Синдикат на работниците од трговијата - СРТ

  • Home
  • Macedonia
  • Skopje
  • Синдикат на работниците од трговијата - СРТ
Directions Website Contact the organization

Синдикат на работниците од трговијата - СРТ СРТ е самостојна и независна организација во која доброволно членуваат работниците од трговијата.

20/10/2026

ДОДЕКА НÈ УБЕДУВААТ ДЕКА СЕ ЖИВЕЕ ДОБРО, СИНДИКАЛНАТА МИНИМАЛНА КОШНИЦА НАДМИНА 70.000 ДЕНАРИ, А САМО ХРАНАТА И ПИЈАЛАЦИТЕ ЧИНАТ ПОВЕЌЕ ОД ЕДНА МИНИМАЛНА ПЛАТА!

Синдикалната минимална кошница за октомври 2026 година изнесува 70.358 денари, што е зголемување за 926 денари во однос на септември. Само за храна и пијалаци на едно четиричлено семејство му се потребни 26.170 денари, односно 124 денари повеќе од износот на минималната плата.

Додека секојдневно слушаме уверувања дека граѓаните живеат подобро, реалноста на работниците и нивните семејства ја покажуваат бројките. Трошоците за живот продолжуваат да растат, а платите не се доволни ниту за покривање на основните потреби.

Според податоците за октомври 2026 година, вредноста на Синдикалната минимална кошница достигна 70.358 денари, наспроти 69.432 денари во септември. Тоа значи дека само за еден месец се потребни дополнителни 926 денари за покривање на минималните месечни потреби на едно четиричлено семејство.

Особено загрижувачки е податокот дека трошоците за храна и пијалаци достигнаа 26.170 денари, додека минималната плата изнесува 26.046 денари.

Со други зборови, една минимална плата веќе не е доволна ниту за да се купи храната и пијалаците потребни за едно четиричлено семејство во текот на еден месец. А каде се сметките за струја, вода, греење, превоз, облека, лекови и сите останати неопходни трошоци?

Состојбата е уште поалармантна кога ќе се направи споредба со почетокот на годината. Во јануари 2026 година, Синдикалната минимална кошница изнесувала 66.413 денари, од кои 24.211 денари биле потребни за храна и пијалаци. Во октомври, во споредба со јануари, вредноста на кошницата е повисока за 3.945 денари.

Овие бројки јасно покажуваат дека товарот на зголемените трошоци за живот директно паѓа врз грбот на работниците и нивните семејства.

Една просечна и една минимална плата едвај се доволни за покривање на вредноста на Синдикалната минимална кошница. Тоа значи дека и кога во едно семејство има двајца вработени, од кои едниот прима просечна, а другиот минимална плата, речиси целиот нивен заеднички приход оди за покривање на основните месечни потреби.

Платата мора да обезбеди достоинствен живот, а не само преживување од први до први во месецот. Работниците не смеат да бидат принудени секој месец да избираат кои сметки ќе ги платат, кои потреби ќе ги одложат и од што ќе се откажат за да го дочекаат следниот месец.

Работниците заслужуваат достоинствена плата и живот, а не уверувања дека живеат добро додека секојдневно се борат да ги покријат основните потреби!

11/10/2026
На ден 21.09.2026 година, во Берлин, Германија се одржа средба со UNI Global Union каде се разговараше за состојбата на ...
24/09/2026

На ден 21.09.2026 година, во Берлин, Германија се одржа средба со UNI Global Union каде се разговараше за состојбата на работниците од компаниите „Lidl“ и „Kaufland“, на која учествуваа претставници од синдикатите за трговија од повеќе различни европски земји, меѓу кои присуствуваше и претставник од Синдикатот на работниците од трговијата на Македонија.

На средбата беа разгледани значајни теми повразни со работните услови и колективното преговарање на работниците и можности како тие да се подобрат. Учесниците имаа можност да разменат искуства и да разговараат за идните соработки и активности.

Претставникот од Синдикатот на работниците од трговијата на Македонија, Давид Пешевски зема учество и истакна дека компанијата „Lidl“ во почетокот на следната година пристигнува во Македонија и дека како Синдикат ќе се работи на зачленување и обезбедување правна помош на вработените во „Lidl“. Целта на Синдикатот е преку социјален дијалог и колктивен договор да обезбеди достоинствени услови за работа и плати.

09/09/2026
80 години синдикат ССМ
22/08/2026

80 години синдикат ССМ

80 години Сојузот на синдикатите на Македонија - ССМ е организација во која доброволно и врз демократска основа се здружуваат синдикатите.

ССМ ги обединува и ги застапува заедничките општествени, економски, социјални и културни интереси на здружените синдикати и нивните членови.

ССМ е самостоен и независен од државните органи, работодавачите, политичките партии, верските заедници и другите организации.

Во ССМ се здружуваат следниве синдикати:

1. Синдикат на работниците од агроиндустрискиот комплекс на РМ (АГРО Синдикат);

2. Синдикат на работниците од угостителството, туризмот, комунално-станбеното стопанство, занаетчиството и заштитните друштва на РМ (СУТКОЗ);

3. Синдикат за градежништво, индустрија и проектирање на Македонија (СГИП);

4. Синдикат на работниците од управата, правосудните органи и здруженија на граѓани на РМ (УПОЗ);

5. Самостоен синдикат за здравство, фармација и социјална заштита на РМ;

6. Синдикат на работниците од текстилната, кожарската и чевларската индустрија на РМ (СТКЧ);

7. Синдикат на индустрија, енергетика и рударство на Македонија (СИЕР);

8. Синдикатот на Медиумски информативни агенции (СМИА);

9. Синдикат на работниците од сообраќај и врски на РМ (СРСВМ);

10. Синдикат на хемија, неметали и метали на Македонија (СХНМ);

11. Македонски полициски синдикат (МПС);

12. Синдикат на поштенските и телекомуникациските работници на Македонија (СПТРМ);

13. Синдикат на работниците од трговија на РМ (СРТ);

14. Синдикат за слободно дејствување на Македонија

15. Синдикат на финансиските дејности на Македонија (СФДМ);

16. Синдикат на културата на Република Македонија (СКРМ)

17. Независен синдикат за образование и наука (НСОН)

18. Синдикат на Поштенски и Телекомуникациски оператори на Македонија (СПТОМ)

ССМ не само што се борел за работничките права, туку ги претворил тие права во конкретни обврски, а преку колективното преговарање, синдикатот обезбедувал и обезбедува конкретна заштита за работниците.

Синдикатите кои се дел од ССМ преку гранските колективни договори и колективните договори на ниво на работодавач утврдиле права за повеќе од 300.000 работници.

ССМ е потписник на двата општи колективни договори – за јавниот сектор и за приватниот сектор од областа на стопанството – со кои се утврдуваат права и заштита за сите 530.000 работници во приватниот и јавниот сектор.

Зад бројката 530.000 не стои само статистика, стојат 530.000 животи, 530.000 семејства, 530.000 луѓе кои секој ден стануваат наутро, одат на работа, создаваат, произведуваат, градат, лекуваат, не чуваат, учат, управуваат, услужуваат, ја граделе и ја движат оваа држава.

20/08/2026

Одбележуваме 80 години од создавањето на една идеја, одбележуваме 80 години ССМ, 80 години борба, 80 години солидарност, 80 години – глас на работниците.

Одбележуваме 80 години од создавањето на една идеја, идеја дека работникот не смее да биде сам.
Идеја дека човекот кој создава вредност со својот труд мора да има право на достоинствен живот.
Идеја дека платата не е милостина, дека работничкото право не е привилегија и дека социјалната правда не е подарок од никого.

Таа идеја пред 80 години доби свое организирано име – Единствени синдикати на работниците и намештниците на Македонија.

Првиот Конгрес на Сојузот на синдикатите на Македонија со тогашен назив Единствени синдикати на работниците и намештниците на Македонија се одржал на 18-21 август 1946 година во парк во Скопје, Македонија, во време кога работничката класа водела успешна борба за обнова на од војна опустошената земја.

Првиот слободен синдикален Конгрес на работниците во Македонија, покрај своето мобилизациско значење, значително допринел и за понатамошното организациско зацврстување и оспособување на синдикатите за изградба на земјата.

Со гордост денес, ССМ е најзначаен дел од синдикалната историја, а активноста на ССМ континуирано продолжува да биде обележје на синдикализмот во државата.

Сојузот на синдикатите на Македонија (ССМ) денес ги обединува и застапува зедничките општествени,економски и социјални интереси на членството и работниците, а во ССМ се здружени 18 синдикати на повисоко ниво ( Грански синдикати), синдикати-членки и тоа: Синдикат на работниците од агроиндустрискиот комплекс на РМ (АГРО Синдикат); Синдикат на работниците од угостителството, туризмот, комунално-станбеното стопанство, занаетчиството и заштитните друштва на РМ (СУТКОЗ); Синдикат за градежништво, индустрија и проектирање на Македонија (СГИП); Синдикат на работниците од управата, правосудните органи и здруженија на граѓани на РМ (УПОЗ); Самостоен синдикат за здравство, фармација и социјална заштита на РМ; Синдикат на работниците од текстилната, кожарската и чевларската индустрија на РМ (СТКЧ); Синдикат на индустрија, енергетика и рударство на Македонија (СИЕР); Синдикат на работниците од сообраќај и врски на РМ (СРСВМ); Синдикат на хемија, неметали и метали на Македонија (СХНМ); Македонски полициски синдикат (МПС); Синдикат на поштенските и телекомуникациските работници на Македонија (СПТРМ); Синдикат на работниците од трговија на РМ (СРТ); Синдикат за слобоно дејствување на Македонија (ССДМ); Синдикат на финансиските дејности на Македонија (СФДМ); Синдикат на поштенски и телекомуникациски оператори на Македонија (СПТОМ); Синдикат на медиумска информативна агенција – (СМИА); Независен синдикат за образование и наука (НСОН); Синдикат на културата на Р.Македонија (СКРМ);

Сојузот на синдикатите на Македонија е единствениот потписник на Општиот колективен договор за приватниот сектор од областа на стопанството и Општиот колективен договор за јавен сектор, а преку Општите колективни договори обезбедува и уредува поповолни права за сите работници во приватниот и јавниот сектор, додека синдикатите здружени во ССМ имаат склучено 13 колективни договори на ниво на оддел или група (грански колективни договори).

Сојузот на синдикатите на Македонија од 2011 година е полноправен член на Меѓународната конфедерација на синдикатите (ITUC), на Регионалниот синдикален совет СОЛИДАРНОСТ и на Паневропскиот регионален совет на синдикатите од Југоисточна Европа (ITUC-PERK), а од 2015 година е полноправен член на Европската конфедерација на синдикатите (ETUC).

Одбележуваме 80 години борба за секој работник, за секое работничко семејство, за достоинството на трудот, за социјалната правда и за иднината.

Да живее работникот!

Да живее синдикалната солидарност!

Да живее Сојузот на синдикатите на Македонија!

Вработените во трговијата да се охрабрат и да се придружат на ССМ затоа што бројноста на членството на синдикатите здруж...
31/07/2026

Вработените во трговијата да се охрабрат и да се придружат на ССМ затоа што бројноста на членството на синдикатите здружени во ССМ, а со тоа и бројноста на Сојузот на синдикатите на Македонија дава сила за колективно преговарање и склучување на колективни договори во интерес на работниците.

Колективното преговарање и договарање го финансираат членовите на синдикатите, а придобивките од Колективните договори ги уживаат сите !

ПРОТЕСТ НА ВРАБОТЕНИТЕ ВО ГТЦ ЗА ЗГОЛЕМУВАЊЕ НА ПЛАТАНа ден 26.06.2026година, членовите на Синдикатот и вработените во Г...
26/06/2026

ПРОТЕСТ НА ВРАБОТЕНИТЕ ВО ГТЦ ЗА ЗГОЛЕМУВАЊЕ НА ПЛАТА

На ден 26.06.2026година, членовите на Синдикатот и вработените во Градски Трговски Центар АД Скопје излегоа на мирен протест пред управната зграда.

На протестот беше изразено незадоволството поради кое вработените не добиле усогласување на платите согласно на минималната плата.

Протестот беше организиран поради игнорантскиот однос на работодавачот, кој и покрај барањето на Синдикатот, барањето потпишано од повеќе од 110 вработени и барањето од Синдикатот на работниците од трговијата ( СРТ), и покрај зголемувањето на минималната плата на национално ниво, платите на вработените останале непроменети, што директно влијае врз нивниот животен стандард и економска сигурност.

Вработените бараат усогласување на нивните плати за минимални 1.600 денари, а раководството одбива да го прифати барањето и покрај тоа што најголем дел од вработените се на минимална или блиску до минималната плата.

👇
28/04/2026

👇

📍Сојуз на Синдикати на Македонија
🗓 01.05 2026 година (петок)
🕚 11:00 часот

27/04/2026

Дојдете на 1-ви Мај сите заедно на Протест ✊️

🗓 Петок, 🕚 11 часот, 📍Работнички дом

#1мај #протест #работничка #класа #ссм #80години #синдикат

Address

Мирче Ацев бр. 4
Skopje

Opening Hours

Monday 07:30 - 15:30
Tuesday 07:30 - 15:30
Wednesday 07:30 - 15:30
Thursday 07:30 - 15:30
Friday 07:30 - 15:30

Alerts

Be the first to know and let us send you an email when Синдикат на работниците од трговијата - СРТ posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Синдикат на работниците од трговијата - СРТ:

Shortcuts

Share