30/09/2026
ӨНДРИЙН АЖИЛ: ИРЭЭДҮЙГЭЭ ДААТГАХ ШИНЭ ЭХЛЭЛ...
ӨНДӨРТ ОЛСОНД АЖИЛЛАХ СИСТЕМИЙН АЖЛЫН САЛБАРЫН ХАМТЫН АЖИЛЛАГААНЫ ШИНЭ ЭХЛЭЛ
Өнөөдрийн зөвлөлдөх уулзалтад хүрэлцэн ирж, салбарынхаа хөгжил, аюулгүй ажиллагаа, мэргэжлийн ирээдүйн төлөө үнэтэй санал бодол, туршлагаа хуваалцсан нийт байгууллага, компанийн удирдлагууд, инженер техникийн ажилтнууд, мэргэжилтнүүддээ чин сэтгэлийн талархал илэрхийлье.
Та бүхний идэвхтэй оролцоо, нээлттэй хэлэлцүүлгийн үр дүнд бид зөвхөн асуудлаа ярилцаад зогссонгүй, цаашдын хамтын ажиллагааны бодит эхлэлийг тавьж, 7 хүний бүрэлдэхүүнтэй Өндрийн техникийн зөвлөлөө байгууллаа.
Энэ бол нэг байгууллагын ажил биш. Салбартаа ажиллаж, хөдөлмөрлөж байгаа бид бүхний хамтын оролцоо, хамтын хариуцлага, хамтын хөгжлийн эхлэл юм.Өнөөдөр Өндрийн Ажил Мэргэжлийн Холбооны санаачилгаар Монгол Улсад өндрийн ажил, Rope Access чиглэлээр үйл ажиллагаа явуулж буй байгууллага, мэргэжлийн төлөөллүүд нэг дор цуглан салбарын өнөөгийн нөхцөл байдал, тулгамдаж буй асуудал болон цаашдын хөгжлийн талаар нээлттэй зөвлөлдөх уулзалт зохион байгууллаа.
Уулзалтын хамгийн чухал үр дүнгийн нэг нь салбарын мэргэжлийн оролцоог нэмэгдүүлж, бодит асуудалд хамтын шийдэл боловсруулах зорилготой 7 хүний бүрэлдэхүүнтэй Өндрийн техникийн зөвлөл байгуулагдсан явдал байлаа.
Цаашид тус зөвлөл болон салбарын оролцогч байгууллагууд хамтран:
• Өндрийн ажил, Rope Access-ийн аюулгүй ажиллагаа, өнөөгийн нөхцөл байдлыг судлах
• Мэргэжилтний ур чадвар, сургалтын тогтолцоо, стандартын хэрэгцээг тодорхойлох
• Салбарын нийтлэг асуудал, байгууллагуудын санал хүсэлтийг нэгтгэх;
• Төр, мэргэжлийн болон холбогдох байгууллагуудтай хамтран ажиллах боломжийг өргөжүүлэх
• Монголын мэргэжилтнүүдийн ур чадвар, аюулгүй ажиллагаа, салбарын хөгжлийг дараагийн түвшинд хүргэх чиглэлээр үе шаттай ажиллахаар санал нэгдлээ.
Энэ удаагийн уулзалтын гол үнэ цэнэ нь аль нэг байгууллагын асуудлыг ярих бус, салбарын нийтлэг эрх ашиг, хүний амь нас, аюулгүй ажиллагаа, мэргэжлийн хөгжлийн төлөө хамтран ажиллах эхлэлийг тавьсанд оршиж байна.
Бид бизнесийн талбарт өрсөлдөгч байж болно.
Харин хүний амь нас, аюулгүй ажиллагаа, мэргэжлийн ур чадвар, салбарын ирээдүйн төлөө хамтрагчид байх ёстой.
Өнөөдөр зөвлөл байгуулагдлаа. Одоо бодит ажил эхэлнэ.
Өндрийн Ажил Мэргэжлийн Холбоо
2026.09.29
