HERA

04/06/2026

Уште една успешна менторска сесија зад нас! 💜

Заедно со "Жена" - Делчево разговаравме за процесот на лиценцирање на социјални услуги, можностите што ги отвора и предизвиците со кои се соочуваат организациите на тој пат.

Веруваме дека силните локални организации се клучни за создавање поквалитетна поддршка за граѓаните, па затоа продолжуваме да учиме, споделуваме искуства и градиме одржливи решенија за заедницата.

Delegation of the European Union to North Macedonia
Организација ЖЕНА Делчево

03/06/2026

🚨 ДОСТА Е: Судот не смее да биде продолжена рака на системот што ги остава жените да умираат.

Последните две судски одлуки испраќаат опасна порака: ако системот не ве заштити од насилство, може и да ве казни кога ќе се обидете да преживеете.

Пораката е брутална: насилникот може со години да тепа, дави, заканува, контролира и уништува живот, а жртвата ќе биде таа што на крај ќе ја понесе најтешката казна.

Жена која повеќе од 10 години живеела во насилство и без институционална заштита доби 7,5 години затвор. Во исто време, лице вработено како обезбедување на Премиерот на државата, и извршило физичко насилство и давење на сопругата во присуство на дете, доби условна казна.

❓ Каде биле институциите додека насилството траело со години?
❓ Каде биле центрите за социјална работа, полицијата, обвинителството и судовите додека ризикот растел?
❓ Кој ќе понесе одговорност што овие жени биле оставени без заштита?
❓ И дали судот денес навистина испраќа порака дека жената треба прво да биде убиена за конечно да биде препознаена како жртва?

Правдата не смее да биде построга кон жртвите отколку кон насилниците.
Правдата не смее да го игнорира контекстот на долгогодишното насилство.

Таква правда не е правда. Тоа е институционално насилство.

Бараме одговорност не само од сторителите на насилството, туку и од институциите кои не постапиле. Затоа што кога институциите не штитат, тие стануваат дел од проблемот.

Прочитајте повеќе...

02/06/2026

Претходните денови ја реализиравме третата менторска сесија со Здружението за родова еднаквост „Визија" од Кавадарци, посветена на процесот на лиценцирање на услуги, потребната документација и постапките кои организациите треба да ги поминат за обезбедување квалитетни и одржливи услуги во заедницата.

На сесијата разговаравме за значењето на лиценцирањето, предизвиците со кои се соочуваат организациите, како и за важноста од отворање на вакви услуги во повеќе општини и локални средини.

Веруваме дека граѓанските организации имаат клучна улога во обезбедување поддршка за граѓаните и затоа е важно да продолжиме да ги охрабруваме и поддржуваме во процесот на развој и лиценцирање на услуги.

Остануваме посветени на градење достапни, квалитетни и одржливи локални услуги кои одговараат на реалните потреби на заедницата.

Delegation of the European Union to North Macedonia
Коалиција Маргини / Coalition Margins
Здружение за родова еднаквост Визија Кавадарци

01/06/2026

Со задоволство ве каниме на 4.6.2026 во ,,Лабораториум”, на отворена дискусија на тема: „Од каде сега феминативи?“ Ќе разговараме за тоа колку сме подготвени да ги менуваме јазичните навики и на кој начин феминативите влијаат врз секојдневниот говор.

Дискусијата ќе се води во два правци.

Првиот правец е општествен. Ќе разговараме за тоа како зборовите ја создаваат, ја менуваат и ја обликуваат нашата реалност. Лингвистиката го препознава тоа, но и ние во нашиот секојдневен говор тоа го чувствуваме. Токму затоа, сакаме да отвориме разговор и за тоа како речниците денес ги третираат феминативите, кои форми се веќе присутни во јазикот и зошто одредени зборови полесно ги прифаќаме од други.

Вториот правец ќе биде практичен.

Зошто жените и девојките своите називи на професии ги добиваат во машка форма? Зошто дипломите се доделуваат со професионален назив во машки род, кога јазикот ни дозволува именките што означуваат вршители на дејство да ги менуваме по род?

Зошто кога велиме ‘домаќинка’ или ‘слугинка’ немаме двоумење, а кога ќе кажеме антропологинка, етнологинка или гинекологинка, тоа се доживува како нешто ново или чудно?

Ова се само дел од прашањата за кои ќе дискутираме. Како и секој наш претходен настан, и овој ќе биде организиран во духот на слободата, па можеби дискусијата ќе си земе свој автентичен правец.
Четврток, 4 јуни, со почеток во 19 часот.
На настанот ќе се обратат:
Проф. д-р Симон Саздов, Филолошки факултет „Блаже Конески“
Јана Коцевска, етнологинка и антропологинка
Татјана Б. Ефтимоска, македонистка и лекторка
Се гледаме!
***
Овој настан произлегува како завршен настан од Школата посветена на правосудството, менторството и младинскиот ангажман за родова еднаквост.
***
Школата беше организирана во рамки на проектот „Менторство во правосудството и младински ангажман за родова еднаквост“, имплементиран од Центарот за правни истражувања и анализи во партнерство со Македонското здружение на млади правници, со поддршка на Владата на Швајцарија преку Civica Mobilitas.

31/05/2026

🤝Во соработка со Основното општинско училиште „Јохан Хајнрих - Песталоци" од Скопје реализиравме едукативни работилници со ученици од 6, 7 и 8 одделение на тема „Штетноста од прекумерното користење на дигиталните уреди“.

🗣️Преку игри, разговор и интерактивни вежби, младите самите дојдоа до важни заклучоци за тоа како дигиталните уреди влијаат на нивното расположение, концентрација и здравје, и зошто е важно да имаат баланс помеѓу онлајн и офлајн светот.

Најдобриот дел? Отворените прашања, искрените одговори и нивната енергија да споделуваат сопствени искуства.

Благодарност до учениците за нивната искреност и активност, и до Основното општинско училиште „Јохан Хајнрих - Песталоци" за партнерството и поддршката.

30/05/2026

🏳️‍🌈 Денес започнува Skopje Pride Weekend!

Ве очекуваме да бидеме заедно дел од програмата исполнета со солидарност, видливост, култура и заедничка борба за еднаквост и човекови права.

Придружете ни се и бидете дел од настаните што го слават достоинството, различноста и заедништвото.

📍 Погледнете ја програмата и дознајте повеќе на линкот подолу.

https://facebook.com/events/s/skopje-pride-weekend-2026-%D0%B0%D0%BD%D0%B0%D1%80/1402052658627468/

Skopje Pride Weekend 2026 започнува денес во МСУ со изложбата „Анархични тела: Согласност да не се биде едно“, со слободен влез.

28/05/2026

Summer starts soon ☀️
Тестирај се пред summer mode 😎

Од 1 до 5 јуни те чекаме на Пролетната недела на ХИВ и СПИ тестирање во „Сакам да знам“ – Водно 🌵
✔ Бесплатно
✔ Доверливо
✔ Брзо и безбедно
✔ Резултати за најмногу 30 минути

Нема awkward моменти.
Нема осуда.

Само грижа за твоето сексуално здравје ❤️
📍 МЦ „Сакам да знам“ – Водно
🕒 Секој ден од 15:00 – 18:00
📞 070 227 386

Safe summer starts here 🌵

#ТестирајСе #НештоТеБоцка #СПИ #ХИВТестирање

[:MK]Личните податоци кои се задолжителни за пополување, се заштитени и истите се користат само со цел закажување на термин за посакувана услуга и можност за контакт....

27/05/2026

Сакаш да направиш промена во твојата заедница, ама не знаеш од каде да почнеш? 👀

Оваа младинска работилница е вистинското место каде што може да дискутираш и запознаеш млади луѓе кои сакаат да бидат погласни и поактивни во општеството ✨
Преку забавни активности, тимска работа и интерактивни дискусии 🗣️ ќе откриеме:
💡 кои проблеми нè засегаат,
🤝 како заедно можеме да направиме промена,
🎤 како да ги развиеме комуникациските и лидерските вештини,
🔥 како идеите да ги претвориме во акција.

Пријави се на линкот во био!

Не ти треба претходно искуство - само мотивација, љубопитност и желба за промена💫

27/05/2026

Минатиот викенд успешно ја реализиравме акредитираната обука за децентрализација на услуги за ХИВ советување и тестирање кај лекари од примарна здравствена заштита, која се одржа на 16–17 мај 2026 година во Охрид.

На обуката учествуваа 16 семејни лекари од различни градови низ државата, со кои заеднички разговаравме за важноста на раното ХИВ тестирање, пристапот до услуги, советувањето, намалувањето на стигмата и улогата на примарната здравствена заштита во обезбедување навремена и достапна грижа.

Особено ни е драго што обуката помина во одлична атмосфера, со многу активни дискусии, споделување искуства од секојдневната пракса и отворен простор за прашања и размена на знаења.
Ова е важен чекор кон проширување и децентрализација на услугите за ХИВ советување и тестирање.

Во следниот период, обучените семејни лекари ќе се вклучат во спроведување бесплатно и доверливо ХИВ тестирање, со што граѓаните ќе добијат дополнителна можност за полесен и поблизок пристап до овие услуги во рамки на примарната здравствена заштита.

Благодарни сме за посветеноста и интересот на сите учесници и веруваме дека токму преку вакви партнерства се градат поодржливи и подостапни здравствени услуги за заедницата.❤️

Обуката се реализираше во рамки на проектот "РЕСЕТ: Реобнова на еднаквоста и заложбата за ХИВ во Северна Македонија", кој го спроведува ХЕРА- Асоцијација за здравствена едукација и истражување во партнерство со Здружението за здравствени политики и права - Заедно посилни, со финансиска поддршка Elton John Foundation.