¿Cuál es el sitio web?

Asociación Abeiro

Cómo llegar Página web

Asociación de protección animal. Gatos en adopción responsábel e CER en Compostela e Teo.

03/11/2026

Bo día 🐾

02/11/2026

Boa noite 💤

02/11/2026

https://www.lavozdegalicia.es/noticia/santiago/santiago/2026/11/02/kaiser-krenchie-fuera-refugio-bando-familia-adoptiva/00031793614444035530298.htm

❤️ Tiñamos moitísimas ganas de darvos esta noticia!

Pero tivemos que levar todo con moitísimo segredo, por razóns obvias. Como ben sabedes, non temos ningunha confianza na dirección do Refuxio de Bando nin na veterinaria responsábel, e tiñamos medo de que algo puidese saír mal.

Hoxe, por fin, podemos contarvos que Kaiser e Krenchie están fóra de Bando! ❤️

E isto foi posíbel, hai que dicilo ben alto e ben claro, grazas á loita incansábel de Loreto, da asociación 3PA, que non deixou de pelexar por eles ata conseguir sacalos de alí.

Non podemos esquecer que a veterinaria que continúa á fronte da clínica de Bando chegou a solicitar en dúas ocasións o sacrificio destes cans. Hoxe, afortunadamente, están vivos e teñen unha nova oportunidade.

Pola nosa parte, como sabedes, seguimos adiante co procedemento xudicial polo sacrificio de Gosu. Agardamos de corazón que a xustiza nos dea a razón, porque o noso obxectivo non é só conseguir responsabilidades polo que lle aconteceu a Gosu, senón tamén que as persoas responsábeis da súa morte e da xestión que levamos tanto tempo denunciando deixen de estar á fronte do refuxio.

Non queremos que ningún outro animal teña que pasar polo que pasou Gosu.

Queda moito por facer, moito por denunciar e moitas cousas que cambiar en Bando. Pero hoxe temos unha boa noticia que celebrar.

Grazas, Loreto, por non renderte. Grazas a 3PA por loitar por eles. Kaiser e Krenchie merecían esta oportunidade. ❤️🐾
Agora a atoparlles o mellor fogar

02/11/2026

💔 Ás veces avergoñámonos de pertencer á especie humana.

Hai persoas coas que compartimos especie, pero coas que non nos identificamos en absoluto. Cústanos entender como alguén pode chegar a actuar con tanta crueldade e desprezo pola vida.

Estas tres pequenas foron abandonadas dentro dunha caixa, tiradas ao lixo para que morresen. Por asfixia, por fame ou esmagadas dentro dun camión de recollida. Imaxinade por un momento o que lles podería ter pasado.

Afortunadamente, foron rescatadas a tempo. ❤️

Agora, varios días despois, xa foron testadas, comprobamos que están sas e están pasando a correspondente corentena. En breve estarán preparadas para buscar un fogar onde reciban todo o amor e os coidados que merecen.

02/11/2026

Manchas e Rayitas son dúas gatiñas residentes en colonia esterilizadas no CER do Concello de Brión.
Seguimos controlando colonias para mellorar a vida dos gatos rueirose reducir número nacementos.

02/11/2026

Queres adoptar a Indiana?

Esta pequechiña foi rescatada da rúa en moi mal estado. Foi testada e obtivemos resultado positivo. Como tiñamos dúbidas, decidimos repetir as probas e realizar unha PCR, que confirmou que se trataba dun falso positivo.

❤️ Indiana é negativa, está sa e atópase moitísimo mellor!

Agora só lle falta o máis importante: un fogar definitivo onde deixar atrás todo o que viviu e comezar unha nova vida.

É unha gatiña preciosa que merece unha oportunidade. 🐾

Se queres adoptala, envíanos unha mensaxe privada ou escribe a [email protected].

01/11/2026

GATA ATOPADA NO PARQUE DE BELVÍS (SANTIAGO)

Onte, 31 de outubro, apareceu esta gatiña no parque de Belvís, en Santiago de Compostela.

É extremadamente sociábel e cariñosa. Achegouse a unha persoa e permaneceu ao seu carón durante case tres horas, sen querer separarse dela.

Polo seu comportamento, pensamos que podería ser unha gata perdida ou recentemente
abandonada, afeita ao contacto humano.

Ten algunhas marcas nunha orella e pequenos rabuñazos na cara.

A persoa que a atopou recolleuna e levouna á súa casa para que non quedase na rúa, pero non pode adoptala porque xa convive con dous gatos rescatados.

Se alguén a recoñece ou sabe de quen pode ser, pedímoslle que contacte connosco.

📩 [email protected]

01/11/2026

Presumimos das nosas familias adoptantes, e con toda a razón do mundo, porque son as mellores!

Salvo algunha excepción, o 99 % das adopcións son historias fermosas que nos animan a continuar e nos lembran por que paga a pena tanto esforzo. Grazas a estas familias, os animais que rescatamos da rúa teñen a oportunidade de comezar unha nova vida, rodeados de amor e coidados.

Hoxe queremos compartir esta mensaxe de Patricia, adoptante de Mochi e Rexina, porque reflicte perfectamente todo aquilo polo que traballamos cada día.

Moitísimas grazas, Patricia! Precisamos máis familias adoptantes coma ti. Sodes quen facedes posíbel que tantas vidas cambien para sempre. 🐈🐾

“Ha necesitado casi dos años para convertirse en una auténtica mimosona…. Pero ahora cualquiera le dice que no 🧡
Estamos súper agradecidos de tenerlos en nuestra vida, y si ya sabíamos que adoptar abuelitos era importante, después de haberlo vivido no tenemos más que amor en el corazón”

Dirección

Santiago De Compostela

Página web

http://www.asociacionabeiro.org/gl/, http://www.asociacionabeiro.blogspot.com.es/

Notificaciones

Sea el primero en enterarse: le enviaremos un correo electrónico cuando Asociación Abeiro publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.