💪 Advokim, Ndërgjegjësim dhe Mbështetje
Shërbime për fëmijë me aftësi të kufizuara të moshave 0-13 vjeç
- Vlerësim zhvillimi
- Terapi ABA
- Terapi zhvillimi
- Terapi Ffizike
- Logopedi Fondacioni “DOWN SYNDROME ALBANIA” (DSA) është një fondacion, jo fitimprurës me qëllime sociale në fushën e të drejtave të njeriut, shëndetësisë dhe edukimit të fëmijëve dhe personave me sindromën Down dhe aftesi te tjera te kufizuara dhe familjarëve të tyre
Adresa: Rruga "Hajredin Kumbaro", Sauk, Nr. 5, 1001 Tiranë, Shqipëri. Misioni Ynë
Të mbështesë zhvillimin e plotë të individëve me aftësi të kufizuara në Shqipëri. Të promovojë dhe mbrojmë të drejtat e tyre përmes vlerës së të drejtave të njeriut dhe bazuar ne parimet e mos diskriminimit, dinjitetit të individit, pranimit dhe gjithëpërfshirjes duke rritur ndërgjegjësimin, advokuar dhe punuar me etikë dhe profesionalizëm të lartë në mënyre transparente. OBJEKTIVAT
Informim
1. Shpërndarje informacioni për të gjitha aspektet e sindromës Down duke përfshirë, aspektin shëndetësor, ndërhyrjen e hershme, arsimimin, kujdesin social, punësimin, mbështetjen ekonomike, plakjen dhe të drejtat e tyre, nëpërmjet mjeteve të ndryshme të informimit si: publikimeve në website, botimit dhe publikimit të librave, revistave, broshurave, etj.
2. Organizim i trajnimeve, konferencave, seminarve me qëllim informimin dhe risitë për sindromën Down, vendosje e marrëdhënieve me specialistë të fushës si dhe krijimin e urave të bashkëpunimit me organizata të tjera brenda dhe jashtë vendit. Ndërgjegjësim
1. Organizim i fushatave dhe aktiviteteve të ndryshme me qëllim imformimin dhe promovimin e të drejtave të personave me sindromën Down.
2. Promovim i 21 Marsit, Ditës Botërore të sindromes Down sipas dhe udhëzimeve të Kombeve të Bashkuara që e vëzhgojnë këtë ditë zyrtarisht që prej vitit 2012, si dhe promovim të muajit të ndërgjegjësimit për sindromën Down (çdo Tetor) si ditë dedikuar fëmijëve dhe të rriturve me sindormën Down, me anë të aktiviteteve të ndryshme, për të rritur ndërgjegjësimin për të drejtat dhe potencialin që kanë personat me këtë sindromë për të qenë anëtare të barabartë dhe që kontribuojnë në shoqëri. Përfaqësim
1. Lobim dhe advokim për të drejtat e fëmijeve dhe të rriturve me sindromën Down bazuar në “Konventën për të drejtat e njeriut” dhe “Konventën për të drejtat e personave me aftësi të kufizuar”.
2. Zhvillim i nje forumi për personat me sindromën Down, prindërit e tyre dhe grupe të tjera interesi ku ata njihen dhe ndajnë eksperiencat e tyre me njëri - tjetrin.
3. Zhvillim i një baze të dhënash për personat me sindromën Down në rang kombëtar.
4. Vendosja e marrëdhënieve institucionale me organizata, fondacione, institucione publike dhe private brenda dhe jashtë vendit, maternitete, jetimore, çerdhe, kopshte, shkolla, bashki, minibashki, ministri, punëdhënës për të siguruar bashkëpunim dhe mbështetje me qëllim integrimin dhe përmirësimin e jetës së personave me sindromën Down në Shqipëri. Mbështetje
1. Organizim, ofrim i terapive fizike, të zhvillimit, okupacionale, logopedie, muzike, etj., për fëmijët me sindromën Down të moshës 0-13 vjeç.
2. Organizim, ofrim i trajnimeve dhe terapive për aftësim për jetën për personat me sindromën Down të moshës mbi 14 vjeç, me qëllim përgatitjen e tyre për një jetë të pavarur.
3. Punësim dhe trajnim i specialistëve për: terapi fizike, terapi zhvillimi, terapi okupacionale, terapi gjuhe (logopedi), etj.
4. Trajnim dhe orientim për kujdestarë, mjekë, mësimdhënës, psikologë, terapistë zhvillimi, terapistë fizikë, terapistë okupacionalë, logopedistë, punonjës social, etj.
5. Trajnim i prindërve ose kujdestarëve të personave me sindromën Down për t’ju ardhur në ndihmë fëmijëve me ushtrime praktike për terapinë fizike, të zhvillimit, okupacionale dhe terapinë e gjuhës.
6. Organizim i kurseve të ndryshme të rekreacionit dhe rekreacionit edukativ në fushën e artit dhe sportit.
7. Sjellje nga burime të huaja të besueshme, si organizata dhe qendra kërkim-zhvillimi, të praktikave dhe njohurive më të fundit për sindromën Down në fushat e kërkimit, zhvillimit dhe edukimit të personave me sindromën Down.
8. Mbledhje fondesh, pranim i donacioneve, trashëgimi, mjete të tjera financiare duke i regjistruar ato në librat financiarë të veta pa pasur asnjë qëllim fitimi financiar por duke i përdorur në përputhje me qëllimet e organizatës dhe për përmirësimin e jetes se personave me sindromën Down. Per me shume informacion kontaktoni me ne në kanalet tona, me e-mail [email protected] ose telefon 0688042222
