Għaqda Briju San Ġużepp - Qala

17/06/2026

💙 Il-Marċ ta’ Filgħodu qed joqrob! 💙

Biex nagħmlu din il-ġurnata waħda memorabbli, qed nitolbu l-għajnuna tagħkom permezz ta’ donazzjoni għall-organizzazzjoni tal-avveniment.

🎺 Għal sena oħra ser jerġa jkollna magħna l-Għaqda Madonna tal-Grazzja Banda San Mikiel Żabbar A.D.1883 biex tallegrana bil-marċi brijużi.

Kull donazzjoni, kbira jew żgħira, tgħinna nkabbru l-marċ u noffru esperjenza mill-isbaħ għal kulħadd.

💙 Tista’ tagħti d-donazzjoni tiegħek:
✅ Permezz ta’ Revolut: https://revolut.me/joseph6wil/pocket/ZRAm2vdTsh
✅ Billi tiskennja l-QR Code fil-post
✅ Permezz ta’ trasferiment bankarju bl-IBAN indikat fil-post:
MT89APSB77013000000037333410028

🙏 Grazzi tal-appoġġ kontinwu tagħkom. Flimkien inkomplu nżommu ħajja t-tradizzjonijiet tagħna u noħolqu memorji sbieħ għal kulħadd.

16/06/2026

🔵⚪ It-Tieni Erbgħa ta’ San Ġużepp 2025! 🔵⚪

Inkomplu l-mixja tagħna lejn il-festa tal-Kbir Qaddis Ġużeppi filwaqt li nitolbu lil San Ġużepp iharisna .
Inħeġġukom biex ilkoll nattendu bi ħġarna l-knisja.
Dawk kollha li għandhom l-arbli fuq id-djar tagħhom itellgħu l-bnadar u nixgħelu il-bozoz Blu.
Viva l-Manjus! 🔵⚪️🔵

Fis-7.00pm quddiesa

10/06/2026

🔵⚪ Il-Cover Photo Uffiċjali tal-Festa 2026 🔵⚪

Ingħaqad mal-familja Ġużeppina hekk kif nibdew il-mixja tagħna lejn l-Ewwel Ħadd ta’ Awwissu!

Viva San Ġużepp! 💙🤍

09/06/2026

🔵⚪ L-Ewwel Erbgħa ta’ San Ġużepp 2026! 🔵⚪

Tibda l-mixja lejn il-festa tal-Kbir Qaddis Ġużeppi!

Waslet l-ewwel Erbgħa speċjali tas-sena, li biha nagħtu bidu għall-preparamenti u l-mixja tagħna lejn il-festa tal-Kbir Qaddis Ġużeppi 2026.

Nistednukom biex nattendu bi ħġarna l-knisja u ningħaqdu flimkien fit-talb u d-devozzjoni lejn il-Patrun tagħna.

Dawk kollha li għandhom l-arbli fuq id-djar tagħhom, inħeġġuhom itellgħu l-bnadar u jixegħlu l-bozoz blu biex nagħtu dehra festiva lill-lokalità tagħna sa mill-bidu ta’ dawn il-ġimgħat ta’ tħejjija.

Viva l-Manjus! 🔵⚪💙

Fis-7.00pm quddiesa

02/06/2026

L-Għaqda Briju San Ġużepp tixtieq twassal il-kondoljanzi sinċieri tagħha lill-familja Portelli għat-telfa tal-għażiż Karmnu Portelli (ix-Xirmi).

Karmnu kien raġel ta’ eżempju, li dejjem poġġa lill-familja tiegħu l-ewwel u qabel kollox. Ħadem b’għożża u b’impenn kbir għall-festa u għall-ġid tar-raħal tal-Qala, li tant kien iħobb. Il-kontribut tiegħu se jibqa’ mnaqqax fil-memorja ta’ dawk kollha li kellhom ix-xorti jafuh u jaħdmu miegħu. Ninsabu ċerti li San Ġużepp, li tant kellu għal qalbu, laqgħu fi ħdanu.

Strieħ fis-sliem, Karmnu, u grazzi ta’ dak kollu li tajt lir-raħal u lill-komunità tagħna. Ma ninsewk qatt. 🤍

09/05/2026

L-Għaqda Briju San Ġużepp tawgura Jum l-Omm it-tajjeb, lill-ommijiet kollha fil-jum iddedikat lilhom kif ukoll tfakkar li llum huwa jum l-festa tal-Madonna tal-Blat!

08/05/2026

Qala Auto Fest | 11-07-26

For all the auto enthusiasts! 🚗🚛

Check out Qala AutoFest’s video.

03/05/2026

🔵⚪️🔵Festa Flag Competition 2026!🔵⚪️🔵

Kif tafu, nhar l-1 ta’ Mejju kienet il-ġurnata li fiha ħabbarna r-rebbieħ tal-ewwel edizzjoni ta’ din il-kompetizzjoni marbuta mad-disinn tal-bandiera li ser titqassam lit-tfal kollha waqt il-Festa tat-Tfal nhar is-26 ta’ Lulju 2026.

📣Ir-rebbieh huwa Isaac Formosa, 📣
nawgurawlu għal dan is-success. 👏👏👏📣

Nirringrazzjaw lil kull min ipparteċipa. Il-kreattività u l-livell kien tassew impressjonanti! Hekk nieħdu gost! naraw l-involviment tat-tfal taghna fil-festa ta’ raħalna. Prosit mill-ġdid lill-parteċipanti kollha.