Гэгээн Нарлаг Ирээдүй НҮТББ

30/10/2026

Манай хүүхдүүд үү?
Гэрийн даалгавар уу?

Энийг хар даа 👇 Янзын хийнэ шт 🤭

26/10/2026

Бид алхсаар…🚶‍♀️
Гүйлтийн зам дээр алхсанаар ➡️ алхах үеийн их биеийн тэнцвэр болон доод мөчний булчингийн хүч нэмэгдэх ач холбогдолтой

23/10/2026

🌈 DMI ЗАСАЛ ГЭЖ ЮУ ВЭ?
💚 Хүүхдийн хөдөлгөөний хөгжлийг дэмжих шинэлэг аргачлал

🧠 DMI (Dynamic Movement Intervention) буюу Динамик хөдөлгөөний оролцооны арга нь хүүхдийн хөдөлгөөний чадварыг хөгжүүлэхэд чиглэсэн сэргээн засах эмчилгээний аргачлал юм.

Энэхүү аргачлал нь хүүхдийн биеийн байрлал, тэнцвэр, хөдөлгөөний хяналтыг сайжруулах зорилгоор тодорхой хөдөлгөөнүүдийг идэвхтэй гүйцэтгүүлэхэд чиглэдэг.

🌟 DMI ЗАСЛЫН ҮНДСЭН ЗОРИЛГО

✅ Толгой, их биеийн хяналтыг хөгжүүлэх

✅ Булчингийн идэвхтэй ажиллагааг дэмжих

✅ Биеийн тэнцвэр, тогтвортой байдлыг сайжруулах

✅ Суух, босох, зогсох зэрэг хөдөлгөөний чадварыг хөгжүүлэх

✅ Хөдөлгөөний зохицуулалт болон биеийн байрлалын хяналтыг дэмжих

✅ Хүүхдийн бие даасан хөдөлгөөний оролцоог нэмэгдүүлэх

👶 ЯМАР ХҮҮХДҮҮДЭД ТОХИРОМЖТОЙ ВЭ?

DMI аргачлалыг мэргэжлийн үнэлгээний үндсэн дээр дараах хүүхдүүдийн хөдөлгөөний хөгжлийг дэмжихэд ашиглаж болно.

🔹 Хөдөлгөөний хөгжлийн хоцрогдолтой хүүхэд

🔹 Тархины саажилттай хүүхэд

🔹 Булчингийн хүч, хөдөлгөөний хяналт сул хүүхэд

🔹 Толгойгоо даах, суух, зогсох зэрэг хөдөлгөөний чадвар эзэмшихэд хүндрэлтэй хүүхэд

💡 DMI ЗАСЛЫН ОНЦЛОГ

DMI аргачлалын үед хөдөлгөөн засалч хүүхдийн чадвар, хэрэгцээнд тохируулан биеийн тодорхой хэсэгт дэмжлэг үзүүлж, идэвхтэй хөдөлгөөн болон байрлалын хариу үйлдлийг өдөөдөг.

Хүүхэд зөвхөн идэвхгүй хөдөлгөөн хийлгэх бус, өөрийн булчин, хөдөлгөөний хяналтыг ашиглан дасгалд оролцохыг зорьдог.

📌 Анхаарах зүйл: DMI нь хөдөлгөөн заслын нэг аргачлал бөгөөд хүүхэд бүрд тохирох эсэхийг мэргэжлийн үнэлгээгээр шийдвэрлэнэ.

🌞 “ГЭГЭЭН ИРЭЭДҮЙ” ХҮҮХЭД ХӨГЖЛИЙН ТӨВ

#ХөдөлгөөнЗасал #ТархиныСаажилт #ХүүхдийнХөгжил #СэргээнЗасах #ГэгээнИрээдүй

23/10/2026

🤩ХӨГЖЛИЙН БЭРХШЭЭЛТЭЙ ИРГЭДЭД ШАТАХУУН ТҮГЭЭХ СТАНЦУУД ДАРААЛАЛ ХАРГАЛЗАХГҮЙ ҮЙЛЧИЛНЭ

📌Шатахууны шуурхай штабаас хөгжлийн бэрхшээлтэй иргэдийг шатахуун түгээх станцуудад удаан хугацаагаар дараалалд зогсох, хүндрэл чирэгдэл учрахаас сэргийлэх зорилгоор дараалал харгалзахгүй үйлчлэх шийдвэр гаргалаа.

Энэхүү шийдвэрийг Хөгжлийн бэрхшээлтэй хүний эрхийн тухай хуулийн 43.1.3 дахь заалтад үндэслэн гаргасан бөгөөд шатахуун импортлогч, борлуулагч аж ахуйн нэгжүүдийн шатахуун түгээх станцууд хөгжлийн бэрхшээлтэй иргэдэд үйлчилгээг хүртээмжтэй, шуурхай хүргэх нөхцөлийг бүрдүүлэх юм.

📌Хөгжлийн бэрхшээлтэй иргэд дараалал харгалзахгүй шатахуун авахдаа тээврийн хэрэгслийн тусгай таних тэмдэг болон хөгжлийн бэрхшээлтэй хүний үнэмлэхээ хамтад нь үзүүлэх шаардлагатай.

♿️Ингэснээр холбогдох шаардлагыг хангасан иргэд шатахуун түгээх станцад бусад тээврийн хэрэгслийн дараалалд удаан хугацаагаар хүлээлгүйгээр шатахуун авах боломжтой болно.

Шатахууны шуурхай штабаас шатахуун түгээх станцуудад үүсэж буй ачаалал, дарааллыг зохицуулахын зэрэгцээ хөгжлийн бэрхшээлтэй иргэдийн эрхийг хангах, тэдэнд үзүүлэх үйлчилгээний хүртээмжийг нэмэгдүүлэхэд анхаарч байна.

Иймд шатахуун түгээх станцуудын эрхлэгч, түгээгч ажилтнууд энэхүү шийдвэрийг хэрэгжүүлж, хөгжлийн бэрхшээлтэй иргэдэд хүндрэл чирэгдэлгүй, шуурхай үйлчлэхийг Шатахууны шуурхай штабаас чиглэл болголоо.

📌Мөн бусад жолооч, иргэдийг хөгжлийн бэрхшээлтэй иргэдийн дараалал харгалзахгүй үйлчлүүлэх эрхийг хүндэтгэж, харилцан ойлголцож, хүндэтгэлтэй хандахыг уриалж байна.

Аж үйлдвэр, эрдэс баялгийн яам /Ministry of Industry and Mineral Resources/

Шатахууны Шуурхай штабын мэдээлэл

23/10/2026

🐎 МОРИН ЗАСАЛ ЭМЧИЛГЭЭ

Морин засал эмчилгээ нь морины хөдөлгөөний зарчимд тулгуурлан хүүхдийн биеийн тэнцвэр, булчингийн зохицуулалт, зөв байрлал болон хөдөлгөөний чадварыг дэмжих сэргээн засах эмчилгээний нэг арга юм.

Манай “Гэгээн ирээдүй” хүүхэд хөгжлийн төв хүүхдийн хэрэгцээ, онцлогт тохируулан морин хөдөлгөөнийг дуурайлган ажилладаг төхөөрөмжийг хөдөлгөөн засалд ашиглаж байна.

🐴 Морин хөдөлгөөний төхөөрөмж ямар ач холбогдолтой вэ?

✅ Тэнцвэрийн чадварыг дэмжинэ.
Хөдөлгөөнд биеэ зохицуулах, тэнцвэрээ хадгалах чадварыг хөгжүүлэхэд тусална.

✅ Их биеийн булчингийн хяналтыг сайжруулахад дэмжлэг үзүүлнэ.
Нуруу, хэвлий, аарцаг орчмын булчинг идэвхжүүлж, биеийн тогтвортой байдлыг дэмжинэ.

✅ Зөв суух байрлалыг дэмжинэ.
Толгой, их биеийн хяналт болон суултын тогтвортой байдлыг хөгжүүлэх дасгал хийх боломж бүрдүүлнэ.

✅ Хөдөлгөөний зохицуулалтыг хөгжүүлнэ.
Биеийн жинг шилжүүлэх, хөдөлгөөнд хариу үйлдэл үзүүлэх чадварыг дэмжинэ.

✅ Өөртөө итгэх итгэлийг нэмэгдүүлнэ.
Хүүхэд шинэ хөдөлгөөнийг туршиж, амжилттай гүйцэтгэх нь урам зориг, идэвхтэй оролцоог нэмэгдүүлэх боломжтой.

💙 Ямар хүүхдүүдэд тохиромжтой вэ?

Мэргэжлийн үнэлгээнд үндэслэн тархины саажилттай, их биеийн хяналт сул, тэнцвэр болон хөдөлгөөний зохицуулалтын хүндрэлтэй зарим хүүхдийн хөдөлгөөн засалд ашиглаж болно.

📌 Эцэг эх, асран хамгаалагчдын анхааралд:

Морин хөдөлгөөнийг дуурайлгах төхөөрөмж нь жинхэнэ морь ашигладаг морин засал эмчилгээнээс ялгаатай бөгөөд түүний үр нөлөөг бүрэн орлохгүй. Хүүхэд бүрийн биеийн байдал, хөдөлгөөний чадвар, ташааны үений тогтвортой байдал болон бусад эрсдэлийг үнэлсний дараа мэргэжлийн хөдөлгөөн засалчийн хяналтад хэрэглэнэ.

🌟 Хүүхэд бүрийн хөгжил өөр өөр. Харин ахиц бүр үнэ цэнтэй!

💚 “ГЭГЭЭН ИРЭЭДҮЙ” ХҮҮХЭД ХӨГЖЛИЙН ТӨВ

Хүүхэд бүрийн боломжийг нээж, хөгжлийн алхам бүрийг хамтдаа бүтээнэ.

#ГэгээнИрээдүй #ХөдөлгөөнЗасал #МоринЗасал #ХүүхдийнХөгжил #ТархиныСаажилт #СэргээнЗасахЭмчилгээ

22/10/2026

Цастай өглөөний мэнд❄️

9, 10 сарын сэтгэл ханамжийн судалгаандаа идэвхтэй оролцоорой ✌️
Манай хүүхэд хөгжлийн төвд хамрагддаг, шинээр хамрагдаж эхлэж байгаа бүхий л хүүхдийн эцэг эх, асран хамгаалагч нар бөглөх боломжтой.

Доорх сэтгэл ханамжийн судалгаа нь манай төвийн үйлчилгээ, багшлах арга зүй, аюулгүй байдал, харилцаа, цаашдын үйл ажиллагааг сайжруулахад туслана😊

Судалгаанд оролцож буй танд баярлалаа 😊

https://docs.google.com/forms/d/e/1FAIpQLSd5cUCGyxgbD-7xSrC8tKDHhnySXMu8duG7UdbEJX1noy317w/viewform?usp=embed_facebook

17/10/2026

💙 Юуны өмнө энэхүү үнэ цэнтэй, хэрэгцээтэй гарын авлагыг боловсруулан гаргасан Бие бялдар, сэргээн засах судлалын Монголын нийгэмлэгийн тэргүүн, эмч Б.Золзаяа, Хан Туул Хүүхдийн сэргээн засах төвийн сэргээн засахын эмч М.Баярмаа, хөдөлгөөн засалч А.Орлом нартаа чин сэтгэлийн талархал илэрхийлье. 🙏❤️
Гэгээн ирээдүй төв маань ч энэхүү бүтээлд чадах жаахан зүйлээрээ оролцсондоо маш их баяртай байнаа🤩.
Тархины саатай хүүхдүүдийн хөгжлийг дэмжих, тэдний өдөр тутмын амьдралд шаардлагатай туслах хэрэгслийн талаарх мэдлэг, мэдээллийг эцэг эх, асран хамгаалагчдад ойлгомжтой, хүртээмжтэй байдлаар хүргэх энэхүү гарын авлага нь олон гэр бүлд бодит дэмжлэг болох үнэ цэнтэй бүтээл болжээ.

Мэргэжлийн мэдлэг, туршлага, сэтгэл зүтгэлээ шингээн хүүхдүүдийн хөгжлийн төлөө ийм чухал бүтээл туурвисан та бүхэндээ дахин баярлалаа.

📚 Энэхүү гарын авлага хэрэгтэй байгаа гэр бүл бүрд хүрээсэй!

📚ХЭРЭГТЭЙ МЭДЭЭЛЛИЙГ ХЭРЭГТЭЙ ХҮМҮҮСТ НЬ ХҮРГЭЦГЭЭЕ!

♿ Тархины саатай хүүхдийн хөгжлийг дэмжих туслах хэрэгслийн талаар мэдээлэл хайж байна уу?

Хүүхэд бүрийн хэрэгцээ, хөдөлгөөний чадвар, хөгжлийн онцлог харилцан адилгүй. Тиймээс хүүхдэдээ тохирсон туслах хэрэгслийг зөв сонгох нь тэдний өдөр тутмын амьдрал, бие даах чадвар, хөгжлийг дэмжихэд чухал ач холбогдолтой.

📖 “Тархины саатай хүүхдийн хөгжлийг дэмжих туслах хэрэгсэл” гарын авлага нь эцэг эх, асран хамгаалагчдад хэрэгтэй мэдээлэл, зөвлөмжийг багтаажээ.

💚 Мэдээлэлтэй эцэг эх хүүхдийнхээ хөгжлийг дэмжихэд илүү идэвхтэй оролцож чадна.

🤝 Энэхүү мэдээлэл хэрэгтэй байгаа гэр бүлүүдэд хүрээсэй!

Та энэ постыг бусадтайгаа хуваалцаарай. Магадгүй таны нэг SHARE туслах хэрэгслийн талаар мэдээлэл хайж буй нэгэн гэр бүлд үнэтэй тус хүргэх болно. ❤️

🌈 Хүүхэд бүр хөгжих эрхтэй. Харин бид тэдэнд боломжийг нь хамтдаа бүрдүүлцгээе!

#ТархиныСаажилт #ТуслахХэрэгсэл #ХүүхдийнХөгжил #ЭцэгЭхчүүдэд #ХүртээмжтэйНийгэм #ГэгээнИрээдүй

14/10/2026

Бид бүр олуулаа… нэгэн том гэр бүл болсоор❤️

Бидний хөгжөөнт тойрогт тавтай морил 🥰
Энэхүү бүлгийн хичээл нь хүүхдэд ямар хэрэгтэй вэ?
💛Нийгэмшихүй чадвар
💛Хэл ярианы чадвар
💛Сэтгэл хөдлөлөө илэрхийлэх
💛Анхаарал төвлөрөх
💛Даган дуурайх гээд олон талын ач холбогдолтой байдаг

13/10/2026

🍂Амар байна уу?

Манай хүүхэд хөгжлийн төв нь шинэ байрандаа орсныг мэдсэн үү?
Өнгөрсөн 7 хоногт шинэ байрандаа ороод бид хэд нь төвхнөөд авсаан🫶

Одоо та бүхэнтэйгээ дасгалын видео, хэл заслын хичээлээрээ уулзахад бэлэн боллоо 😊

Пэйжтэйгээ ойрхон байвал илүү хурдан, илүү их мэдээлэл авна шүү 🤭

06/10/2026