Lunes 09:00 - 15:00 Martes 09:00 - 15:00 Miércoles 09:00 - 15:00 Jueves 09:00 - 15:00 Viernes 09:00 - 15:00

Colexio Oficial de Traballo Social de Galicia

Casa
España
Santiago de Compostela
Colexio Oficial de Traballo Social de Galicia

O COTSG é un instrumento de comunicación e prestación de servizos, tanto para as traballadoras e traballadores sociais como para a cidadanía

22/06/2026

✨ O COTSG asistiu ao II Simposium de Innovación Tecnolóxica e Compromiso Social

O pasado sábado, 20 de xuño, o Colexio Oficial de Traballo Social de Galicia asistiu en Santiago de Compostela ao II Simposium de Innovación Tecnolóxica e Compromiso Social, organizado por Unión Profesional de Galicia.

Un encontro que reuniu a representantes dos colexios profesionais galegos e profesionais de diferentes ámbitos para reflexionar sobre algúns dos grandes retos actuais: a saúde mental infantil e xuvenil, a responsabilidade profesional, a prevención de riscos laborais, o medio rural, as novas competencias profesionais e o impacto da intelixencia artificial nas nosas profesións.

Desde o Traballo Social, estes espazos resultan fundamentais para seguir poñendo en valor o papel das profesións colexiadas na construción dunha sociedade máis preparada, innovadora, xusta e comprometida.

Durante a xornada tivo lugar tamén a entrega dos Premios á Excelencia Profesional e Compromiso Profesional 2026. Nesta edición, a compañeira Eva González Santiago, proposta polo COTSG, recibiu este recoñecemento na categoría de Traballo Social.

O premio foille entregado pola nosa presidenta, Rosi Capelo Casas, nun acto no que Eva estivo arroupada tamén por Ana Ares Quintáns, secretaria do COTSG, así como por varias compañeiras traballadoras sociais do seu ámbito profesional.

Este recoñecemento pon en valor unha traxectoria marcada polo compromiso ético, o rigor profesional, a defensa dos Servizos Sociais e a vocación de servizo público.

Parabéns, Eva, por este merecido recoñecemento. O teu percorrido é tamén reflexo da forza, da responsabilidade e do impacto social do Traballo Social en Galicia.

20/06/2026

Hoxe, 20 de xuño, desde o Colexio Oficial de Traballo Social de Galicia, alzamos a voz para conmemorar o Día Mundial das Persoas Refuxiadas, pero sobre todo, para denunciar a deriva das políticas migratorias actuais.

Asistimos con fonda preocupación e indignación aos recentes acordos no seo do Parlamento Europeo que lexitiman as devolucións en quente, o endurecemento dos controis fronteirizos e a externalización de fronteiras. Como profesionais do Traballo Social, non podemos nin queremos ser cómplices do silencio.

A realidade das persoas refuxiadas non se pode entender sen unha perspectiva crítica e antirracista. Dende o Colexio Oficial de Traballo Social de Galicia denunciamos a dobre moral institucional que acolle con dignidade a uns pobos mentres condena a outros polo seu país de orixe.

O refuxio é un dereito humano, non un privilexio xeopolítico.

O racismo institucional e as políticas de exclusión matan e desumanizan. Fronte a isto, o Traballo Social defende unha acollida digna, universal e con perspectiva de xénero e interseccional.

O noso código deontolóxico bríndanos unha folla de ruta clara: a defensa intransixente da dignidade humana e os Dereitos Humanos. Por iso, desde o COTSG esiximos:
-Vías legais e seguras: Ningunha persoa debería xogarse a vida no mar ou poñerse en mans de mafias para fuxir da guerra, a fame ou a persecución.
-Fin das devolucións ilegais: Esiximos o respecto absoluto ao dereito de asilo e ao principio de non devolución no Parlamento Europeo e en cada fronteira.
-Políticas de inclusión real: Recursos públicos dignos para acompañar os procesos de arraigo, saúde mental, vivenda e emprego das persoas refuxiadas en Galicia.
-Combater o discurso de odio: Desmantelar os bulos racistas que fragmentan os nosos barrios e criminalizan ás persoas vulnerables.

Ningunha persoa é ilegal. As fronteiras non poden estar por riba da vida. Hoxe e todos os días, dende o Traballo Social, seguimos tecendo redes de solidariedade, xustiza e acollida.

16/06/2026

📢 V XORNADA GALEGA DE TRABALLO SOCIAL E SAÚDE

Baixo o lema "Por unha atención sanitaria orientada á equidade", chega unha nova edición deste espazo de encontro, reflexión e aprendizaxe para profesionais do sector.

Apúntate e forma parte do cambio cara a unha sanidade máis xusta e inclusiva! ✨

📅 Cando e onde?
Data: 23 de Outubro de 2026
Lugar: Salón de actos do Hospital Montecelo, en Pontevedra.

🎯 Dirixido a profesionais do Traballo Social, preferentemente do eido da saúde.

📝O prazo xa está aberto! Lembra que tes ata o 30/09/2026 para asegurar a túa praza.

Prezos da matrícula:
20€ Persoas colexiadas
50€ Persoas non colexiadas
10€ Colexiadas e socias/os de AETYS
5€ Estudantado

Inscríbete premendo na ligazón https://vxornadadetraballosocialesaude.traballosocial.gal/

🗣️ Envío de comunicacións:
Prazo: Antes do remate do prazo de inscrición.
Formato: Comunicación oral (máx. 10 minutos).
Idioma: Preferentemente galego.
Contacto: Envía a túa proposta a [email protected]

Organizan o Colexio Oficial de Traballo Social de Galicia, a Asociación Española de Trabajo Social y Salud e o SERGAS (Área Sanitaria de Pontevedra e O Salnés).

Agardámoste o 23 de outubro! 💙

16/06/2026

Compartimos as fotografías da celebración da Asemblea Xeral Ordinaria de 2026, que contou coa participación das persoas colexiadas de xeito presencial na sede do COTSG e tamén en liña.

Durante a sesión, aprobáronse todos os puntos da orde do día por unanimidade. Ao finalizar as persoas asistentes puideron g***r dun espazo de partillar con petiscos e un momento de charla.

12/06/2026

Día Mundial contra o Traballo Infantil

Dende o Colexio Oficial de Traballo Social de Galicia queremos ampliar a mirada histórica e poñer o foco nas novas realidades e nas fendas que cruzan os corpos das crianzas. O traballo infantil non é un feito illado nin casual: ten xénero, raza e, hoxe máis ca nunca, unha forte fenda dixital.

As pantallas e as redes sociais como novos espazos de vulneración. Mentres consumimos contido diariamente, esquecemos dúas caras da mesma moeda tecnolóxica:
-A sobreexposición e explotación da imaxe de menores nas plataformas dixitais para xerar ingresos, moitas veces difuminando a liña entre o espazo familiar e a explotación económica sen regulación clara.
-O custo humano detrás dos nosos dispositivos: a infancia racializada do Sur Global que traballa en condicións de semiesclavitude para extraer os minerais (como o cobalto) que sosteñen o noso mundo hiperconectado.

Cando falamos de traballo infantil, non podemos esquecer ás nenas, sobre as que recae historicamente a carga invisible do traballo doméstico e de coidados no fogar, limitando o seu dereito ao xogo e á educación. Tampouco podemos ignorar que o racismo estrutural e as leis de estranxeiría empurran ás familias migrantes á economía informal, expoñendo ás súas crianzas a situacións de desprotección que o sistema despois criminaliza en vez de apoiar.

Non queremos unha mirada punitiva nin asistencialista que culpe ás familias que sobreviven ás marxes. Reivindicamos políticas públicas con enfoque interseccional que garantan ingresos dignos para os fogares, regularización efectiva, soberanía dixital e espazos de coidado comunitario onde ser nena ou neno non dependa do teu lugar de orixe nin do teu xénero.

A infancia ten dereito a ser infancia. Nin nas fábricas, nin nos coidados invisibles, nin como obxectos de consumo nun feed. ✨

12/06/2026

Informamos do cambio de horario de atención para os próximos meses.

09/06/2026

O Colexio Oficial de Traballo Social de Galicia (COTSG) impulsa este cuestionario co obxectivo de coñecer a experiencia das traballadoras sociais da administración local na súa relación coa Administración de Xustiza en Galicia.

As respostas serán confidenciais e utilizaranse exclusivamente con fins de análise e mellora profesional. A enquisa ten unha duración aproximada de 5 minutos.

https://docs.google.com/forms/d/e/1FAIpQLSd3nVKgvf9MyIZ-5Z5dbVVbYFu9HHnK3UuPemow8r0XsSPzjA/viewform

04/06/2026

🎙️📣Xa está publicado o capítulo 4 do Podcast Redes e Raíces: voces do Traballo Social e da loita pola vivenda digna

Nesta ocasión falamos da situación da vivenda en Galicia e contamos con varias profesionais expertas neste tema. Ana Pardo de , Bea Sixto do programa de inclusión de persoas sen fogar no Concello de Santiago e a Andrés, activista na Plataforma Galega Vivenda Xa!

Poderás escoitalo na nosa canle de youtube ou en Ivoox

https://www.youtube.com/watch?v=PzqUrNJ06hI

Deseño gráfico da portada e contraportada .vieitez
Edición e gravación do vídeo
Música Helsinki de Pantis

04/06/2026

📢AMPLIAMOS O PRAZO DA CONVOCATORIA: Comisión Deontolóxica

O Colexio Oficial de Traballo Social de Galicia ampliza o prazo para a nova convocatoria para formar parte da Comisión Deontolóxica

💡 Un espazo chave para:
✔️ Promover a ética profesional
✔️ Analizar e orientar en dilemas deontolóxicos
✔️ Reforzar a calidade da práctica no Traballo Social

👥 Buscamos profesionais con:
🔹 Experiencia no ámbito do Traballo Social de mínomo 10 anos.
🔹 Compromiso cos valores éticos.
🔹 Interese pola reflexión deontolóxica.

📄 Para participar:
✉️ Envía o teu CV + carta de motivación
📅 Prazo: ata o 31 de xullo

📩 [email protected]

🤝 A túa participación é chave para seguir fortalecendo a profesión!

03/06/2026

Eloína Ingerto López, nova directora xeral de Promoción da Igualdade da Xunta de Galicia.

Dende o Colexio Oficial de Traballo Social de Galicia queremos trasladar os nosos mellores desexos de éxito á nosa compañeira colexiada, Eloína Ingerto López, no seu novo cargo á fronte da Dirección Xeral de Promoción da Igualdade, dentro da Consellería de Política Social e Igualdade.

Eloína, que ata o de agora viña exercendo con gran compromiso como directora da FUNGA, asume agora este novo reto no Executivo galego.

Para a nosa profesión, é un orgullo ver como unha traballadora social con esta traxectoria ocupa un posto de tanta relevancia. A presenza de profesionais do Traballo Social nos órganos de decisión política é fundamental para achegar unha visión transformadora, humana e estritamente pegada á realidade social, garantindo que as políticas de igualdade se deseñen dende o coñecemento directo das necesidades das persoas.

Parabéns, Eloína! Un fito que pon en valor a importancia estratéxica do Traballo Social.

Dirección

Rúa Dublín 6 Baixo. Porta 3
Santiago De Compostela
15707

Horario de Apertura

Lunes	09:00 - 15:00
Martes	09:00 - 15:00
Miércoles	09:00 - 15:00
Jueves	09:00 - 15:00
Viernes	09:00 - 15:00

Teléfono

981568100

Página web

http://www.traballosocial.gal/

Notificaciones

Sé el primero en enterarse y déjanos enviarle un correo electrónico cuando Colexio Oficial de Traballo Social de Galicia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.