Għaqda Ħbieb tal-Presepju Malta

Home
Malta
Valletta
Għaqda Ħbieb tal-Presepju Malta

Directions Website

Inwasslu l-Presepju f'kull dar Maltija.

07/11/2026

🎄✨ ĠURNATA MAL-PRESEPISTI – STEDINA GĦAL KULĦADD! ✨
Infakkrukom li s-Sibt, 21 ta’ Novembru, qed nistednukom iżżuruna ġewwa Dar il-Presepju, 77, Triq Melita, il-Belt Valletta, għal ġurnata ddedikata lil dawk kollha li jħobbu l-presepju u t-tradizzjonijiet sbieħ tal-Milied.

🎁 Issibu għażla kbira ta’ aċċessorji u pasturi biex iżżejnu u ssebħu l-presepju tagħkom, kif ukoll varjetà ta’ Nativitajiet li jistgħu jkunu rigal sabiħ u oriġinali għall-Milied.

🌟 Kemm jekk intom dilettanti tal-presepju, kemm jekk għadkom se tibdew tagħmlu l-ewwel wieħed tagħkom, jew sempliċement tħobbu din it-tradizzjoni Maltija, din hija opportunità li m'għandkomx titilfu!

Ejjew żuruna, ġibu magħkom lill-familja u lill-ħbieb, u flimkien inkomplu nżommu ħajja t-tradizzjoni sabiħa tal-presepju Malti.

📅 Is-Sibt, 21 ta’ Novembru 2026
📍 Dar il-Presepju – 77, Triq Melita, il-Belt Valletta

29/10/2026

Ilbieraħ kellna opportunità oħra sabiħa ta’ outreach, din id-darba mat-tfal tal-Iscouts ta’ San Alwiġi, Birkirkara.

Grazzi mill-qalb lil żewġ membri tal-kumitat tagħna, Cyril u Ronnie, li b’dedikazzjoni u paċenzja taw dimostrazzjoni prattika u spjegaw lit-tfal kif jistgħu jagħmlu presepju żgħir.

Kien ta’ sodisfazzjon kbir li naraw lit-tfal isegwu b’tant interess u kurżità, filwaqt li jagħmlu l-mistoqsijiet tagħhom.

Dawn l-attivitajiet huma parti importanti mill-missjoni tal-Għaqda tagħna biex inkomplu nħeġġu lill-ġenerazzjonijiet iż-żgħar iħobbu u jżommu ħajja t-tradizzjoni sabiħa tal-presepju Malti.

Grazzi wkoll lill-mexxejja tal-Iscouts ta’ San Alwiġi tal-istedina u tal-merħba sabiħa!

25/10/2026

Dan il-weekend kellna l-opportunità li nagħmlu attività ta’ outreach ma’ grupp ta’ żgħażagħ minn The Call Ministries, li jiltaqgħu għand il-Patrijiet Dumnikani fir-Rabat.

Grazzi mill-qalb lil Adrian u Ernest, li b’ħafna paċenzja u dedikazzjoni qagħdu jispjegaw u juru liż-żgħażagħ il-proċess ta’ kif jinħadem presepju.

Esperjenza sabiħa li permezz tagħha komplejna naqsmu l-imħabba tagħna lejn il-presepju mal-ġenerazzjoni żagħżugħa, biex din it-tradizzjoni sabiħa Maltija tibqa’ ħajja.

24/10/2026

Stedina lil dawk kollha li jħobbu l-presepju!

Dawk kollha li jħobbu l-presepju, u forsi saħansitra għamlu xi wieħed huma stess, huma mistiedna biex nhar is-Sibt, 21 ta’ Novembru, iżuruna f’Dar il-Presepju, 77, Triq Melita, il-Belt Valletta.

Matul din il-ġurnata se jkun hemm għall-bejgħ diversi aċċessorji u pasturi għall-presepju.

Fl-10:00 ta’ filgħodu, Fr Jethro se jagħti taħdita interessanti dwar l-Avvent, bi tħejjija għall-Milied.

Dakinhar se nibdew ukoll naċċettaw il-miżata tas-sħubija għas-sena 2027. Dawk li jħallsu l-miżata tagħhom jingħataw tifkira żgħira bħala ġest ta’ apprezzament.

Kulħadd huwa mistieden!

22/10/2026

Din is-sena, l-Għaqda Ħbieb tal-Presepju Malta se terġa’ torganizza l-ħarġa tradizzjonali għal Għawdex, nhar is-Sibt 26 ta’ Diċembru 2026. Matul din il-ħarġa se nżuru diversi wirjiet tal-presepji u ngawdu flimkien l-atmosfera sabiħa tal-Milied f’Għawdex.

🎄 Aħsbu kmieni u rriżervaw postkom, għax il-postijiet huma limitati!

Tħallux għall-aħħar! 🎄

20/10/2026

🎶 A memorable evening of music and celebration! 🎶

Still looking back at a wonderful performance at the Oratorju tal-Ġiżwiti in Valletta for the 40th Anniversary Concert of L-Għaqda Ħbieb tal-Presepju Malta.

It was a true pleasure performing under the direction of Mro. Christopher Bonnici alongside Ca****la Exultet . Thank you to everyone who joined us and supported this special milestone event supported by Arts Council Malta!

📸 Photo Credit: Josef Cutajar

****laExultet

18/10/2026

Grazzi għar-ritratti sbieħ tal-fotografu Josef Cutajar, illum nixtiequ naqsmu magħkom ftit mill-isbaħ mumenti tal-Kunċert Kommemorattiv li tellajna nhar il-Ġimgħa, 16 ta’ Ottubru 2026, fl-Oratorju tal-Ġiżwiti, il-Belt Valletta, biex niċċelebraw l-40 anniversarju mit-twaqqif tal-Għaqda Ħbieb tal-Presepju Malta.

Grazzi mill-qalb, Josef, talli permezz tar-ritratti tiegħek żammejt ħajjin dawn il-memorji sbieħ!

18/10/2026

Is-silta Sinfonia Pastorale (1825) ta’ Emmanuele Galea hija marbuta mal-Milied, u għalhekk kien xieraq li tkun inkluża fil-Kunċert Kommemorattiv tal-40 Anniversarju mit-twaqqif tal-Għaqda Ħbieb tal-Presepju Malta.

Address

77 Triq Melita Il-Belt
Valletta
VLT1120

Website

http://hbiebpresepjumalta.com/

Alerts

Be the first to know and let us send you an email when Għaqda Ħbieb tal-Presepju Malta posts news and promotions. Your email address will not be used for any other purpose, and you can unsubscribe at any time.