10/01/2026
Për përmbytjet dhe mësimet që na jep natyra....
Pikë së pari, nuk ka patur reshje të "jashtëzakonshme", përkundrazi janë shumë normale për stinën e dimrit.
Është përgjigjja e natyrës për atë çka i kemi shkaktuar ndër dekada dhe për më tepër jemi treguar kokfortë për të nxjerrë mësimet e duhura.
Shkatërrimi i natyrës ka filloar nga majat e maleve e deri në brigjet e deteve, madje kemi guxuar të hyjmë edhe në brendësi të deteve.
Prerja e pyjeve, shkatërrimi i bimësisë së ulët, zjarret masive që vetëm shtohen nga viti në vit, betonimi i zonave urbane por në vetvete betoni si model zhvillimi dhe modernizimi, shpallja armik e dheut dhe bimësisë që rritet në të, mbetjet urbane dhe jo vetëm, hedhja e tyre në cepin më të afërt, në lumin më të afërt, në përroin më të afërt..aq sa jemi bërë problem edhe për Kroacinë, ndërhyrja në shtratin e lumenjëve apo tç çdo rrëkeje uji në mënyrën më primitive të mundshme,.
-Një shkak tjetër në përmbytjet e vendit është shoqëria/shteti ynë kurrë se ka kuptuar dhe marrë seriozisht rëndësinë e zhvillimit dhe investimit në nëntokën e qendrave urbane si kanalizime, mirëmbajtje dhe rritje të kapacitetve të tyre me rritjen e popullsisë dhe dendësisë së popullsisë.....pa përmendur që jemi shteti që trajton më pak ujërat e zeza në Europë.
-Shumë mirë që po bëhet kompesimi financiar në zonat e prekura por a është zgjidhje???
-Teorikisht kjo situatë mund të ndodhë disa herë në vit...shto këtu edhe ndryshimin e regjinit të reshjeve.
-A mund t'i përgjigjet shteti dhe taksapaguesit shqiptarë një fature të tillë disa herë në vit?
◇Zgjidhja:
Një strategji kombëtare afatgjatë ku të parashikojë ndërhyrje në të gjithë veprimtaritë ekonomike shoqërore, nga majat e maleve e deri në bregdet.
Kjo gjë bëhet duke bërë bashkë ekspertët e fushave përkatëse ku politikanët dhe vendimmarrësit të jenë vetëm në rolin e dëgjuesit.
Në bazë të kësaj strategjie të përshtatet zhvillim ekonomik i vendit në dekadat në vijim.
P.s siç duket sërish nuk do nxjerrim mësime nga kjo gjendje që po ndikon kaq shumë në mjedis, jetët e njerëzve por edhe financat e shtetit.
