¿Qué es el sitio web?

https://www.facebook.com/1790526004306201/

Fegadi - Federación Galega de Asociacións de Persoas con Diabete

Casa
España
Santiago de Compostela
Fegadi - Federación Galega de Asociacións de Persoas con Diabete

FEGADI Federacion Galega de Asociacions de persoas con diabete FEGADI es la Federación Gallega de Asociaciones de personas con diabetes.

Buscamos axudar e informar a todas as persoas con diabetes

FEGADI é a Federación Galega de Persoas con diabetes. Está integrada polas asociacions: Diabetes Ferrolterra, Diabetes Coruña, Diabética Aurea e a Compostelana de Diabéticos

Ten carácter non lucrativo e ámbito rexional. Foi creada no ano 1997 e o seu obxetivo é defender os intereses das persoas con diabetes, así como promocionar a presta

ción dos servicios, actividades e recursos que poidan contribuir ó seu benestar. FEGADI ofrece diversos servizos: información, orientación e asesoramento social, distribución gratuita de folletos sobre a diabetes, gabinetes, etc. Ademais, organiza distintas actividades para todos os asociados, familiares e amigos.

---------------------------------------------------------------------------------------------

Buscamos ayudar e informar a todas las personas con diabetes. Está integrada por las Asociaciones : Diabetes Ferrolterra, Diabetes Coruña, Diabética Aurea y la Compostelana de Diabéticos
Tiene carácter no lucrativo y ámbito regional. Fue creada en el año 1997 y su objetivo es defender los intereses de las personas con diabetes, así como promocionar la prestación de servicios, actividades y recursos que puedan contribuir a su bienestar. FEGADI ofrece diversos servicios: información, orientación y asesoramiento social, distribución gratuita de folletos sobre la diabetes, gabinetes, etc. Además, organiza distintas actividades para todos los asociados, familiares y amigos.

22/06/2026

📢 O SISTEMA PÚBLICO SOSTENSE CON RESPONSABILIDADE: COIDA O QUE É DE TODOS
Detectaches a venda non autorizada de sensores de glicosa ou material médico público en redes ou plataformas de segunda man? 🛑

Desde FEGADI queremos lembrar a importancia de facer un uso responsable, honesto e legal dos recursos sanitarios que recibimos:

É ilegal e perigoso: Vender ou mercar material público destinado a outra persoa está prohibido. Ao facelo, rómpese a cadea de custodia e coidado do dispositivo, o que pode provocar un mal funcionamento por mor dun mal almacenamento (temperatura, humidade) ou graves problemas de saúde (como reaccións alérxicas) na persoa receptora.

Os pacientes somos os garantes do sistema: Un uso racional e honesto asegura que sempre haxa material dispoñible para quen máis o precisa.

Se non o vas usar, dilo: Se o teu médico che prescribiu un material que finalmente non vas utilizar, infórmao na túa consulta. Así evitarás que cho sigan prescribindo e que acabe caducando ou nun recuncho sen uso, mentres outros pacientes o poden necesitar.

A sanidade pública e de calidade é un dereito, pero tamén un deber colectivo. Colabora co teu médico e fai un uso responsable. 💙

👉 Axúdanos a difundir! Comparte esta publicación.

18/06/2026

🏕️☀️ CAMIÑO DA SAÚDE 2026 ☀️🏕️

Queda moi pouco para vivir unha semana inesquecible en Mougás!

🌿 Natureza
🤝 Novas amizades
🎨 Obradoiros e actividades
⚽ Deporte e aventura
💙 Aprendizaxe e convivencia arredor da diabetes

E para facelo aínda máis especial, este ano contaremos coa colaboración de Nia Diabetica-Accesorios para bombas de insulina y sensores, que achega un agasallo espectacular para sortear entre os participantes do campamento:

🎁 Unha exclusiva Diabebolsa Shopper “Mi CÓDIGO DE VIDA”.

📍 Mougás (Pontevedra)
📅 Do 16 ao 22 de xullo
👧🧒 Para nenos e nenas de 8 a 17 anos

Se aínda non te inscribiches... estás a tempo!

💥 Aprende, comparte, coida da túa saúde e goza do verán connosco.

16/06/2026

🎬 ¡PRÓXIMA PARADA: SANTIAGO DE COMPOSTELA! 👁️✨

Chega a Galicia a quinta proxección rexional de “Ensayo sobre la mirada”, un emotivo e innovador documental no que profesionais da saúde e pacientes cambian os seus roles para poñerse na pel do outro e visibilizar patoloxías como o edema macular diabético.

Un proxecto desenvolvido xunto a Movistar e Roche, co aval científico da SERV e a colaboración de Federación Española Diabetes e Acción Visión España. 🤝

G***r deste evento exclusivo que incluirá a proxección e unha interesante mesa redonda posterior.

👇 Toma nota:
🗓️ Mércores 1 de xullo
⏰ 20:30 h
📍 Sala Capitol (Rúa de Concepción Arenal, 5, Santiago de Compostela)
🎟️ ¡Entrada GRATUÍTA!

👉 Consigue a túa entrada de forma moi sinxela: escanea o código QR da imaxe deste post ou fai clic na ligazón que che deixamos. 🔗 https://www.entradasensayosobrelamirada.com/santiago

¡Vémonos na Sala Capitol! Non deixes pasar a oportunidade de apoiar a visibilidade da saúde visual. 💙

13/06/2026

☀️ ¡Que a calor non comprometa a túa saúde! 🌡️
Coas primeiras quendas de calor en Galicia, marchamos á praia, á montaña ou de vacacións. Se tes diabetes, lembra unha regra de ouro: a túa insulina nunca debe superar os 30°C.
Se cambia de temperatura, perde efectividade. Así que este verán:
🧳 Protexe sempre as túas plumas ou vials nun estoxo refrixerante.
🚗 Non as deixes xamais dentro do coche ao sol.
Desfruta do bo tempo con sentidiño e mantén a túa insulina protexida! 💙

10/06/2026

📢 MÁIS FORTES, MÁIS CONECTADOS 💙

Hoxe queremos compartir unha gran noticia que consolida o noso compromiso coas persoas con diabetes en Galicia. A nosa federación, FEGADI, forma parte activa de Federación Española de Diabetes - FEDE, o que á súa vez nos integra na Plataforma de Organizaciones de Pacientes.

🔗 ¿Que significa isto? Que o traballo de base que facemos desde Galicia non está só; ten voz, respaldo e representación directa nos niveis máis altos de decisión a nivel estatal.

Unha rede sólida para que os dereitos e as necesidades do noso colectivo se escoiten con máis forza que nunca. Seguimos sumando! 💪

08/06/2026

💙 Os pasados 5 e 6 de xuño, parte do noso equipo estivo en Madrid participando nas Xornadas de Acompañamento Emocional, un encontro liderado por , co apoio de Sanofi e a colaboración de , impartido polo psicólogo experto Iñaki Lorente.

Tivemos a sorte de formar parte da primeira promoción de axentes de acompañamento. Foi unha experiencia moi intensa pero, sobre todo, tremendamente gratificante. As nosas compañeiras volveron co corazón cheo de aprendizaxe!

👉 Cal é o obxectivo de todo isto?

Aprender a abrazar, escoitar e validar as emocións das persoas e familias que reciben un diagnóstico de Diabetes Tipo 1 en estadio 2.

Durante estes días intensos traballamos en como poñernos no lugar do outro de verdade:

1️⃣ Acompañar na crise
Aprender estratexias para chegar a quen o está pasando mal sen invadir o seu espazo. Saber como transmitir calma, seguridade e normalidade cando todo parece desmoronarse e a información abruma.

2️⃣ Empatía real
Descubrir como entender o medo, a rabia, a culpa ou a tristura sen xulgar, deixando a un lado as frases feitas ou os consellos automáticos, e ofrecendo un apoio incondicional e respectuoso.

A diabetes non é só unha cuestión de medicións e datos; as emocións pesan moito, e saber acompañalas é un piar fundamental.

Isto é só o principio, pero volvemos con ferramentas moi valiosas para ofrecervos un espazo seguro, desinteresado e cheo de calma cando máis o precisedes.

💙 Sempre ao voso lado!

02/06/2026

Hoxe estivemos na presentación do Plan para o Impulso da Atención á Diversidade.

Desde a federación seguimos traballando para garantir que as medidas anunciadas se traduzan nunha atención real e efectiva nos centros educativos.

Trasladamos á Consellería de Educación .xunta a necesidade de revisar e mellorar a Addenda de atención ao alumnado con diabetes, un documento fundamental para garantir unha resposta axeitada, segura e inclusiva nas aulas.

Seguiremos achegando propostas e suxestións, porque a inclusión do alumnado con diabetes require compromiso, coordinación e mellora continua.

31/05/2026

¡Unha xornada inesquecible na Ribeira Sacra! 🚢🍇

O pasado sábado 23 de maio, un gran grupo da familia de FEGADI desfrutamos dunha viaxe fantástica de convivencia e saúde polos canóns do Río Sil e Monforte de Lemos.

Comezamos o día navegando nun impresionante paseo en catamarán, rodeados de paisaxes espectaculares e viñedos únicos. Despois de repoñer forzas cun bo xantar, aproveitamos a tarde para mergullarnos na cultura local visitando os tesouros históricos da zona.

Queremos agradecer de corazón a excelente organización, o bo ambiente de todos os asistentes e, por suposto, a colaboración institucional (como o apoio da Deputación de Lugo) que fixo posible que esta xornada fose todo un éxito.

Compartir momentos así, sumando saúde, amizade e experiencias, é o que nos fai seguir medrando xuntos. 💙

Federación Española de Diabetes - FEDE

14/05/2026

🌿⛺ Campamento “O Camiño da Saúde” 2026
✨ A aventura de medrar con saúde

Do 16 ao 22 de xullo en Mougás (Pontevedra), en FEGADI poñemos en marcha unha nova edición de “O Camiño da Saúde”, un campamento pensado para nenos e nenas que conviven coa diabetes ou con retos relacionados coa saúde metabólica.

💙 Unha semana para aprender, compartir, facer amizades e descubrir que levar unha vida saudable tamén pode ser divertido.

👉 Que atoparán no campamento?

🏕️ Vida en plena natureza
🚣 Actividades náuticas: kaiak e vela
🥾 Sendeirismo e xogos ao aire libre
👩‍🍳 Obradoiros de nutrición e cociña saudable
🧁 Repostería sen azucre
💬 Charlas participativas sobre diabetes, obesidade e hábitos de vida saudables
🏊 Piscina e instalacións adaptadas

👨‍⚕️ Ademais, contaremos con:
✅ Asistencia médica e enfermaría 24 horas
✅ Monitores titulados e con experiencia
✅ Referentes que tamén conviven coa diabetes
✅ A experiencia de Ayuko Aventura, entidade referente en Galicia con máis de 25 anos no lecer educativo

🥗 Apostamos por comida caseira e nutritiva, preparada nas propias instalacións, fomentando unha relación positiva coa alimentación desde o primeiro día.

🌟 “O Camiño da Saúde” é moito máis que un campamento: é unha experiencia para gañar autonomía, confianza e crear recordos inesquecibles.

🤝 Esta actividade é posible grazas ao apoio da Deputación da Coruña.

📍 Mougás (Pontevedra)
📅 Do 16 ao 22 de xullo de 2026

Federación Española de Diabetes - FEDE
Asociación de Diabetes AURIA
Diabetes Coruña
Asoc Compostelana Diabetes
Asociación De Diabéticos Ferrolterra

03/05/2026

💜 Feliz Día da Nai

Hoxe celebramos a todas as nais, avoas e mulleres que coidan, acompañan e están sempre aí, en cada paso do camiño.

Aquelas que, con forza e agarimo, conviven coa diabete ou forman parte do día a día de quen a ten. Porque detrás de cada xesto hai amor, compromiso e moita vida.

🌸 Grazas por cada abrazo, por cada coidado e por non rendervos nunca.

💜 Sodes exemplo, sodes apoio, sodes imprescindibles.

Dirección

Santiago De Compostela
15704

Teléfono

698128823

Página web

facebook.com

Notificaciones

Sé el primero en enterarse y déjanos enviarle un correo electrónico cuando Fegadi - Federación Galega de Asociacións de Persoas con Diabete publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Organización

Enviar un mensaje a Fegadi - Federación Galega de Asociacións de Persoas con Diabete:

Atajos

¿Quieres que tu organización sea el Organización Sin Fines De Lucro mas cotizado en Santiago de Compostela?

Categoría

Organización sin ánimo de lucro