17/12/2024
Aktiviteti i 8 i realizuar sot me sukses, ka përmbyllur një fazë të rëndësishme të projektit “Veprojmë për promovimin e edukimit cilësor”.
Ky projekt ka pasur si objektiv kryesore monitorimin e orëve mësimore në tri shkolla të mesme në Komunën e Vushtrrisë: “Bahri Haxha”, “Lutfi Musiqi” dhe gjimnazit “Ecrem Qabej”. Rezultatet e këtij monitorimi janë diskutuar dhe ndarë me mësimdhënësit, drejtorët e shkollave dhe përfaqësuesit e Drejtorisë së Arsimit të Komunës së Vushtrrisë. Qëllimi i këtij procesi ka qenë promovimi i metodave të mësimdhënies dhe stimulimi i diskutimeve konstruktive për përmirësimin e mësimdhënies.
Ky aktivitet është realizuar nga Organizata “Ura Sociale” si përfituese e roundit të 19-të të Fondit të Grave të Kosovës, i mbështetur nga Agjencia Austriake për Zhvillim (ADA) dhe bashkëfinancuar nga Agjencia Suedeze për Bashkëpunim dhe Zhvillim Ndërkombëtar (Sida).
