European Movement EMMK

03/09/2026

🎉 Успешно ја завршивме нашата тродневна обука во рамки на проектот ROOT-WB!

Три дена исполнети со учење, отворени дискусии, размена на искуства и многу нови идеи. Особено задоволство беше да се работи со исклучително квалитетна група – учесници кои дојдоа со желба да учат и да дискутираат, но и со огромно знаење и искуство што несебично го споделуваа со останатите. 🙌

Последниот ден го посветивме на социјалната кохезија, дигиталната комуникација и активното граѓанство во контекст на Северна Македонија, заокружувајќи ги темите и знаењата од изминатите три дена. 🇲🇰🇪🇺

Благодарност до сите учесници за енергијата, посветеноста и квалитетните дискусии. Токму ваквата размена е она што ја прави една обука навистина вредна.

📸 Дел од атмосферата од нашиот трет и последен ден!

02/09/2026

🇪🇺 Втор ден – зборуваме за демократија, учество и Европската Унија!

Денес продолжуваме со нашата тродневна обука во рамки на проектот ROOT-WB, а фокусот го ставаме на демократското учество и Европската Унија.

Преку интерактивни сесии, дискусии и практична работа, учесниците истражуваат што значи активно да се учествува во демократските процеси, како младите можат да го направат својот глас повидлив и каква улога имаат граѓаните во креирањето на општеството во кое сакаат да живеат.

Разговараме и за Европската Унија – нејзините вредности, институции и процеси, но пред сè за тоа што значи европското граѓанство во пракса и кои можности ги отвора за младите и нивното активно учество.

Продолжуваме да учиме едни од други, да разменуваме ставови и да создаваме простор во кој младите не се само набљудувачи, туку активни учесници во демократските процеси.

📸 Ви пренесуваме дел од денешната атмосфера – продолжуваме со нови идеи, прашања и дискусии!

01/09/2026

🚀 Започнавме!

Денес во просториите на Граѓански ресурсен центар официјално ја стартувавме нашата тродневна обука посветена на демократското учество, младинскиот ангажман и активното граѓанство, дел од проектот ROOT-WB. 🇪🇺🙌

💬 Пред нас се три дена исполнети со учење, дискусии, размена на искуства и практична работа на теми како младинско застапување, инклузија и волонтирање, демократско учество, дигитална комуникација и борба против дезинформации.

Најважно од сè – заедно ќе развиваме идеи и конкретни иницијативи кои можат да донесат позитивни промени во нашите заедници.

📸 Ви пренесуваме дел од атмосферата од почетокот, а наскоро споделуваме уште!

17/08/2026

🚨 Останува уште малку време за пријавување! ⏳🔥

Ако имаш 18–30 години? Искористи ја шансата за бесплатна обука, нови вештини и вмрежување!

Европското движење во Република Северна Македонија (ЕММК) ве поканува да се пријавите на тридневната обука наменета за јакнење на капацитетите на организациите на...

02/08/2026

За македонскиот народ, Илинден е значаен датум во календарот. Овој ден нè потсетува на храброста, достоинството и стремежот кон слобода и подобра иднина – вредности што низ генерации го обликувале македонското општество.

Минатото не можеме да го промениме, но можеме да учиме од него. Најголемата почит кон оние што се бореле пред нас е денес да градиме држава заснована на демократија, владеење на правото, социјална правда и соживот.

Патот кон подобра иднина може да биде различен, но никогаш не е лесен и брз. Тој пат е неостварлив без одговорност од оние што треба да ја преземат, без дијалог и континуитет во реформските процеси. Илинден нека биде потсетник дека секоја генерација има своја задача – не да ги повторува борбите од минатото, туку да ги продолжи идеалите со можностите на своето време.

Нека ни е честит Илинден!

29/07/2026

🌟 Искористи ја можноста – пријавите се отворени!
https://forms.gle/JSxFmusH4djP6Zoi8

Сѐ уште имаш можност да се пријавиш на тридневната обука за млади на возраст од 18 до 30 години и да стекнеш практични знаења за активно граѓанство, младинско застапување, Европската Унија, дигитална комуникација и борба против дезинформации. 🌍💬

📅 Обуката ќе се одржи од 1 до 3 септември 2026 во Граѓанскиот ресурсен центар – Скопје. Краен рок за пријавување: 18 август 2026. Бројот на места е ограничен, затоа не чекај до последен момент!

📖 Повеќе информации за програмата, критериумите за учество и процесот на пријавување:
https://europeanmovement.org.mk/povik-za-uchesnitsi.../

Европското движење во Република Северна Македонија (ЕММК) ве поканува да се пријавите на тридневната обука наменета за јакнење на капацитетите на организациите на...

23/07/2026

🗳️ Граѓанското учество е темел на демократските општества, но со какви предизвици се соочува денес во регионот и Европа?

Во рамки на проектот ROOT-WB, ги претставуваме истражувањата „Извештаи за проценка на трендовите и препреките за граѓанско учество – Компаративна анализа на Босна и Херцеговина, Црна Гора, Србија, Северна Македонија, Албанија, Хрватска и Франција“.

🇲🇰 https://bit.ly/Извештај-мк
🇬🇧 https://bit.ly/Assesment-report-EN

🔎 Анализата нуди сеопфатен преглед на состојбите во седум држави, ги идентификува клучните трендови, предизвици и можности за унапредување на граѓанското учество, како и препораки за зајакнување на улогата на граѓанското општество во процесите на креирање јавни политики.

22/07/2026

🎯 Ако имаш 18–30 години и сакаш да стекнеш нови вештини, да запознаеш инспиративни млади луѓе и да научиш како твоите идеи можат да влијаат врз заедницата – оваа обука е за тебе. Тренингот ќе го реализираме во партнерство со Qendra Shqiptare per Edukim Perkujdesje dhe Trajnim - ACT-Center од Албанија.

💡 Ќе работиме на:
🇪🇺 демократско учество и Европската Унија
📢 младинско застапување и активно граѓанство
📱 дигитална комуникација и борба против дезинформации
🤝 развивање локални иницијативи што носат промени

📍 Граѓански ресурсен центар - Скопје | 📅 1–3 септември 2026

✨ Учеството е бесплатно, а по успешно завршување на обуката ќе добиеш сертификат. Обуката ќе се одржува на англиски јазик.

⏳ Пријави се до 18 август – бројот на места е ограничен!
Формулар за пријава: https://forms.gle/JSxFmusH4djP6Zoi8

📖 За повеќе информации за програмата, критериумите за учество и процесот на пријавување, погледнете ја објавата на нашата веб-страница 👇
https://europeanmovement.org.mk/povik-za-uchesnitsi-obuka-za-jaknene-na-kapatsitetite-na-graganskoto-opshtestvo-i-mladinskite-aktivisti/

01/07/2026

📢 Минатата недела, го одржавме онлајн настанот со тема: „Граѓанско учество и демократски дијалог во Западен Балкан: предизвици, можности и перспективи“.

🗣️На настанот го презентиравме регионалниот документ „Извештаj за трендовите и препреките во граѓанското учество", кој е достапен на нашата веб страна, а потоа следеше дискусијата поврзана со состојбите на граѓанскиот сектор во државата и регионот.

🤝Овој настан беше организиран во рамките на проектот „Регионална одговорност за нашата иднина: Граѓаните и граѓанското општество – двигатели на европските вредности на Западен Балкан“ (ROOT-WB), поддржан од Европската Унија преку програмата CERV.

23/06/2026

⏳ Сѐ уште имате време да се пријавите!

Не ја пропуштајте можноста да бидете дел од онлајн панел дискусијата: „Граѓанското учество и демократската вклученост во Западен Балкан: Предизвици, можности и перспективи“.

🗓️ 25 јуни 2026 (четврток)
🕐 13:00 часот
💻 Zoom

На настанот ќе бидат презентирани наодите од регионалното истражување за граѓанско учество, по што ќе следува дискусија со претставници од граѓанскиот сектор и правната фела за предизвиците, можностите и перспективите на демократската вклученост во регионот.

✅ Пријавете го вашето учество тука: https://forms.gle/GxtH57dTiVAVh4Hf7

Ве очекуваме!

***

Овој настан е дел од проектот „Регионална одговорност за нашата иднина: Граѓаните и граѓанското општество – двигатели на европските вредности на Западен Балкан“ (Regional Ownership of Our Tomorrow: Citizens and Civil Society Growing EU Values in the Western Balkans - ROOT WB), поддржан од Европската Унија преку програмата CERV.

Почитувани, Имаме чест и задоволство да Ве поканиме на онлајн настан што се организира во рамките на проектот „Регионална одговорност за нашата иднина: Граѓаните ....