17/06/2026
Caring for Commons vjen në Tiranë! 🌿🎨
Si i jetojmë hapësirat tona të përbashkëta?
A ndihen të rinjtë të lirë, të përfshirë dhe të dëgjuar në qytetin e tyre?
LIBURNETIK, si partner i projektit Caring for Commons – C4C, fton të rinj nga Tirana që duan të bëhen pjesë e një procesi krijues, pjesëmarrës dhe ndërkombëtar, ku arti, dialogu dhe përvoja personale përdoren për të eksploruar mënyrën se si i shohim dhe i përdorim hapësirat publike dhe kulturore.
Gjatë projektit, në ambientet e Piramidës së Tiranës, do të zhvillohen workshope artistike, momente reflektimi, mapping, storytelling, fotografi, vëzhgim urban dhe aktivitete kreative që lidhen me kujdesin, përfshirjen, sigurinë dhe ndjesinë e përkatësisë në hapësirat që na rrethojnë.
Ky proces është i hapur për të rinj 18–30 vjeç, veçanërisht për të rinj/e që janë të interesuar për artin, kulturën, aktivizmin, qytetin, komunitetin dhe hapësirat e përbashkëta. Nuk është e nevojshme të jesh artist/e profesionist/e — mjafton kurioziteti, dëshira për të marrë pjesë dhe për të ndarë këndvështrimin tënd.
📍 Vendi: Piramida e Tiranës
📅 Datat e workshopeve do të njoftohen së shpejti
💬 Për t’u bërë pjesë, na shkruani në DM ose në: [email protected]
Caring for Commons është një projekt ndërkombëtar që bashkon organizata nga Italia, Shqipëria dhe Serbia për të forcuar hapësirat rinore dhe kulturore si vende kujdesi, përfshirjeje, pjesëmarrjeje dhe angazhimi komunitar. Projekti përfshin të rinj 18–30 vjeç nga të tre vendet dhe i angazhon ata si bashkëkrijues në workshope lokale, aksione publike dhe mobilitet ndërkombëtar.
C4C koordinohet nga Centro Creazione Cultura, në partneritet me LIBURNETIK Organisation dhe Livrit Creative Center, në kuadër të You(th) Care For Change, koordinuar nga COSPE - TOGETHER FOR CHANGE dhe bashkëfinancuar nga Bashkimi Evropian.
Piramida YouthParticipation ArtForChange CommunitySpaces YouthWork CreativeYouth InclusiveSpaces Albania
