Сојуз на математичари на Македонија - СММ

22/05/2026

Изборен тест за ЈБМО 2026

Почитувани,

на 22 мај 2026 година, во просториите на ПМФ се одржа тест за избор на македонска екипа за Јуниорската Балканска Математичка Олимпијада (ЈБМО 2026). Во прилог се резултатите од тестот и вкупните резултати (со ЈММО). На веб-страницата се објавени решенијата на задачите со маркинг шема.

Според збирните резултати од ЈММО 2026 и изборниот тест за ЈБМО 2026, македонската екипа на ЈБМО 2026 ја сочинуваат следниве ученици:

MKД 1 ФИЛИП ХАЏИ-ВЕЛКОВ
MKД 2 ДАМЈАН ЧАМУШЕВ
МКД 3 ЗОРАН ИЛИЈОСКИ
МКД 4 КАЛИНА ТОРТЕВСКА
МКД 5 ДАРЈАН МИРЧЕВСКИ
МКД 6 МАРТИН СТОЈАНОВ

Тимот ќе биде предводен од:
• ПЕТАР ФИЛИПОВСКИ, како водач,
• НИКОЛА ЦВЕТАНОСКИ, како заменик водач.

На учениците им посакуваме успешен настап на претстојната олимпијада.

Од Комисијата за натпревари за учениците до 15,5 години

Ваш СММ!

22/05/2026

Државен првак за 6 одделение

Почитувани,

Според резултатите од дополнителното тестирање за избор на државен првак за 6 одделение, за државен првак се прогласува ученикот Глигор Дединец од ОOУ „Јохан Хајнрих Песталоци“, Центар, Скопје.

Ваш СММ!

20/05/2026

Изборен тест за ИМО 2026

Почитувани,

изминатиот викенд се одржа изборниот тест за формирање екипа која ќе нé претставува на 67. Интернационална Математичка Олимпијада, ИМО 2026 (https://www.imo2026.com/).

Во просторија на Природно-математичкиот факултет во Скопје, најдобрите 11 млади македонски натпреварувачи ги решаваa овие 6 задачи од олимписки калибар. На веб-страницата можете да ги погледнете официјалните решенија и распределбата на поени.

Ваш СММ!

20/05/2026

Екипа за ИМО 2026 🌍✨️

Почитувани,

Ова се конечните резултати од изборниот тест за ИМО 2026 и збирно резултатите од ММО 2026, изборните тестови за БМО 2026 и ИМО 2026, со бонус поени за освоен медал на EMO 2026 или БМО 2026. Македонската екипа на ИМО 2026 е:

МКД 1 Дамјан ДАВКОВ

МКД 2 Ивано БОЖИНОВСКИ

МКД 3 Леонид ТОДОРОСКИ

МКД 4 Марко МИТЕВСКИ

МКД 5 Андреј ТАСИЌ

МКД 6 Филип КАЛКАШЛИЕВ

Им посакуваме успех!

Ваш СММ!

14/05/2026

На 19 мај 2026, Математичкото здружение на студенти математичари (МЗСМ), организира групно гледање на два инспиративни филма посветени на животот, работата и влијанието на жените во математиката и науката.

📐✨ По повод Денот на жените во математиката – 12 мај, организираме групно гледање на два инспиративни филма посветени на животот, работата и влијанието на жените во математиката и науката.

🎬 Ќе се прикажуваат:
• Je suis Sophie Germain
• Secrets of the Surface: The Mathematical Vision of Maryam Mirzakhani

📅 Вторник, 19 мај
🕐 13:00 часот
📍 Математички амфитеатар, ИМ, ПМФ

Настанот има за цел да ја доближи математиката до студентите преку приказни за истрајност, љубопитност, креативност и научна посветеност. Преку животните патишта на две извонредни математичарки, ќе имаме можност да разговараме за улогата на жените во науката, значењето на математиката во современото општество и инспирацијата што ја носат ваквите приказни.

👩‍🏫👨‍🏫 Сите студенти од Природно-математичкиот факултет се добредојдени, без разлика на студиската програма или година на студии.

Ве очекуваме на едно интересно и инспиративно дружење! 💙

12/05/2026

WHEN NUMBERS PLAY CHESS 🔢♟️

Почитувани,

Заврши првиот математичко-шаховски турнир во Македонија, WHEN NUMBERS PLAY CHESS. Учествуваа вкупно 30 ученици од повеќе основни училишта во Македонија.
Организатор на настанот беше Младинската Шаховска Школа од Струга.

Група до 10 години
1 место - Андреј Печијарески 🥇
2 место - Ана Бошкоска 🥈
3 место - Давид Илиески🥉

Група до 12 години
1 место - Лука Јовановиќ 🥇
2 место - Матеј Филипов 🥈
3 место - Мартин Талевски 🥉

Група до 16 години
1 место - Коста Попристовски 🥇
2 место - Лука Аџимитрески 🥈
3 место - Јосиф Нелкоски 🥉

Ваш СММ!

11/05/2026

ЈММО 2026

Почитувани,

во прилог се конечните резултати од 30. Јуниорска македонска математичка олимпијада и задачите со решенија.
Честитки до сите учесници за прикажаните знаења.

https://smm.org.mk/wp-content/uploads/2026/05/jmmo-2026-res.pdf

Тестот за избор на македонската екипа за ЈБМО 2026 ќе се одржи на 22. мај (петок) во просториите на Природно-математичкиот факултет (горна зграда) со почеток од 10 часот. На него се поканети најдоброрангираните 15 ученици (ранг 1-12) и треба да бидат пред горната зграда на ПМФ, најдоцна до 9:30.

Комисија за Јуниорска македонска математичка олимпијада и меѓународни натпревари за учениците до 15,5 години.

Ваш СММ!

08/05/2026

Злато и две бронзи за Македонија на БМО 2026 🥇🥉🥉

Почитувани,

Ни претставува особена чест да објавиме дека на 43. Балканска математичка олимпијада (БМО 2026) – која годинава се одржува во Солун, Република Грција – македонската репрезентација постигна одличен успех!

На овој престижен меѓународен собир на млади математички умови, во конкуренција на 148 натпреварувачи, од 25 држави на три континенти, нашата репрезентација се закити со еден златен медал и два бронзени медали.

🥇 ДАМЈАН ДАВКОВ (златен медал; со освоени 31 поен)
🥉 АНДРЕЈ ТАСИЌ (бронзен медал; со освоени 11 поени)
🥉 ИВАНО БОЖИНОВСКИ (бронзен медал; со освоени 11 поени)

Им честитаме и им посакуваме уште многу идни академски достигнувања!

Ваш СММ

08/05/2026

МЕО 2026

Почитувани,

на 30.04.2026, во просториите на ПМФ – Скопје, се одржа Четвртата Македонска Економска Олимпијада МЕО 26.

Учениците покажаа одлични резултати. Им честитаме на сите ученици!

Тимот кој ќе ја претставува Македонија на овогодинешната ИЕО во Кина го сочинуваат:

1. Стефан Младеновски, III година во СОУ „Јосиф Јосифовски“ – Гевгелија

2. Теа Ангелова, II година, Меѓународно училиште НОВА – Скопје

3. Оливера Џамбазова, II година, СУГС „Орце Николов“ – Скопје

4. Георги Јаковлев, III година, ПСУ „Јахја Кемал“ – Струга

5. Ванеса Томова. I година, ПСУ „Јахја Кемал“ – Скопје

Им посакуваме многу успех!

Ваш СММ

05/05/2026

Известување на ЈММО и избор на државен првак за 6 одделение

Почитувани,

Ве известуваме дека ЈММО 2026 ќе се одржи во долната зграда на ПМФ (институт за хемија) во Хемискиот амфитеатар, на 9 мај (сабота), со почеток во 10 часот. Учениците да бидат пред долната зграда на ПМФ најдоцна до 9:30 часот.

Дополнителното тестирање за избор на државен првак за 6 одделение ќе се одржи истиот ден, во долната зграда на ПМФ (институт за хемија) во Хемискиот амфитеатар.

Ваш СММ!