Ipabitagmo Inc

21/09/2026

18/09/2026

𝐒𝐀 𝐌𝐆𝐀 𝐍𝐀𝐆-𝐀𝐀𝐒𝐀𝐌 𝐍𝐀 𝐌𝐀𝐆𝐓𝐑𝐀𝐁𝐀𝐇𝐎 𝐒𝐀 𝐊𝐎𝐑𝐄𝐀, 𝐏𝐀𝐑𝐀 𝐒𝐀 𝐈𝐍𝐘𝐎 ‘𝐓𝐎!

Ingat sa mga nagpapakilalang recruiter online.

Tulad ng pitong magkababayan na ito sa Lemery, Batangas. Lahat sila, biktima ng recruiter na nagpakilala umano sa kanilang si 𝐌𝐚. 𝐋𝐨𝐮𝐫𝐝𝐞𝐬 𝐑𝐞𝐬𝐮𝐫𝐫𝐞𝐜𝐜𝐢𝐨𝐧 𝐂𝐫𝐮𝐳 (huling larawan).

Nag-alok umano ito sa kanila ng trabaho sa pamamagitan ng public group sa Facebook. At para raw magmukhang lehetimo ang kanyang recruitment, inimbitahan pa ang mga applicant sa bahay nito.

Lima sa mga biktima, nakapagbayad ng halos P100,000, habang ang dalawa naman nagbayad ng P130,000 at P131,000. Ngayon, naka-block na raw sila sa Facebook.

Nagsampa na ng kaso sa Batangas Regional Trial Court ang mga biktima sa tulong ng Department of Migrant Workers Region 4A.

𝐏𝐮𝐦𝐮𝐧𝐭𝐚 𝐝𝐚𝐰 𝐬𝐢𝐥𝐚 𝐬𝐚 𝐈𝐁𝐌𝐈-𝐍𝐆𝐎 𝐚𝐭 𝐁𝐈𝐓𝐀𝐆 𝐀𝐜𝐭𝐢𝐨𝐧 𝐩𝐚𝐫𝐚 𝐦𝐚𝐢𝐩𝐚𝐤𝐢𝐭𝐚 𝐚𝐧𝐠 𝐦𝐮𝐤𝐡𝐚 𝐧𝐠 𝐬𝐮𝐬𝐩𝐞𝐤, 𝐚𝐭 𝐧𝐚𝐧𝐠 𝐡𝐢𝐧𝐝𝐢 𝐧𝐚 𝐦𝐚𝐤𝐚𝐩𝐚𝐦𝐛𝐢𝐤𝐭𝐢𝐦𝐚 𝐩𝐚.

17/09/2026

𝟏𝟐-𝐲𝐨 𝐄𝐒𝐓𝐔𝐃𝐘𝐀𝐍𝐓𝐄 𝐏𝐈𝐍𝐀𝐀𝐊𝐘𝐀𝐓 𝐒𝐀 𝐁𝐔𝐁𝐎𝐍𝐆, 𝐍𝐀𝐇𝐔𝐋𝐎𝐆; 𝐓𝐄𝐀𝐂𝐇𝐄𝐑-𝐀𝐃𝐕𝐈𝐒𝐄𝐑: 𝐊𝐀𝐒𝐀𝐋𝐀𝐍𝐀𝐍 𝐍𝐆 𝐁𝐀𝐓𝐀!

Ang eskwelahan ay pangalawang tahanan, at ang mga g**o naman ang pangalawang magulang ng mga bata. Andun sila para mag-aral. Pero kung uutusang umakyat ang bata sa bubong ng classroom para maglinis, hindi na tama yan.

Ganito ang nangyari sa anak ni Baby Jane Laggui. Lumuwas pa siya mula sa Isabela. Nadisgrasya ang kaniyang 12-anyos na anak na si CJ matapos mahulog sa hagdan. Nabali ang balikat dahil sa injury.

Sumbong ni Baby Jane, may parating daw noon na mga bisita sa school kaya pinaakyat ni Teacher Cecelia Gimaru ang bata sa bubungan.

𝐍𝐚𝐤𝐚𝐮𝐬𝐚𝐩 𝐧𝐢 𝐀𝐧𝐭𝐢-𝐜𝐫𝐢𝐦𝐞 𝐚𝐧𝐝 𝐟𝐫𝐚𝐮𝐝 𝐚𝐝𝐯𝐨𝐜𝐚𝐭𝐞 𝐁𝐞𝐧 𝐁𝐈𝐓𝐀𝐆 𝐬𝐢 𝐆𝐢𝐦𝐚𝐫𝐮. 𝐀𝐲𝐨𝐧 𝐬𝐚 𝐠𝐮𝐫𝐨, 𝐤𝐚𝐬𝐚𝐥𝐚𝐧𝐚𝐧 𝐝𝐚𝐰 𝐧𝐠 𝐛𝐚𝐭𝐚 𝐤𝐮𝐧𝐠 𝐛𝐚𝐤𝐢𝐭 𝐬𝐢𝐲𝐚 𝐧𝐚𝐡𝐮𝐥𝐨𝐠. 𝐇𝐢𝐧𝐝𝐢 𝐧𝐢𝐲𝐚 𝐫𝐢𝐧 𝐝𝐚𝐰 𝐢𝐧𝐮𝐭𝐮𝐬𝐚𝐧 𝐚𝐧𝐠 𝐛𝐚𝐭𝐚 𝐧𝐚 𝐮𝐦𝐚𝐤𝐲𝐚𝐭 𝐬𝐚 𝐛𝐮𝐛𝐨𝐧𝐠. 𝐒𝐚 𝐦𝐚𝐢𝐤𝐥𝐢𝐧𝐠 𝐬𝐚𝐥𝐢𝐭𝐚, 𝐚𝐧𝐠 𝐠𝐮𝐬𝐭𝐨𝐧𝐠 𝐬𝐚𝐛𝐢𝐡𝐢𝐧 𝐧𝐢 𝐌𝐚𝐦, 𝐧𝐚𝐠𝐤𝐮𝐬𝐚𝐧𝐠 𝐥𝐨𝐨𝐛 𝐧𝐚 𝐦𝐚𝐠𝐥𝐢𝐧𝐢𝐬 𝐚𝐧𝐠 𝐛𝐚𝐭𝐚 𝐢𝐧 𝐭𝐡𝐞 𝐬𝐩𝐢𝐫𝐢𝐭 𝐨𝐟 𝐯𝐨𝐥𝐮𝐧𝐭𝐞𝐞𝐫𝐢𝐬𝐦. 𝐘𝐮𝐧𝐠 𝐛𝐚𝐭𝐚 𝐥𝐚𝐧𝐠 𝐝𝐢𝐧 𝐝𝐚𝐰 𝐚𝐧𝐠 𝐧𝐚𝐠𝐝𝐞𝐬𝐢𝐬𝐲𝐨𝐧 𝐧𝐚 𝐤𝐮𝐧𝐢𝐧 𝐚𝐧𝐠 𝐦𝐞𝐭𝐚𝐥 𝐥𝐚𝐝𝐝𝐞𝐫 (𝐡𝐚𝐠𝐝𝐚𝐧) 𝐬𝐚 𝐨𝐩𝐢𝐬𝐢𝐧𝐚 𝐧𝐠 𝐩𝐫𝐢𝐧𝐜𝐢𝐩𝐚𝐥.

Hindi naniniwala ang BITAG sa mga dahilan at paliwanag na ito ni Teacher Gimaru.

Inilapit na ng IBMI-NGO at BITAG ang kasong ito sa DepEd Region III. Magsasagawa raw sila ng imbestigasyon.

Marso 5, 2026 noong mangyari ang aksidente. Hanggang ngayon, itinatanggi pa rin ng g**o at principal ng eskwelahan na mayroon silang pananagutan, at naninindigang wala silang kasalanan.

𝐀𝐧𝐨 𝐬𝐚 𝐩𝐚𝐥𝐚𝐠𝐚𝐲 𝐧𝐢𝐧𝐲𝐨?

16/09/2026

'𝐏𝐀𝐍𝐆𝐀𝐋𝐀𝐍 𝐀𝐓 𝐁𝐀𝐍𝐆𝐊𝐎 𝐌𝐎 𝐆𝐀𝐌𝐈𝐓𝐈𝐍 𝐊𝐎 𝐒𝐀 𝐂𝐀𝐑 𝐋𝐎𝐀𝐍, 𝐁𝐀𝐘𝐀𝐑𝐀𝐍 𝐊𝐈𝐓𝐀 𝐏𝟐𝟎𝐊' 𝐌𝐎𝐃𝐔𝐒!

Walang masamang tumulong at ipagamit ang pangalan sa pagbili ng sasakyan, pero kung hindi mo kakilala, kuwidaw ka!

Ganito ang nangyari kay Maricel Sanico. Dahil nagipit, nakumbinsi siya ng kaniyang kapatid na ipagamit ang kaniyang pangalan sa isang car loan na L300. Ang nag-loan ng sasakyan, hindi nila kilala.

Sa imbestigasyon ng BITAG, pati ang ahante ng Mitsubishi Motors, kasabwat sa modus. Ito pa raw ang nag-proseso at nag-abot kay Maricel ng down payment money para ibayad sa cashier.

Ang kapalit, P20,000 para lang ipagamit ni Maricel ang kaniyang pangalan at bank account.

Ngayon, hindi na mahanap ang sasakyan.

Agad naming inilapit ang kasong ito sa PNP-HPG. Mag-iimbestiga ang mga awtoridad sa kaso para ma-alarma na ang sasakyan at makasuhan ang lahat ng nasa likod nito.

15/09/2026

𝐁𝐓𝐒 𝐀𝐑𝐌𝐘, 𝐍𝐀-𝐌𝐎𝐃𝐔𝐒 𝐍𝐆 𝐒𝐂𝐀𝐋𝐏𝐄𝐑!

Sa mga mahihilig manood ng concert, para sa inyo ito.

Ingat sa mga nagbebenta ng concert ticket online o yung mga tinatawag na scalper.

Si Ritchelle, isang BTS Army. Sa kagustuhan niyang makabili ng BTS ticket para sa March 2027 concert sa Philippine Arena, bumili sya sa scalper na nakilala niya sa Tiktok.

Ang problema, ang scalper, modus pala! Noong nakapag-down na raw si Ritchelle ng P3,500 sa scalper, ‘gi-nhost’ na raw nito. P13,500 ang kabuuang halaga ng tiket.

Ang lalo pang ikina-stress ni Ritchelle, noong sinabihan niya raw na ii-expose niya ang modus ng scalper na nagpakilalang si JOHN ARVIN halos araw-araw na raw itong nagpapadala ng prank booking. Hindi umorder si Ritchelle ng pagkain, pero may dumarating na alak at iba’t ibang pagkain na pilit siyang pagbabayarin.

Biniberipika ng IBMI-NGO at BITAG ang totoong identidad ng scalper na nagpakilala gamit ang mukha at pangalan na ito.

14/09/2026

𝐔𝐊𝐀𝐘-𝐔𝐊𝐀𝐘 𝐒𝐎𝐑𝐓𝐄𝐑, 𝐏𝐈𝐍𝐀𝐇𝐔𝐁𝐀𝐃 𝐄𝐗𝐓𝐑𝐀𝐍𝐆 𝐒𝐔𝐎𝐓 𝐍𝐀 𝐏𝐀𝐍𝐓𝐘; 𝐊𝐔𝐌𝐏𝐀𝐍𝐘𝐀, 𝐊𝐈𝐍𝐔𝐇𝐀, 𝐀𝐘𝐀𝐖 𝐈𝐁𝐀𝐋𝐈𝐊, 𝐓𝐈𝐍𝐀𝐏𝐎𝐍 𝐍𝐀!

[𝐒𝐞𝐧𝐬𝐢𝐭𝐢𝐛𝐨𝐧𝐠 𝐮𝐬𝐚𝐩𝐢𝐧. 𝐌𝐚𝐠𝐢𝐧𝐠 𝐝𝐢𝐬𝐞𝐧𝐭𝐞 𝐬𝐚 𝐩𝐚𝐠𝐤𝐨𝐦𝐞𝐧𝐭𝐨]

Pambihira naman! Pati ba naman extrang panty na suot ng babaeng sorter sa ukayan, pinahubad!

Mga pantalon ang sino-sort out ni Mary Jane sa pinagta-trabahuhan niyang COAM Ukay-Ukay. First day daw niya noon, at nataong first day rin ng kaniyang menstration.

Nagkaroon daw sila noon ng 15-minute break. Pabalik na sana siya sa kaniyang pwesto subalit nakapa raw ng lady guard na doble ang kaniyang underwear kaya pinahubad ito, saka siya dinala sa HR.

Ang mga staff naman sa HR Department, sa halip daw na pakinggan ng hinaing ni Mary Jane, pinagtawanan pa siya.

Kinausap on-air ni Ben BITAG at BITAG Carl The Next Generatin ang HR Manager ng COAM Ukay-ukay. Paliwanag nito, company house rules nila na bawal magdoble ng damit kasi minsan may mga dollar at alahas na nakasingit raw sa mga ukay-ukay.

Ayon sa DOLE Region III Mediator-Arbiter na si Atty. Erwin Angeles, maaaring nalabag ang karapatang-pantao ni Mary Jane. Halos intrusion of privacy na umano ang written policy ng kumpanya.

Patuloy ang imbestigasyon ng BITAG at pagsilip ng IBMI-NGO sa usaping ito.

11/09/2026

𝐒𝐀𝐃𝐈𝐒𝐓𝐀𝐍𝐆 𝐀𝐌𝐎 𝐒𝐀 𝐌𝐆𝐀 𝐄𝐌𝐏𝐋𝐄𝐘𝐀𝐃𝐎, 𝐍𝐀𝐆-𝐀𝐋𝐀 "𝐌𝐀𝐑𝐓𝐈𝐍 𝐑𝐎𝐌𝐔𝐀𝐋𝐃𝐄𝐙" 𝐌𝐀𝐓𝐀𝐏𝐎𝐒 𝐌𝐀-𝐁𝐈𝐓𝐀𝐆!

Ito yung Pinoy na amo ng RVA Trading sa Parañaque na inireklamong nananakit ng kaniyang mga empleyado.

Matapos maipalabas sa BITAG Pambansang Sumbungan kahapon, ang may-ari ng kumpanya na si Romeo Austria, bigla raw nagkasakit at nagpa-confine sa St. Lukes Medical Center.

Marami pang mga dating empleyado ng RVA Trading ang naglulutangan at nagsusumbong sa 𝐁𝐈𝐓𝐀𝐆 𝐀𝐩𝐩.

“𝐊𝐚𝐡𝐢𝐭 𝐰𝐚𝐥𝐚 𝐤𝐚𝐧𝐠 𝐤𝐚𝐬𝐚𝐥𝐚𝐧𝐚𝐧, 𝐤𝐚𝐩𝐚𝐠 𝐧𝐚𝐬𝐚𝐥𝐮𝐛𝐨𝐧𝐠 𝐤𝐚 𝐧𝐢𝐲𝐚 𝐚𝐭 𝐭𝐫𝐢𝐩 𝐧𝐢𝐲𝐚, 𝐩𝐢𝐩𝐢𝐭𝐢𝐤𝐢𝐧 𝐤𝐚, 𝐠𝐮𝐠𝐮𝐥𝐩𝐢𝐡𝐢𝐧, 𝐛𝐚𝐛𝐚𝐭𝐮𝐤𝐚𝐧, 𝐬𝐚𝐬𝐚𝐤𝐚𝐥𝐢𝐧, 𝐚𝐭 𝐮𝐮𝐧𝐝𝐚𝐲𝐚𝐧 𝐧𝐠 𝐤𝐮𝐭𝐬𝐢𝐥𝐲𝐨 𝐬𝐚 𝐝𝐢𝐛𝐝𝐢𝐛. 𝐁𝐮𝐭𝐢 𝐧𝐚 𝐧𝐠𝐚 𝐥𝐚𝐧𝐠 𝐩𝐨 𝐦𝐚𝐲 𝐭𝐚𝐤𝐢𝐩 𝐲𝐮𝐧𝐠 𝐤𝐮𝐭𝐬𝐢𝐥𝐲𝐨 𝐧𝐨𝐨𝐧, 𝐤𝐮𝐧𝐠 𝐡𝐢𝐧𝐝𝐢 𝐩𝐚𝐭𝐚𝐲 𝐧𝐚 𝐚𝐤𝐨,” ayon sa pinagsama-samang paglalahad ng mga empleyado.

Tinawag naman ni Parañaque City Administrator Fernando Soriano na “barbaric activity” ang ginagawang ito ng may-ari ng RVA. Kaisa ng BITAG at IBMI-NGO, patuloy rin daw silang mag-iimbestiga sa kasong ito.

Samantala, iminungkahi ni Anti-crime and graft advocate Ben BITAG kay CA Fernando na dapat magsagawa ng welfare check ang lokal na pamahalaan sa inirereklamong kumpanya upang matiyak ang kalagayan ng mga empleyadong kasalukuyan pang nagta-trabaho doon.

10/09/2026

𝐏𝐀𝐒𝐘𝐄𝐍𝐓𝐄 𝐒𝐀 𝐃𝐈𝐀𝐋𝐘𝐒𝐈𝐒 𝐂𝐄𝐍𝐓𝐄𝐑, 𝐍𝐀𝐆𝐊𝐀𝐇𝐀𝐖𝐀𝐀𝐍 𝐍𝐆 𝐇𝐄𝐏𝐀 𝐁; 𝐄𝐗-𝐇𝐄𝐀𝐃 𝐍𝐔𝐑𝐒𝐄: 𝐍𝐀𝐆𝐏𝐀𝐁𝐀𝐘𝐀 𝐒𝐈 𝐃𝐎𝐂

Tatlong taon na raw nagpapa-dialysis ang mister ni Marilyn sa Nephroplus Dialysis Center sa Angono, Rizal. Pero nitong nakaraang buwan, isa raw siya sa mga kinausap ng may-ari ng clinic dahil nagpositibo ang kaniyang asawa sa Hepatitis B virus (HBV). Ang itinuturo ng may-ari na may kasalanan, ang dating head nurse.

Nakapanayam namin ang dating head nurse. Ayon sa kaniya, may kapabayaan ang doktor dahil na-overlook daw nito ang lab result ng isang pasyente na carrier ng virus kaya ang hemodialysis machine na ginagamit nito, ipinagamit din sa iba pang pasyente.

Bukod dito, understaffing o kulang din daw sa nurse staff ang clinic kumpara sa bilang ng mga nagpapa-dialysis.

Patuloy ang aming pakikipag-komunikasyon sa Nephro Dialysis Center sa kabila ng kanilang tahasang pagtanggi na marinig ang kanilang panig.

Sa ipinadala nilang sulat sa BITAG, hindi raw sila makikipag-usap sa kahit sinong third party sa usaping ito, lalo na sa media.

𝐏𝐚𝐠𝐥𝐢𝐥𝐢𝐧𝐚𝐰, 𝐡𝐢𝐧𝐝𝐢 𝐤𝐚𝐦𝐢 𝐚𝐧𝐭𝐢-𝐛𝐮𝐬𝐢𝐧𝐞𝐬𝐬. 𝐈𝐭𝐨 𝐚𝐲 𝐚𝐤𝐭𝐮𝐰𝐚𝐥 𝐧𝐚 𝐡𝐢𝐧𝐚𝐢𝐧𝐠 𝐧𝐚 𝐢𝐧𝐢𝐥𝐚𝐩𝐢𝐭 𝐬𝐚 𝐁𝐈𝐓𝐀𝐆 𝐚𝐭 𝐈𝐁𝐌𝐈-𝐍𝐆𝐎 𝐀𝐜𝐭𝐢𝐨𝐧 𝐂𝐞𝐧𝐭𝐞𝐫. 𝐏𝐢𝐧𝐚𝐤𝐢𝐤𝐢𝐧𝐠𝐠𝐚𝐧 𝐧𝐚𝐦𝐢𝐧 𝐧𝐠 𝐛𝐚𝐰𝐚𝐭 𝐩𝐚𝐧𝐢𝐠.

𝐏𝐚𝐭𝐮𝐥𝐨𝐲 𝐧𝐚 𝐧𝐚𝐠-𝐢𝐢𝐦𝐛𝐞𝐬𝐭𝐢𝐠𝐚 𝐚𝐧𝐠 𝐁𝐈𝐓𝐀𝐆.

09/09/2026

𝐁𝐎𝐓𝐓𝐎𝐌-𝐔𝐏 𝐁𝐔𝐃𝐆𝐄𝐓𝐈𝐍𝐆, 𝐓𝐔𝐓𝐔𝐋𝐃𝐎𝐊 𝐒𝐀 𝐊𝐎𝐑𝐔𝐏𝐒𝐘𝐎𝐍 𝐆𝐇𝐎𝐒𝐓 𝐏𝐑𝐎𝐉𝐄𝐂𝐓𝐒 𝐒𝐀 𝐆𝐎𝐁𝐘𝐄𝐑𝐍𝐎

Kahapon, dumalo sa People's Budget Review (PBR) para sa 2027 budget ang IBMI-NGO. Ginanap ito sa House of Representatives.

Sa isinagawang budget review, muling iminungkahi ni Apple Meneses, Executive Director ng IBMI-NGO na dapat isabatas ang Bottom-Up Budgeting (BUB).

Ang BUB ang magiging solusyon laban sa mga budget insertion, at tutuldok sa mga ghost at unfinished project, dahil mismong ang taumbayan na humiling ng mga proyektong kailangan nila sa kanilang mga lugar, ang magbabantay sa pondo, progreso at kalidad ng mga proyekto.

Patuloy na isinusulong ng IBMI-NGO sa Kongreso ang Bottom-Up Budgeting hanggang maging ganap na batas ito.

07/09/2026

𝐀𝐒𝐎, 𝐍𝐀𝐌𝐀𝐓𝐀𝐘 𝐒𝐀 𝐋𝐎𝐎𝐁 𝐍𝐆 𝐕𝐄𝐓 𝐂𝐋𝐈𝐍𝐈𝐂;
𝐕𝐄𝐓𝐄𝐑𝐈𝐍𝐀𝐑𝐈𝐀𝐍: ‘𝐃𝐈 𝐁𝐀𝐋𝐄 𝐍𝐀𝐍𝐆 𝐌𝐀𝐁𝐔𝐋𝐎𝐊, 𝐁𝐀𝐒𝐓𝐀 𝐁𝐀𝐘𝐀𝐃 𝐌𝐔𝐍𝐀 𝐊𝐀𝐘𝐎!”

Ito ‘yung kontrobersiyal na kaso ng asong si Lucci. Namatay sa loob ng vet clinic dahil sa kapabayaan ng veterinarian.

Nilagay lang sa karton sa loob ng anim na araw, hindi prinoseso, hinayaan lang ni Doc na mabulok at umalingasaw ang nakakasulasok na amoy sa buong komunidad.

Noong humingi ng tulong ang furparents na sina Mischelle at CJ Abanto sa barangay at sa Quezon City Veterinarian Office, tinabla sila at wala silang ginawa.

Kung hindi pa nagpa-BITAG ang nagluluksang furparents, malamang hanggang ngayon hindi pa rin nailalabas ang naaagnas nang bangkay ni Lucci sa Dr. Cris Animal Wellness Center.

Sa imbestigasyon ng BITAG, walang mga necessary permit to operate ang nasabing clinic.

Manghihimasok na ang IBMI-NGO sa kasong ito. Ito ay matinding kapabayaan ng clinic, ng mga kinauukulan sa Lokal na Pamahalaan ng Quezon City at ng DA-Bureau of Animal Industry (BAI).