What are the opening hours?

Monday 8am - 10pm Tuesday 8am - 10pm Wednesday 8am - 10pm Thursday 8am - 10pm Friday 8am - 10pm Saturday 8am - 10pm Sunday 8am - 10pm

https://www.facebook.com/254684318478476/

AP CLUB Repa, Quezon City (2026)

21/09/2026

Ngayong Setyembre 21, 2026, kaisa tayo sa pagdiriwang ng 𝙄𝙣𝙩𝙚𝙧𝙣𝙖𝙩𝙞𝙤𝙣𝙖𝙡 𝘿𝙖𝙮 𝙤𝙛 𝙋𝙚𝙖𝙘𝙚. 🕊️
‎
‎Ang Pandaigdigang Araw ng Kapayapaan ay itinatag ng United Nations noong 1981 upang itaguyod ang mithiin ng kapayapaan sa loob at labas ng bawat bansa.
‎
‎Lagi nating isaisip na ang kapayapaan ay nagmumula sa ating mga sarili, sa pamamagitan ng ating mabubuting gawa, malawak na pag-unawa, at pagpili sa maayos na pakikipagtalastasan sa halip na hidwaan. 🤍 Sa ganitong paraan, malaki ang ating maiaambag sa pagbuo ng isang mas payapa, ligtas, at makataong lipunan. 🤝🏻🫂
‎
‎𝗠𝗮𝗴𝘁𝘂𝗹𝗼𝗻𝗴-𝘁𝘂𝗹𝗼𝗻𝗴 𝘁𝗮𝘆𝗼 𝘀𝗮 𝗽𝗮𝗴𝘁𝗮𝘁𝗮𝗴𝘂𝘆𝗼𝗱 𝗻𝗴 𝗸𝗮𝗽𝗮𝘆𝗮𝗽𝗮𝗮𝗻—𝗵𝗶𝗻𝗱𝗶 𝗹𝗮𝗺𝗮𝗻𝗴 𝗻𝗴𝗮𝘆𝗼𝗻𝗴 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗗𝗮𝘆 𝗼𝗳 𝗣𝗲𝗮𝗰𝗲, 𝗸𝘂𝗻𝗱𝗶 𝘀𝗮 𝗯𝗮𝘄𝗮𝘁 𝗮𝗿𝗮𝘄 𝗻𝗴 𝗮𝘁𝗶𝗻𝗴 𝗯𝘂𝗵𝗮𝘆! 🕊️✨
‎
‎🖼 𝐆𝐫𝐚𝐩𝐡𝐢𝐜 𝐀𝐫𝐭𝐢𝐬𝐭:
‎- Romel O. Elcarte
‎
‎✍️ 𝐂𝐚𝐩𝐭𝐢𝐨𝐧 𝐖𝐫𝐢𝐭𝐞𝐫:
‎- Vince Jet G. Perseveranda

21/09/2026

Sa araw na ito, Setyembre 21, 2026, kaisa ang lahat sa pormal na paggunita sa National Day of Remembrance. 🇵🇭
‎
‎Ang mahalagang petsang ito ay nagsisilbing pampublikong paalala sa ating kasaysayan, lalo na sa pagdedeklara ng Batas Militar noong 1972, at isang dakilang pagkakataon upang pagnilayan, ipagdiwang, at pangalagaan ang ating demokrasya at kalayaan. 🕊️
‎
‎Nawa'y hindi natin kailanman malimutan na ang tunay na lakas ng mamamayan ay nagmumula sa ating kolektibong alaala at mga aral ng nakaraan. Ang bawat paninindigan para sa katotohanan, katarungan, at karapatang pantao ay isang paraan ng pagbibigay-halaga sa sakripisyo ng mga naunang henerasyon. Sa ganitong paraan, nakatutulong tayo upang matiyak na ang mga madilim na kabanata ng nakaraan ay hindi na muling mauulit, tungo sa isang mas makatarungan at malayang lipunan. 🤝
‎
‎𝗠𝗮𝗴𝘁𝘂𝗹𝗼𝗻𝗴-𝘁𝘂𝗹𝗼𝗻𝗴 𝘁𝗮𝘆𝗼 𝘀𝗮 𝗽𝗮𝗴𝗯𝙖𝙗𝙖𝙮𝙖𝗻𝗶 𝗮𝘁 𝗽𝗮𝗴𝗯𝗮𝗻𝘁𝗮𝘆 𝘀𝗮 𝗮𝘁𝗶𝗻𝗴 𝗸𝗮𝗹𝗮𝘆𝗮𝗮𝗻, 𝗵𝗶𝗻𝗱𝗶 𝗹𝗮𝗺𝗮𝗻𝗴 𝗻𝗴𝗮𝘆𝗼𝗻𝗴 𝗡𝗮𝘁𝗶𝗼𝗻𝗮𝗹 𝗗𝗮𝘆 𝗼𝗳 𝗥𝗲𝗺𝗲𝗺𝗯𝗿𝗮𝗻𝗰𝗲, 𝗸𝘂𝗻𝗱𝗶 𝘀𝗮 𝗯𝗮𝘄𝗮𝘁 𝗮𝗿𝗮𝘄 𝗻𝗴 𝗮𝘁𝗶𝗻𝗴 𝗯𝘂𝗵𝗮𝘆! ✊🗣️
‎
‎🖼 𝐆𝐫𝐚𝐩𝐡𝐢𝐜 𝐀𝐫𝐭𝐢𝐬𝐭:
‎- Sheika May Aneslagon
‎
‎✍️ 𝐂𝐚𝐩𝐭𝐢𝐨𝐧 𝐖𝐫𝐢𝐭𝐞𝐫:
‎- Mark Andrei B. Sevilla

15/09/2026

Ngayong ika-15 ng Setyembre, sama-sama nating ginugunita ang 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗗𝗮𝘆 𝗢𝗳 𝗗𝗲𝗺𝗼𝗰𝗿𝗮𝗰𝘆! 🗳️🇵🇭

Ang demokrasya ay nagbibigay sa bawat isa ng karapatang magkaroon ng boses, malayang magpahayag ng saloobin, at makilahok sa mga usaping nakaaapekto sa ating komunidad at kinabukasan.

Bilang mga kabataan, mahalagang gamitin natin ang ating boses nang responsable at igalang ang karapatan at opinyon ng iba. Sa pamamagitan ng pakikilahok, pagiging mapanuri, at pagtulong sa ating komunidad, naipapakita natin ang tunay na diwa ng demokrasya. 🤝💙

𝗦𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗽𝗮𝗵𝗮𝗹𝗮𝗴𝗮𝗵𝗮𝗻 𝗮𝘁 𝗴𝗮𝗺𝗶𝘁𝗶𝗻 𝗮𝗻𝗴 𝗮𝘁𝗶𝗻𝗴 𝗯𝗼𝘀𝗲𝘀 𝗽𝗮𝗿𝗮 𝘀𝗮 𝗽𝗼𝘀𝗶𝘁𝗶𝗯𝗼𝗻𝗴 𝗽𝗮𝗴𝗯𝗮𝗯𝗮𝗴𝗼! ✨

🖼 𝐆𝐫𝐚𝐩𝐡𝐢𝐜 𝐀𝐫𝐭𝐢𝐬𝐭:
- Llera Mutia

✍️ 𝐂𝐚𝐩𝐭𝐢𝐨𝐧 𝐖𝐫𝐢𝐭𝐞𝐫:
- Kate Arguilles

09/09/2026

‎𝗜𝘀𝗮𝗻𝗴 𝘁𝗮𝗼𝘀-𝗽𝘂𝘀𝗼𝗻𝗴 𝗽𝗮𝗴𝗴𝘂𝗻𝗶𝘁𝗮 𝗜𝗸𝗮-𝟭𝟰𝟴 𝗔𝗿𝗮𝘄 𝗻𝗴 𝗞𝗮𝗽𝗮𝗻𝗴𝗮𝗻𝗮𝗸𝗮𝗻 𝗻𝗶 𝗣𝗮𝗻𝗴𝘂𝗹𝗼𝗻𝗴 𝗦𝗲𝗿𝗴𝗶𝗼 𝗢𝘀𝗺𝗲𝗻̃𝗮 𝗦𝗿.
‎
‎Ngayong araw, ating inalaala ang buhay, dedikasyon, at mga natatanging ambag ni Sergio Osmeña Sr., ang ikaapat na Pangulo ng Republika ng Pilipinas at isa sa mga pinakadakilang lider na nagmula sa lalawigan ng Cebu.
‎
‎Kanyang inialay ang malaking bahagi ng kanyang buhay sa tapat na paglilingkod sa bayan. Mula sa pagtataguyod ng pambansang kasarinlan hanggang sa muling pagpapatatag ng pamahalaan matapos ang Ikalawang Digmaang Pandaigdig.
‎
‎Samahan ninyo kami sa pagbibigay-pugay sa kanyang pamana ng kahusayan at walang-sawang pagmamahal sa bansang Pilipinas! 🇵🇭✨

🖼 𝐆𝐫𝐚𝐩𝐡𝐢𝐜 𝐀𝐫𝐭𝐢𝐬𝐭:
- Joeczar M. Reyes

✍️ 𝐂𝐚𝐩𝐭𝐢𝐨𝐧 𝐖𝐫𝐢𝐭𝐞𝐫:
- Angel L. Busbus

01/09/2026

𝐏𝐀𝐆𝐃𝐀𝐑𝐀𝐎𝐒 𝐍𝐆 𝐍𝐀𝐓𝐈𝐎𝐍𝐀𝐋 𝐏𝐄𝐀𝐂𝐄 𝐂𝐎𝐍𝐒𝐂𝐈𝐎𝐔𝐒𝐍𝐄𝐒𝐒 𝐌𝐎𝐍𝐓𝐇 🕊✨

Ngayong buwan ng Septyembre, ipinagdiriwang natin ang 𝗣𝗮𝗺𝗯𝗮𝗻𝘀𝗮𝗻𝗴 𝗕𝘂𝘄𝗮𝗻 𝗻𝗴 𝗞𝗮𝗺𝗮𝗹𝗮𝘆𝗮𝗻 𝘀𝗮 𝗞𝗮𝗽𝗮𝘆𝗮𝗽𝗮𝗮𝗻. 🤝💙

Ang kapayapaan ay nagsisimula sa bawat isa sa atin. Ito ay hindi lamang kawalan ng gulo, kundi pagkakaroon ng pagkakaisa, respeto, at pag-unawa sa bawat isa. Sa buwang ito, sama-sama nating isabuhay ang diwa ng kapayapaan. Hindi sapat na hangarin lamang natin ito, kailangan din natin itong isabuhay, ipaglaban, at ipalaganap. ✨

Bilang kabataan, gamitin natin ang ating boses upang hikayatin ang bawat isa na magtulungan, magkaunawaan, at magbigay ng respeto sa kabila ng ating mga pagkakaiba. Sa pamamagitan ng ating mga salita at kilos, maaari nating palakasin ang diwa ng pagkakaisa, pag-asa at kapayapaan sa ating komunidad. 🌎🤍

🖼 𝐆𝐫𝐚𝐩𝐡𝐢𝐜 𝐀𝐫𝐭𝐢𝐬𝐭𝐬:
- Danica B. Villamayor
- Llera O. Mutia
- Sabrinah Margareth Polangco

✍️ 𝐂𝐚𝐩𝐭𝐢𝐨𝐧 𝐖𝐫𝐢𝐭𝐞𝐫:
- Nasrani Jin U. Accad

31/08/2026

Ngayong ika-31 ng Agosto, sama-sama nating ipinagdiriwang ang 𝗣𝗮𝗺𝗯𝗮𝗻𝘀𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗕𝗮𝘆𝗮𝗻𝗶! ✊🛡️
‎
‎Isang mataimtim at taos pusong pagpupugay sa ating mga ninunong nag-alay ng buhay para sa ating kalayaan, pati na rin sa mga kababayan nating patuloy na naglilingkod at nagmamalasakit sa kapwa sa kasalukuyang panahon.
‎
‎Ang araw na ito ay paalala ng kanilang dakilang sakripisyo na nagbigay-daan sa kalayaang ating tinatamasa ngayon. Nawa’y magsilbing inspirasyon ang kanilang mga istorya't nagawa upang patuloy nating gampanan ang ating tungkulin bilang mga responsableng mamamayan.
‎
‎Sa ating sariling mga hakbang, paano kaya natin maipagpapatuloy ang kanilang nasimulan para sa bayan? 🤔💡
‎
‎Isang makabuluhang Pambansang Araw ng mga Bayani sa ating lahat! 🇵🇭

12/06/2026

‎🇵🇭 Maligayang Araw ng Kalayaan! 🇵🇭
‎
‎Ngayong ika-12 ng Hunyo, ating ginugunita at pinaparangalan ang katapangan, sakripisyo, at pagmamahal sa bayan ng mga Pilipinong lumaban upang makamit ang kalayaang ating tinatamasa ngayon.
‎
‎Dahil sa kanilang kabayanihan, malaya tayong mangarap, magpahayag ng ating saloobin, at magsikap para sa mas magandang kinabukasan. Ngunit ang tunay na diwa ng kalayaan ay hindi lamang alaala ng nakaraan—ito ay pananagutang isabuhay araw-araw sa pamamagitan ng katapatan, pagkakaisa, at pagmamalasakit sa kapwa at sa bayan.
‎
‎Sa gitna ng mga hamon ng ating panahon, nawa’y magsilbing inspirasyon ang Araw ng Kalayaan upang patuloy tayong manindigan para sa katotohanan, igalang ang ating pagkakaiba-iba, at sama-samang kumilos para sa isang mas makatarungan, mapayapa, at maunlad na Pilipinas.
‎
‎Ipagdiwang natin ang kalayaan hindi lamang sa salita, kundi higit sa lahat sa ating pagmamahal sa bayan.
‎
‎Mabuhay ang Pilipinas! Mabuhay ang sambayanang Pilipino! ✊🇵🇭

15/03/2026

𝗞𝗪𝗜𝗭𝗧𝗢𝗥𝗜𝗔 | 𝑲𝒘𝒆𝒏𝒕𝒐 𝒂𝒕 𝑻𝒓𝒊𝒗𝒊𝒂 𝒏𝒈 𝑨𝒕𝒊𝒏𝒈 𝑲𝒂𝒔𝒂𝒚𝒔𝒂𝒚𝒂𝒏 🇵🇭✨

𝙈𝘼𝙔 𝙈𝘼𝙆𝘼𝙋𝘼𝙉𝙂𝙔𝘼𝙍𝙄𝙃𝘼𝙉𝙂 𝙆𝘼𝙃𝘼𝙍𝙄𝘼𝙉 𝘽𝘼 𝙎𝘼 𝙈𝘼𝙔𝙉𝙄𝙇𝘼 𝘽𝘼𝙂𝙊 𝘿𝙐𝙈𝘼𝙏𝙄𝙉𝙂 𝘼𝙉𝙂 𝙈𝙂𝘼 𝘿𝘼𝙔𝙐𝙃𝘼𝙉?

Oo! Ito ay ang 𝙆𝙄𝙉𝙂𝘿𝙊𝙈 𝙊𝙁 𝙏𝙊𝙉𝘿𝙊 👑✨

Bago pa man dumating ang mga dayuhang nanakop sa Pilipinas, mayroon nang isang maunlad, malakas, at makapangyarihang kaharian sa bahagi ng Maynila—ang Kingdom of Tondo. Kilala ito bilang isang mandala o estadong may malawak na impluwensya sa kalakalan at politika sa rehiyon.

Ang Tondo ay isa sa mga pinakamaagang sentro ng kalakalan sa Luzon, kung saan nakikipag-ugnayan ang mga sinaunang Pilipino sa mga mangangalakal mula sa karatig-bansa sa Asya. Dahil dito, naging mahalagang bahagi ito ng pag-unlad ng ekonomiya at kultura noong sinaunang panahon.

Sa kasalukuyan, ang Tondo ay kilala bilang isang mataong distrito ng Maynila. Ngunit sa likod ng mga kalsada at gusali nito ay ang kasaysayan ng isang dakilang kaharian na minsang naging simbolo ng kapangyarihan at kaunlaran.

Itong trivia na aming ipinapahayag ay naglalayong maghatid at magkalap ng panibagong impormasyon at balita. Maraming salamat sainyong pag-antabay at pakikiisa sa lingguhang paglalathla ng makapanibagong impormasyon. Sa pagtatapos ng protektong ito nawa’y kayo’y mayroong natutunan at lubos na nasiyahan dito. Ngunit, hindi pa rito nagtatapos ang aming kuwento.

Muli, ito ang 𝙆𝙒𝙄𝙕𝙏𝙊𝙍𝙄𝘼 ⏰

— Nagbibigay-kwento ng ating kasaysayan para sa mas malalim na pag-unawa sa ating pagka-Pilipino 🇵🇭✨

12/03/2026

𝗞𝗪𝗜𝗭𝗧𝗢𝗥𝗜𝗔 | 𝑲𝒘𝒆𝒏𝒕𝒐 𝒂𝒕 𝑻𝒓𝒊𝒗𝒊𝒂 𝒏𝒈 𝑨𝒕𝒊𝒏𝒈 𝑲𝒂𝒔𝒂𝒚𝒔𝒂𝒚𝒂𝒏 🇵🇭✨

𝙈𝘼𝙔 𝙉𝘼𝙏𝘼𝙂𝙋𝙐𝘼𝙉 𝘽𝘼 𝙉𝘼 𝙂𝙊𝙇𝘿 𝘿𝙀𝘼𝙏𝙃 𝙈𝘼𝙎𝙆 𝙎𝘼 𝙋𝙄𝙇𝙄𝙋𝙄𝙉𝘼𝙎?

Oo! Ito ay ang 𝙊𝙏𝙊𝙉 𝙂𝙊𝙇𝘿 𝘿𝙀𝘼𝙏𝙃 𝙈𝘼𝙎𝙆 ✨

Natuklasan ito noong Hunyo 5, 1967 sa San Antonio, Oton, Iloilo ng mga antropologong sina Alfredo Evangelista at F. Landa Jocano. Tinatayang nagmula ito noong ika-14 hanggang ika-15 siglo sa panahon ng Age of Trade.

Ginagamit noon ng mga sinaunang Bisaya ang ginintuang maskara sa paglilibing dahil naniniwala silang pinoprotektahan nito ang yumao laban sa masasamang espiritu at nagpapakita ng mataas na antas sa lipunan.

Sa kasalukuyan, makikita ang artifact na ito sa Gallery 2 ng National Museum Western Visayas, kung saan patuloy nitong ipinapaalala ang mayamang kultura at tradisyon ng ating mga ninuno.

Muli, ito ang 𝙆𝙒𝙄𝙕𝙏𝙊𝙍𝙄𝘼 ⏰

— Nagbibigay-kwento ng ating kasaysayan para sa mas malalim na pag-unawa sa ating pagka-Pilipino 🇵🇭✨

25/02/2026

𝐈𝐊𝐀-𝟒𝟎 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐄𝐃𝐒𝐀 𝐏𝐄𝐎𝐏𝐋𝐄 𝐏𝐎𝐖𝐄𝐑 🇵🇭

Apatnapung taon na ang lumipas mula nang yanigin ng sambayanang Pilipino ang kasaysayan sa pamamagitan ng 𝗘𝗗𝗦𝗔 𝗣𝗲𝗼𝗽𝗹𝗲 𝗣𝗼𝘄𝗲𝗿 𝗥𝗲𝘃𝗼𝗹𝘂𝘁𝗶𝗼𝗻. Noong Pebrero 1986, sa kahabaan ng Epifanio de los Santos Avenue, pinatunayan ng taumbayan na ang pagkakaisa at tapang ay kayang manaig laban sa pang-aabuso at takot.

Hindi lamang ito alaala ng nakaraan, kundi isang buhay na paalala ng ating responsibilidad bilang mamamayan. Ang kalayaan at demokrasya na tinatamasa natin ngayon ay bunga ng sakripisyo, paninindigan, at pananalig ng mga Pilipinong naghangad ng pagbabago.

Sa paggunita ng ika-40 taon, nawa’y patuloy nating isabuhay ang diwa ng pagkakaisa, malasakit, at aktibong pakikilahok sa lipunan. Ang EDSA ay hindi lamang isang pangyayari sa kasaysayan—ito ay panawagan sa bawat henerasyon na maging mapagmatyag, makabayan, at matatag sa katotohanan. ✊🕊️

‼️𝗡𝗘𝗩𝗘𝗥 𝗙𝗢𝗥𝗚𝗘𝗧 𝗧𝗛𝗘 𝗣𝗢𝗪𝗘𝗥 𝗢𝗙 𝗧𝗛𝗘 𝗣𝗘𝗢𝗣𝗟𝗘.

AP CLUB Repa

21/09/2026

21/09/2026

15/09/2026

09/09/2026

01/09/2026

31/08/2026

12/06/2026

15/03/2026

12/03/2026

25/02/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 10pm
Tuesday	8am - 10pm
Wednesday	8am - 10pm
Thursday	8am - 10pm
Friday	8am - 10pm
Saturday	8am - 10pm
Sunday	8am - 10pm