Federacija na Planinarski Sportovi na Makedonija

Directions Website Contact the organization

Federacija na Planinarski Sportovi na Makedonija Non-governmental organizations Edna od najgolemite nevladini organizacii vo Makedonija

🏔️ ФПСМ на Првата европска конференција за планинарски домови🗓️Од 23ти до 25ти октомври 2026 година во Самобор, Хрватска...
13/11/2026

🏔️ ФПСМ на Првата европска конференција за планинарски домови

🗓️Од 23ти до 25ти октомври 2026 година во Самобор, Хрватска, се одржа Првата европска конференција за планинарски домови. Ја организираа Европската унија на планинарски асоцијации (EUMA) и Хрватскиот планинарски сојуз, под покровителство на Министерството за туризам и спорт на Република Хрватска.
ФПСМ на конференцијата ја претставуваше Претседателот Даниело Божиновски. Меѓу предавачите и модератор на една од сесиите беше и Горан Николоски, член на Комисијата за планинарски домови на EUMA.

Се разговараше за состојбата на планинарските домови во Европа, за нивното управување и одржување, за влијанието на климатските промени и за можностите за финансирање и обнова на домовите. На крајот беше претставена Повелбата на EUMA за планинарските домови.

Учесниците ги посетија и домовите „Ивица Судник“ на Велики Дол и „Железничар“ на Оштрц.
Покрај конференцијата, Претседателот имаше средби со Генералниот Секретар и претставници на EUMA, со раководството на Хрватскиот планинарски сојуз и со претставници на повеќе европски федерации.
Беше договорена соработка со Хрватскиот планинарски сојуз. Исто така беше разговарано со колегите од Словенија каде беше договорена соработка за патеките и домовите, а нивни експерти напролет да ја посетат Македонија 🇲🇰

Искуствата и контактите од Самобор ќе ги искористиме за подобри планинарски домови и патеки во Македонија.
🙏🏻Им благодариме на EUMA и на Хрватскиот планинарски сојуз за одличната организација!

European Mountaineers
#ФПСМ

❄️🏔️ Полна сала во Битола на предавањето за безбедно планинарење во зимски услови.Синоќа Офицерскиот дом во Битола беше ...
12/11/2026

❄️🏔️ Полна сала во Битола на предавањето за безбедно планинарење во зимски услови.

Синоќа Офицерскиот дом во Битола беше преполн. Ви благодариме на сите што дојдовте на предавањето „Безбедно движење во планина во зимски услови“. Ваков одзив токму на прагот на зимата покажува дека безбедноста во планина е тема што нѐ обединува сите, од почетниците до најискусните.

🎤 Петар Нолев и Бобан Блажевски ги поминаа сите клучни теми: техничката опрема (цепин, дерези, јаже, облека), подготовката на зимска акција, читањето на временската прогноза и најчестите несреќи во планина и како да се избегнат. Заедничката порака: безбедната зимска тура не започнува на патеката, туку дома – со добра подготовка, соодветна опрема и одговорни одлуки. Дискусија на крајот покажа колку ни требаат вакви вечери.

Претседателот на ФПСМ, Даниело Божиновски, ги поздрави присутните и најави дека 2027 ќе биде година на интензивна работа, на планинарските и пешачките патеки, со компетитивните спортови, на регионалните ограноци и во самите клубови. А подобрувањето веќе започна, и тоа од Пелистер каде после 40 години е обновена зимската маркација од Ниже Поле до Големо Езеро, поставени се патокази до врвот Пелистер, а планинарскиот дом на Големо Езеро доби електрично напојување од обновливи извори.

Тој упати и апел до клубовите: предавањата и обуките треба да живеат во секој клуб, особено за новите членови што штотуку влегуваат во планинарските спортови. Целта ни е едноставна – повеќе луѓе во планина, и сите да се вратат дома.

💚 Благодарност до Општина Битола и КИЦ – Битола за поддршката, до предавачите за споделеното знаење и до сите вас што ја исполнивте салата.

Се гледаме во планина – подготвени и безбедни. ❄️

#ФПСМ #БезбедноВоПланина #ЗимскоПланинарење #Пелистер #Битола

🏔️❄️⛏️ЕДУЦИРАМЕ СО ЦЕЛ БЕЗБЕДНО ПЛАНИНАРЕЊЕ ВО ЗИМАНиските температури, снегот, мразот, променливите временски услови и ...
11/11/2026

🏔️❄️⛏️ЕДУЦИРАМЕ СО ЦЕЛ БЕЗБЕДНО ПЛАНИНАРЕЊЕ ВО ЗИМА

Ниските температури, снегот, мразот, променливите временски услови и ограничената видливост бараат добра подготовка, соодветна опрема и знаење за безбедно движење.

📚👩‍🎓🧑‍🎓Токму затоа, преку Центарот за стручно оспособување при ФПСМ, организираме серија едукативни предавања посветени на безбедноста и подготовката за планинарење во зимски услови.

Преку ваквите активности, планинарите стекнуваат и надградуваат знаења за правилно планирање на планинарските акции, препознавање и процена на опасностите, избор и употреба на зимска опрема, движење по снег и мраз, проценка за опасност од лавини, како и донесување правилни одлуки во непредвидливи ситуации.

Планинарската едукација е континуиран процес, неопходен за секој планинар, без оглед на неговото искуство. Овие предавања се одлична основа која може да се надгради со зимските обуки кои ќе ги организираат клубовите во периодот кој следи.

Заради големиот интерес, во периодот кој следи, ФПСМ ќе организира уште неколку предавања низ повеќе градови од државата: Битола, Куманово, Штип.

Федерацијата упатува искрена благодарност до предавачите за споделеното знаење и несебичното пренесување на искуствата: Горан Николоски, Ирена Диков, Александар Стојановски и Бобан Стефановски.
Воедно, благодарност и до сите учесници за покажаниот интерес и активното учество.

Целта на секоја планинарска акција не е само искачениот врв, туку безбедно враќање дома! 🏔️

https://www.fpsm.org.mk/wp-content/uploads/2021/12/dvizenje-niz-planina-vo-zimski-uslovi.pdf

https://www.fpsm.org.mk/wp-content/uploads/2021/12/za-bezbedna-poseta-na-planinite-vo-zima.pdf

#ФПСМ
#БезбедноПланинарење #ЗимскоПланинарење
#ЦентарЗаСтручноОспособувањеФПСМ
#КомисијаЗаПланинарскиВодичиФПСМ

📚🏔️🧭СО МАЛИ ЧЕКОРЧИЊА ВО ПЛАНИНАРСКАТА ОРИЕНТАЦИЈА👶 На 22ри октомври, над месноста „9ти километар“ во Штип, во склоп на ...
10/11/2026

📚🏔️🧭СО МАЛИ ЧЕКОРЧИЊА ВО ПЛАНИНАРСКАТА ОРИЕНТАЦИЈА👶

На 22ри октомври, над месноста
„9ти километар“ во Штип, во склоп на детскиот фестивал “ADVENTURE KIDS”, се организираше вистинска авантура: обука за планинарска ориентација за деца на возраст од 9 до 11 години.

📚Преку кратка обука, практични задачи, игра и забава, децата ги направија своите први чекори во светот на ориентацијата.

🗺️Научија како да ја читаат мапата, да користат компас и внимателно да го следат правецот на движење.
Но, најважно од сè – научија дека ориентацијата не е само пронаоѓање на патот, туку и размислување, набљудување, самостојност и тимска игра.
Сите шест контролни точки беа успешно пронајдени! 🎯

🌿 Продолжуваме да ги охрабруваме најмладите да истражуваат, да учат и да ја засакаат планината, бидејќи најубавото учење е она што се случува преку игра, движење и непосредно доживување на природата. ❤️

Голема благодарност до предавач- Билјана Донева, член на Младинската комисија при ФПСМ.

@ПСК Поларис
#МладинскаКомисијаФПСМ
#ФПСМ
KIDS
#МладиОриентичари
#ПланинарењеЗаДеца

⛰👧👦 „Планинарење без граници“ - инклузивна планинарска акција до ЉубашВо организација на Центарот за специјална едукациј...
01/11/2026

⛰👧👦 „Планинарење без граници“ - инклузивна планинарска акција до Љубаш

Во организација на Центарот за специјална едукација и рехабилитација “Лиленд”, ПСК Орле, Кавадарци и Комисијата за лица со посебни потреби на ФПСМ се организираше планинарска акција до Љубаш, со цел да се поттикнат инклузијата, љубовта кон природата и физичката активност.

За децата од дефектолошкиот центар, ова е многу повеќе од обично искачување.

❤️👬👭Преку меѓусебната поддршка која си ја даваат учесниците во ваквите активности се учи како да се почитуваат различностите.
Се учи и дека планинарењето е можност за секого, можност за истражување, движење во природа, надминување на личните граници и создавање убави спомени.

🤗⛰️Испраќаме порака дека секое дете заслужува да биде дел од заедницата и да добие можност да учествува во активности што придонесуваат за неговиот личен развој и самодоверба.

🙏🏻Од името на Претседателката- Елена Бегова и членовите на Комисијата упатуваме благодарност до дефектолошкиот центар “Лиленд” и ПСК Орле за оваа можност за градење општество во кое инклузијата се живее.

ПСК Орле
#ФПСМ
#КомисијаЗаЛицаСоПосебниПотребиФПСМ
#инклузивност

🇲🇰🎿🏔️ФПСМ – полноправна членка на Меѓународната Федерација за Ски-планинарство (ISMF), одлука донесена на Пленарното соб...
29/10/2026

🇲🇰🎿🏔️ФПСМ – полноправна членка на Меѓународната Федерација за Ски-планинарство (ISMF), одлука донесена на Пленарното собрание на ISMF, одржано на 16ти и 17ти октомври 2026 година во Закопане, Полска.

Денес, во ISMF членуваат повеќе од 50 национални федерации.
Со полноправното членство ФПСМ станува официјален претставник на македонското ски-планинарство во ISMF, која од 2016 е целосно признаена од Меѓународниот Олимписки Комитет. Овој спорт на Зимските Олимписки Игри Милано Кортина 2026 го имаше своето олимписко деби.

Членството за нашите клубови и натпреварувачи значи:
• настап на натпреварите од календарот на ISMF – Светскиот куп, светските и континенталните првенства– како дел од македонската репрезентација;
• полноправно учество во работата и одлуките на ISMF;
• пристап до правилата, стандардите и едукацијата на ISMF за судии, тренери и организатори на трки;
• поврзаност со олимпиското движење: ски-планинарството дебитираше на 19 февруари 2026 година во Бормио, на Игрите Милано - Кортина 2026.

💯🗓️Сто години традиција
Долго пред да се зборува за SkiMo, планинарите се искачуваа на Шар Планина и Пелистер и се спуштаа со скии.

Малку историја за скијањето на нашите планини:

🏔️⛷️Шар Планина
1924 година
Првите скии во Тетово ги донел Орестије Крстиќ во 1924/25 година.

1926 година
На 3ти март е забележано првото спуштање со скии од повисок предел – од врвот Љуботен.

1927 година
Откриени се терените на Попова Шапка.
Првите тетовски скијачи пешачеле по пет часа, со скиите на рамо, до терените на Шар Планина.

1934 година
На 11ти ноември е отворен првиот планинарски дом на Попова Шапка, а истата година е одржан првиот скијачки натпревар меѓу тетовски и скопски скијачи.

🏔️⛷️Пелистер
1933година
Во Битола, Панде Димитровски уште во сам си изработил скии.

1935 година
На 31ви декември е основано планинарското друштво „Пелагонија“.

1937 година
Друштвото почнало да гради дом на Копанки.

1938 година
Ја формирале првата скијачка секција.

1940 година
Во почетокот на март 1940 година „Пелагонија“ организирала невообичаен натпревар. Осуммина членови тргнале пред изгрејсонце од Штампаревац и на скии минале преку врвот Пелистер, покрај Малото и Големото Езеро и погребенот на Баба преку Муза и Неолица, до Битола. Околу 48 километри изминале за седумнаесет и пол часа, и во Битола стигнале во 21:00 часот.
Меѓу учесниците биле Борис Алтипармак, Димитар и Спирко Спирковски, Петар Бојаџиевски, Васил Дамјановскии Вангел Василевски.

1941 година
На 2 март следувала трка од 38 километри, со старт од домот на Копанки. Прв бил Петар Бојаџиевски, втор Вангел Василевски, а трет Петар Лазаревски. Тоа било ски-планинарство уште пред да го добие ова име.

Од турно скијање до SkiMo

2024 година
На Пелистер на 14ти Април 2024 за прв пат од осамостојувањето на Македонија се одржува Турно Ски куп натпревар.

2025 година
Во рамките на Турно купот на Македонија – Шар Планина 2025, ФПСМ и ПК Кораб од Скопје за прв пат организираат натпревар во дисциплината „спринт“. Во купот учествуваат 20 натпреварувачи, 15 мажи и 5 жени.

2026 година
На Пелистер и Попова Шапка поради неповолните снежни и временски услови натпреварите се откажани.

Во февруари 2026 година, по повод 100-годишнината од првото скијање во Македонија, ПК Љуботен и Комисијата за турно скијање при ФПСМ организираат турно тура до врвот Љуботен.

Во своето обраќање на Генералното Собрание во Закопане, Претседателот на ФПСМ- Даниело Божиновски изјави:
„Ова е ден за сите генерации планинари кои ги искачуваа Шара и Пелистер на скии – од пионерите од 1926 и 1940 година до денешните натпреварувачи. Полноправното членство во ISMF е признание за нивната работа, но и обврска.
Сакам јавно да им се заблагодарам на Томица Котевски, претходниот Претседател на Комисијата за турно скијање при ФПСМ, и на Петар Нолев. Нивниот придонес за развојот на овој спорт е огромен, а нивната работа е темелот врз кој денес стоиме. Без нив оваа мисија немаше да успее.
Сега пред нас е нова задача: да создадеме услови младите да тренираат, да се натпреваруваат и да ја претставуваат Македонија на светските трки. Тоа им го должиме и на пионерите и на генерациите што доаѓаат.“

Посебна благодарност до ISMF и до федерациите-членки за довербата.
Се гледаме на снегот!

https://www.fpsm.org.mk/%d1%84%d0%bf%d1%81%d0%bc-%d0%bf%d0%be%d0%bb%d0%bd%d0%be%d0%bf%d1%80%d0%b0%d0%b2%d0%bd%d0%b0-%d1%87%d0%bb%d0%b5%d0%bd%d0%ba%d0%b0-%d0%bd%d0%b0-ismf/

International Ski Mountaineering Federation
Министерство за спорт / Ministry of sports
MKD Olympic Team

🗓️🏔️Од 15ти до 18ти октомври 2026 година, во Бајина Башта се одржа 57то Генерално Собрание на Европската планинарска асо...
27/10/2026

🗓️🏔️Од 15ти до 18ти октомври 2026 година, во Бајина Башта се одржа 57то Генерално Собрание на Европската планинарска асоцијација (ЕРА) и Собрание на Балканската Планинарска Унија (БМУ), во организација на Планинарскиот сојуз на Србија.

Во текот на четиридневната програма, учесниците имаа можност да разменат знаења и искуства, да разговараат за идни заеднички проекти во областа на планинарењето и планинарските спортови, како и да се запознаат со природните убавини на Србија.

🤝🇨🇾Делегатите на ова Собрание и посакаа добредојде на новата членка на БМУ- Кипар.

ФПСМ ја претставуваше делегатот Петар Нолев, член на Претседателството на ФПСМ.

Упатуваме искрена благодарност до Планинарскиот сојуз на Србија за одличната организација, топлото добредојде и гостопримството што им беше укажано на сите учесници.

https://bmunews.com/
Planinarski savez Srbije

📚🏔️Покана за едукативни предавања за безбедно планинарење во зимски условиСо доаѓањето на зимската сезона планините се т...
26/10/2026

📚🏔️Покана за едукативни предавања за безбедно планинарење во зимски услови

Со доаѓањето на зимската сезона планините се трансформираат во прекрасни, но и исклучително сурови предели кои бараат посебна подготвеност, знаење и опрема. Како одговорни чинители во планинарската заедница, наша заедничка должност е да придонесеме кон подигнување на безбедноста на сите планинари.

За таа цел, Ве каниме да бидете дел од серијата едукативни предавања посветени на безбедноста, логистиката и психофизичката подготвеност за зимско планинарење во организација на Центарот за стручно оспособување при ФПСМ (ЦСО).

Детали за прв и втор настан:
🗓️28 октомври и 04 ноември 2026
⏰18:00 до 20.00 часот
📍зграда на Дом на хуманитарни организации „Даре Џамбаз“ (сала 5 - приземје), Бул. 11-ти Октомври 42, Скопје.

Предавачи: Горан Николоски, член на Комисија за инклузивно планинарење

Ирена Диков, член на Комисија за планинарски водичи

Целта на оваа иницијатива е планинарите (како почетниците, така и поискусните) да стекнат клучни теоретски и практични знаења за справување со зимските предизвици, со цел да се намалат ризиците и несреќите на планините.

Влезот е слободен, но поради ограничен број на седишта, ве молиме да го пријавите присуството најдоцна до 12.00 часот, 28 октомври 2026 год. на следната електронска пошта: [email protected] или на телефонскиот број 071 41 65 62.

Да ги направиме нашите планини побезбедни заедно!

#КомисијаЗаПланинарскиВодичи
#ЦентарЗаСтручноОспособувањеФПСМ

Address

Улица 11 Октомври 42а
Skopje
1000

Alerts

Be the first to know and let us send you an email when Federacija na Planinarski Sportovi na Makedonija posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Federacija na Planinarski Sportovi na Makedonija:

Shortcuts

Share