08/10/2026
Qëndresa Qytetare: Reforma territoriale nuk mund të jetë një hartë elektorale
Sot, më 8 tetor, Kuvendi pritet të votojë ndryshimin e hartës administrativo-territoriale. Mazhoranca kërkon më pak bashki dhe njësi më të mëdha, ndërkohë opozita kërkon më shumë bashki dhe njësi më të vogla.
Por qytetarët nuk kanë nevojë për një hartë e cila shpërndan më mirë pushtetin mes partive. Ata kanë nevojë për bashki që fuqizojnë demokracinë vendore dhe ekonominë lokale.
Para se Kuvendi të ndryshojë kufijtë, duhet t’i përgjigjet një pyetjeje të thjeshtë: Çfarë fiton qytetari nga kjo hartë e re?
Përfituesit e reformës nuk duhet të jenë partitë politike e as kryetarët e ardhshëm të bashkive. Përfitues duhet të jetë banori, i cili kërkon shërbime më të mira, më pak burokraci, përdorim më të mirë të taksave dhe më shumë mundësi për zhvillimin e ekonomisë së zonës ku ai jeton.
Nëse reforma nuk i garanton këto, atëherë 46, 61 apo 100 janë thjesht numra pa ndikim real në cilësinë e qeverisjes vendore.
Qytetarët u konsultuan nga partitë, por mbetën sërish të papërfaqësuar në hartën përfundimtare. Disa prej bashkive që propozohen për t’u shkrirë kanë pasur performancë shumë të mirë, ndërsa disa prej tyre, të cilat do të mbeten aktualisht, kanë pasur rezultate negative dhe kryetarë të cilët sot po përballen me SPAK-un.
Kjo ndarje ngre pikëpyetje mbi kriteret që janë përdorur dhe mbi përfaqësimin real të interesit të qytetarëve.
Qëndresa Qytetare kërkon që reforma administrativo-territoriale të rishikohet bazuar në koston e administratës për banor, kohën dhe koston e marrjes së shërbimeve nga qytetarët, të ardhurat që bashkitë gjenerojnë vetë, investimet për banor dhe transparencën e prokurimeve.
Vetëm mbi këto të dhëna mund të argumentohet nëse një bashki duhet të bashkohet, të ndahet apo të mbetet ashtu siç është.
Harta duhet të ndjekë shërbimin dhe jo votën.
Prandaj, u bëjmë thirrje deputetëve të votojnë kundër hartave të ndërtuara mbi interesat e partive politike dhe pro hapjes së një dialogu të
