Црвен крст на Република Северна Македонија - Општинска организација Центар

28/04/2026

Со голема гордост споделуваме дека на 25.04.2026 успешно го реализиравме општинскиот натпревар по Прва помош, кој помина во одлична атмосфера, тимска работа и посветеност.

Натпреварот се одвиваше на 3 бази со вкупно 9 повреди, каде учесниците ги покажаа своите знаења, вештини и подготвеност за реагирање во различни ситуации.

Најдобри резултати постигнаа:
📍 Основни училишта:
🥇 ООУ „Гоце Делчев“
🥈 ООУ „Св. Кирил и Методиј“
🥉 ООУ „Кочо Рацин“

📍 Средни училишта:
🥇 СМУГС „Д-р Панче Караѓозов“
🥈 ПСУ „Алгоритам“
🥉 СУГС Гимназија „Раде Јовчевски - Корчагин“

Во реализацијата на настанот беа вклучени 30 волонтери, кои со својата посветеност и ангажман придонесоа за неговата успешна организација.

Им честитаме на сите учесници за вложениот труд и покажаното знаење, како и на волонтерите за нивната огромна поддршка.

Продолжуваме да градиме генерации подготвени да помогнат.

#црвенкрст #првапомош #волонтери #скопје

14/04/2026

🎉 CHARITY PARTY што не се пропушта! 🎉

На 22 Април (Среда) се гледаме во Ciao Music Bar на вечер исполнета со одлична музика и уште подобра цел.

🔥 LIVE настапи од:
🎤 Insertakick
🎤 Luka Chombe
🎤 Riki
🎧 DJ Simski

🕗 Почеток: 20:00
🎟 Влез: Донација од 200 МКД

Со секоја карта помагаме за хуманитарна цел ❤️
Дојди да се журкаме и да направиме добро дело заедно!

08/04/2026

06/04/2026

Хуманитарна акција
ПХВ групата „Чекор напред“ од СУГС „Раде Јовчевски Корчагин“ организира собирање средства со цел да им помогнеме на децата од Центарот за рехабилитација на слух, говор и глас.
Со оваа акција сакаме да придонесеме кон подобрување на условите и да им дадеме поддршка на овие деца во нивниот развој и напредок.
Концертот ќе се одржи во „Лабараторум“ на 7.4.2026 година со почеток во 20:00 часот.
Ги повикуваме сите хумани луѓе да се приклучат и да донираат колку што можат. Секој мал придонес значи многу!
Заедно можеме да направиме разлика. ❤️

31/03/2026

Со многу смеа, шеги и креативност, денес Клубот на млади при Црвен крст на Република Северна Македонија – Општинска организација Центар реализираше работилница по повод 1ви април во Дневниот центар „Пролет“. 🎭

Во духот на Денот на шегата, волонтерите и корисниците заеднички изработуваа креативни маски, цртежи и се забавуваа преку различни игри исполнети со смеа и позитивна енергија.

По оваа весела работилница, сите сме подготвени за утрешната забава под маски! 🎉😄

30/03/2026

Хуманитарна акција во рамките на програмата Промоција на хумани вредности

ПХВ групата „Чекор напред“ од СУГС „Раде Јовчевски Корчагин“ организира собирање средства со цел да им помогнеме на децата од Центарот за рехабилитација на слух, говор и глас.

Со оваа акција сакаме да придонесеме кон подобрување на условите и да им дадеме поддршка на овие деца во нивниот развој и напредок.

Концертот ќе се одржи во „Лабараторум“ на 7.4.2026 година со почеток во 20:00 часот.
Ги повикуваме сите хумани луѓе да се приклучат и да донираат колку што можат. Секој мал придонес значи многу!

Заедно можеме да направиме разлика. ❤️

23/03/2026

По повод 22 Март – Светски ден на водата, младите волонтери се активираа да остварат еколошка акција за чистење на кејот покрај реката Вардар.

Преку заеднички труд и ангажман, тие придонесоа кон отстранување на отпадот и подобрување на состојбата на животната средина, испраќајќи силна порака за важноста на зачувувањето на водните ресурси.

Акцијата имаше за цел да ја подигне свеста кај граѓаните за значењето на чистата вода и одговорниот однос кон природата, како и да поттикне поголема вклученост во вакви иницијативи.

Со ова, волонтерите уште еднаш покажаа дека со мала иницијатива може да се направи значајна промена во заедницата.

Чувај ја водата – чувај го животот.

#ЦрвенКрст #Екологија #Волонтери

17/03/2026

Денес е 17 март денот на крводарителството.
Секоја капка дарувана крв е од непроценливо значење, како сите вие драги наши крводарители.
Вие крводарителите сте пример за хуманост, солидарност и несебичност!
Да се дарува крв значи да се даде надеж, да се даде сила и да се спаси човечки живот.
Нека е честит денешниот празник 17 март!
#СекојМожеДаБидеХерој

17/03/2026

Денес, 17 март – Ден на формирање на Црвениот крст на Република Северна Македонија и Ден на крводарителството, оддаваме признание на хуманоста, солидарноста и несебичноста.🩸

Благодарение на посветеноста на крводарителите и волонтерите, во 2025 година се реализирани:
• 811 крводарителски акции
• 61.778 собрани крвни единици
• 112,3% реализација на предвидениот план
• 20 Општински организации го надминаа годишниот план
• 1.028 јубилејни признанија
• 3 работилници за унапредување на крводарителството
• 36 врснички едукации во 14 општински организации

Нека овој ден нè потсетува дека секоја дарувана капка значи живот повеќе.❤️
----------------------------
Sot, 17 Marsi – Dita e themelimit të Kryqit të Kuq të Republikës së Maqedonisë së Veriut dhe Dita e dhurimit të gjakut, i kushtohet humanizmit, solidaritetit dhe përkushtimit.

Falë angazhimit të dhuruesve të gjakut dhe vullnetarëve, gjatë vitit 2025 janë realizuar:
• 811 aksione për dhurimin e gjakut
• 61.778 njësi gjaku të mbledhura
• 112,3% realizim i planit të paraparë
• 20 Organizata Komunale e tejkaluan planin vjetor
• 1.028 mirënjohje jubileare
• 3 punëtori për avancimin e dhurimit të gjakut
• 36 edukime ndërmjet bashkëmoshatarëve në 14 organizata komunale

Kjo ditë na kujton se çdo pikë gjaku e dhuruar është një jetë më shumë. 🌿

#ЦрвенКрст #ЦКРСМ #Крводарителство #ДарувајКрв

17/03/2026