16/12/2025
📣📣13-14 დეკემბერს სამედიცინო ასოციაციების გაერთიანების გასვლითი შეხვედრა გაიმართა.
შეხვედრაზე განხილული იქნა სამედიცინო დახმარების ხარისხის ერთერთი უმნიშვნელოვანესი გამოწვევა:
📣ნოზოკომიური(საავადმყოფოსშიდა) ინფექციები.
მთავარი მომხსენებელი იყო საქართველოს გრ. მუხაძის სახელობის ქირურგთა ასოციაციის პრეზიდენტი პროფესორი დავით ჯიქია.
შეხვედრაზე ასევე განიხილეს:
📣 სამედიცინო დახმარების ხარისხის შეფასების/ რეცენზირების საკითხები.
აღინიშნა,რომ
ორივე პრობლემას აერთიანებს ერთი რამ, არ ხდება
საკითხების იდენტიფიცირება/ აღრიცხვა.
ნოზოკომიური ინფექციების ოფიციალური სტატისტიკა საქართველოში ფაქტიურად არ არსებობს. სხვადასხვა შიდა კვლევებითა და ემპირიული შეფასებით მისი წილი საერთო ინფექციებში, ოპტიმისტური პროგნოზითაც კი 25% ს აღემატება.
ზოგ კლინიკაში კი შესაძლოა ის 50 % საც აღემატებოდეს.
ცნობისთვის აშშ ის 3-5 % ხოლო ევროკავშირში 7% მდეა.
ნოზოკომიური ინფექციები წარმოადგენს დიდ საფრთხეს პაციენტების სიცოცხლისთვის, როგორც კონკრეტული დაავადების გამოსავალის, ასევე ანტიბიოტიკებისადმი რეზისტენტობის კუთხით.
სახელმწიფოსთვის კი, ეს იწვევს დანახარჯების საგრძნობ ზრდას.
ნოზოკომიური ინფექციების პრობლემას სხვადასხვა მიზეზი აქვს. საჭიროა სერიოზული ღონისძიებების გატარება ამ მიზეზების აღმოსაფხვრელად.დღეს სამწუხაროდ კლინიკების მიერ ხდება ამ პრობლემის დაფარვა , რის მიზეზსაც სახელმწიფოსგან დაფინანსების არ მიღების საფრთხე წარმოადგენს.
ანალოგიური ვითარებაა სამედიცინო შეცდომების განხილვის დროს.
ქვეყანაში ჩამოყალიბებულია არასწორი მიდგომა სამედიცინო შეცდომის მიმართ, რაც მის კრიმინალიზაციაში მდგომარეობს.
ამ
ფაქტორის გამო მათი იდენტიფიცირებისა და შემდეგ მათ გამოსწორებაზე მუშაობის ნაცვლად ხდება მათი დაფარვა.
სხდომაზე აღინიშნა, რომ
სამედიცინო ასოციაციების გაერთიანება უკვე წლებია ითხოვს ამ საკითხებისადმი მიდგომის შეცვლას, რასაც გაერთიანების არაერთი განცხადება თუ შეხვედრა დაეთმო და სახელმწიფოსადმი მიმართვა მოჰყვა.
გაერთიანებაში იმედოვნებენ, რომ
საკითხის აქტუალობიდან გამომდინარე, პრობლემის მოგვარება შესაძლებელია მხოლოდ ყველა დაინტერესებული მხარის, მათ შორის, კლინიკების , სახელმწიფოსა და დარგობრივი ასოციაციების მონაწილეობით.
