03/09/2026
REVIEW: SAVING CHERRY, NAKAKATAWANG ATAKE SA ISANG SERYOSONG ISYUNG MARITAL
Cast: Barbie Forteza with Mika Salamanca, AC Bonifacio, Sassa Gurl, Mikee Quintos, Khalil Ramos, Joey Marquez, JC Alcantara, Than Perez, Kokoy De Santos
Director: Ivan Andrew Payawal
Production: Regal Films
Madalas kapag ang pelikula ay tumatalakay sa isyu ng infidelity sa buhay ng mag-asawa, ito ay madalas na may temang seryoso, iyakan at sumbatan ng mag-asawa. Naiiba ang Saving Cherry sapagkat binigyan nito ng kakaibang panlasa at katatawanan ang isang seryosong marital issue.
Umiikot ang kwento ng Saving Cherry kay Cherry (Barbie Forteza) na nangako sa kanyang mapapangasawa (Khalil Ramos) na isusuko lamang niya ang kanyang virginity matapos ang kanilang kasal. Ngunit sa hindi inasaahang pangyayari, nangyari ang kinatatakutan ni Cherry, ang pagtataksil ng kanyang asawa sa unang gabi ng kanilang kasal. Dala ng kabiguan, p**t at pagnanais na makaganti sa pagtataksil ng asawa, nagsimula ang katatakot-takot na adventures ni Cherry kasama ang kanyang mga kaibigan.
Ang "Saving Cherry" ang tinuturing ni Barbie na pinakamature na role na ginampanan niya sa kanyang karera. Marami siyang ginawa sa pelikula na first time niyang gawin sa pelikula at hindi mo maiiisip na kaya pala niyang gawin sa pelikula. Naisemento ng pelikulang ito ang pagiging versatile actress ni Barbie dahil sa lawak ng iba't ibang emosyon na kanyang pinakita. Yung halos mangiyak ngiyak ka na sa eksena na todo buhos ng luha si Barbie, ngunit sa isang iglap, hahagalpak ka naman sa katatawa sa mga kabaliwan ng kanyang character sa pelikula. Maging ang supporting cast na sina AC Bonifacio, Mika Salamanca, Mikee Quintos, Khalil Ramos, Sassa Gurl at ang iba pa ay naging mahusay sa kanilang pagganap at naging instrumento upang maipakita ng matagumpay ang iba't ibang elemento ng kwento at mensahe na nais na maiparating ng pelikula. May kanya-kanyang comedic timing ang bawa't isa na nagcomplement sa pag-arte ni Barbie.
Masasabi naming matalino ang script ng pelikula sapagkat naging epektibo ito na ihalo ang komedya sa isang seryosong isyu sa buhay ng mag-asawa na madalas ay hindi binibigyan ng kaukulang atensyon. Maituturing bang isang non-negotiable sa relasyon ang cheating kung isang beses pa lamang itong ginawa ng iyong partner? Kung hindi, kailan at paano itatakda ang hangganan?
