What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

Монголын Үндэсний Олимпын Хороо - MNOC, Khan Uul District 15, Chinggis Avenue, Ulaanbaatar, Mongolia NOC, Ulaanbaatar (2026)

18/05/2026

“АЙЧИ НАГОЯА 2026” АЗИЙН НААДАМТАЙ ХОЛБООТОЙГООР ЯПОН УЛСЫН ЭЛЧИН САЙДТАЙ АЛБАН УУЛЗАЛТ ХИЙВ

ОУОХ-ны гишүүн, МҮОХ-ны Ерөнхийлөгч Б. Баттүшиг тэргүүтэй МҮОХ-ны төлөөлөгчид өнөөдөр Япон Улсаас Монгол Улсад суугаа Онц бөгөөд Бүрэн эрхт Элчин сайд Игавахара Масарүтай албан уулзалт хийж, “Айчи Нагояа 2026” Азийн наадамд оролцох Монголын багийн бэлтгэл, зохион байгуулалтын асуудлаар санал солилцов.

Япон Улсын Элчин сайдын яаманд болсон уулзалтын үеэр талууд Азийн наадам зохион байгуулагдах Айчи, Нагояа хот руу Монгол улсаас шууд нислэг үйлдэх боломжийг судлах, Монголын түүх, соёл, спорт, өв уламжлалыг сурталчлах “Mongolia House” төслийг хэрэгжүүлэх, төр засгийн хүндэт төлөөлөгчдийн оролцоог хангах, мөн хоёр улсын Үндэсний олимпын хороод /ҮОХ/-ын хамтын ажиллагааг өргөжүүлэх асуудлаар дэлгэрэнгүй ярилцлаа.

Мөн спортын хөгжил, тамирчдын солилцоо, хамтарсан бэлтгэл сургуулилтыг дэмжих чиглэлээр Монгол- Японы ҮОХ-дын хооронд хамтын ажиллагааны санамж бичиг байгуулах, спортын төрлүүдийг хөгжүүлэх талаар санал нэгдэв.

Уулзалтын үеэр Элчин сайд Игавахара Масарү “Монгол, Японы спортын харилцаа улам өргөжин хөгжинө гэдэгт итгэлтэй байна. Азийн наадмын түүхэнд хамгийн өргөн бүрэлдэхүүнтэй багаа оролцуулахаар ажиллаж буй МҮОХ-нд амжилт хүсье. Япон улс олон улсын томоохон спортын тэмцээн зохион байгуулж ирсэн туршлагадаа тулгуурлан бүх талаар дэмжин хамтран ажиллах болно” хэмээн онцоллоо.

Одоогийн байдлаар Монгол Улсаас “Айчи Нагояа 2026” Азийн наадамд спортын 33 төрөлд нийт 1,317 тамирчид, дасгалжуулагч, холбоодын төлөөлөгч оролцох хүсэлтээ МҮОХ-нд ирүүлээд байна.

18/05/2026

АЗИЙН ШИЛДЭГ ШАТАРЧИД УЛААНБААТАРТ ЧУУЛАХАД 10 ХОНОГ ҮЛДЛЭЭ🔥

2026 оны 5-р сарын 28-ны өдрөөс 6-р сарын 7-ны өдрүүдэд Монгол Улсад зохион байгуулагдах Ази тивийн аварга шалгаруулах тэмцээнд Азийн шилдэг их мастер, олон улсын мастер болон тивийн 26 орны 248 хүчтэй шатарчид өрсөлдөнө. 🌏✨

Энэхүү нэр хүндтэй тэмцээн нь Монголын шатрын спортын хөгжил, олон улсын хамтын ажиллагаанд чухал хувь нэмэр оруулахын зэрэгцээ эх орондоо дэлхийн түвшний тэмцээнийг хүлээн авах түүхэн үйл явдал болж байна. 🇲🇳🏆

⌛️ Тэмцээн нийслэл Улаанбаатар хотын Баянгол зочид буудалд эхлэхэд 10 хоног үлдлээ!

♟️

17/05/2026

ОЛИМПЫН ТАЕКВОНДОГИЙН АЗИ ТИВИЙН АШТ ЭХЛЭХЭД 2 ХОНОГ ҮЛДЛЭЭ

Монгол Улсын Ерөнхийлөгчийн ивээл дор зохион байгуулагдах Олимпын таеквондогийн Ази тивийн аварга шалгаруулах тэмцээн эхлэхэд 2 хоног үлдлээ!

Монголын баг тамирчдаа хамтдаа дэмжицгээе🙂

🗓2026.05.19-26
🏠M bank arena

16/05/2026

МҮОХ-НЫ 70 ЖИЛИЙН ОЙН ХҮРЭЭНД ОРОН НУТГИЙН СПОРТЫН САЛБАРЫН УДИРДЛАГУУДЫГ ХҮЛЭЭН АВЧ УУЛЗЛАА

Монголын Үндэсний Олимпын Хороо байгуулагдсаны түүхт 70 жилийн ой энэ онд тохиож буйтай холбогдуулан аймаг, нийслэл, дүүргийн биеийн тамир, спортын газрын удирдлагуудын төлөөллийг Олимпик Хауст хүлээн авч уулзлаа.
Уулзалтын үеэр спорт, олимпизмын хөгжлийг орон нутагт түгээн дэлгэрүүлэх үйл хэрэгт оруулж буй хувь нэмрийг нь үнэлж, төлөөлөгчдөд МҮОХ-ны 70 жилийн ойн медаль гардуулан өгөв.

Мөн МҮОХ-ны тэргүүн дэд ерөнхийлөгч Ч.Наранбаатар, МҮОХ-ны Гүйцэтгэх зөвлөлийн гишүүн Г.Ерөөлбат нар МҮОХ-ны ерөнхийлөгч Б.Баттүшигийн санаачлан орчуулсан Олон улсын олимпын хорооны “Олимпын үнэт зүйлсийн боловсролын хөтөлбөр” (OVEP)-ийг нийслэл, аймаг, дүүргийн ерөнхий боловсролын сургуулиудад үе шаттайгаар нэвтрүүлэх чиглэлээр санал солилцлоо.
Энэхүү ажлын хүрээнд биеийн тамирын багш, дасгалжуулагч болон спортын салбарын удирдах ажилтнуудад зориулсан цуврал сургалтыг хамтран зохион байгуулах, олимпын үнэт зүйлсийг хүүхэд, залуучуудад түгээн дэлгэрүүлэхэд талуудын хамтын ажиллагааг өргөжүүлэхээр ярилцав.

15/05/2026

МОНГОЛ УЛСЫН ЕРӨНХИЙ САЙД МҮОХ-НЫ ТӨЛӨӨЛӨГЧДИЙГ ХҮЛЭЭН АВЧ УУЛЗАВ

Монгол Улсын Ерөнхий сайд Н.Учрал өнөөдөр Төрийн ордонд МҮОХ-ны Ерөнхийлөгч, ОУОХ-ны гишүүн Б.Баттүшиг тэргүүтэй МҮОХ-ны Гүйцэтгэх зөвлөлийн гишүүд, “Лос Анжелес-2028” олимпын наадамд оролцохоор бэлтгэлээ базааж буй тамирчид, спортын холбоодын төлөөлөл, мөн ССАЖЗЯ болон БТСУХ-ны удирдлагуудыг хүлээн авч уулзлаа.

Уулзалтын үеэр оролцогчид “Лос Анжелес-2028” олимпын наадам хүртэлх хугацаанд Төр, спортын байгууллагуудын хамтын ажиллагааг хэрхэн илүү үр дүнтэй зохион байгуулах талаар саналаа илэрхийлэв. Энэ хүрээнд Олимп, паралимпын наадамд бэлтгэх Үндэсний хороог Ерөнхий сайдын дэргэд яаралтай байгуулах шаардлагатай байгааг танилцуулав.

Мөн АНУ-ын Лос Анжелес хотод болох Олимпын наадам нь Монгол Улсаас газарзүйн хувьд хол, цагийн зөрүү ихтэй учраас тамирчдын бэлтгэл, сэргэлтэд онцгой анхаарах шаардлагатайг уулзалтад оролцогчид онцоллоо. Үүнтэй холбоотойгоор хоол зүйч, сэтгэл зүйч болон спортын бусад мэргэжилтнүүдийг оролцуулсан ажлын хэсэг байгуулж, спортын шинжлэх ухаанд суурилсан бэлтгэл хангах нь тамирчдын амжилтад эерэг нөлөө үзүүлнэ гэж үзэж байгаагаа илэрхийлэв.

Түүнчлэн олимпын эрх олгох олон улсын тэмцээнүүдийг эх орондоо зохион байгуулж буй спортын холбоодод төрөөс дэмжлэг үзүүлэх, ирэх оны улсын төсөвт эрхийн тэмцээнд оролцох зардлыг тусгах, шигшээ багийн тамирчдын цалин, хангамжийг нэмэгдүүлэх, залуу тамирчдыг бодлогоор дэмжих хэрэгцээтэй байгаа талаар санал дэвшүүлэв.

Монгол Улсын Ерөнхий сайд Н.Учрал спортын салбарыг Засгийн газрын зүгээс бүх талаар дэмжиж ажиллахаа илэрхийлж, спортын барилга байгууламж, дэд бүтцийг сайжруулах төлөвлөгөө боловсруулж байгааг танилцууллаа. Мөн олон төрөлт олон улсын томоохон спортын наадмыг Монгол Улсад зохион байгуулахыг дэмжиж, Олимп, Паралимпын наадамд бэлтгэх Үндэсний Хороог бүх талын оролцоотойгоор байгуулахад дэмжлэг үзүүлнэ гэдгээ мэдэгдэв.

#Монгол #МҮОХ #Спорт #МонголынТамирчид

14/05/2026

ОЛИМПЫН БОЛОВСРОЛЫН КОМИССЫН ХУРАЛ БОЛЛОО

Олимпын боловсролын комиссын хурал өчигдөр буюу 2026 оны 05 дугаар сарын 13-ны өдөр зохион байгуулагдлаа.

Тус комиссын даргаар МҮОА-ийн ерөнхийлөгч Ч.Зоригтбаатар, дэд даргаар С.Өлзийжаргал ажиллах юм.

Хурлын үеэр комиссын 2026 оны үйл ажиллагааны төлөвлөгөө, комиссын гишүүдийн чиг үүргийг баталж, OVEP хөтөлбөрийг түгээн дэлгэрүүлэх, цаашид хэрэгжүүлэх ажлуудын талаар хэлэлцэж, санал солилцлоо.

Олимпын боловсролыг түгээн дэлгэрүүлэх, хамтын ажиллагааны эрх зүйн болон зохион байгуулалтын үндсийг бэхжүүлэх, боловсролын байгууллагуудад олимпын боловсролыг үе шаттайгаар нэвтрүүлэх, орон нутагт олимпын боловсролыг түгээн дэлгэрүүлэх чиглэлээр бодитой, үр дүнтэй ажлуудыг хэрэгжүүлэхээр санал нэгдлээ.

Цаашид комисс нь олимпын үнэт зүйлсийг хүүхэд, залуучууд болон боловсролын байгууллагуудад түгээн дэлгэрүүлэх, хамтын ажиллагааг өргөжүүлэхэд чиглэн ажиллах юм.

12/05/2026

“АЙЧИ–НАГОЯА 2026” АЗИЙН НААДАМД ОРОЛЦОХ СПОРТ ХОЛБООДЫН НЭГДСЭН УУЛЗАЛТ БОЛЛОО

Япон Улсын Айчи, Нагояа хотуудад 2026 оны 9 дүгээр сарын 19-нөөс 10 дугаар сарын 4-ний өдрүүдэд зохион байгуулагдах “Айчи–Нагояа 2026” Азийн XX наадмын бэлтгэл ажлыг хангах, спорт холбоодод наадмын мэдээлэл хүргэх, хамтын ажиллагаа, уялдаа холбоог бэхжүүлэх зорилготой нэгдсэн уулзалт өнөөдөр Олимпик Хауст боллоо.

Тус уулзалтад ОУОХ-ны гишүүн, МҮОХ-ны Ерөнхийлөгч Б.Баттүшиг, “Айчи–Нагояа 2026” Азийн наадмын Монголын багийн ахлагч Х.Баттулга, Х.Булгантуяа, багийн дэд ахлагч Ц.Сандуй, БТСУХ-ны дарга Э.Билэгт болон спорт холбоодын удирдлагууд, ерөнхий нарийн бичгийн дарга нар, үндэсний шигшээ багийн дасгалжуулагчид оролцов.

Уулзалтын үеэр спорт холбоодод Азийн наадмын зохион байгуулалтын мэдээлэл, баг тамирчдын бүртгэлтэй холбоотой мэдээлэл, анхаарах асуудлууд болон цаашдын зохион байгуулалтын төлөвлөгөөний талаар дэлгэрэнгүй мэдээлэл хүргэж, санал солилцов.

Мөн тус уулзалтаар спорт холбоодын төлөөлөл багийн ахлагчидтай чөлөөтэй ярилцаж, бэлтгэл хангалт, хамтын ажиллагаа, зохион байгуулалттай холбоотой санал хүсэлтээ хүргэн, тулгамдаж буй асуудлуудын талаар санал бодлоо солилцлоо.

Монгол Улсын баг тамирчид энэ удаагийн Азийн наадамд урьдчилсан байдлаар 32 спортын 54 төрөл, зай, жинд 500 гаруй тамирчнаар оролцох мэдүүлгээ өгөөд байна.

Монгол Улсаа төлөөлөн Азийн наадамд оролцох нийт баг тамирчид, дасгалжуулагчид, спортын холбооддоо өндөр амжилт хүсье.

12/05/2026

🇲🇳 АЗИЙН ЭЛСНИЙ НААДАМД АМЖИЛТ ҮЗҮҮЛСЭН БАГ ТАМИРЧДАД ХҮНДЭТГЭЛ ҮЗҮҮЛЛЭЭ

Азийн элсний VI наадам БНХАУ-ын Саньяа хотноо зохион байгуулагдаж МҮОХ-ны гүйцэтгэх зөвлөлийн гишүүн Л.Мягмаржаваар удирдуулсан Монгол Улсын шигшээ баг тамирчид 8 спортын төрөлд 50 тамирчин өрсөлдөж жюү жицүгийн төрөлд 2 хүрэл, элсний бөхийн төрөлд 1 мөнгө, 1 хүрэл медальтайгаар тэмцээнийг өндөрлүүлсэн юм.

Энэ өдөр тус тэмцээнд амжилттай өрсөлдсөн баг тамирчдыг ОУОХ-ны гишүүн, МҮОХ-ны ерөнхийлөгч Б.Баттүшиг хүлээн авч хүндэтгэл үзүүллээ.

11/05/2026

♟️ АЗИ ТИВИЙН ОРГИЛ ТУЛААН МОНГОЛД 🇲🇳

Шатрын Азийн аварга шалгаруулах 21 дэх удаагийн тэмцээн 2026 оны 5 дугаар сарын 28-наас 6 дугаар сарын 7-ны өдрүүдэд Монгол Улсын нийслэл Улаанбаатар хотноо зохион байгуулагдана. Энэхүү нэр хүндтэй тэмцээн нь Азийн шилдэг шатарчдыг нэг дор цуглуулдаг тивийн хэмжээний хамгийн өндөр зэрэглэлийн тэмцээн бөгөөд энэ удаа Монголын шатрын холбооны ерөнхийлөгч Г.Занданшатарын санаачлагаар Монгол Улс анх удаа хүлээн авч байгаа юм.

Энэ удаагийн тэмцээнд Азийн 26 орны нийт 240 гаруй шилдэг шатарчид оюун ухаанаа сорин өрсөлдөхөөр мэдүүлэгээ ирүүлээд байна. ✨

Түүнчлэн тэмцээний нээлттэй ангиллын эхний 5 байр, эмэгтэй ангиллын аварга шатарчин 2027 оны Дэлхийн цомын тэмцээнд оролцох эрх авах юм. 🌍

Шатрын Азийн аварга шалгаруулах тэмцээнд оролцох баг тамирчиддаа өндөр амжилт хүсье🇲🇳🇲🇳🇲🇳

10/05/2026

"БАГА ОЛИМП" ГОВЬ-СҮМБЭР АЙМАГТ

МҮОХ-ны түүхт 70 жилийн ойн нэрэмжит "Бага Олимп" спортын наадам Говь- Сүмбэр аймагт спортын 6 төрлөөр зохион байгуулагдаж байна.

Говь-Сүмбэр аймгийн Антверпин олимпын зөвлөлөөс зохион байгуулж буй тус наадмын нээлтийн ажиллагаанд МҮОХ-ны Тэргүүн дэд ерөнхийлөгч Ч.Наранбаатар оролцож баг тамирчдад амжилт хүслээ.

Монголын Үндэсний Олимпын Хороо - MNOC

18/05/2026

18/05/2026

17/05/2026

16/05/2026

15/05/2026

14/05/2026

12/05/2026

12/05/2026

11/05/2026

10/05/2026

Address

Opening Hours

Telephone

Website

Alerts

Contact The Organization

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00