https://www.facebook.com/242202225640373/

Komiteti Lokal për Siguri Publike - Vushtrri

Home
Kosovo
Vushtrri
Komiteti Lokal për Siguri Publike - Vushtrri

Call Directions Contact the organization

Contact information, map and directions, contact form, opening hours, services, ratings, photos, videos and announcements from Komiteti Lokal për Siguri Publike - Vushtrri, Community Center, Vushtrri.

10/09/2026

Komiteti Lokal për Siguri Publike Qendra në Vushtrri mbajti takimin e radhës me anëtarët e komitetit dhe përfaqësuesit e Stacionit Policor në Vushtrri.

Gjatë takimit u diskutuan çështje të sigurisë në sektorin që mbulon KLSP Qendra, shqetësimet e komunitetit, si dhe aktivitetet e planifikuara që do të realizohen në vazhdim.

Gjatë takimit, të pranishmit u njoftuan edhe për realizimin e projektit për vendosjen e kamerave të sigurisë në objektin e Kryqit të Kuq në Vushtrri. KLSP Qendra shpreh falënderim të veçantë për OSCE-në për mbështetjen dhe financimin e këtij projekti, i cili kontribuon në rritjen e sigurisë në objekt dhe hapësirat përreth tij.

KLSP Qendra falënderon Policinë e Kosovës, Stacionin Policor në Vushtrri dhe zyrtarët policorë për bashkëpunimin dhe përkushtimin e vazhdueshëm në të mirë të qytetarëve.

KLSP Qendra do të vazhdojë aktivitetet e saj në fushën e sigurisë, duke forcuar bashkëpunimin me komunitetin dhe Policinë e Kosovës, në funksion të një mjedisi më të sigurt për të gjithë.

06/09/2026

𝐔𝐫𝐢𝐦𝐞 𝟐𝟕 𝐕𝐣𝐞𝐭𝐨𝐫𝐢 𝐢 𝐓𝐡𝐞𝐦𝐞𝐥𝐢𝐦𝐢𝐭 𝐭𝐞̈ 𝐏𝐨𝐥𝐢𝐜𝐢𝐬𝐞̈ 𝐬𝐞̈ 𝐊𝐨𝐬𝐨𝐯𝐞̈𝐬!

Në emër të 𝐊𝐨𝐦𝐢𝐭𝐞𝐭𝐢𝐭 𝐋𝐨𝐤𝐚𝐥 𝐩𝐞̈𝐫 𝐒𝐢𝐠𝐮𝐫𝐢 𝐏𝐮𝐛𝐥𝐢𝐤𝐞 𝐐𝐞𝐧𝐝𝐫𝐚, u shprehim urimet më të përzemërta të gjithë pjesëtarëve të 𝐏𝐨𝐥𝐢𝐜𝐢𝐬𝐞̈ 𝐬𝐞̈ 𝐊𝐨𝐬𝐨𝐯𝐞̈𝐬 me rastin e 27 vjetorit të themelimit.

27 vite përkushtim, profesionalizëm dhe sakrificë në shërbim të qytetarëve dhe Republikës së Kosovës. Me respekt të veçantë kujtojmë edhe të gjithë pjesëtarët e Policisë që kanë dhënë jetën në krye të detyrës.

Faleminderit për punën, guximin dhe bashkëpunimin e vazhdueshëm me komunitetin në ruajtjen e rendit dhe sigurisë publike.

𝐔𝐫𝐢𝐦𝐞 𝟐𝟕 𝐯𝐣𝐞𝐭𝐨𝐫𝐢, 𝐏𝐨𝐥𝐢𝐜𝐢𝐚 𝐞 𝐊𝐨𝐬𝐨𝐯𝐞̈𝐬!

𝐊𝐋𝐒𝐏 𝐐𝐞𝐧𝐝𝐫𝐚

04/09/2026

𝐊𝐋𝐒𝐏 𝐐𝐞𝐧𝐝𝐫𝐚 𝐕𝐮𝐬𝐡𝐭𝐫𝐫𝐢 𝐳𝐡𝐯𝐢𝐥𝐥𝐨𝐢 𝐭𝐚𝐤𝐢𝐦 𝐦𝐞 𝐒𝐭𝐚𝐜𝐢𝐨𝐧𝐢𝐧 𝐏𝐨𝐥𝐢𝐜𝐨𝐫 𝐧𝐞̈ 𝐕𝐮𝐬𝐡𝐭𝐫𝐫𝐢

Komiteti Lokal për Siguri Publike (KLSP) Qendra Vushtrri zhvilloi një takim të përbashkët me Komandantin e Stacionit Policor në Vushtrri, z. Reshat Kovaçi, dhe zyrtarët përgjegjës të këtij stacioni.

Në takim morën pjesë edhe anëtarët e KLSP Artakoll, të kryesuar nga z. Habib Mustafa.

Gjatë takimit, Komandanti Reshat Kovaçi i njoftoi të pranishmit për gjendjen aktuale të sigurisë në territorin e Komunës së Vushtrrisë, aktivitetet e Policisë së Kosovës, si dhe angazhimet e Stacionit Policor në funksion të ruajtjes së rendit, sigurisë dhe forcimit të bashkëpunimit me komunitetin. Me këtë rast, u shpërndanë edhe kartelat identifikuese për anëtarët e KLSP-ve.

Kryesuesi i KLSP Qendra Vushtrri, z. Blerim Ibrahimi, raportoi për punën dhe aktivitetet e realizuara deri më tani, si dhe për aktivitetet e planifikuara që pritet të realizohen gjatë ditëve dhe muajve në vijim.

Po ashtu, Kryesuesi i KLSP Artakoll, z. Habib Mustafa, raportoi për punën, angazhimet dhe aktivitetet e këtij komiteti në funksion të sigurisë dhe bashkëpunimit me komunitetin.

22/07/2026

Apel për kujdes të shtuar pas paralajmërimeve për stuhi dhe erëra të forta

Vushtrri, 22 korrik 2026

Komiteti Lokal për Siguri Publike “Qendra” Vushtrri, me kryesues Blerim Ibrahimi , në bashkëpunim me Rreshter Lutfi Melenica (Koordinator i Sektorëve dhe Komunitetit në Stacionin Policor Vushtrri), pas paralajmërimeve për përkeqësim të motit, stuhi dhe erëra të forta, u bëjnë thirrje të gjithë qytetarëve dhe bizneseve të komunës sonë për kujdes të shtuar dhe ndërmarrje të masave parandaluese.

Për të mbrojtur veten, familjen dhe pronën tuaj, ju lutemi të lexoni me kujdes udhëzimet në infografikën e mëposhtme dhe të zbatoni masat kryesore:

02/07/2026

Sot, Kryesuesi i Komitetit Lokal per Siguri Publike “Qendra” ne Vushtrri, Blerim Ibrahimi , mori pjese ne takimin e rregullt te mbajtur ne Stacionin Policor ne Vushtrri.

Ne takim, se bashku me Kryesuesin e KLSP-se, Habib Mustafa, dhe zyrtaret policore te sektoreve, u njoftuan me aktivitetet dhe angazhimet qe jane duke u zhvilluar ne komunitet. Udheheqesi i sektoreve prane Stacionit Policor ne Vushtrri, rreshter Lutfi Melenica, prezantoi aktivitetet aktuale, si dhe dy projektet e planifikuara per muajt ne vijim, te cilat kane te bejne me rritjen e sigurise ne pishina dhe parandalimin e zjarreve permes fushatave vetedijesuese dhe aktiviteteve ne komunitet.

Gjate takimit u diskutua edhe per forcimin e bashkepunimit ndermjet policise, institucioneve dhe komunitetit, me qellim rritjen e sigurise dhe parandalimin e dukurive negative.

Kryesuesi i Komitetit Lokal per Siguri Publike “Qendra”, Blerim Ibrahimi, shprehu mbeshtetjen e tij te plote per realizimin e ketyre projekteve, duke vleresuar rendesine e tyre ne mbrojtjen e jetes dhe sigurise se qytetareve. Ai theksoi se KLSP “Qendra” do te jete partner aktiv ne zbatimin e aktiviteteve dhe ne promovimin e kultures se sigurise ne komunitet.

10/03/2026

Sot, KLSP “Qendra” në Vushtrri pranoi një pompë për fikjen e zjarrit donacion nga OSCE.

Kryesuesi Blerim Ibrahimi dhe Bajrush Kosumi mirëpritën përfaqësuesit e OSCE-së, Rrahim Berisha dhe Migjen Abrashi, duke i falënderuar për mbështetjen e vazhdueshme. Ky donacion vjen menjëherë pas trajnimit të suksesshëm të dy vullnetarëve tanë, të cilët tashmë janë gati për të ndërhyrë në raste emergjente.

Vazhdojmë me përkushtim për rritjen e sigurisë dhe mirëqenies në lagjen tonë!

25/02/2026

Në takimin e rregullt të Komitetit Lokal për Siguri Publike “Qendra” në Vushtrri, të mbajtur në bashkëpunim me përfaqësuesit e Stacionit Policor, u vlerësua lart angazhimi i përbashkët gjatë vitit që lamë pas. Me këtë rast, kryesuesi i komitetit, Blerim Ibrahimi, ndau mirënjohje për zyrtarët që u dalluan për përkushtimin dhe bashkëpunimin e tyre gjatë vitit 2025.

Mirënjohjet iu ndanë zyrtarëve policorë, togeres Lavdije Fejzullahu dhe rreshterit Naim Begu, si shenjë vlerësimi për kontributin e tyre të jashtëzakonshëm në mbështetje të aktiviteteve të KLSP-së dhe për forcimin e vazhdueshëm të bashkëpunimit institucional. Në mungesë të rreshterit Begu, mirënjohjen në emër të tij e pranoi koordinatori i njësive, rreshteri Lutfi Melenica.

Gjatë takimit u ritheksua se partneriteti mes komunitetit dhe forcave të rendit është shtylla kryesore për një mjedis të sigurt. Komiteti Lokal për Siguri Publike “Qendra” shpreh falënderimin e tij të sinqertë për profesionalizmin e treguar nga Policia e Kosovës, e cila mbetet gjithmonë në shërbim të sigurisë dhe mirëqenies së të gjithë qytetarëve të Vushtrrisë.

12/02/2026

Kryesuesi Blerim Ibrahimi zhvilloi takim pune me Rreshter Lutfi Melenica, koordinator i sektorëve dhe komuniteteve në Stacionin Policor në Vushtrri.

Gjatë takimit biseduam për çështje që lidhen me sigurinë publike, shqetësimet e qytetarëve dhe nevojën për bashkëpunim të vazhdueshëm mes policisë dhe komunitetit. Diskutuam edhe për hapat konkretë që mund të ndërmerren për të rritur ndjenjën e sigurisë në qytet.

Takimi u vlerësua i dobishëm dhe në funksion të rritjes së sigurisë për të gjithë qytetarët e Vushtrrisë.

04/02/2026

Telegram Ngushëllimi

E nderuara familje Gërguri,

Me pikëllim të thellë morëm lajmin për ndarjen nga jeta më të dashurit tuaj, ish-zyrtarit policor, Bahri Gërguri.

Në emër të Komitetit Lokal për Siguri Publike “Qendra” – Vushtrri, ju shprehim ngushëllimet tona më të thella. Bahriu ishte shembull i përkushtimit dhe i shërbimit ndaj qytetarëve, duke lënë pas vetes një trashëgimi respekti e integriteti në radhët e Policisë së Kosovës dhe në komunitetin tonë.

Në këto momente të vështira, ne bashkëndiejmë dhimbjen me ju dhe lutemi të gjeni forcën për të përballuar këtë dhimbje të madhe. Kujtimi për të do të mbetet gjithmonë i gjallë mes nesh.

I qoftë i lehtë dheu i Kosovës!

Blerim Ibrahimi
Kryesues i KLSP “Qendra”, Vushtrri

30/01/2026

Sot, nën kryesimin e kryesuesit Blerim Ibrahimi, Këshilli Lokal për Siguri Publike “Qendra” në Vushtrri mbajti mbledhjen e radhës, ku u diskutuan çështje me rëndësi jetike për sigurinë e qytetarëve tanë.

Pikat kryesore të mbledhjes:
• Rishikimi i Raportit të Punës: Anëtarët miratuan raportin e punës për periudhën Janar – Dhjetor 2025, duke vlerësuar angazhimin dhe rezultatet e arritura gjatë vitit që lamë pas.
• Plani i Punës për vitin 2026: Pas diskutimeve, u rishikua dhe u aprovua plani i punës për vitin 2026, i cili synon rritjen e sigurisë dhe bashkëpunimin e ngushtë me komunitetin.
• Siguria Publike: U analizua gjendja aktuale e sigurisë në zonën e qendrës, duke u zotuar për hapa konkretë në parandalimin e dukurive negative.

KLSP "Qendra" mbetet e përkushtuar në përmbushjen e të gjitha obligimeve të saj, duke shërbyer si urë lidhëse mes qytetarëve dhe institucioneve të sigurisë.

Address

Vushtrri
42000

Telephone

+38349418315

Website

facebook.com

Alerts

Be the first to know and let us send you an email when Komiteti Lokal për Siguri Publike - Vushtrri posts news and promotions. Your email address will not be used for any other purpose, and you can unsubscribe at any time.