IDM Albania

28/10/2026

Forcimi i sundimit të ligjit në procesin e integrimit evropian

IDM, së bashku me partnerët tanë nga Grupi për Studime Juridike dhe Politike (GLPS) në Prishtinë dhe Qendra Evropiane e Politikave (CEP) në Beograd, zhvilloi një vizitë studimore në Bruksel, me takime me përfaqësues të Komisionit për Punët e Jashtme të Parlamentit Evropian (AFET) dhe Shërbimit të Kërkimit të Parlamentit Evropian (EPRS).

Gjatë takimeve, prezantuam dokumentin “Nga Luksemburgu në Kopenhagen e deri në Ballkanin Perëndimor: Ngushtimi i hendekut në sundimin e ligjit” dhe diskutuam se si mekanizmat e BE-së dhe shoqëria civile mund të kontribuojnë në avancimin e reformave dhe forcimin e sundimit të ligjit në procesin e anëtarësimit.

Vizita u zhvillua në kuadër të projektit “3 R-të e Integrimit Evropian – Sundimi i Ligjit, Qëndrueshmëria dhe Reforma”, zbatuar nga IDM Albania. Projekti mbështetet nga një grant i Fondacionit Open Society Institute – Sofia (OSIS), me mbështetjen e Open Society Foundations (OSFs).

14/10/2026

Parandalimi fillon me vlerësimin e riskut: NAREA, drejt krijimit të një rrjeti trajnerësh për AML

IDM organizoi një trajnim dy ditor në formatin “Training of Trainers” me Shoqatën e Ndërmjetësuesve të Pasurive të Paluajtshme (NAREA).
Trajnimi synoi forcimin e kapaciteteve të NAREA-s dhe ndërmjetësuesve të pasurive të paluajtshme për parandalimin e pastrimit të parave (AML), me fokus të veçantë te identifikimi dhe vlerësimi i riskut në veprimtarinë e tyre profesionale.
Një pjesë e rëndësishme e trajnimit ishte një ushtrim praktik i bazuar në një rast të simuluar të një agjencie të pasurive të paluajtshme. Përmes analizimit të informacionit mbi klientët, transaksionet, origjinën e fondeve, mënyrat e pagesës dhe kontrollet e brendshme, pjesëmarrësit u angazhuan në identifikimin e faktorëve të riskut dhe të mangësive në procedurat e parandalimit të pastrimit të parave.
Ky sesion shënon hapin e parë drejt krijimit të një rrjeti trajnerësh brenda NAREA-s, të cilët do të kontribuojnë në përcjelljen e njohurive dhe forcimin e kapaciteteve të profesionistëve të pasurive të paluajtshme për përmbushjen e detyrimeve në fushën AML.
Aktiviteti u zhvillua në kuadër të Projektit MATRA të qeverisë së Holandës, e cila mbështet forcimin e mbikëqyrjes institucionale dhe zhvillimin e njohurive e kapaciteteve profesionale për parandalimin e pastrimit të parave në Shqipëri.

25/09/2026

📢 Takim Konsultues Online

Më 29 shtator 2026, në orën 14:00, ju ftojmë të bëheni pjesë e takimit konsultues online mbi Thirrjen për Dokumente Politikash mbi Agjendën e Reformave 2024–2027.
Takimi do të krijojë një hapësirë për të diskutuar mbi temat e thirrjes, procesin e përgatitjes së dokumenteve të politikave dhe për të adresuar pyetjet e të interesuarve.

📅 29 shtator 2026
🕑 14:00
💻 Online – Zoom

Për më shumë informacion ose për linkun e Zoom-it, kontaktoni në: [email protected]

23/09/2026

💻 Si mund ta bëjmë internetin më të sigurt për të rinjtë?

Së bashku me nxënësit, stafin e shkollës dhe përfaqësuesit e institucioneve diskutuam sfidat e sigurisë online dhe mënyrat se si mund të krijojmë hapësira digjitale më të sigurta dhe mbështetëse për të rinjtë.
Gjatë aktivitetit u prezantuan gjetje nga hulumtimi mbi sigurinë online të të rinjve dhe u diskutuan çështje si bullizmi online, shpërndarja pa pëlqim e përmbajtjeve intime, shantazhi dhe forma të tjera të dhunës dhe shfrytëzimit online. Takimi u zhvillua me pjesëmarrjen e përfaqësuesve nga Ministria e Brendshme, Ministria e Arsimit, Policia e Shtetit, Agjencia Kombëtare e Arsimit Parauniversitar, dhe organizatat e shoqërisë civile.

Por aktiviteti nuk u ndal vetëm te identifikimi i problemeve 🗣️

Nën udhëheqjen e ekspertit të teknologjisë Z. Tomi Kallanxhi, nxënësit punuan në grupe për të identifikuar probleme konkrete dhe për të zhvilluar zgjidhje digjitale të përshtatura për shkollën e tyre. Në fund, secili grup prezantoi problemin e identifikuar, zgjidhjen e propozuar dhe ndikimin që synon të krijojë. Në vijim ata do punojnë me organizimin e fushatave në shkollat përkatëse.

🎯 Qëllimi? Të fuqizojmë të rinjtë dhe t’i vendosim ata në qendër të zgjidhjeve për një mjedis online më të sigurt.

Aktiviteti u organizua në kuadër të projektit “Brezi i rrezikuar”, zbatuar nga IDM në Shqipëri dhe Qendra Kosovare për Studime të Sigurisë në Kosovë, me mbështetjen e Fondacionit për Shoqëri të Hapura në Ballkanin Perëndimor. Organizatat synojnë të gjejnë zgjidhje të përbashkëta Shqipëri – Kosovë në këtë drejtim.

10/09/2026

📢 THIRRJE PËR KONTRIBUTE

Në kuadër të projektit “GoEthics 2.0- Governance, Ethics & Integrity”, me mbështetjen e Ambasadës së Suedisë në Tiranë (Embassy of Sweden in Tirana) , IDM fton studiues, ekspertë të politikave publike, akademikë dhe profesionistë me ekspertizë të avancuar të kontribuojnë me Policy Briefs dhe Position Papers mbi zbatimin e reformave.

🎯 Fokus i veçantë do t'u jepet masave që do të zbatohen gjatë viteve 2026–2027, sfidave në zbatim dhe mënyrave për të mbështetur reforma më efektive dhe gjithëpërfshirëse.

📌 5 fusha prioritare:
Mjedisi i Biznesit | Tranzicioni Digjital | Energjia & Tranzicioni i Gjelbër | Kapitali Njerëzor | Sundimi i Ligjit & të Drejtat Themelore

👉 Për më shumë informacion dhe kriteret e aplikimit, lexoni thirrjen e plotë këtu: https://idmalbania.org/wp-content/uploads/2026/09/Thirrje_per_Kontribute_Policy_Briefs_Position_Papers_GoEthics_2.0.pdf.

📩 Për pyetje ose për dërgimin e propozimeve: [email protected]

10/09/2026

Redi Ametllari për BalkanWeb: Kronikat e skemave të dyshimta financiare në Shqipëri

Artikulli sjell një vështrim mbi skemat dhe transaksionet financiare të dyshimta në Shqipëri, si dhe nevojën për forcimin e mekanizmave të identifikimit dhe parandalimit të pastrimit të parave.

🔎 Lexoni artikullin e plotë:

Nga Redi Ametllari Në pamje të parë, gjithçka mund të duket normale: një biznes që kryen pagesa, një individ që blen një tokë, një kompani që merr transferta nga jashtë apo një familje që investon në pasuri të paluajtshme. Por kur këto transaksione bashkohen si copëza të një re...

04/09/2026

Nga risqet e pastrimit të parave drejt integritetit të transaksionit të ndërmjetësuesve të pasurive të paluajtshme

Në një transaksion të pasurive të paluajtshme, roli i ndërmjetësuesit nuk përfundon te lidhja e palëve dhe realizimi i kontratës. Siguria e transaksionit fillon edhe nga mënyra se si identifikohen palët, kuptohet qëllimi dhe natyra e transaksionit, vlerësohet risku dhe evidentohen sinjalet që mund të lidhen me pastrimin e parave.

Në këtë kuptim, zbatimi i detyrimeve kundër pastrimit të parave nuk duhet parë si një proces paralel apo thjesht si një detyrim formal i vendosur nga ligji. Ai është pjesë e integritetit të vetë transaksionit dhe një element i rëndësishëm i sigurisë që ndërmjetësuesi i ofron klientit.

🔎 Pikërisht për këtë arsye, ndërmjetësuesit e pasurive të paluajtshme mund të shihen si gardianë të një hallke të rëndësishme të sistemit për parandalimin e pastrimit të parave (AML).

💬 Këto çështje u diskutuan në fokus grupin me NAREA - National Albanian Real Estate Association – Shoqatën Kombëtare të Agjentëve të Pasurive të Paluajtshme dhe ndërmjetësues të sektorit, ku u evidentuan sfidat praktike dhe nevojat për rritjen e kapaciteteve në zbatimin e detyrimeve AML.

🤝 Aktiviteti u zhvillua në kuadër të projektit MATRA “Strengthening AML Knowledge, Oversight, and Professional Capacity in Albania”, i cili synon të kontribuojë në forcimin e njohurive, mbikëqyrjes dhe kapaciteteve profesionale në fushën e parandalimit të pastrimit të parave në Shqipëri.

🤝

03/09/2026

📢 Publikohet edicioni i parë i buletinit mbi monitorimin e Agjendës së Reformave të Shqipërisë!

Instituti për Demokraci dhe Ndërmjetësim (IDM) sjell edicionin e parë të buletinit mbi zhvillimet dhe progresin në zbatimin e Agjendës së Reformave të Shqipërisë për periudhën janar–korrik 2026.

Në këtë edicion gjeni një përmbledhje të zhvillimeve kryesore lidhur me Agjendën e Reformave dhe Planin e Rritjes për Ballkanin Perëndimor, si dhe një pasqyrë të rolit dhe angazhimit të shoqërisë civile në monitorimin e reformave dhe procesit të integrimit evropian të Shqipërisë.

Ky buletin është përgatitur në kuadër të projektit “GoEthics 2.0 – Governance, Ethics & Integrity”, me mbeshtetjen e Embassy of Sweden in Tirana.

📖 Lexoni buletinin dhe ndiqni zhvillimet mbi reformat dhe procesin e integrimit evropian të Shqipërisë: https://us.list-manage.com/IKB4GLQfQBJ?e=d114765773&c2id=113b58d816ab6427cecc2f95b64d5070

02/09/2026

Qeveria shqiptare ka njoftuar së fundmi për fillimin e instalimit të kamerave inteligjente në institucionet arsimore. Sistemi, i modeluar sipas një modeli të përdorur në Emiratet e Bashkuara Arabe, synon monitorimin në kohë reale të ambienteve shkollore dhe sinjalizimin e situatave që kërkojnë vëmendje. Institucionet pretendojnë se ky sistem ka kontribuar në uljen e bullizmit dhe dhunës.

Por provat empirike mbi efektivitetin e kamerave në parandalimin e dhunës në shkolla mbeten të kufizuara. Në artikullin e vitit 2025 të IDM Albania citohet se kamerat ishin në funksion gjatë 8 prej 10 sulmeve më të rënda në ambientet shkollore në SHBA gjatë dekadave të fundit, pa arritur t’i parandalonin ato. Për më tepër, teknologjitë e monitorimit me kamera kanë treguar se shkaktojnë dëme të konsiderueshme ndaj nxënësve, duke minuar besimin mes nxënësve dhe stafit shkollor, duke ushqyer frikë, si dhe duke shkelur privatësinë dhe mbrojtjen e të dhënave personale të fëmijëve.

Prindërit duhet të kenë informacion të qartë se çfarë të dhënash mblidhen, ku ruhen, për sa kohë, kush ka akses dhe për çfarë qëllimesh mund të përdoren. Bordi Evropian për Mbrojtjen e të Dhënave (EDPB) e konsideron përpunimin e të dhënave të fëmijëve një fushë që kërkon mbrojtje të veçantë. Për këtë, nevojitet transparencë me prindërit, garanci të forta për menaxhimin e të dhënave dhe vlerësim i pavarur i efektshmërisë së sistemit.

Megjithëse kamerat inteligjente mund të funksionojnë për disa qëllime, nuk ka bazë për të pretenduar se vetëm instalimi i tyre garanton sigurinë e shkollës. Një qasje sistemike e bazuar në të dhëna është shumë e nevojshme, përmes të kuptuarit të plotë të dinamikave të dhunës mes të rinjve, forcimit të koordinimit institucional, investimit në masat parandaluese dhe promovimit të qëndrueshmërisë mes të rinjve.
👇 https://idmalbania.org/sq/publication-cpt/brezi-i-rrezikuar-rritja-e-dhunes-mes-te-rinjve-ne-shqiperi/

27/08/2026

Më 18-20 shtator 2026, në Tiranë Parlamenti Evropian (European Parliament) do të zhvillojë Forumin Qytetar: Të Formësojmë së Bashku të Ardhmen e Evropës. Instituti për Demokraci dhe Ndërmjetësim (IDM) është partneri kombëtar për këtë aktivitet.

Ky aktivitet tri-ditor bashkon qytetarë, Deputetë të Parlamentit Evropian, deputetë të Kuvendit të Shqipërisë (Kuvendi i Shqipërisë) dhe ekspertë kombëtarë për të diskutuar rolin e Shqipërisë në procesin e zgjerimit të BE-së. Nëpërmjet tryezave të rrumbullakëta, sesioneve plenare dhe paneleve me ekspertë, 50 qytetarë, të përzgjedhur nga i gjithë vendi, do të kontribuojnë në rekomandime që vendosin qytetarët në qendër të procesit të integrimit në BE.

Aktiviteti është pjesë e një iniciative më të gjerë rajonale: Forumet Qytetare kombëtare në Ballkanin Perëndimor do të ushqejnë një Forum rajonal në Bruksel, duke sjellë kontributin e qytetarëve drejtpërdrejt tek institucionet e BE-së. (https://www.europarl.europa.eu/globaldemocracysupport/en/parliaments/democratic-innovations)

Na ndiqni për më shumë detaje!