29/08/2026
ഓട്ടോ ഡ്രൈവർ ഷൗക്കത്തിന്റെ കുടുംബത്തോടൊപ്പം ഹൃദയപൂർവ്വം FITU ❤️
ഇന്നലെ മരണപ്പെട്ട ഓട്ടോ ഡ്രൈവർ ഷൗക്കത്തിന്റെ വീട് FITU നേതാക്കൾ സന്ദർശിച്ചു. സംസ്ഥാന ജനറൽ സെക്രട്ടറി തസ്ലിം മമ്പാട്, കൃഷ്ണൻ കുനിയിൽ, നൗഷാദ് ചുള്ളിയൻ, NK റഷീദ് എന്നിവർ സംഘത്തിലുണ്ടായിരുന്നു.
നേതാക്കൾ കുടുംബാംഗങ്ങളുമായി കൂടിക്കാഴ്ച നടത്തുകയും അവരുടെ ദുഃഖത്തിൽ പങ്കുചേരുകയും ചെയ്തു. ഷൗക്കത്തിന്റെ മരണത്തിലേക്ക് നയിച്ച സാഹചര്യങ്ങളും കുടുംബത്തിന്റെ നിലവിലെ അവസ്ഥയും ചോദിച്ചറിഞ്ഞു. പ്രതിസന്ധി ഘട്ടത്തിൽ കുടുംബത്തോടൊപ്പം സംഘടനയുണ്ടാകുമെന്നും ആവശ്യമായ പിന്തുണ നൽകുമെന്നും നേതാക്കൾ അറിയിച്ചു.
അതേസമയം, ഷൗക്കത്തിന്റെ മരണത്തിന് ഉത്തരവാദികളായ MVD ഉദ്യോഗസ്ഥർക്കെതിരെ കൊലക്കുറ്റത്തിന് കേസെടുത്ത് അറസ്റ്റ് ചെയ്യണമെന്നും, സംഭവത്തിൽ സ്വതന്ത്രവും നിഷ്പക്ഷവുമായ അന്വേഷണം നടത്തണമെന്നും FITU മലപ്പുറം ജില്ലാ എക്സിക്യൂട്ടീവ് കമ്മിറ്റി ആവശ്യപ്പെട്ടു.
ഷൗക്കത്തിന്റെ കുടുംബത്തിന് നീതി ലഭിക്കും വരെ തൊഴിലാളി സമൂഹത്തോടൊപ്പം FITU ശക്തമായി നിലകൊള്ളും.