Għaqda Armar Għajnsielem

Home
Malta
Għajnsielem
Għaqda Armar Għajnsielem

Directions Website

🇲🇹 ~ Merbħa fil-paġna Uffiċjali tal-Għaqda Armar Għajnsielem.

__

🇬🇧 ~ Welcome to the official page of Għaqda Armar Għajnsielem.

22/10/2026

Ħarsa lura lejn l-istatwa tad-Dimostrazzjoni fl-2008, meta kienet għadha mingħajr l-anġli li llum iżejnuha 💙

📸 Kevin Cauchi

16/09/2026

Wara xhur ta’ ħidma u dedikazzjoni, dawn it-tliet pavaljuni fi Triq Simirat żżanżnu għall-ewwel darba fil-festa ta’ din is-sena 💪🏼

Proġett li involva numru kbir ta’ voluntiera, li grazzi għall-impenn tagħhom stajna nlestu parti oħra minn dan il-proġett 💙🤍

Din I-inizjattiva hija sostnuta permezz tal-"NGO Scheme 2025", ", skema ta' finanzjament mill-Ministeru ghal Ghawdex ghall-Organizzazzjonijiet Volontarji f'Ghawdex.

08/09/2026

Aktar xogħol mill-voluntiera tal-Għaqda Armar Għajnsielem!

Din is-sena, il-voluntiera ħadmu fuq xogħol tal-induratura fuq b***a forom li issa twaħħlu mal-pedestalli tal-Pjazza l-Qadima u ta' Triq Fawwara. B'dan it-tragward:

- Ix-xogħol fuq il-pedestalli tal-Pjazza l-Qadima issa huwa komplut.

- Bdejna wkoll ix-xogħol tal-irfinar fuq l-ewwel pedestall ta' Triq Fawwara.

Grazzi mill-qalb lill-voluntiera kollha li b'kull mod possibbli jkomplu jgħinu lill-Għaqda Armar Għajnsielem!

07/09/2026

Xogħol ġdid li żżanżan fil-Festa 2026 💙🤍

Din is-sena żżanżnet pittura ġdida ta’ Santa Gianna Beretta Molla, impittra mill-artist Dennis Mompalao.

B’din il-pittura ġdida, tlesta s-sett ta’ pitturi li jintramaw quddiem il-knisja, proġett ieħor li jkompli jsebbaħ u jkabbar l-armar tal-festa tagħna sena wara sena.

💙🤍 Inkomplu nżidu, inġeddu u nsebbħu għall-Festa tal-Madonna ta’ Loreto.

06/09/2026

Il-Kumitat u Voluntiera tal-Għaqda Armar Għajnsielem quddiem il-Maħzen tant għażiż għalina, b'akkumpanjament mal-Vara Titulari.

04/09/2026

🎶 "...u xħin naslu ġewwa l-pjazza, briju kbir, nar u sparar, u minn fuqna inti tgħaddi għal fuq l-isbaħ pedestal" 🎶

Ġimgħa ilu🫶🏻

03/09/2026

Il-ġimgħa li għaddiet, tlett pavaljuni ġodda ġew inawgurati fi Triq Simirat💙

03/09/2026

Niltaqgħu għada! Ibbukkja postok fuq 99290793 jew 99044968💙

Tombla b’risq il-kampnar tal-Knisja.

Ċempel fuq 99290793 jew 99044968 biex tirriserva post.

02/09/2026

💙🤍 FI TLETT IJIEM… L-ARMAR KOLLU TAL-FESTA REĠA’ ĠEWWA!

Ġimgħa ilu għednielkom li kellna kollox barra. Illum, wara tlett ijiem biss ta’ ħidma bla waqfien, nistgħu ngħidu li għandna kollox ġewwa, merfugħ u maħżun fl-imħażen tagħna. 💪

Wara xhur sħaħ ta’ preparazzjoni, sagrifiċċji u sigħat twal ta’ xogħol magħmul b’imħabba lejn il-Madonna ta’ Loreto u l-festa ad unur tagħha, nagħlqu l-bibien tal-imħażen tagħna fuq festa oħra li se tibqa’ mnaqqxa f’qalbna. 💙

Li tara eluf ta’ Maltin u Għawdxin jimlew it-toroq ta’ Għajnsielem matul il-jiem sbieħ tal-festa huwa l-isbaħ premju għal tant ħidma. Huwa ta’ unur għalina, għall-parroċċa, għall-għaqdiet kollha u fuq kollox għar-raħal tagħna.

Nirringrazzjaw minn qalbna lir-residenti tat-toroq fejn jgħaddu l-marċijiet għall-paċenzja u l-kooperazzjoni kbira tagħhom, u talli sena wara sena jilqgħuna biex narmaw mal-binjiet tagħhom.

Grazzi lill-poplu kollu t’Għajnsielem għas-sapport kontinwu, għad-donazzjonijiet u għall-fiduċja li dejjem turuna. 🙏

U fuq kollox, GRAZZI LILL-VOLUNTIERA TAGĦNA. 💪
Lil dawk kollha li għal xhur sħaħ jaħdmu fl-imħażen, jorganizzaw il-fundraising, jarmaw it-toroq u, meta jintemm kollox, jibqgħu hemm sal-aħħar biċċa armar terġa’ tidħol f’postha.

Il-festa tispiċċa… iżda l-passjoni, l-imħabba u l-ħidma tagħna ma jieqfu QATT.

💙🤍 Poplu t’Għajnsielem, AĦNA KBURIN BIKOM!

🙏 Grazzi, Madonna ta’ Loreto, talli ħadt ħsiebna għal sena oħra.
VIVA L-MADONNA TA’ LORETO!
VIVA GĦAJNSIELEM! 💙🤍

U issa… ix-xogħol għall-FESTA 2027 JIBDA MINN GĦADA! 💪🔥
Għax għalina, il-festa ma tieqaf qatt. 💙🤍

Address

Triq Dun Guzepp Galea Rapa
Għajnsielem
GSM1061

Website

https://ghaqdaarmarghajnsielem.org.mt/

Alerts

Be the first to know and let us send you an email when Għaqda Armar Għajnsielem posts news and promotions. Your email address will not be used for any other purpose, and you can unsubscribe at any time.