Proxecto Ríos

O Proxecto Ríos é unha iniciativa de concienciación, educación e participación cidadá en defensa dos nosos ríos.

Fundaméntase na realización de inspeccións do estado dos ríos galegos por parte de persoas ou grupos voluntarios a nivel local, co obxectivo final de facerse responsábeis da vixianza (adopción) do río que pasa polo seu municipio ou localidade. Estas inspeccións realízanse como mínimo dúas veces ao ano, e unha vez recibidas na sede do Proxecto, elabóranse informes anuais cos datos subministrados por todos os/as participantes nas distintas campañas.

11/06/2026

🌿💧 Actividade do Proxecto Ríos cos nenos e nenas da EEI de Covas (Ames) e ASPANAES na praia fluvial de Tapia.

Que xornada tan bonita compartimos! 😊 Ao longo da mañá estudamos a calidade físico-química do río Tambre e descubrimos algúns dos macroinvertebrados que habitan nas súas augas, indicadores da saúde do río.

💙Grazas a todas as persoas participantes sumarse á corrente do Proxecto Ríos!

🔴Actividade financiada pola Deputación da Coruña

05/06/2026

🌿 Hoxe, no Día Mundial do Medio Ambiente, achegámonos ao río Asma, en Chantada, xunto co alumnado do CEIP Xoán de Requeixo para participar nunha saída formativa de educación ambiental.

💙Durante a xornada tivemos a oportunidade de observar unha gran diversidade de macroinvertebrados e tamén vertebrados como o espiñento e a ra verde, indicadores da boa saúde deste ecosistema fluvial.

O río Asma amósase aquí cunha excelente calidade ecolóxica, xusto antes do seu paso pola vila de Chantada. 💧🐸

🔴 Acticidade financiada pola Confederación Hidrográfica del Miño-Sil, O.A.

04/06/2026

📍 Onte instalamos a Expo dos 20 anos do Proxecto Ríos no CEIP Rosalía de Castro de Padrón, 💙un novo centro educativo que se suma á corrente do Proxecto Ríos.

🧐Aproveitamos a xornada para realizar unha inspección do río Sar ao seu paso por Padrón, pouco antes da súa desembocadura no Ulla. Os resultados amosaron unha calidade deficiente, permitindo ao alumnado de 5º e 6º observar en directo os efectos da contaminación sobre un ecosistema fluvial.

🌍 Na semana do Día Mundial do Medio Ambiente, cómpre lembrar a importancia de conservar os nosos ríos e reclamar o compromiso da cidadanía e das administracións para garantir un bo estado ecolóxico das masas de auga.

🔴Actividade financiada pola Deputación da Coruña

28/05/2026

🌿💧 Aquí vos deixamos un pequeno vídeo dunhas saídas do Proxecto Ríos!

Nesta ocasión acompañamos ao alumnado do CIFP Portovello no río Loira, nunha actividade financiada pola Confederación Hidrográfica del Miño-Sil, O.A., tamén ao alumnado de 4º da ESO do IES Terra de Turonio no río Miñor e tamén ao alumnado do IES As Fontiñas no río sar, actividade financiada pola Deputación da Coruña

Ao longo da xornada recollemos mostras de macroinvertebrados, bioindicadores que nos axudan a coñecer o estado de saúde dos nosos ríos 🦗💦

22/05/2026

💙O pasado mércores estivemos xunto ao alumnado do IES Aquis Querquernis de Bande realizando unha limpeza no río Cados.

Para contribuír a manter o bo estado do río, realizamos unha recollida de lixo, evitando así que os residuos acaben na auga e a contaminen ♻️💧

🔴Actividade financiada pola Confederación Hidrográfica del Miño-Sil, O.A.

20/05/2026

Onte, xunto co alumnado de 4º da ESO do IES Universidade Laboral de Ourense, estivemos a recoller o lixo que atopamos no camiño fluvial do río Barbaña. 🌿♻️

🧐Entre os residuos atopados destacan os panos húmidos e, como sempre, a gran cantidade de plástico que segue a aparecer nos nosos espazos naturais.

💙Moitas grazas ao alumnado e ao profesorado por realizar esta acción connosco e contribuír ao coidado do noso entorno.

🔴 Actividade financiada pola Confederación Hidrográfica del Miño-Sil, O.A.

13/05/2026

🌙🦇 Na Noite dos Morcegos celebrada en A Pobra do Brollón asistimos a unha interesante e completa charla sobre o fascinante mundo dos quirópteros.

Entre outros aspectos, destacouse o importante papel que desempeñan os morcegos nos ecosistemas fluviais e a súa relación co bosque de ribeira. 🌳

Ademais, realizouse un monitoreo con detectores de ultrasóns e, aínda que a choiva impediu a captura e solta con redes de néboa, puidéronse observar e identificar cos aparellos cando menos un par de especies. 🦇🌧️🌿

🔴Actividade financiada pola Confederación Hidrográfica del Miño-Sil, O.A.

13/05/2026

📍 Xa está instalada a exposición do proxecto no IES As Fontiñas

Durante as próximas dúas semanas, o alumnado poderá achegarse e coñecer máis de preto o proxecto e as actividades que se están a desenvolver.

📅 Ademais, o vindeiro 20 de maio realizaremos unha saída ao río Sar co alumnado de 1º de Bacharelato. 🌿💧

🔴Actividade financiada pola Deputación da Coruña

13/05/2026

📚🌿 Saída formativa co CPI Ramón Piñeiro da A Pobra de San Xiao ao río Neira, onde, como noutras ocasións, realizamos análises de bioindicadores, parámetros fisicoquímicos e do bosque de ribeira.

Un ano máis atopamos exemplares de caranguexo sinal e comprobamos a boa calidade da auga neste treito do río 💧🦀

🔴 Actividade financiada pola Confederación Hidrográfica del Miño-Sil, O.A.

12/05/2026

🌿 Saída ao rego de Santa Lucía con ASPANAES, quenes se suman á corrente do Proxecto Ríos 💧

💙Algúns dos usuarios e usuarias do centro asistencial de Santiago participaron nunha xornada de educación ambiental achegándose á identificación de macroinvertebrados e ao seu papel como indicadores da calidade das augas dos ríos 🦗🐌🔬

🔴 Actividade financiada pola Deputación da Coruña

Dirección

Avenida Castelao 20 Baixo
Santiago De Compostela
15704

Página web

http://proxectorios.org/

Notificaciones

Sé el primero en enterarse y déjanos enviarle un correo electrónico cuando Proxecto Ríos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.