17/06/2026
🌼 Por que a margarida como símbolo fronte ao odio e a aporofobia?
Hoxe celebramos no Museo do Pobo Galego, coa EAPN-Galicia, o acto de presentación da Declaración 'Tolerancia e respecto. Fronte ao discurso do odio e a aporofobia'. Un acto que se enmarca no Día Internacional para Contrarrestar o Discurso de Odio, que se conmemora mañá, 18 de xuño.
🤝 Esta xornada reúne a unha parte das 161 entidades sociais, colexios profesionais, sindicatos, organizacións empresariais, universidades e outras organizacións que asinaron a Declaración.
📣 Coa mirada posta na perigosa deriva que está a tomar o panorama mundial, no que a dereitos humanos e garantías sociais se refire, animarase a estender e ampliar esta Declaración ao longo de todo o Estado para que a asuman máis organizacións ao longo do territorio nacional.
"Somos máis. Somos da maioría que respecta."
