26/10/2026
സഹകരണ ജീവനക്കാരുടെ വിവിധ പ്രശ്നങ്ങളുമായി ബന്ധപ്പെട്ട് ബഹുമാനപ്പെട്ട സഹകരണമന്ത്രി ശ്രീ.എം.ലിജുവുമായി കേരള കോ-ഓപ്പറേറ്റിവ് എംപ്ലോയീസ് യൂണിയൻ സംസ്ഥാന നേതാക്കൾ ചർച്ച നടത്തി. യൂണിയൻ നിവേദനം വഴി സർക്കാരിന്റെ ശ്രദ്ധയിൽ കൊണ്ടുവന്ന വിഷയങ്ങൾ ഗൗരവമായി പരിഗണിക്കുമെന്ന് മന്ത്രി സൂചിപ്പിച്ചു.
മന്ത്രിയുമായുള്ള കൂടിക്കാഴ്ചയിൽ താഴെ പറയുന്ന വിഷയങ്ങൾ ഉയർത്തികൊണ്ടുവന്നു.
1. ജീവനക്കാരുടെ പ്രമോഷൻ തടയുന്ന ചട്ടങ്ങൾ ഒഴിവാക്കുക.
2. കമ്മീഷൻ ജീവനക്കാർക്ക് ക്ഷാമബത്ത, ഗ്രാറ്റിറ്റി, എന്നിവ അനുവദിക്കുക.
3. കമ്മീഷൻ ജീവനക്കാരുടെ പെൻഷനിലെ അവ്യക്ത ഒഴിവാക്കി പെൻഷൻ അനുവദിക്കുക.
4. കാലാവധി കഴിഞ്ഞ ആശുപത്രി സംഘം, കാർഷിക ഗ്രാമ വികസന ബേങ്ക്, അർബൻ ബേങ്ക്, പ്രൈമറി സംഘം ജീവനക്കാരുടെ ശമ്പളപരിഷ്കണം നടപ്പാക്കുക.
5. ക്ഷാമബത്ത വർദ്ധനവ് അനുവദിക്കുക.
6. കമ്മീഷൻ ജീവനക്കാരുടെ പ്രതിമാസ ശമ്പളം, സ്ഥിര വേതനം എന്നിവ വർധിപ്പിക്കുക. സ്ഥിര വേതനം ലഭിക്കാനുള്ള സേവനകാലം 5 വർഷമായി കുറക്കുക.
7. പ്രൈമറി സംഘങ്ങൾക്ക് ദോഷകരമായ കേരളബേങ്കിന്റെ പലിശ നയം തിരുത്തുക.
8. കടാശ്വാസ കമ്മീഷനുകളുടെ തീരുമാനങ്ങൾ സംഘങ്ങളെ നഷ്ടത്തിലാക്കുന്നത് പരിഹരിക്കുക.
9. വെൽഫേർ ബോർഡ്, പെൻഷൻ ബോർഡ് തുടങ്ങിയ വിവിധ ബോർഡുകൾ പുനസംഘടിപ്പിക്കുക.
10. യോഗ്യത പരീക്ഷക്ക് സേവനകാലത്തെ അടിസ്ഥാനമാക്കിയുള്ള ഗ്രേസ് മാർക്ക് പുനസ്ഥാപിക്കുക.
11. നീതിമെഡിക്കൽ ജീവനക്കാരുടെ പ്രശ്നങ്ങൾ പരിഹരിക്കുക.
12. ജീവനക്കാരുടെ ലീവ് സറണ്ടർ തടഞ്ഞുകൊണ്ടുള്ള ഉത്തരവ് പിൻവലിക്കുക.
13. സാമൂഹ്യ ക്ഷേമ പെൻഷൻ വിതരണം സഹകരണ മേഖലയിൽ തുടരുക.
14. പ്രാഥമിക കാർഷിക സഹകരണ സംഘങ്ങൾ നേരിടുന്ന വിവിധ പ്രശ്നങ്ങൾക്ക് പരിഹാരമുണ്ടാക്കുക തുടങ്ങിയ കാര്യങ്ങൾ മന്ത്രിയുടെ ശ്രദ്ധയിൽ കൊണ്ടുവന്നു.
യൂണിയൻ മുൻ ജനറൽ സെക്രട്ടറി എൻ കെ രാമചന്ദ്രൻ എഴുതിയ “പാഠം പഠനം പ്രതിരോധം ” എന്ന പുസ്തകവും യൂണിയൻ മുഖമാസിക കോ-ഓപ്പറേറ്റിവ് വർക്കറിന്റെ ഒക്ടോബർ മാസത്തെ കോപ്പി എന്നിവ മന്ത്രിക്ക് നൽകി. യൂണിയൻ ജനറൽ സെക്രട്ടറി കെ.വി.പ്രജീഷ്, പ്രസിഡണ്ട് പി.പദ്മജ, ട്രഷറർ പി.ഷിബു, മനു ദിവാകരൻ, കെ.ബാലകൃഷ്ണൻ, വിൽസൻ എന്നിവരാണ് മന്തിയുമായുള്ള കൂടിക്കാഴ്ചയിൽ ഉണ്ടായിരുന്നത്.