06/08/2026
Nagkaloob ang Philippine Charity Sweepstakes Office (PCSO) ng iba't ibang klase ng gamot na nagkakahalaga ng ₱60,000 sa Local Government Unit (LGU) ng San Simon, Pampanga sa isang ceremonial turn over na ginanap sa PCSO Conservatory Building sa Mandaluyong City noong Hulyo 22, 2026.
Pormal na ipinagkaloob ang donasyon ni Dr. Clarissa Ferrer, Medical Services Department Manager ng PCSO, kina Municipal Administrator Ula Supan at Shaireen Mae Tongol, na tumanggap ng mga gamot, kinatawan ni Acting Mayor Josephine Anne Canlas.
Inaasahang makatutulong ang mga ipinagkaloob na gamot sa pagpapalakas ng serbisyong pangkalusugan ng munisipalidad sa pamamagitan ng pagtitiyak na may sapat na suplay ng mahahalagang gamot para sa mga residente, lalo na sa mga kapus-palad na pasyente at mga kabilang sa mga bulnerableng sektor na may limitadong akses sa serbisyong pangkalusugan.
Makatutulong din ang donasyong ito upang mas epektibong matugunan ng lokal na pamahalaan ang pang-araw-araw na pangangailangang medikal ng kanilang mga nasasakupan.
Bahagi ang inisyatibong ito ng Medicine Donation Program ng PCSO at ng patuloy nitong pagsisikap na suportahan ang mga lokal na pamahalaan sa pamamagitan ng mga programang pangkalusugan, upang matiyak na naipararating ang mahahalagang gamot sa mga komunidad na higit na nangangailangan ng mga ito.
