CNC , liuliu ho Chega Young Ambassador . Hamutuk ho CYA, TLYFP hakarak dame ne'e sente husi ema hotu, liuliu foin-sa'e sira, liuhusi istória pasadu hodi luta ba dame ne'ebé metin no sustentável ne'ebé CNC fahe.

Nune'e, iha loron 17 Setembru, 2026, TLYFP no CYA susesu realiza atividade dahuluk ho semináriu no ho tópiku "Hamutuk Ita Hahú ho Diálogu Interjerasionál hodi Hari'i Dame ne'ebé Sustentável".✨️

Iha loron dahuluk, selebrasaun hahú ho Semináriu Akadémiku, Diskusaun, Chega Tour, no remata ho diskusaun kona-ba filme.

TLYFP hakarak hato'o agradese boot ba apoiu tomak, ba oradór sira hotu ne'ebé fahe sira-nia hanoin hodi motiva juventude sira atu sai ajente ba dame iha sira-nia sosiedade. Espesialmente ba ita-nia Parseiru The g7+, Primeiro-Ministro RDTL: Kay Rala Xanana Gusmão, East Timor Trading Group no Even2u, ne'ebé sai ai-riin forte ba ita atu hakat ba oin no realiza eventu ida-ne'e. Agradese mós ba partisipante sira hotu ne'ebé partisipa ho enerjia no entuziazmu másimu. Ita-boot sira-nia partisipasaun signifikante tebes.

Eventu sira iha loron dahuluk hatudu momoos katak atu alkansa dame la'ós dalan ida ne'ebé fasil, maibé la'ós mós imposivel. Atu hetan dame, ema ida-idak tenke sai ajente dame nian ba ema seluk, iha fatin hotu no loron-loron.✨
***

[ENG]

Timor-Leste Youth for Peace is delighted to celebrate the International Peace Day, which also marks at the 17th anniversary of Timor-Leste Youth for Peace🌟

This year's International Peace Day’s celebration reflects that each person has a responsibility to create peace in his or her own life and in the society in which he or she lives, in accordance to the general theme of this year's celebration "Investing Peace for Everyone, Everywhere, Every Day".🌱

On the atmosphere of the 17th Anniversary, TLYFP organized a two-days event and established a memorable collaboration with the Centro Nacional Chega! (CNC), especially with Chega Young Ambassador (CYA). Together with CYA, TLYFP wants this peace to be felt by everyone, especially the youth, through past history to fight for the strong and sustainable peace that CNC shares.

Thus, on September 17, 2026, TLYFP and CYA successfully held the first activity with a seminar and the topic "Hamutuk Ita Hahú ho Diálogu Interjerasionál hodi Hari'i Dame ne'ebé Sustentável".✨️

On the first day, the celebration began with an Academic Seminar, Discussion, Chega Tour, and ended with a Movie Talk.

TLYFP would like to express its gratitude for all the support, to all the speakers who shared their thoughts to motivate youth to become agents of peace in their society. Especially to our g7+ Partners, the Prime Minister's Office, the East Timor Trading Group and the Even2u, which are a strong pillar for us to move forward and realize this event. He also thanked all the participants who participated with maximum energy and enthusiasm. Your participation is very significant.

The events of the first day made it clear that achieving peace is not an easy road, but it is not impossible either. To achieve peace, each person must be an agent of peace for others, everywhere and every day.

16/09/2026

[TT]

📢 ANÚNSIU PARTISIPANTE SELESIONADU 📢

Hamutuk ita selebra futuru! Prosesu selesaun remata ona!

Timor-Leste Youth for Peace (TLYFP) kolabora ho Centro Nacional Chega! (CNC) kontente atu anúnsia partisipante selesionadu ba ami-nia eventu rua tuir mai:

1. SEMINÁRIU: “Hamutuk ita hahú ho diálogu interjerasionál hodi harii dame ne’ebé sustentavel”
🗓️ Kinta, 17/09/2026 | 08:00 - remata
📍 Centro Nacional Chega (CNC), Dili
👥 Partisipante 20

2. WORKSHOP: “Prepara-an ba ita-boot nia kareira iha futuru”
🗓️ Sexta, 18/09/2026 | 13:00 - remata
📍 Centro Nacional Chega (CNC), Dili
👥 Partisipante 70

Ba partisipante selesionadu hotu:
Parabéns! Favor haree ita-bo’ot sira-nia naran iha lista, até aban no partisipa ho pontuál.

Ba sira ne'ebé seidauk selesionadu iha sesaun ida ne'e - obrigadu barak ba interese. Keta lakon esperansa! ita-boot sira sei iha oportunidade atu partisipa no halo koneksaun iha Feira Kareira ne’ebé sei realiza iha loron sesta🤩

Ate hasoru malu iha CNC!👋

Chega Young Ambassador

********

[ENG]

📢 SELECTED PARTICIPANTS ANNOUNCEMENT 📢

Together we celebrate the future! The selection process is complete!

Timor-Leste Youth for Peace (TLYFP) in collaboration with Centro Nacional Chega! (CNC) is excited to announce the selected participants for our two upcoming events:

1. SEMINAR: “Together, we start with intergenerational dialogue to build sustainable peace”
🗓️ Thursday, 17/09/2026 | 08:00 - end
📍 Centro Nacional Chega (CNC), Dili
👥 20 Participants

2. WORKSHOP: “Prepare yourself for your future career”
🗓️ Friday, 18/09/2026 | 13:00 - end
📍 Centro Nacional Chega (CNC), Dili
👥 70 Participants

To all selected participants:
Congratulations! Please check your name on the list, see you tomorrow and please be punctual.

For those who were not selected in this session - thank you so much for your interest. Don't lose hope, you can still have the opportunity to participate and make connections at the Career Fair that will be held on Friday!

See you at CNC!👋

Chega Young Ambassador

16/09/2026

[TT]

📢 FEIRA KAREIRA 2026 MAI ONA!📢

Prepara-an ba futuru? Timor-Leste Youth for Peace halo kolaborasaun ho Chega Young Ambassador (CYA) loke oportunidade ba ita bo’ot sira!

Ita-bo’ot sira sei hasoru direta ho kompañia no instituisaun barak ne'ebé sei partisipa, hetan oportunidade servisu, aumenta networking, no hetan orientasaun karreira nian.

🗓 Loron: 18 Setembru 2026
⏰ Oras: 16:30 - 20:00 OTL
📍 Fatin: Centro Nacional Chega! (CNC I.P)
🎸 LIVE MUSIC husi Banda 7 Till 9 (Hitusia) & Banda Alcatraz
🎟️ FREE ENTRY!

Labele lakon oportunidade ne'e! Mai no lori CV!

Chega Young Ambassador

**********

[ENG]

📢 CARRER FAIR 2026 IS COMING!📢

Ready for the future? Timor-Leste Youth for Peace, in collaboration with Chega Young Ambassador (CYA), is opening opportunities for all of you!

You will meet directly with many participating companies and institutions, get job opportunities, expand your networking, and receive career guidance.

🗓 Date: 18 Sep 2026
⏰ Time: 16:30 PM - 20:00 PM
📍 Venue: Centro Nacional Chega! (CNC I.P)
🎸 LIVE MUSIC by Banda 7 Till 9 (Hitusia) & Banda Alcatraz
🎟️ FREE ENTRY!

Don't miss it! Come and bring your CV!

Chega Young Ambassador

15/09/2026

[TT]

Postagem Tarde📍
10 Agostu 2026 | ESTV Ernesto Fernandes Dudu

Depois kontinua ami-nia viajen husi Atauro, TLYFP, liu husi kolaborasaun ho Mana Geovânia Guterres Ornai, alumna husi International House New York, no liu husi inisiativa Projects for Peace, hahú implementasaun projetu Eskola ba Dame: Abordajen Pan-Kurikulár ba Dame, Igualdade no Moris-Di’ak iha Gleno, Ermera.

Loron dahuluk, hahú ho estudante sira no konversa ida ne’ebé besik tebes ba sira-nia moris loron-loron: Igualdade Jéneru no Relasaun Saudável.

Respeitu ne’e signifika saida loos iha sala de aula? Iha uma? Iha komunidade? Igualdade signifika saida iha amizade no relasaun? No oinsá mak joven sira bele rekoñese bainhira tratamentu la hanesan no desigualdade komesa sai nu’udar buat normal?

Liuhusi senáriu, jogu partisipativu, diskusaun grupu no atividade reflesaun, estudante sira hetan oportunidade atu fahe sira-nia esperiénsia, rona malu no hanoin kle’an kona-ba oinsá espetativa jéneru no desigualdade bele afeta komunikasaun no relasaun entre ema.

Konversa sira ne’e hatudu mai ita katak igualdade jéneru la’ós de’it kona-ba trata ema hotu ho justisa. Maibé mós kona-ba kria espasu ne’ebé ema hotu bele sente respeitu, valorizadu no seguru atu expresa sira-nia hanoin.

Lisaun ida ne’ebé forte husi Loron 1 mak simples maibé importante: dame labele buras bainhira respeitu laiha.

Harii dame hahú husi relasaun loron-loron ne’ebé ita iha ho ema seluk — relasaun bazeia ba respeitu malu, konfiansa, igualdade no dignidade.

Ami sente enkorajadu bainhira haree estudante sira partisipa ativu, fahe sira-nia hanoin ho konfiansa no kria espasu apoiu ba malu. Ida-ne’e mak hahú husi loron lima aprendizajen, reflesaun no asaun iha Gleno.

Obrigadu barak ba Eskola Tékniku Vokasionál Ernestu Fernandes Dudu tanba simu ami hodi ba konversa importante ida ne’e. 💙

********

[ENGLISH]

Late Post📍
10 August 2026 | ESTV Ernesto Fernandes Dudu Gleno, Ermera

After continuing our journey from Atauro, TLYFP, through our collaboration with Mana Geovânia Guterres Ornai, alumna of International House New York, and through the Projects for Peace initiative, began the implementation of Eskola ba Dame: A Whole-School Approach to Peace, Equality and Well-Being in Gleno, Ermera.

Day 1 opened with students and a conversation that is deeply connected to young people's everyday lives: Gender Equality and Healthy Relationships.

What does respect really look like in the classroom? At home? In our communities? What does equality mean in our friendships and relationships? And how can young people recognize when unequal treatment becomes normalized?

Through storytelling, participatory games, group discussions and reflection activities, students were encouraged to share their experiences, listen to one another and think critically about how gender expectations and inequality can affect the way people communicate and build relationships.

The conversations reminded us that gender equality is not only about treating everyone fairly. It is also about creating spaces where everyone can feel respected, valued and safe to express themselves.

One of the strongest lessons from Day 1 was simple but important: peace cannot grow where respect is missing.

Building peace begins with the everyday relationships we have with one another — relationships based on mutual respect, trust, equality and dignity.

We were encouraged to see students participate actively, share their ideas with confidence and create a supportive space for one another. This was only the beginning of five days of learning, reflection and action in Gleno.

A warm thank you to Eskola Tékniku Vokasionál Central Ernestu Fernandes Dudu for welcoming us and opening its doors to this important conversation. 💙

15/09/2026

TAKA ONA | Registrasaun ba Loron Internasionál ba Dame 2026 TAKA ONA

CLOSED | Registration for International Peace Day 2026 is now CLOSED

[TT]

Olá Joventude Timor-Leste,

Husi Timor-Leste Youth for Peace (TLYFP) no Chega Young Ambassador (CYA), ami hakarak hato'o obrigadu wa'in tebes ba ita-bo’ot sira nia entuziazmu!

Ho laran haksolok tebes ami informa katak REGISTRASAUN TAKA ONA.

Ami laran triste tanba tenke taka molok data ne’ebé determina nian (15 Setembru 2026) tanba vaga limitadu. Iha de'it kalan ida, ami simu ona partisipante 401 - númeru ne'e liu fali kapasidade fatin ne'ebé ami prepara.

Ami hato’o deskulpa wa'in ba maluk sira ne'ebé seidauk konsege rejistu. Keta laran taridu, hein tan programa sira seluk sei mai tan.

Ba maluk 401 ne'ebé rejistu ona, ami sei kontaktu via email/WhatsApp ba informasaun tuir mai.

Obrigadu ba komprensaun! 💚

***

[ENG]

Dear Youth of Timor-Leste,

From Timor-Leste Youth for Peace (TLYFP) and Chega Young Ambassador (CYA), thank you so much for your amazing enthusiasm!

We are announcing that REGISTRATION IS NOW OFFICIALLY CLOSED.

We sincerely apologize that we had to close before the deadline (Sept 15, 2026). Due to limited seats, we reached 401 registrations in just one night, exceeding our venue capacity.

To those who couldn't register in time, we are truly sorry. Please stay tuned - more programs are coming soon.

For the 401 registered participants, we will contact you via email/WhatsApp with further details.

Thank you for your understanding! 💚

12/09/2026

[TT]

Registrasaun Loke ona | Loron Internasionál ba Dame 2026

Olá Joventude Timor-Leste,

Timor-Leste Youth for Peace (TLYFP), iha kolaborasaun ho Chega Young Ambassador (CYA), ho orgullu konvida ita atu partisipa iha Workshop & Feira Kareira ba selebrasaun Loron Internasionál ba Dame 2026.

Tema Global 2026: “Invest in peace for everyone, everywhere, everyday”
Tema Workshop: “Prepara-an ba Ita nia Futuru Profisionál”

📅 Loron: Sesta-feira, 18 Setembru 2026
🕑 Oras: 14:00 – to’o hotu
📍 Fatin: Centro Nacional Chega (CNC), Dili

Mai hamutuk aprende, diskute no prepara-an ba futuru liuhusi semináriu, diskusaun panel, feira kareira no marsa ba paz.

📝 Registrasaun gratuita: https://docs.google.com/forms/d/e/1FAIpQLScc6dTgiRLUvqSt7LXk-eeVZWPApHRuNhSwJO5DPxziRI0qRQ/viewform?usp=sharing&ouid=107281412880699350692

Vaga limitadu! Labele lakon oportunidade ida-ne’e 💚

************

[ENG]

Registration Open | International Peace Day 2026 Workshop

Dear Youth of Timor-Leste,

Timor-Leste Youth for Peace (TLYFP), in collaboration with Chega Young Ambassador (CYA), is pleased to invite you to the Workshop & Career Fair for International Peace Day 2026.

Global Theme 2026: “Invest in peace for everyone, everywhere, everyday”
Workshop Theme: “Preparing for Your Professional Future”

📅 Date: Friday, 18th September 2026
🕑 Time: 2:00 PM – till end
📍 Venue: Centro Nacional Chega (CNC), Dili

Join us for a seminar, panel discussion, career fair and peace march to build skills and partnerships for peace.

📝 Registration for free: https://docs.google.com/forms/d/e/1FAIpQLScc6dTgiRLUvqSt7LXk-eeVZWPApHRuNhSwJO5DPxziRI0qRQ/viewform?usp=sharing&ouid=107281412880699350692

Registration Deadline: Tuesday, September 15, 2026
Limited seats! Don’t miss out 💚

Chega Young Ambassador

10/09/2026

📢 Aplikasaun ba programa “Strengthening Youth Voices for Our Common Home: Interfaith Youth Dialogue and Storytelling in Timor-Leste” agora loke ona!

❓Ita joven ida ne’ebé iha interese no paixão ba asaun klimátika, diálogu inter-relijiozu, dame, storytelling no harii komunidade ida ne’ebé inkluziva liután? Ida-ne’e oportunidade di’ak ba ita atu hasoru no konekta ho jovem sira hosi relijiaun no kultura oioin, hametin ita-nia koñesimentu no abilidade iha diálogu no storytelling, fahe esperiénsia kona-ba impaktu mudansa klimátika, no hamutuk kontribui ba asaun kolektiva hodi kuidadu ita-nia Uma Komún.

✅ Ita iha idade 18–30, hela iha Timor-Leste, no prontu atu aprende, fahe esperiénsia, partisipa iha diálogu no envolve-an ativu? Ami konvida jovem sira hosi relijiaun no fiar oioin, inklui Katóliku, Muçulmanu, Hindu, Protestante, Konghucu, Budista no komunidade ka fiar sira seluk. Jovem hosi komunidade LGBTIQ+ no ema ho defisiénsia sira mós ami enkoraja atu aplika.

📝 Data ikus ba Aplikasaun: 30 Setembru 2026
🔗 Link Aplikasaun: https://forms.gle/aaT6rqFWRQThZoMj9

📌 Projetu ida-ne’e realiza husi Laudato Si’ Movement Timor-Leste (LSM-TL) no Timor-Leste Youth for Peace (TLYFP), ho suporta máximu husi KAICIID (International Dialogue Centre), Caravansera Stories, no IBHAP Foundation.

***********************************

📢 Applications for the “Strengthening Youth Voices for Our Common Home: Interfaith Youth Dialogue and Storytelling in Timor-Leste” are now open!

❓Are you a young person passionate about climate action, interfaith dialogue, peace, storytelling, and building a more inclusive community? This is your opportunity to connect with young people from diverse religious and cultural backgrounds, strengthen your dialogue and storytelling skills, share experiences of climate change, and contribute to collective action to care for our Common Home.

✅ Are you 18–30 years old, from Timor-Leste, and ready to learn, share, engage in dialogue, and actively participate? We welcome young people from different religious and faith backgrounds, including Catholic, Muslim, Hindu, Protestant, Confucian, Buddhist, and other communities. Young people from the LGBTIQ+ community and persons with disabilities are also warmly encouraged to apply.

📝 Application Deadline: 30 September 2026
🔗 Application Link: https://forms.gle/aaT6rqFWRQThZoMj9

📌 This project is implemented by Laudato Si’ Movement Timor-Leste (LSM-TL) and Timor-Leste Youth for Peace(TLYFP), with generous support from KAICIID (International Dialogue Centre), Cerita Caravan, and มูลนิธิ สกพ. - IBHAP Foundation.

Laudato Si Movement Laudato Si Movement-Asia Pacific berat

Endereço

Dili

Horário de Funcionamento

Segunda-feira	09:00 - 17:00
Terça-feira	09:00 - 17:00
Quarta-feira	09:00 - 17:00
Quinta-feira	09:00 - 17:00
Sexta-feira	09:00 - 17:00
Sábado	09:00 - 15:00

Telefone

+67077656066

Website

facebook.com

Notificações

Seja o primeiro a saber: enviamos-lhe um e-mail quando Timor-Leste Youth for Peace publicar novidades e promoções. O seu endereço de e-mail não será utilizado para nenhum outro fim e pode cancelar a subscrição a qualquer momento.

Contactar A Organização

Envie uma mensagem para Timor-Leste Youth for Peace:

Partilhar

Categoria

Organização não governamental (ONG)