29/10/2026
📘 НОВ ВОДИЧ ЗА АСИСТИВНА ТЕХНОЛОГИЈА – ЗА ПОВЕЌЕ НЕЗАВИСНОСТ, ЕДНАКВИ МОЖНОСТИ И АКТИВНО УЧЕСТВО!
Како до поголема независност, полесно учење, комуникација, движење и активно учество во заедницата?
Асистивната технологија може да направи вистинска разлика во животот на децата и лицата со попреченост, овозможувајќи им да ги развиваат своите способности, да носат сопствени одлуки и полесно да ги остваруваат своите желби и цели.
Во рамки на проектот „Асистивна технологија – алатка за социјална инклузија“, реализиран со поддршка на Европската Унија преку проектот CORDIAL – Создавање регионални можности за активности и законодавство за инклузија на лицата со попреченост, здружението Open the Windows/Отворете ги прозорците спроведе национална кампања и шест јавни дебати во локалните заедници.
Преку разговори, споделување искуства и размена на знаења, уште еднаш ја потврдивме потребата од поголема информираност, препознавање и достапност на асистивната технологија во нашата земја.
📖 Затоа го подготвивме Водичот „Асистивната технологија овозможува независност, еднакви можности и активно учество во општеството“!
Водичот е наменет за:
🔹 Лицата со попреченост и нивните семејства;
🔹 Наставниците, воспитувачите и образовните асистенти;
🔹 Професионалците и давателите на услуги;
🔹 Организациите на и за лицата со попреченост;
🔹 Институциите, локалните самоуправи и креаторите на политики.
Нашата цел е да придонесеме кон општество во кое секој човек ќе има навремен и еднаков пристап до поддршката што му е потребна – не само преку проекти и донации, туку и преку достапни услуги и одржливи системски решенија.
💡 Асистивната технологија не е привилегија. Таа е можност за поголема независност, еднаквост и учество.
Инклузивното општество го градиме заедно – со знаење, соработка и заедничка посветеност на отстранувањето на бариерите.
На следниот линк може да го симнете Водичот:https://openthewindows.org/wp-content/uploads/2026/10/%D0%92%D0%BE%D0%B4%D0%B8%D1%87-%D0%B7%D0%B0-%D0%B0%D1%81%D0%B8%D1%81%D1%82%D0%B8%D0%B2%D0%BD%D0%B0-%D1%82%D0%B5%D1%85%D0%BD%D0%BE%D0%BB%D0%BE%D0%B3%D0%B8%D1%98%D0%B0-%D0%9E%D1%82%D0%B2%D0%BE%D1%80%D0%B5%D1%82%D0%B5-%D0%B3%D0%B8-%D0%BF%D1%80%D0%BE%D0%B7%D0%BE%D1%80%D1%86%D0%B8%D1%82%D0%B5.pdf
Проектот е финансиран од Европската Унија, а координиран од Caritas Srbije, во партнерство со Caritas Bosne i Hercegovine, Caritas Kosova, Македонски Каритас Caritas Crne Gore, Unija organizacija osoba s invaliditetom u BiH, Center for Youth Activism KRIK / КРИК, Forum mladih sa invaliditetom – Youth with Disabilities Forum и Caritas Italiana.