Shoqata për Personat e Verbër dhe me Shikim të Dëmtuar “Drita Jonë”

23/06/2026

Sot në Shoqatën për Personat e Verbër dhe me Shikim të Dëmtuar "Drita Jonë" pranuam me mirënjohje një donacion prej 12 paketave me veshje nga bashkatdhetari ynë, z. Nazmi Zeka, pronar i kompanisë STROHGAU Gala Bau.

Z. Nazmi Zeka është një nga mbështetësit tanë të vazhdueshëm, i cili ndër vite ka treguar përkushtim dhe solidaritet ndaj punës së shoqatës sonë dhe personave të verbër dhe me shikim të dëmtuar. Edhe kësaj radhe, ai dëshmoi se humanizmi dhe kujdesi për komunitetin mbeten vlera të rëndësishme.

E falënderojmë nga zemra për këtë donacion dhe për mbështetjen e vazhdueshme që i jep Shoqatës "Drita Jonë". Kontributi i tij ka vlerë të madhe për përfituesit tanë dhe na inkurajon të vazhdojmë misionin tonë me përkushtim edhe më të madh.

🙏 Faleminderit z. Nazmi Zeka dhe STROHGAU Gala Bau për besimin, mbështetjen dhe zemërgjerësinë tuaj!

31/03/2026

Shoqata “Drita Jonë” vazhdon të qëndrojë pranë anëtarëve të saj 🤝
Me shumë mirënjohje njoftojmë se janë shpërndarë 34 sete enësh për anëtarët tanë, si rezultat i një donacioni bujar nga Fondacioni Amaneti

Ky kontribut është një dëshmi e solidaritetit dhe përkushtimit për të mbështetur familjet në nevojë. Falënderojmë përzemërsisht Fondacionin “Amaneti” për këtë ndihmë të vlefshme 🙏
Së bashku sjellim më shumë dritë dhe shpresë në komunitetin tonë ✨

20/03/2026

19/03/2026

Zemrat tona u mbushën me mirënjohje dhe ndjenjë përgjegjësie për njëri-tjetrin.
Shoqata “Drita Jonë” me zemër të madhe arriti të shpërndajë 100 pako ushqimore për anëtarët e saj, duke qenë pranë atyre që kanë më së shumti nevojë. Këto momente na rikujtojnë se sa e rëndësishme është të mos e lëmë askënd vetëm.
Ky mision u bë i mundur falë zemërgjerësisë së Fondacioni Amaneti, të cilët sollën dritë në shumë familje. Mirënjohje e thellë për këtë akt human që prek shpirtin.
Sepse ndonjëherë, një ndihmë e vogël bëhet arsye për një buzëqeshje të madhe… dhe një shpresë për nesër më të mirë.

17/02/2026

17 Shkurti – Dita e Pavarësisë së Republikës së Kosovës 🇽🇰
Sot shënojmë me nderim dhe përgjegjësi shtetërore 18 vjetorin e Pavarësisë së Republikës së Kosovës – një nga momentet më të rëndësishme në historinë tonë kombëtare. 17 Shkurti përfaqëson përmbushjen e aspiratës shekullore të popullit tonë për liri, sovranitet dhe shtetndërtim.
Kjo ditë është rezultat i sakrificës së dëshmorëve, kontributit të çlirimtarëve dhe qëndresës së qytetarëve tanë që nuk u ndalën kurrë së besuari në një Kosovë të lirë dhe demokratike.
Me respekt të veçantë kujtojmë edhe çlirimtarët që aktualisht ndodhen në Hagë. Duke besuar në drejtësi të paanshme dhe në zbardhjen e plotë të së vërtetës, shprehim qëndrimin tonë se proceset duhet të jenë të drejta dhe të bazuara në fakte. Njëkohësisht, kërkojmë lirimin e tyre dhe trajtimin me dinjitet, në përputhje me parimet e drejtësisë dhe të drejtave themelore.

Në këtë ditë të shënuar, riafirmojmë përkushtimin tonë për forcimin e shtetit, sundimin e ligjit dhe ndërtimin e një të ardhmeje të sigurt për brezat që vijnë.

Urime Dita e Pavarësisë së Kosovës. 🇽🇰

13/02/2026

Sot, Shoqata “Drita Jonë” shpërndau 50 pako ushqimore për anëtarët e shoqatës.
Ky aktivitet u realizua falë donacionit bujar nga Shoqata Bereqeti - dega në Vushtrri
Mirënjohje e madhe për humanizmin dhe mbështetjen ndaj personave të verbër dhe me shikim të dëmtuar.

Bamirësia sjell shpresë dhe dinjitet. Faleminderit nga zemra! 🤍🙏

Vushtrri, 13.02.2026

03/02/2026

NJË HAP I RËNDËSISHËM DREJT INTEGRIMIT DHE ZHVILLIMIT!

Me ndjenja të veçanta krenarie dhe shprese, kryetarja e Shoqatës për Personave të Verbër dhe me Shikim të Dëmtuar “Drita Jonë” znj.Sevdije Voca njofton nënshkrimin e Memorandumit të Bashkëpunimit me Unionin e Shoqatave të të Verbërve dhe me Dëmtim të Pjesshëm të Shikimit të Sllovenisë (ZDSSS).
Ky bashkëpunim përfaqëson më shumë se një marrëveshje formale — ai është një angazhim i përbashkët për integrim, barazi dhe zhvillim të qëndrueshëm, duke krijuar mundësi reale për përfshirjen aktive të personave të verbër dhe me dëmtim të shikimit në jetën shoqërore, kulturore dhe zhvillimore.
Përmes shkëmbimit të përvojave, projekteve të përbashkëta dhe iniciativave konkrete, ky partneritet do të kontribuojë në fuqizimin e individëve, ndërtimin e kapaciteteve dhe integrimin e grupeve të margjinalizuara në proceset e zhvillimit, duke mos lënë askënd pas.
Besojmë fuqishëm se vetëm përmes bashkëpunimit të sinqertë dhe veprimit të përbashkët mund të ndërtojmë një shoqëri më gjithëpërfshirëse, më të drejtë dhe më humane.
Falënderojmë ZDSSS për besimin dhe vizionin e përbashkët.

Falenderojmë:
Sonja Pungertnik, president of the Union of the Blind and Partially Sighted of Slovenia,
Polona Car Djurić, Head of Social Programmes, dhe
Štefan Kušar, CEO.

Së bashku po hapim rrugë të reja për zhvillim, dinjitet dhe barazi!

03.02.2026, Ljublanë

10/12/2025

Sot përmbyllëm me sukses takimin e tretë dhe final të projektit “Zhvillimi socio–ekonomik i grupeve të margjinalizuara”.
Pjesëmarrësit u angazhuan në aktivitete praktike, diskutime të hapura dhe punë në grupe, duke ndarë sfida, ide dhe synime për një të ardhme më të mirë.

Faleminderit të gjithëve për energjinë, bashkëpunimin dhe përkushtimin.
Së bashku po ndërtojmë një komunitet më të fortë dhe më gjithëpërfshirës. 🤝

Faleminderim për mbështetjen: Ministria e Kulturës, Rinisë dhe Sportit.