ХОПС - Опции за здрав живот Скопје

04/06/2026

🚔Дали некогаш си бил/а запрен/а, претресуван/а или поинаку третиран/а од полиција поради употреба на дроги?
👉Спроведуваме анонимна анкета за искуства на млади кои употребуваат дроги при контакт со полиција.
Сакаме да дознаеме дали и колку често младите се соочуваат со стигматизација, дисриминација и несоодветен третман.
Анкетата е целосно анонимна, а твоето искуство може да придонесе за подобро разбирање на состојбата и застапување за почитување на човековите права.

Пополни ја анкетата на линкот: https://forms.gle/VuswDetPws9aRQSG9

Сподели ја и со други кои можеби би сакале да го споделат своето искуство.

08/05/2026

Сократ Манчев
Со заминувањето на Сократ Манчев, заедницата и граѓанскиот сектор изгубија еден од своите најистрајни борци за социјална правда. Сократ беше човек кој со својата стручност и посветеност ги поврзуваше хуманоста и професионализмот, секогаш ставајќи го достоинството на луѓето на прво место.
Со него нè поврзуваа децении заедничка работа на реформите во политиките за дроги. Нашето партнерство беше суштинско во воспоставувањето нови стандарди за третман, рехабилитација и достоинствена реинтеграција. Бевме на иста страна во уверувањето дека системот мора да нуди поддршка и инклузија, наместо маргинализација и казнување.
Неговото знаење и искуство остануваат трајно вградени во борбата за поправедно општество и за правата на луѓето за кои заедно се залагавме низ годините.
Сочувство до семејството и најблиските. Почивај во мир, Сократ.

28/04/2026

Отворен е нов јавен повик.

Се бараат тренери за испорачување на тренинзи за јакнење на капацитетите на стручните лица во превенција на употреба на дроги во училиштата

Доколку имаш релевантно искуство или сакаш да придонесеш кон подобрување на превентивните политики, ова е добра можност да се вклучиш.

Кликни на линкот и дознај повеќе: https://hops.org.mk/javen-povik/

17/04/2026

Разјасни си ја сликата за ❄️🍃🧠💊🐴🍄

👉Те покануваме да учествуваш на интерактивна работилница каде заеднички ќе креираме едукативни материјали за намалување штети поврзани со психоактивни супстанции.

🚔 Работилницата започнува со сесија водена од правник за правата при контакт со полиција, потоа продолжуваме со работа во групи на идеи за содржина и дизајн на едукативни материјали.

Ќе работиме на тоа што навистина е важно и како тоа да се пренесе.

Бројот на учесници е ограничен (15)

Работилницата е наменета за млади на возраст од 18-30 години.

Рок за пријавување: 24.04.2026 (петок)

Пријавување на линк - https://docs.google.com/forms/d/e/1FAIpQLSe3nj-iY5e2J1bt2NxYwgxhq2D7zXFQygL04JvJSoF34G476Q/viewform

26/03/2026

Ново интервју на HOPS.

Разговараме со проф. д-р Софија Арнаудова Георгиевска за потребата од системски пристап и развој на национален систем за превенција на употреба на дроги.

Кои се клучните предизвици?

Што недостасува во моменталниот пристап?

И како може да изгледа ефективна превенција во пракса?

Прочитајте го целиот интервју на линкот подолу:

https://hops.org.mk/intervju-so-sofija-arnaudova-georgievska-za-natsionalen-sistem-za-preventsija-na-upotreba-na-drogi/

Проектот „Воспоставување на национален систем за превенција на употреба на дрога во средните училишта“ е ко-финансиран од Европската Унија преку Европскиот инструмент за демократија и човекови права (ЕИДХР).
Содржината на оваа објава е единствена одговорност на ХОПС – Опции за здрав живот и не ја одразува нужно гледната точка на Европската Унија.

26/03/2026

24/03/2026

Јавен повик за експерт/ка

ХОПС – Опции за здрав живот Скопје објавува јавен повик за ангажирање експерт/ка за изработка на практичен прирачник за превенција од употреба на дроги во училиштата.

Прирачникот ќе биде наменет за наставници, стручни служби и училишни тимови, со цел да обезбеди конкретни насоки, алатки и методи за спроведување на превентивни активности.

Доколку имате искуство во областа на образование, превенција или работа со млади – ве охрабруваме да аплицирате.

Повеќе информации и услови за аплицирање:
https://hops.org.mk/javen-povik-za-ekspert-ka-za-izrabotka-na-praktichen-prirachnik-za-preventsija-od-upotreba-na-drogi-vo-uchilishtata/

Рок за аплицирање: 31.03.2026 до 10:00 часот

23/03/2026

Учествувај во големата европска анкета и пренеси го твоето мислење за тоа како е да се биде млад човек во Македонија! 🇲🇰🇪🇺

Твојот став вреди!

Сакаме да знаеме дали твојот град нуди доволно за младите? 🤔 Кажи ни што мислиш! 👇

✨ Колку се чувствуваш вклучено?
🌍 Дали ги имаш потребните можности?
🗣️ Дали твојот глас се слуша?

⏳ Издвој 10-15 минути, пополни ја анкетата и помогни ни да креираме политики што реално се за ТЕБЕ!

👉 Кликни на линкот https://www.surveymonkey.com/r/CERV_YHEU?lang=mk и сподели го твоето искуство

27/02/2026

Употребата на психоактивни супстанции кај младите претставува системски предизвик што бара координиран институционален одговор.
ХОПС – Опции за здрав живот објави документ за јавни политики со предлог за воспоставување национален систем за превенција на употреба на дроги, интегриран во образованието и поврзан со здравствениот и социјалниот сектор.

Предлогот опфаќа национални стандарди, унифицирана програма, координациско тело, систем за обука и супервизија, како и механизам за следење и евалуација, усогласен со европските политики и со Европската детска гаранција.
Преминот од проектен кон системски пристап е клучен за одржливост, еднаков пристап и мерливи резултати.
Целосниот документ е достапен тука: https://hops.org.mk/preventsijata-kako-investitsija-vo-idninata-na-mladite/

Ги повикуваме институциите и носителите на одлуки активно да се вклучат во процесот на воспоставување одржлив национален систем за превенција.

———
Проектот „Воспоставување на национален систем за превенција на употреба на дрога во средните училишта“ е ко-финансиран од Европската Унија преку Европскиот инструмент за демократија и човекови права (ЕИДХР).
Содржината на оваа објава е единствена одговорност на ХОПС – Опции за здрав живот и не ја одразува нужно гледната точка на Европската Унија.